عمر عفيفي معلومات خطيره

[dr.amr]

وصلتنا حالا معلومات مؤكده من مصدر موثوق به

أن الأيام القادمه ستشهد مخطط أجرامي لأحداث بعض الأغتيالات لشخصيات عامه لم تتحدد بعد

كما ستشهد أعمال أجراميه ضد كنائس وضد الأقباط لأثارة البلبله والفتنه الطائفيه
...
محاولة اسقاط حكومة شرف وتقليص دور وسيطرة وزير الداخلية

أحداث بعض التمرد داخل معسكرات الأمن المركزي وفرق الأمن

أغتيال رموز من جماعة الأخوان المسلمين أو رموز اسلاميه دينية لها شعبية

محاولة التخلص من بعض قيادات الداخلية وضباط الداخلية بالأغتيال

أثارة البلبله في الوزارات وتدعيم المطالب الفردية والفئوية

أعدام الأدلة علي كل ما يدين ضباط أمن الدولة واغتيال من لديهم معلومات أو نفذوا عمليات معهم

عدم تواجد ضباط امن الدولة في منازلهم قدر المستطاع وعدم التردد علي الأماكن المعتاد ترددهم عليها مع أرسال أسرهم بعيدا عن محل أقامتهم المعتاده

تدبير خروج بعض ضباط أمن الدولة من الحدود الغربية والجنوبية وميناء السويس وسفاجه ومعبر رفح بشكل منفرد وبجوازات سفر مزورة سيتم تجهيزها بمصلحة الجوازات علي ان تلحق بهم أسرهم بعد نجاح عملية الخروج لهم

نقل عملات مصرية للخارج من فئة 100،200،50 جنيه في كونترات لتدبير معيشتهم بالخارج

التخلص من اللواء حسن عبد الرحمن وهشام ابو غيده وحبيب العادلي ومن يتوقع التحقيق معهم قدر المستطاع وبأستخدام عملاء مدنيين داخل السجون

وانتهي اجتماع لعدد 42 ضابط بأمن الدوله باحد ضواحي القاهرة وتم خروجهم بشكل منفرد لعدم أثارة الأنتباه

لم يتمكن مندوبنا من التسجيل للأجتماع لأنه علم انه يتم تفتيش كل المتواجدين ومنع دخول الموبايلات لمكان الأجتماع وتم تفتيش الجميع لبعضهم البعض بكل دقه وحزم لأنعدام الثقة

كنا نتابع نتيجة الأجتماع مع أمصادرنا بجهاز أمن الدولة والذي تعاون معنا قبل وأثناء الثورة

وكان من اهم عوامل نجاح الثورة وسنكشف عن بطولاته في الوقت المناسب

وستكشف الأيام القليلة القادمه صحة تلك المعلومات أم لا وأرجوكم طباعة والأحتفاظ بها

العقيد/عمر عفيفي

[تامر.محمد]

يعني عايز يقول ان امن الدولة هايعمل على اثارة الفوضى في البلد

ده حقيقي و شغال , و لكم في حادث اطفيح اقرب مثال

[فادى محمد]

الكلام ده خطير جدا ...ياريت يا جماعه حد يوصل النص ده لموقع القوات المسلحه علشان المخابرات العسكريه تبحث فيه وتحبطه ويطمنا انه بعته .

[ezzatfox]

اية مصدر الكلام دة

[aliabutaleb]

بلاش نسمع لعمر عفيفي يا جماعة
ده بغض النظر عن صحة الموضوع من عدمه

[M.Mostafa80]

يمكن يكون المخطط دا كان موجود بالفعل
ومن اثاره حادثه الكنيسه بحلوان واثاره الفتنه فيها
ومن خلال العربيه اللى اتصورت لأحد قيادات امن الدوله وهى محمله بأثار
لكن بيتهيئلى بعد سيطره القوات المسلحه عليهم صعب التنفيذ
وكون ان المخطط دا اتكشف يبقى بردو اصبح تنفيذه فى صعوبه شويه
وبالنسبه لأخى الفاضل ابو حمزه الراجل ده مفيش معلومه قالها التفره اللى فاتت وطلعت غلط بما فيهم وجود عناصر اعلى المبانى بميدان التحرير واطلاق زجاجات المولتوف وطلقات ناريه من خلال قناصه
وعمتا الأيام جايه واللى نصيب فى حاجه هيشوفها
بسم الله الرحمن الرحيم
يمكرون ويمكر الله والله خير الماكرين
صدق الله العظيم

[dr.amr]

الراجل ده انا بثق في ثقه كبيره جدا

[fepsceasar]

بصراحة الحذر واجب ومتهيالى ننشر الكلام ده على موقع المجلس الأعلى والوزارة، ايه رايكم
والحرص واجب
واى حد ناوى يشارك او يعرف حد ناوى يشارك فى مظاهرة فئوية يفهموا ويحاول يثنيه عن اللى ناوى يعمله

[kh_talaat]

فعلا كلام خطير ومنطقي جدا حدوثه ... مع الأسف

ولازم نبلغ القوات المسلحة لأنها الجهة الوحيدة حاليا اللي في ايديها التعامل وبقوة مع افراد امن الدولة

[تامر.محمد]

انا شايف ان المظاهرة اللي قدام ماسبيرو دي جزء من الموضوع ده

الواضح ان ازلام النظام القديم عايزين يخربوا البلد , و طبعا لما الحكومة اللي كانوا منتظرين تظبط لهم البلد وقعت هايبدأوا يحاولوا يخربوا البلد للحكومة الجديدة

[fepsceasar]

ربنا يوفق شرف فى مهمته ويجعل تدميرهم فى تدبيرهم

[Col. Eng. Khaled]

مش عارف ليه سيادة العقيد حاطت على الفيس بوك رقم موبايل للتواصل معه مكون من 13 رقم ؟

[mikho83]

على فكرة يا جماعة، الراجل ده أول واحد قال إن تفجير كنيسة القديسين من تخطيط العادلي وطلع كلامه صح. لازم ناخد كلامه على محمل الجد. يا ريت لو نقدر نبعت للمجلس العسكري أو أي حد يعرف يوصل صوتنا للقوات المسلحة.

[Amgad64]

طالما لم يتم القبض على مبارك واسرته و سليمان و صفوت وعزمى وسرور فأن كل الاحتمالات وارده , خاصه و ان هنالك الكثير من الدلائل على ان بعض من أولى الامر قد تباطؤ فى اتخاذ الاجراءات الكفيله بتحيد هذه القوى المضاده للثوره , على طريقه ان التسويف يساعد على التستيف , فعلى سبيل المثال قدمت شكاوى عديده للنائب العام ضد اسره مبارك ,وفتحى سرور وصفوت الشريف وزكريا عزمى وعمر سليمان , ولكنه بدل من البدء فى استجوابهم والتحقيق معهم وحبسهم على ذمه التحقيق, قام بطلب معلومات من الجهاز المركزى للمحاسابات والذى قام رئيسه بأغلاق ابوابه وتأجيل تسليم تلك المستندات الى النائب العام و هكذا , بينما قام النائب العام بالتحقيق مع أحمد عز بدون أتخاذ تلك الاجراءات. هل هذا تعاطفا من النائب العام مع فتحى سرور حيث انها كان ضمن اللجنه التى منحت النائب العام درجه الدكتواره ام ان هذا محض صدفه و اجراءات لابد من تطبيقها وماذا عن البقيه!
لا استطيع التيقن من سر تأجيل القبض على هؤلاء ولكن الواضح للعيان انهم من أخطر القائميين الان على الثوره المضاده و ينبغى تحيدهم على الاقل فى هذه الفتره للحد من الفتن والاضطرابات التى قد تعصف بالبلاد

[sherif_taher]

طيب ليه سياده العقيد ما وصلشي الكلام ده للقوات المسلحه واعلنه على الناس واللي اعتقد هيتسبب في ارباكنا وتفسيرنا لحاجات كتيره ممكن بشكل غلط...يا ريت حد يقول له الكلام ده ان ما كانشي هو عمله اصلا....شكرا