اللي هجموا على كنيسة أطفيح لا يمثلوني كمصري مسلم، ومستعد لإعادة بناءها بيدي

[Ahmed Anwer]

جُمعـــة الأخــوّة | ثورة 25 يناير السِلمية مستمرة

‫ط¬ظڈظ…ط¹ظ€ظ€ظ€ط© ط§ظ„ط£ط®ظ€ظ€ظˆظ‘ط© | ط«ظˆط±ط© 25 ظٹظ†ط§ظٹط± ط§ظ„ط³ظگظ„ظ…ظٹط© ظ…ط³طھظ…ط±ط© | Facebook‬

دي مبادرة لكل واحد يقدر ينزل يصلّي الجمعة في قرية "صول" بأطفيح, في حلون.. وبعد الصلاة كلنا نتجه لمكان كنيسة أطفيح ونساهم في بناءها.. هاننزل يا شباب ونقابل أخوتنا وأهلنا هناك ونتكلّم معاهم ونناقشهم في خطورة أى إستثارة مش محسوبة, وإن اللي بيجمعنا أكبر بكتير أوي من اللي بيفرّقنا, ده إحنا مصريين.. كل مكان في مصر هايكون المخرّبين عايزين يخلوه بؤرة نار, إحنا بمشيئة الله سبحانه وتعالى هانخليه نقطة حُب ونور.. أى مصري غلط لازم يتحاسب بالقانون والعدالة, لكن لا إعتداء على مسجد ولا كنيسة مقبول.. أخوك المسيحي حماك بإنجيله وإنت بتصلّي في التحرير, وإنت حميته بقرآنك وهو بيصلّي هناك.. كنا في التحرير, والنهاردة في أطفيح

[hossaam]

سؤال..هو لسه فيه مسيحيين معتصمين عند ماسبيرو؟؟؟!!!
لو الاجابة نعم...يبقى السؤال التالي..لماذاااااااا؟!!!

[د.أبونضال]

هل يقبل أهل إطفيح أن يُكتب عنهم في كُتب التاريخ أن قريتهم كانت السبب في فشل الثورة المصرية؟

[yascro]

جُمعـــة الأخــوّة | ثورة 25 يناير السِلمية مستمرة

‫ط¬ظڈظ…ط¹ظ€ظ€ظ€ط© ط§ظ„ط£ط®ظ€ظ€ظˆظ‘ط© | ط«ظˆط±ط© 25 ظٹظ†ط§ظٹط± ط§ظ„ط³ظگظ„ظ…ظٹط© ظ…ط³طھظ…ط±ط© | facebook‬

دي مبادرة لكل واحد يقدر ينزل يصلّي الجمعة في قرية "صول" بأطفيح, في حلون.. وبعد الصلاة كلنا نتجه لمكان كنيسة أطفيح ونساهم في بناءها.. هاننزل يا شباب ونقابل أخوتنا وأهلنا هناك ونتكلّم معاهم ونناقشهم في خطورة أى إستثارة مش محسوبة, وإن اللي بيجمعنا أكبر بكتير أوي من اللي بيفرّقنا, ده إحنا مصريين.. كل مكان في مصر هايكون المخرّبين عايزين يخلوه بؤرة نار, إحنا بمشيئة الله سبحانه وتعالى هانخليه نقطة حُب ونور.. أى مصري غلط لازم يتحاسب بالقانون والعدالة, لكن لا إعتداء على مسجد ولا كنيسة مقبول.. أخوك المسيحي حماك بإنجيله وإنت بتصلّي في التحرير, وإنت حميته بقرآنك وهو بيصلّي هناك.. كنا في التحرير, والنهاردة في أطفيح

قبله على جبين من فكر ونفذ
قبله على قدم كل من سيشارك و يذهب
قبله على يد من سيبنى ويصلح
مصرى وافتخر

[yascro]

هل يقبل أهل إطفيح أن يُكتب عنهم في كُتب التاريخ أن قريتهم كانت السبب في فشل الثورة المصرية؟

لاهل اطفيح

لو كنت واحد مننا بلاش تزعق وتقولنا
اننا ننسى حلمنا

[khaled_sabry]

متفق طبعا

[otefa]

http://www.nilemotors.net/Nile/205878-a.html

[fepsceasar]

محضر خير يا استاذ اوتيفا، رابط لموضوع هائل

[AshTurbo]

أتمنى أن أحساسنا ومشاعرنا الطيبة دي توصل لكل المسيحيين الطيبين ونعرف أننا كلنا في مركب واحد لو غرق هنغرق كلنا ولو أيدينا بقت في أيد بعض هنوصل بالمركب دة لبر الأمان .

[yascro]

محمد انت معانا ولا مع التانيين

[د.أبونضال]

موقع اقباط متحدون: مخبر بأمن الدولة هو من حرض على حرق الكنيسة وكان بين 19 شخصا قاموا بإحراقها

[Mo.Kareem]

وانا معاكوا وربنا يهدى الناس

[yascro]

وانا معاكوا وربنا يهدى الناس

اللهم امين

[otefa]

محمد انت معانا ولا مع التانيين

طبعا معاكم يادياب تانيين مين!!

أكيد معاكم طبعا ربنا يهدي الأحوال

محضر خير يا استاذ اوتيفا، رابط لموضوع هائل

الله يخليك ويجعلنا جميعا محاضر خير كلنا هدفنا واحد أن شاء الله الأمور تستقر ومصر تبقى على الخط ألي كلنا بنتمناه لبلدنا

[M_selim]

الى كل أخوتنا المسلمين

أحنا كمسيحيين سعداء بشكل غير عادي بتكاتف كل المسلمين الشرفاء العقلاء معنا فيما حدث , انا متأكد تمام التأكد ان وراء حادثة هدم الكنيسة و حرقها ضباط أمن الدولة و المحافظ اللي هو أصلا كان عضو في الحزب الوطني و كان عضو مجلس شعب و تمت ترقيته الى محافظ لحلوان بعد أعتبارها محافظة .
....................................
للأسف الشعب أراد اسقاط النظام لكن النظام مازال يعمل لان المحافظين مازالوا موجودين و كلهم كما نعلم لوءات شرطة و منهم تلامذة حبيب العادلي خاصة محافظ المنيا احد أكبر مثيري الفتنة الطائفية بمصر .

أحنا كلنا كمصريين شفنا عمل ايه حبيب العادلي بينا كلنا مسيحيين و مسلمين و أزاي فتحوا النار على المتظاهرين وقتلوا أكثر من 300 شهيد زي ما قتلوا من قبل خالد سعيد و ضحايا كنيسة القديسين و غيرهم الكثير .

دلوقتي بعد اقتحام مباني أمن الدولة و استقالة أحمد شفيق و كان تلميذ الرئيس السابق أراد أمن الدولة أن يتركها والعة بنظام :

علي و على اعدائي .

على فكرة أنا أعتصمت في ماسبيرو و بأطلب من كل أخ مسلم ينضم لينا لاننا مش هنقدر نعمل حاجة من غير وقوف أخوتنا المسلمين معانا زي ما كنا مع بعض في الثورة و كنا قبل كده مع بعض في المدارس و الجامعة سويا و زي آبائنا ما كانوا مع بعض في حرب 67 و حرب 73 لازم نكون مع بعض في دي كمان لان أمبارح طلع شوية بلطجية في منشية ناصر و ضربوا بعض المسيحيين المتظاهرين و للأسف جروا رجل مسيحيين منشية ناصر و أغلبهم بيفك الخط بالعافية , جروا رجلهم لمعركة
تبدو كأنها طائفية نتج عنها 13 قتيل من الجانبين و 140 جريح من أبناء الوطن و أنا واثق أن النظام الاسبق و ضباط أمن الدولة بيقولوا في سرهم : أحسن خليهم ياكلوا في بعض و ياريت تولع بيهم علشان وقفوا ضدنا .

محتاجين تعضيد أخوتنا المسلمين يوم الجمعة علشان اللي حصل من اعتداء على كنيسة صول و تهجير آلاف المسيحيين من القرية ينتهي و نبعد عن أي حاجة تفرقنا لان اتحادنا هو اللي هيبني بلدنا و هو اللي هيمنع أي حاكم او نظام تاني يلهينا بالفتنة علشان يتفرغ لسرقة بلدنا

ميشيل سليم
-----------------
اتهاماتك الباطلة لجموع السلفيين والتى تستفز غالب الأعضاء ستعامل بالحذف وتطبيق قواعد المنتدى
م ع 7