يا رب ده يتعمل فعلا !!!!!!!!!!

[cheetos_892005]

سمعت وزير الداخليه من شويه بيقول :

1- هيبقى فيه من بكره دوريات من الامن المركزي ((المسلح )) لتامين كل الطرق . زي المحور و الدائري

2- نزول الشرطه بكامل قوتها . قريبا جدا ممكن بكره برده

والله يا ريت .. هنشوف .

ملحوظه : مهما كانت قوة الجيش ..مش هيعرف حد يجيب البلطجيه دي غير الشرطه والمباحث اللي حافظينهم اسم اسم و مكانهم ... و يا ريت يكون بالتعاون مع الجيش و الشرطه العسكريه

[otefa]

[mr_vampire]

تسلم ايدك ياباشا عالخبر ده وياريت فعلا يكون صحيح وجاري تنفيذه.

كان من شوية في مداخلة عالعاشرة مساءا من صحفي ( مش فاكر اسمه ) سأل سؤال بسيط اووووووووووووووي ولو جاوبنا عليه خلاص خلصت .

انتا عندك اكتر من 500 الف عسكري امن مركزي كانت وظيفتهم الاساسية زمان انهم يترصو زي الطوب عالطرق لما الرئيس المخلوع يطلع في مسيرة من اول مكان تحركه لحد مكان وصوله.

وكانو بينزلو ضرب فالطلبة المحترمين بتوع الجامعات لحد مايكسرو عضمهم.

فين العساكر ده دلوقتي ؟؟؟؟؟؟؟؟؟؟؟؟؟ العساكر ده لو نزلت الشارع مش كفيلة انهم تظبط الامن ولو حتي بنسبة 70% والجيش يكمل. ده كفاية بس تواجد كام عسكري وكام عربية فالشارع كفيلة انهم ميدخلوش بلطجية فالمنطقة ده كلها ولا تدريبات وتعليمات الامن المركزي علي ضرب اي حد ماعدا البلطجية.

[fiat128man]

انتا عندك اكتر من 500 الف عسكري امن مركزي كانت وظيفتهم الاساسية زمان انهم يترصو زي الطوب عالطرق لما الرئيس المخلوع يطلع في مسيرة من اول مكان تحركه لحد مكان وصوله.

مليون وربع عسكري أمن مركزي .

[mr_vampire]

مليون وربع عسكري أمن مركزي .

ههههههههههههههههه نفس الرد اللي ردته ( مني الشاذلي ) وقالها مليون ونص عسكري في جهاز الشرطة وأكتر من 500 الف فالامن المركزي وحده.

أيا كان ياباشا كفاية ينزل منهم 200 الف بسسسسسسسسسسس بس ينزل الراجل منهم مش المان وهي هتتظبط ان شاء الله.

[nour_nrc]

+1111111111111111111111111111111111111111111111111 1111111111

[OmaR_FekrY]

يا مسهل يا رب

[محمد المصرى]

الشرطة نزلت القاهرة الجديدة عامله فرح بصوت السرينة

وبتلف فى الشوارع

[WalidAdel]

انا ارد عليك بقي في دا لاني والله العظيم شفتهم بعيني امبارح وانا جاي من الزقازيق و خارج علي طريق الاسماعليه ببمشي يمين علي اخش علي اطلع الكوبري الجديد اللي بيعدي من فوق الدائري ثو الي كوبري الحرفين و هكذا وانا فوق الكوبري الجديد بالظبط بتبص شمالك كده بتلاقي الكتيبه التالته امن مركزي و بتبص علي المعسكر كله من جوه و الله و الله و الله كان في ماتش كوره جوه المعسكر علي الرمل
بصيت كده و قولت لوالدي مافيش فايده في البلد دي الامن المركزي بيلعب كوره واحنا مسافرين علي الطريق و معانا السلاح و نايمين في البيت و السلاح تحت المخده ..... حسبي الله و نعم الوكيل

[medo_2060]

ياريت فعلا يتعمل كدا .. كان بيقول كدا فين ياباشا؟

[Ahmed_Elkhateb]

يسمع من بؤك ربنا

[ahmed1981]

أنا من النهاردة بدأت ألاحظ نزول الشرطة في الشارع وفي القسم

ياريت الناس تتعاون

وتأكدوا أن الثورة المضادة ستحاول بكل الطرق زيادة الجرائم وضرب رجال الشرطة

فلنكن إيجابيين

ولو سواق مكروباص شارب وسكران إتخانق معاهم نقف مع الشرطة