جمعة الوحدة الوطنية

[تامر.محمد]

نقلا عن ائتلاف شباب ثورة الغضب - 25 يناير

احشدوا الى يوم جمعة الوحدة الوطنية غدا الجمعة .
نرجوا احياء روح مسلم مسيحى يد واحدة حتى لا تجهض الثورة من المنتفعيين الذين لا يهنأ لهم بال الا باجهاض ثورة مصر العظيمة ابذلوا جميع المساعى لايقاف هذه الفتنة المندسة من امن الدولة واولياء امن الدولة من رجال الاعمال الفاسديين والحزب الوطنى المستبد.
غدا نحن مع اخواننا الاقباط يد واحدة ولا اجهاض لثورة مصر العظيمة بشعبها وناسها.





â€ڈط§ط¦طھظ„ط§ظپ ط´ط¨ط§ط¨ ط«ظˆط±ط© ط§ظ„ط؛ط¶ط¨ - ط«ظˆط±ط© ظ¢ظ¥ ظٹظ†ط§ظٹط±'s Photos - Wall Photosâ€ڈ | Facebook

[م. حاتم السباعي]

دعوة محمودة للتكاتف من اجل الوطن و لنبذ العصبية
و لو اني اعترض علي التجمع في التحرير لان التظاهر معلق حاليا
لان من يريد احداث اكبر فتنة في تاريخ العالم لن يجد افضل من هذا التجمع للضرب في الصميم مع حالة الانفلات الامني الحالية
و اري ان مثل هذه الاحداث الرد عليها يكون عملي
يعني يحصل تغيير فعلي في النفوس و في الخطاب الديني
خطب الجمعة تشتغل علي ذلك
و كذلك الخطاب الديني في الكنائس
لان مثل هذا التجمع الذي طول عمرنا بنشوفه
اثناء الاحتفالات الدينية لكلا الطرفين لم يغير الشحن اللي في النفوس
و العدل الذي نريده الان هو ما سيجعل كلا الطرفين يهدي من نفسه
و عليه فأن الامور كلها بأذن الله مجرد وقت بسيط
حتي تستقر الدولة (( الحرة التي يقام فيها العدل ))
و قتها لن يضار احد في رأيي
عموما ربنا يوفق و سواء تم التجمع في التحرير او في المريخ المهم تعود روح التعاون و الود الي سابق عهدها

م.حاتم السباعي

[AmAhmed]

جزاك الله خبرا
لكن التظاهر معلق لمدة اسبوعين
ارجو ان نلتزم جميعا بذلك

[ams]

انا لن أحتشد :)

[تامر.محمد]

سلام عليكم
انا التزمت بنص البيان و نقلته للناس تشوفه
و طبعا رأي كل واحد من حقه

م. حاتم
ردي على نفس المنطق اللي انا شايفه صحيح بالفعل في موضوع تاني خلاصته ان اعمال الشغب هدفها منع الناس من النزول لكتم اي صوت او ضغط شعبي , فلو الناس نفذت و قعدت في البيت يبقى اللي بعت البلطجية هايبعت لنا جواب شكر , المطلوب ايه طيب , ايجاد حل يحقق المعادلة , يمنع الاندساس و اثارة الشغب , و في نفس الوقت يبقي على الضغط الشعبي زي ما هو

[tamatemo]

انا مش عاوز مظاهرات

احنا عاوزين نقعد مع بعض ونتكلم بصراحة علشان نخلص وننتهي

هاقعد مع المسيحي واساله انتا خايف من ايه وافهم وجهة نظره واطمنه


ويقعد معايا ويسمع مني انا خايف من ايه وقلقان من ايه

ونعمل خارطة طريق وتعهدات والله اللي بيضايقك مني مش هاعمله
واللي بيدايقني منك مش هاتعملوه

ويبقي كدا حلينا الموضوع
بس الناس اللي تقعد ناس فاهمة ومعتدلة مش متعصبة للراي

[تامر.محمد]

انا مش عاوز مظاهرات
احنا عاوزين نقعد مع بعض ونتكلم بصراحة علشان نخلص وننتهي
هاقعد مع المسيحي واساله انتا خايف من ايه وافهم وجهة نظره واطمنه
ويقعد معايا ويسمع مني انا خايف من ايه وقلقان من ايه
ونعمل خارطة طريق وتعهدات والله اللي بيضايقك مني مش هاعمله
واللي بيدايقني منك مش هاتعملوه
ويبقي كدا حلينا الموضوع
بس الناس اللي تقعد ناس فاهمة ومعتدلة مش متعصبة للراي

اللي انت بتقوله ده حاجة اشبه بمؤتمر شعبي
صح ولا انا غلطان ؟

[tamatemo]

صح مؤتمر شعبي للكل الناس وفي كل منطقة

يعني مثلا نعمله هنا عندنا بين اعضاء المنتدي

انا معجبنيش حاجة دخلت كتبتها لجورج وقولته انها مضايقاني "في موضوع شكوي مش للادارة"


دا اللي مفروض نعمله نتصالح مع نفسنا
نتحرك ونعمل حاجة
مش نعمل مظاهرات

كل واحد يمسك جاره ويشوف لو مضايق من حاجة
دا النبي وصي علي الجار ولو كافر مش صاحب ديانة سماوية

[mr_vampire]

انا مش ضد التجمع السلمي للهدف في حد ذاته بس رايي ان احنا كدة بندي كلاب النظام السابق هدية وعلي طبق من فضة انهم يثيرو فتنة فالنص.

تخيلو كدة لو دخل بلطجية في نص المسلمين والمسيحيين المتجمعين علي قلب رجل واحد وقام بضرب نار واصابة ناس علي حد هيسال ده مسلم ولا مسيحي.

رأيي شخصي: لو فعلا عندنا القناعة اننا وحدة وطنية يبقي نلتزم بيوتنا اليومين دول حتي يتم القبض علي بواقي النظام المخلوع وبواقي أمن الدولة ويبقي كدة ضربناهم في مقتل ان ترتيبهم ممشيش علي التخطيط اللي رسمينه.

وبعد كدة نتجمع ونحتفل براحتنا.

ربنا يعديها علي خير

[ehab_mansour]

دعوة محمودة للتكاتف من اجل الوطن و لنبذ العصبية
و لو اني اعترض علي التجمع في التحرير لان التظاهر معلق حاليا
لان من يريد احداث اكبر فتنة في تاريخ العالم لن يجد افضل من هذا التجمع للضرب في الصميم مع حالة الانفلات الامني الحالية
و اري ان مثل هذه الاحداث الرد عليها يكون عملي
يعني يحصل تغيير فعلي في النفوس و في الخطاب الديني
خطب الجمعة تشتغل علي ذلك
و كذلك الخطاب الديني في الكنائس
لان مثل هذا التجمع الذي طول عمرنا بنشوفه
اثناء الاحتفالات الدينية لكلا الطرفين لم يغير الشحن اللي في النفوس
و العدل الذي نريده الان هو ما سيجعل كلا الطرفين يهدي من نفسه
و عليه فأن الامور كلها بأذن الله مجرد وقت بسيط
حتي تستقر الدولة (( الحرة التي يقام فيها العدل ))
و قتها لن يضار احد في رأيي
عموما ربنا يوفق و سواء تم التجمع في التحرير او في المريخ المهم تعود روح التعاون و الود الي سابق عهدها

م.حاتم السباعي

اتفق مع رأيك بشدة يا باشمهندس
وربنا يهدينا الي سواء السبيل
يا اخوة عايزين نرحم الناس اللي بتحمي مصر شوية ارحمو الجيش ورئاسة الوزاراء شوية وسيبوهم يشوفو شغلهم لا تتخيلو القلق اللي بيحصل لهم بسبب هذه التجمعات لتأمينها وحمايتها
ورأيي ان كل واحد عنده مشكلة في منطقته يحلها ويعقد مؤتمر شعبي ولكن كل في منطقته وليس في التحرير حتي لا يستطيع منتهزي الفرص للتخريب والبلطجة واشعال الفتن في العمل لهذا لأن الخطة اتغيرت بتغيير المكان