حديث البرادعى ....و.... عجينة الفلاحة

[Mahmoud Saloum]

الناس ظبتتك :d:d:d
مش لاقي حاجة اقولها

أرجو أن يكون مستوى الحوار أرقى من ذلك احنا مش قاعدين على قهوة. وكمان مثل ردودك فعلا تسيئ الى مؤيدى البرادعى و معظمهم ناس محترمة ومثقفة.

[aboelnagah]

ودان شبه الحمار

لا يسخر قوم من قوم

وقوم بص فى المرايه كويس

اتعيب الخالق , ام المخلوق ؟؟؟؟ طبعا اكيد انت مفهمتاش

[Ayliz_2009]

أرجو أن يكون مستوى الحوار أرقى من ذلك احنا مش قاعدين على قهوة. وكمان مثل ردودك فعلا تسيئ الى مؤيدى البرادعى و معظمهم ناس محترمة ومثقفة.

اذا كنت انا من مؤيدي البرادعي مش فاعم يعني انا كده ب اسئ لنفسي يعني ولا ايه ؟؟
و بعدين يا سيدي اعتبرنا قاعدين على قهوة مش لازم يعني لغة عربية و نتكلم رسمي و القاب ايه المشكلة :]

[Mahmoud Saloum]

لا يسخر قوم من قوم

وقوم بص فى المرايه كويس

اتعيب الخالق , ام المخلوق ؟؟؟؟ طبعا اكيد انت مفهمتاش

+++++++++++++1111111111111111

أنا معك تماما فلا يجب ان يعاب على الشكل او طريقة الكلام او غير ذلك من الاشياء التى لا ذنب لنا فيها ومن الممكن ان نصاب بها لولا ان فضلنا الله. الكلام والنقاش فى الافكار والاهداف والاستراتيجيات فقط.

[M.Elwan]

1- "أنا اشتراكى ديموقراطى" تعبير يعنى سمك لبن تمر هندى فلا يمكن الجمع بين النقطتين معا فى جملة واحدة لتعبر بها على اتجاهك تمام كأن تقول أنا أسمر البشرة أبيض اللون ؟؟ ثم ما معنى اشتراكى و ان الاشتراكية فى كل العالم كانت نواه للديكتاتورية مع بعض الاستثناءات فى بعض الدول الاوروبية التى وبعد عقود طويلة من الممارسات وصلت الى مكان اشتراكى رأسمالى. أظن وكان يعتقد الكثيرون أن البرادعى ليبرالى يسارى أو اذا اراد ان يقترب من الفقراء ان يقول انه يقف على مسافة واحدة بين الاشتراكية والرأسمالية إنما اشتراكى ديموقراطى كانت فجأة --- فجأة فجأة يعنى.

2- بعدما استطعت ان استعيد توازنى من فجأة "اشتراكى ديموقراطى" دى فوجئت فجأة جديدة وهى ان سيادته ضد مجانية التعليم وانه يفضل اعطاء قرض على 25 سنة للاسر لتعليم ابنائها ... حاجة غريبة يبقى اشتراكى ازاى ويبقى ضد مجانية التعليم؟ وهل الاسر الفقيرة و ساكنى العشوائيات وهم اغلب الشعب المصرى تقدر تاخد قروض لتعليم ابنائها؟؟!! و رجع بيقول انه ممكن يكون فيه منح لغير القادرين ... المنح دى يا برادعى تعطى للبعض وليس للمعظم ؟

هو كان واضح فى النقطة جدا هو قال مثال بسيط ان القطاع الخاص لو بقى بيشغل كل اتوبيسات النقل العام لو فى قرية صغيرة الاوتوبيس مش حيقف فيها لانها لن تحقق ربح للشركة عشان كده دور الدولة فى توفير الخدمات اساسى
والقطاع العام يعود تانى عن طريق شركات مساهمة واصحاب اسهمها هما الموظفين فيها


5- بسؤاله عن كامب ديفيد وعن انسحاب مصر من المعاهدة الدولية لمنع الانتشار النووى كانت ردوده مخيبة للأمال وتتبنى نفس السياسة المذعنة والخاضعة التى كان يتبناها مبارك. وعندما نبهه فودة ان عمرو موسى له موقف من المعاهدة وانه طلب مراجعتها قال البرادعى انه يعرف موقف موسى ؟؟؟ اه وبعدين يعنى؟!!

دول نقطتين مش نقطة واحدة
الاولى كامب ديفيد قال ان كان فيها شروط مجحفة وان اسماعيل فهمى رفضها واستقال وهو كان ليه نفس التحفظات وترك الخارجية من وقتها واعتقد ان اغلبنا عندهم تحفظات على كامب ديفيد
التانية معاهدة منع الانتشار النووى هو قال ان وقت توقيع الاتفاقية كان من الممكن ان نطلب ان لا نوقع الا عندما توقع اسرائيل
ولكن وقعنا رغم علمنا المسبق ان اسرائيل لن توقع
عن راى عمرى موسى ان ممكن ان لا يجدد الاتفاقية او ينسحب منها قال ان الانسحاب من الاتفاقية الان ليس له سوى معنى واحد فقط هو ان مصر تريد سلاح نووى وهذا ليس من خطط مصر

6- عندما اتى الحديث لموضوع العراق اذا بالبرادعى يؤكد انه قال ان العراق ليس بها مواد نووية و انه لم يعطى الضوء الاخضر لأمريكا لضرب العراق . طيب كل ده معروف من زمان ! المشكلة يا برادعى كانت فى فرق التفتيش اللى كان يقال انها مجموعات من السى أى إيه وانه استطاعت بدخولها الى اماكن لم تكن تستطيع المخابرات الامريكية دخولها بدون حجة التفتيش مثل القصور الرئاسية وبعض الاماكن العسكرية الهامة والتأكد من قدرات العراق الحقيقية مما سهل كثيرا واعطى الضوء الاخضر لاحتلال العراق.

هو قال نقطة هنا مهمة ان العرب كان فى استطاعتهم وقف الحرب وان مبارك ابلغ الولايات المتحدة وابلغة هو شخصيا ان صدام يمتلك اسلحة بيولوجية
المعلومة دى اتقالت على لسان بوش نفسه والفيديو حتلاقيه على اليويتيوب


10- المادة الثانية فى الدستور؟ انا لم اعرف فى النهاية هل هوا معاها ولا ضدها؟ واللى فهمته فى النهاية انه مفيش مشكلة انها تتساب زى ما هيا ؟ ليه لأنها بتعمل حساسيات؟؟؟ ياترى الحساسيات دى مع مين يا برادعى؟؟

قال ان مبادىء الشريعة الاسلامية هى تضمن العدالة والمساواة والصدق والامانة وتشمل جميع القيم الانسانية والتى يعتز بها اى شخص فى العالم ولا يعترض احد على هذة المبادىء
وان تطبيق هذة المبادىء تطبيق فعلى هو الذى سيمنع الفقر ويحقق المساواة
ولكن عندما كان يتحدث عن الحساسية فى الموضوع كان يتحدث عن نقطة ان الدولة دينها الاسلام فهذة نقطة لا يجب مناقشتها لانها ليس لها تأثير عملى على الدولة حيث ما معنى ان مؤسسات الدولة مثل وزارة الصحة مثلا دينها الاسلام وان غالبية الشعب مسلم
والمساواة بين المواطنين هو المهم

11- البرادعى الذى اكد فى كل مقابلاته قبل وأثناء الثورة أنه لن يترشح للرئاسة وانه لا يريد الا ان يضع مصر على اول طريق الديموقراطية وانه ليس له أى هدف شخصى أو مأرب سياسى. عاد ليعلن اعتزامه على الترشح للرئاسة !!!فهل يمكن الثقة فى رجل ليست له كلمة و لا يحفظ وعده

؟؟؟؟؟
عمره ماقال ان مش حيترشح للرئاسة انا متابع حواراته من زمان ودايما كان بيقول نفس الكلام انا لن اترشح بهذة القواعد التى تجعل من اى انتخابات مسرحية هزلية ومن يشارك فيها يكون متامر فيجب تغيير قواعد اللعبة حتى تكون هناك انتخابات حقيقة

[HAMZAWY]

مع اعتذارى الشديد

انا شايف ان الناس اللى بتهاجم البرادعى فى الموضوع ده يا اما ناس اتنقل لها كلام ماسمعتش بودانها وشافت بعنيها او ناس بتتريق على خلق الله وفى الحالتين بيتهيالى الرد او الاقناع مضيعة وقت

[medo_2060]

بصراحه كل معارضى البرادعى مش لاقيين حجج منطقيه يعارضوا الراجل بيها

[Qmax]

مع اعتذارى الشديد

انا شايف ان الناس اللى بتهاجم البرادعى فى الموضوع ده يا اما ناس اتنقل لها كلام ماسمعتش بودانها وشافت بعنيها او ناس بتتريق على خلق الله وفى الحالتين بيتهيالى الرد او الاقناع مضيعة وقت

والله انا كنت ممتنع عن الرد فعلا لهذا السبب ورديت عشان أعلن تأييدي لرأيك انت والاخ ميدو

بصراحه كل معارضى البرادعى مش لاقيين حجج منطقيه يعارضوا الراجل بيها

متفق معاك

[MaZaGAngeE]

مينفعش رئيس اطلاقا

ده مش عارف يجمع جمله مفيده على بعضها

مش عايزين رئيس بيتكلم
عايزين رئيس بيشتغل
شبعانا كلام عايزين شغل

[mohamed_hamdi]

السلام عليكم جميعا
اسمحولي أنظر لحديث د. البرادعي من وجهة نظر أخرى هي المقارنة مع عمرو موسى. وجهة نظري الشخصية مع كامل الاحترام لمؤيدي عمرو موسى أنه متلون و ممسك دائما بالعصا من المنتصف لضمان تحقيق كل المكاسب غير طبعا ارتباطه نظريا بمبارك كوزير خارجية سابق كل ميزته الكاريزما و مهاجمة اسرائيل فقط لكسب التعاطف,
على الجانب الآخر د البرادعي أول من جاهر علانية بوجوب حدوث تغيير رئاسي في مصر و كان دايما مواقفه محددة بدون مسك العصا من المنتصف و عمل رعب حقيقي للنظام المباركي من لحظة اعلانه رغبته في الترشح من حوالي سنة وفقا لتعديلات دستورية و هو رجل أكاديمي دو فكر منظم و هو ماتحتاجه البلد بشدة على الأقل لأول فترة رئاسية 4 سنين كتجربة.
باقي المرشحين الحاليين مع الاحترام لهم ، لا أجد منهم من يستحق اعطائه صوتي كمصري مع احترام آراء الآخرين.