السمك اللى عندى فى الحوض مات ومش عارف ليه

[bakkoor]

السلام عليكم
انا عندى حوض سمك بقاله حوالى 7 شهور عرضه واحد متر كنت بهتم بيه وبعدين اهملته المهم نضفته وغيرت الميه وغليت كب حاجه يعنى عملت كل الخطوات الصح والكلام ده من حوالى خمس اسابيع من حوالى 10 ايام جبت نوع سمك شكله زى البلطى بس على نحاسى شويه وصغير من حوالى خمس ايام لاحظت ان السمك بدا يتجمع فى ركن الحوض تحت وبدا السمك لونه يبهت ويموت واحد ورا التانى وماكنتش عارف اعمل ايه
ممكن حد يقولى ايه اللى حصل وايه اللى خلى السمك يبهت ولونه يقلب على ابيض ولونه يتحول مع العلم ان السمك النحاسى لسه مامتش

ياريت حد يفدنى ويقولى اعمل ايه وشكرا

[tamatemo]

علي حسب قرايتي المحدودة تقريبا فيه طريقة معينه تتعمل قبل ما تحط السمك الجديد في الحوض علشان يتيكيف علي نوعية المية وعلي درجة حرارتها

[bakkoor]

علي حسب قرايتي المحدودة تقريبا فيه طريقة معينه تتعمل قبل ما تحط السمك الجديد في الحوض علشان يتيكيف علي نوعية المية وعلي درجة حرارتها

ايوه انا عارف وعملتها والدليل ان السمك فضل صاحى 5 اسابيع وبعد كده مات

[tamatemo]

مقدرش افتيك لاني معرفش اكتر من كده للاسف
بس فيه منتديات تانية متخصصة او ناس هنا عندها علم بالموضوع اكبر مني ممكن تقدر تفيدك

[Eng.Geo]

انا مافهمش خالص في حوار السمك ده
بس واحد قريبي كنت عنده وكان قالي علي كذا حاجة
ممكن عدد السمك أكبر من الحوض
ممكن تكون بتأكلهم كتير وده خطر
ماعرفش أكتر من كدة الحقيقة :)

[dramir1]

في ظل الأحداث:ممكن يكون انصار الثوره المضاده ليهم علاقه او فلول الحزب الوطني.
............

[aminibrahim]

بص يا باشا لو بتحط السمك علي طول في المي بعد ما بتغيرها لازم يموت عشان الكلور والشبه بتبقي عاليه والنوعيه دي من السمك حساسه

يبقي لازم بعد تغير الميه ووضع الماده لتقليل نسبة الكلور بسرع ووضع خرطوم الاكسجين ان تتركه لمدة ساعه علي ان يبقي السمك خارج الحوض في جزي من الميه القديمه

وضع ترمومتر لقياس درحة الحراره+ وضع سخان لظبط درجه الحراره لان السمك في الشتا لو الميه ساقغه دون الدرجه المطلوبه بيون ويموت

لو بتعمل الحاجات دي ومات ------ يبقي السمك ده بيبلطج

[ahmad--ezzat]

البقاء لله

[alrabeh]

ممكن يكون نوع السمك الجديد يكون نوعه اسمه جرامى وهو مجرم فعلا وما ينفعش يتحط مع الأنواع الهادئة لأنه شرس
كان المفروض بتاع السمك اللى اشتريت منه ينبهك لذلك

[Hacker5]

عندك سخان فى الحوض ولا لاء ؟
مقاس الحوض كام ؟
نوع الفتلر اللى عندك ايه ؟
انواع السمك اللى عندك ايه ؟
بتغير الميه كل قد ايه ؟
بتاكلهم دود ؟
بتحط مطهرات فى المية ولا لاء ؟

لو حضرتك لسة مبتدئ انصحك تبتدى بالفانتيل جولد فيش لانه اكتر سمك بيستحمل الجوع و وساخة المية و انخفاض و ارتفاع الحرارة و بيستحمل صاحب الحوض :)

بس واضح ان عندك مرض فى الحوض

[Karim_Monir]

ماهو انت لسه تعرف انت جبت نوع ايه حطيتة مع ايه
السمك فصايل
ولازم تعرف اسم الفصيلة اللي كانت عندك
والفصيلة الجديدة اللي جت عشان اعرف اقول
ثانيا في سمك كتير قوي تربية برك
ودي بتكون شايلة حشرات على جسمها
حشرة ماء
جبت منها مرة بهدلتلي الحوض ورميت بقيت السمك صاحي ف يالحمام لانه كان اتعدي وبيموت واللي اتبقي نقيت الحشرات بايدي برة الحوض وكان موضوع مقزز
عرفنا الفصيلة ايه عشان افتيك

[heshamzaky]

بص يا باشا أغلب الظن حضرتك لما جبت السمك الجديد دة دلقت جزء من المية الى فى الكيس داخل الحوض يعنى الفيرس أتنقل من المية الملوثة بتاعت البياع للحوض عند .صور السمك الجديد و أحاول اقولك نوعة أية
الحل . فضى الحوض تماما و اغسلة كويس جدا بمية سخنة من السخان بس مش سخنة قوى علان السيلكون الى لازق زجاج الحوض و الجرش الى فى الحوض أغسلة كويس جدا و حط ملح علية و اغسل كويس قوى . بعد ما تغسل كويس و تشطف الحوض كويس أنا كنت بغسل الحوض بصابون سائل بس المهم تشطفة كويس جدا . املى الحوض مية و هات مزيل كلور أنا بجبة حبوب مش سائل و حط الحبوب بتاعت مزيل الكلور فى المية الجديدة و سيبة 10 دقائق و شعغل موتور الهواء و بعد كدة حط الفرش الى فى الحوض يعنى الاول املى الحوض مية و بعد كدة حط الفرش علشان ما تعكرش المية أو لو مش عاوز كدة هات حتة فلين و حطها بداخل الحوض و أملى الحوض بالجردل بس المية تنزل على الفلين علشان ما تعكرش المية
هات دواء أسمة anti whit spot دة لونة أزرق زى الحبر كدة و حط منة فى المية حا تلاقى المية بقى لونها ازرق بس حا تروق بعد كام ساعة كدة و انت مشغل الفلتر . و ممكن تحط ملو معلقى شاء ملح فى الحوض مفيش مشكلة بس أعرف انت حاطط أنواع سمك أية لو سمك مولى مفيش مشاكل المولى بيحب الملح لو عند انجيل بلاش لو فانتيل ما تزودش الملح و بعد كدة حط السمك و بعد يوم شيل ثلث المية و حط مية من الحنفية عادى من غير مزيل كلور و ان شاء الله القصة تروح . و بص بتاع السمك حا تلاقى عندة ادوية فى زجاجات زى بتاعت قطرة العين فية واحد منها المادة لونها أخضر شوية أنا ناسى اسمة بس حط منة برضو . و لو عندك سخان بترموستات أرفع الحرارة الى 28 درجة

[nicegypt]

بص يا باشا لو بتحط السمك علي طول في المي بعد ما بتغيرها لازم يموت عشان الكلور والشبه بتبقي عاليه والنوعيه دي من السمك حساسه

يبقي لازم بعد تغير الميه ووضع الماده لتقليل نسبة الكلور بسرع ووضع خرطوم الاكسجين ان تتركه لمدة ساعه علي ان يبقي السمك خارج الحوض في جزي من الميه القديمه

وضع ترمومتر لقياس درحة الحراره+ وضع سخان لظبط درجه الحراره لان السمك في الشتا لو الميه ساقغه دون الدرجه المطلوبه بيون ويموت

لو بتعمل الحاجات دي ومات ------ يبقي السمك ده بيبلطج

+++++++++1
بالاضافة للتأكد من نظافة الحوض والتأكد من تقليل الكلور داخل المياة لان الكلور اكبر عدو للسمك
اتأكد وطمنا .. وخلى بالك فية سمك بيكون تعبان او مريض ويتباع لك وبيظهر علية الاعراض بعد اسبوع
تربية اسماك الزينة هواية عندى منذ الصغر وعندى كتاب مخصوص بيتكلم على انواع الاسماك وكيفية الحفاظ عليها
كلام الاستاذ aminibrahim 100%

[bakkoor]

بص يا باشا أغلب الظن حضرتك لما جبت السمك الجديد دة دلقت جزء من المية الى فى الكيس داخل الحوض يعنى الفيرس أتنقل من المية الملوثة بتاعت البياع للحوض عند .صور السمك الجديد و أحاول اقولك نوعة أية
الحل . فضى الحوض تماما و اغسلة كويس جدا بمية سخنة من السخان بس مش سخنة قوى علان السيلكون الى لازق زجاج الحوض و الجرش الى فى الحوض أغسلة كويس جدا و حط ملح علية و اغسل كويس قوى . بعد ما تغسل كويس و تشطف الحوض كويس أنا كنت بغسل الحوض بصابون سائل بس المهم تشطفة كويس جدا . املى الحوض مية و هات مزيل كلور أنا بجبة حبوب مش سائل و حط الحبوب بتاعت مزيل الكلور فى المية الجديدة و سيبة 10 دقائق و شعغل موتور الهواء و بعد كدة حط الفرش الى فى الحوض يعنى الاول املى الحوض مية و بعد كدة حط الفرش علشان ما تعكرش المية أو لو مش عاوز كدة هات حتة فلين و حطها بداخل الحوض و أملى الحوض بالجردل بس المية تنزل على الفلين علشان ما تعكرش المية
هات دواء أسمة anti whit spot دة لونة أزرق زى الحبر كدة و حط منة فى المية حا تلاقى المية بقى لونها ازرق بس حا تروق بعد كام ساعة كدة و انت مشغل الفلتر . و ممكن تحط ملو معلقى شاء ملح فى الحوض مفيش مشكلة بس أعرف انت حاطط أنواع سمك أية لو سمك مولى مفيش مشاكل المولى بيحب الملح لو عند انجيل بلاش لو فانتيل ما تزودش الملح و بعد كدة حط السمك و بعد يوم شيل ثلث المية و حط مية من الحنفية عادى من غير مزيل كلور و ان شاء الله القصة تروح . و بص بتاع السمك حا تلاقى عندة ادوية فى زجاجات زى بتاعت قطرة العين فية واحد منها المادة لونها أخضر شوية أنا ناسى اسمة بس حط منة برضو . و لو عندك سخان بترموستات أرفع الحرارة الى 28 درجة

اولا الف شكر للناس كلها بس انا عاوز اقول حاجه
انا عملت كل اللى الناس قالت عليه بس هل ممكن السمك مايتاثرش غير بعد اربع اسابيع لان السمك كان زى الفل من ساعه ماغيرت الميه وعلى فكره انا بحط تلات انواع من الادويه اللى حضرتك قولتلى عليه بالاضافه الى مزيل الكلور بس قدر الله انا كان عندى فانتيل الكبير والصغير وانجل ومساحه الحوض كانت ا متر عرض وكان عندى حوالى 20 سمكه بس ممكن اعرف علشان اعمل حوض سمك كويس ايه نوع الاسماك اللى اجيبها ويكون شكلها حلو واعمل ايه علشان السمك مايموتش منى تانى لانى بادىء بقالى 7 شهور فى الموضوع ده

[Ghamrawy]

يبقى الحوض كان كويس
و فى متغير جديد هو اللى دخل و هو الميه
الميه للاسف قاتلة بسبب الكلوريين و الشبه للتطهير و تثبيت الكلور فى الميه
ميه الغيار لازم تتساب لمدة يوم كامل و فيها سكرية هوا و مزيل كلور من نوع محترم