Tweet
هحاول اعمل حاجة للبلد(بس يا رب تفلح)
بسم الله الرحمن الرحيم
انا من ساعة الثورة ما قامت وانا مش فى دماغى حاجة غير نفسى واهلى لكن من ساعة ما حصل فى الكنيسة بتاعت اطفيح والحرب اللى قامت فى المقطم بين المسلمين والاخوة المسيحيين وانا بدأت افكر طب الواحد يعمل ايه فى الحالة دى دى بقت فتنة طائفية ودى اشد حاجة بخاف منها اكتر من الحرب نفسها لكن الفتنة اشد من القتل بتبقى صعب اوى اوى اوى لما يكونو اتنين اخوات عايشين بقالهم فرون فى امان ويجى يهودى يوقع بينهم ويقتلو فى بعض ومن هناااااااااااااااااااا قررت:
احاول وربنا يوفقنى انى اعمل حاجة لبلدى (على فكرة انا عمرى ما عرفت حاجة اسمها وطنية ولا ليا فى السياسة) بس يارب تفلح وتيجى بنتيجة
عشان كده قررت اعمل جروب على الفيس بوك اسمه " ضد الفتنة" يضم مسلمين ومسيحيين مصر ويقوى المحبة بينهم
طبعا اخوكم مالوش خالص فى الكلام المنسق ومش عارف اجيب ناس غير صحابى وانا عايز اخوة مسيحيين ينضمو الى الجروب
ملحوظة :(( اقسم بالله العظيم اقسم بالله العظيم اقسم بالله العظيم انا عامل الجروب ده لله والثواب مش للشهرة والاعلام))
اتمنى من الادارة انها تنبهنى ان الموضوع مخالف لكن ما تدنيش انذار لانى مش عارف هل الموضوع ده مخالف ولا لا
لو مخالف اقفلوه على عشان مش حافظ قوانين المنتدى بالظبط
النقطة التانية لو الادارة وافقت على الموضوع اتمنى من اعضاء المنتدى الكرام المساعدة فى كلام منسق اعرف انشره على الجروب لانى منعديش ذوق فنى فى كتابة المواضيع واللى يكتب حاجة ياريت يعرفنى بردو اهداف الجروب فى الصلح بين المسلمين والمسيحيين وكده يعنى
رابط الجروب :
Login | Facebook
وجزاكم الله خيرا
وربنا يحمينا مسلمين ومسيحيين ويكفينا شر الفتن
اللهم امين
اخوكم يوسف
Comment