إعـــــــلان

**MaZaGAngeE** · 11-03-2011, 10:36 AM

عمرو موسى وجه مقبول ............. لكن ليس له أي مواقف سابقة تذكر له طوال عمله مع النظام السابق

**hossam20102010** · 11-03-2011, 11:37 AM

اعرف انه مرشح الحزب الوطنى لانتخابات 2011

اعرف انه تلميذ لمبارك ووصوله للحكم هو ضمانة ل(عدم محاكمة مبارك) وهو قال بل كده انه ضد محاكمة مبارك

اعرف انه ملوش اى موقف قوى سواء فموضوع القضية الفلسطينية او الحرب الاهلية فليبيا .....الخ

اعرف انه مكنش مؤيد للثورة

بس لما كسبت دلوقتى عايز يبقى رئيس

يعنى الشباب دمها يهدر فالشوارع و18 يوم من التظاهر كل يوم

وهو مكنش مساند او مؤيد او محايد

بل كان ضد الثورة

وكمان عايز يبقى رئيس

فيه جروب مؤيد ليه بيقول عليه (مرشح الشباب) ازاى وهو عنده 75 سنة

!!!!!

**Abo_Lina** · 11-03-2011, 02:42 PM

أعرف إنه عمره ما قال لأ
و أعرف إن الشعب عمل ثورة و قال لأ
إزاي شعب قال لأ يجيب رئيس عمره ما قال لأ
عمرو موسى لأ
رجال الماضي لأ

**Tarek Gen 2** · 11-03-2011, 02:48 PM

اعرف ان حسنى مبارك هو اللى مرشحه للرئاسة

**zkralla** · 11-03-2011, 03:02 PM

هههههههههههههههههههه
على نفس النغمه
اعرف انه لو نجح يبقى مصر هتنتكس 30 سنه لورا
اعرف كمان ان اللجان الالكترونيه بتاعه الحزب الوطنى عمالين يلمعوا فيه دلوقتى هو وشفيق عشان الرئاسه الجايه

**ezzatfox** · 11-03-2011, 03:20 PM

الرجل ليس بكم الالقاب و الشهادات التى حصل عليها .. الرجال مواقف
و لا اجد موقف واحد مؤثر للسيد/ عمرو موسى يدفعنى لمجرد التفكير فى ترشيحة لرئاسة مصر فى اهم و اصعب فترة فى تاريخها

**aif** · 11-03-2011, 03:31 PM

انا عن نفسي لن انتخبه
ولكن
انا ضد تشويه الآخر
لو ناس عاوزة مرشح آخر ممكن تتكلم عنه لكن تشويه الآخر اعتقد انه سيأتي بنتيجة عكسية تماما
زي بالظبط محاولات التشويه التي حدثت ضد البرادعي قبل الثورة
كانت نتيجتها زيادة شعبية البرادعي
...
..
انا مش ح انتخب موسى
وغابا مش البرادعي برضه
..
..
انا لسة منتظر الباقي
وانا باراهن على شخص بعينه ..... لكن منتظر انه يثبت كفاءته في الوضع الراهن
شخص مدني وليس عسكري
عمره في الخمسينات اي انه ليس بعيد عن الجيل الحالي وليس محسوب على جيل الاجداد
مهندس مرتب الافكار
استاذ جامعي له احترامه
له خبرة سابقة بالحياة السياسية
وله خبرة جديدة يكتسبها الآن
وله شعبية جارفة
ومن صناعة ميدان التحرير من اول يوم
الوحيد الذي حمل على الاكتاف
..
..
بس له عيب وحيد
ان اسرائيل بتعتبره معادي للسامية

..
عصام شرف

**mr_vampire** · 11-03-2011, 04:41 PM

المشاركة الأصلية كتبت بواسطة hossam20102010 مشاهدة المشاركة

اعرف انه مرشح الحزب الوطنى لانتخابات 2011

اعرف انه تلميذ لمبارك ووصوله للحكم هو ضمانة ل(عدم محاكمة مبارك) وهو قال بل كده انه ضد محاكمة مبارك

اعرف انه ملوش اى موقف قوى سواء فموضوع القضية الفلسطينية او الحرب الاهلية فليبيا .....الخ

اعرف انه مكنش مؤيد للثورة

بس لما كسبت دلوقتى عايز يبقى رئيس

يعنى الشباب دمها يهدر فالشوارع و18 يوم من التظاهر كل يوم

وهو مكنش مساند او مؤيد او محايد

بل كان ضد الثورة

وكمان عايز يبقى رئيس

فيه جروب مؤيد ليه بيقول عليه (مرشح الشباب) ازاى وهو عنده 75 سنة

!!!!!

هههههههههههههههههههههه مش معقولة توارد الافكار ده ياباشا . اوووووووووووووووول ماقريت عنوان الموضوع كنت داخل اكتب اللي تفضلت وكتبته. وبالذااااااااااااااااااااااااااااااااات الجزء الازرق.

وهو نفسه صرح هدخل فترة واحد فقط فيادوووووووووووووووووووب يلحق يهرب حسني واتباعه ويطلعهم منها زي القرعة من الدفيرة وكدة يبقي اثبت ولاءه لسيده وردله جميله.

معلش بقي ياعمورة الناس قفشاااااااااااااااااااااك

**deee** · 11-03-2011, 05:37 PM

المشاركة الأصلية كتبت بواسطة Tyler_Durden مشاهدة المشاركة

أعرف إنه عمره ما قال لأ
و أعرف إن الشعب عمل ثورة و قال لأ
إزاي شعب قال لأ يجيب رئيس عمره ما قال لأ
عمرو موسى لأ
رجال الماضي لأ

صح الصح

**د/أحمد ابراهيم** · 11-03-2011, 05:59 PM

المشاركة الأصلية كتبت بواسطة aif مشاهدة المشاركة

انا عن نفسي لن انتخبه
ولكن
انا ضد تشويه الآخر
لو ناس عاوزة مرشح آخر ممكن تتكلم عنه لكن تشويه الآخر اعتقد انه سيأتي بنتيجة عكسية تماما
زي بالظبط محاولات التشويه التي حدثت ضد البرادعي قبل الثورة
كانت نتيجتها زيادة شعبية البرادعي
...
..
انا مش ح انتخب موسى
وغابا مش البرادعي برضه
..
..
انا لسة منتظر الباقي
وانا باراهن على شخص بعينه ..... لكن منتظر انه يثبت كفاءته في الوضع الراهن
شخص مدني وليس عسكري
عمره في الخمسينات اي انه ليس بعيد عن الجيل الحالي وليس محسوب على جيل الاجداد
مهندس مرتب الافكار
استاذ جامعي له احترامه
له خبرة سابقة بالحياة السياسية
وله خبرة جديدة يكتسبها الآن
وله شعبية جارفة
ومن صناعة ميدان التحرير من اول يوم
الوحيد الذي حمل على الاكتاف
..
..
بس له عيب وحيد
ان اسرائيل بتعتبره معادي للسامية

..
عصام شرف

بجد انا نفسي الراجل ينجح في المرحلة الانتقالية الحالية

لانه بكده هيكون اول مرشح حقيقي للرئاسة

**samehafez** · 11-03-2011, 06:48 PM

بصراحة انا شايف ان السؤال يكون احنا عاوزين ايه من الرئيس القادم
انا عن نفسي شايف اني عاوز
1- وضع دستور جديد و دائم للبلد يحول مصر الي جمهورية برلمانية
2- محاسبة رموز الفيساد و محاكمتهم علي تجاوزتهم السياسية و المالية و الجنائية
3- اعادة هيكلة جهاز الامن و تطويرة ليناسب دورة الحقيقي و هو حماية الشعب و تطبيق القانون في اطار القانون
4- توضيح دور كل جهاز و مؤسسة في الدولة و تحيد مهام عملها لتخدم في الاتجاه الصحيح
5- وضع قواعد لتطوير مخلتف المجالات

انا مش مستني منه انه يحرر القدس في الاربع سنين او يخلي مصر قوة عظمي او ان الاقتصاد بتاعنا يبقي في السماء

كل اللي انا عاوزه يبقي فيه نظام في البلد و كل واحد يعرف دوره ايه
الشرطه تحمي الناس و تعمل دوريات راكبه مش راكنه خطط الشوارع صح اعمل اشارات صح و اعمل حملة توعية و تثقيف و بعد كده نزل الشرطة في الشوارع تنبه الناس للمخالفات بدون غرامات و بعد كده ابدء طبق الغرامات

نفسي الخارجية تعمل علي انها تحافظ علي كرامة المصريين و تحمي مصالحهم في اي بلد

نفسي وزارة العمل تطبق قوانين حماية العمالة المصرية
نفسي ماشفش اجانب بيشتغلوا في مصر وهم داخلين اساسا بفيزا سياحة .... طب ماتشوفوا ولادنا اللي بيسافروا ايطاليا ولا اي دولة اوروبية وحاولوا يشتغلوا وهم معهمش تصريح عمل هيتعمل فيهم ايه

انا نفسي الرئيس الجاي يبقي جاي عشان يرسي مبادئ الدولة المصرية الحديثة مش مطلوب منه اكتر من كده

انا اسف اني طولت و خرجت برة الموضوع

**mnvcxv** · 11-03-2011, 07:10 PM

عمر موسي يعني المحافظه علي مبارك و اولاده و اعوانه المقربين من الملاحقه القانونيه ، ضياع حق الشعب !!

عمر موسي ليه فيديو بيعترف فيه انه مع مبارك و نظامه و موجود علي يو تيوب

عمر موسي يعني عدم استرجاع ما نهب من مصر طيله 30 سنه

عمر موسي يبلغ من العمر 75 سنه !!!

عمر موسي عمل في النظام الفاسد 10 اعوام !!!!!!
...
عمر موسي في وقت ما كان بالخارجيه ، كانت كل تعينات الخارجيه بالوساطه و المحسوبيه يعني راعي للفساد
...
عمر موسي لم يفعل شئ لفساد السفراء و العاملين بالسفارات في دول العالم

عمر موسي في وقت الثوره اصر علي استكمال مبارك لفترته و لم يدعم الشباب و حثهم عليي ترك الميدان

عمر موسي و هو وزير خارجيه، كنت اعمل بالخليج و لم يكن لنا زره كرامه طيله العشر سنوات و كان للفلبيني و السريلنكي كرامه اكثر من المصري بكثير و اسال اي حد عاش هذه الفتره في الخليج!!!!!

لم ينتقد النظام الفاسد او مبارك طيله 30 سنه

عمر موسي في مؤتمر دافوس ، وضح الفرق بينه و بين ارودغان رئيس وزراء تركيا عندما هاجم بيريز علنيه بسبب حرب غزه و ماذا فعل عمر موسي و هو رئيس الجامعه العربيه ،

معروف بالشرب الخمر

ماذا فعل عمر موسي و هو رئيس الجامعه العربيه ؟ كلها اجتماعات خيبه و اخرها نشجب و ندين و لم نسمع لهم موقف واحد مشرف !!

هل الشعب عايز رئيس تاني يحكم من شرم الشيخ من كبر سنه ؟ !

هل الشعب عايز واحد يكمل ال80 سنه تاني في فتره الرئاسه الاولي ؟

هل الشعب لم يدرك او يتعلم الدرس ؟

عمر موسي لم يفعل شئ لاحتلال العراق ، و للفلسطينين و لا السودان الي حصل فيها انقصام و هو رئيس جامعه الدول العربيه

لم نسمع عن غاندي او مهتير محمد او اي قائد عظيم بدا التنميه من سن 75 سنه

اسال نفسك سؤال ، لو امريكا لم ترضي عن عمر موسي و هو وزير خارجيه ، كانت هتسيبه 10 سنين و مبارك خاتم في صبعها ؟؟

**Amgad64** · 11-03-2011, 07:23 PM

لا لعمرو موسى

عمرو موسى هو أسواء مرشح لرئاسه الجمهوريه وفوزه بالرئاسه سيكون كارثه بالنسبه لمصر
ياريت يتهزم ولا تظهر فضايحه بعد خروجه من الجامعه العربيه ويتمنع من الترشيح اساسا

Comment

إعـــــــلان

.

ماذا تعرف عن عمرو موسى كمرشح للرئاسة

ماذا تعرف عن عمرو موسى كمرشح للرئاسة

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment