حدش عياز ياخذ ثواب

[omarsami2009]

حد فيكم نفسو يعمل خير بس مش عارف يعمل ايه او مكسل
طب ايه رائيكم نشجع بعض و نعمل حاجه نساعد بيها الفقراء و المعدومين اولا
و ثانيا احنا بردو مستفيدين كفايه الثواب و رضا ربنا و تحس انك ساعدت حد محتاج. الاحساس ده حلو جدا و بالاخص لما تشوف فرحه اللى سعدتو
انا رغيت كتير اوى
نخش فى الموضوع
انا متطوع و عضو فى لجنة الدعايه فى رساله فيصل و بالتحديد فى نشاط القوافل الداخليه .
القوافل دى من ضمن انشطتها:
1.تجديد المدارس و المساجد
2.تجهيز العرائس
3.توصيل مياه للمناطق المعدومه
4.تسقيف البيوت
5.مساعدات عينيه (شنط طعام ,بطاطين )
6.عمل مشروعات للاسر الفقيره

طب اللى عايز يشارك يشارك بايه ؟
1.المجهود احنا بننزل اول و اخر جمعه فى كل شهر عشان نشتغل فى القرى الاكثر فقرا
و حاليا احنا بنشتغل فى قرى العياط
2.المشاركه بالمال و دى مش مقتصره على القوافل ده انتا ممكن تكفل طفل او تساعد اسره باختصار انتا اللى بتحدد فلوسك ريحه فين و كمان احنا بنيجى ناخذ الفلوس من باب البيت
3.فيه معارض للملابس المستعمله ودى بتبقى باسعار رمزيه و بردو ممكن نيجى ناخذ ملابسك من البيت
4.ده حتى لو عندك ورق كتيير و ملوش لازمه احنا بنخدو
و دى شويه صور تبين احنا بنعمل ايه
المدرسه دى حالتها سيئه للغايه تخيل و حضرتك موجود بتدرس فيها



و الصوره دى للشباب و هما بيوصلوا ميه للقريه

و ده مثال لتجهيز العرائس و الاسر المحتاجه


و ده تسقيف البيوت


و ده المسجد

بالنسبه للى عياز يساعدنا ممكن يتصل بينا على 19450â€ڈط±ط³ط§ظ„ظ‡ ظ‚ظˆط§ظپظ„ ط¯ط§ط®ظ„ظٹظ‡ ظپظٹطµظ„â€ڈ | Facebook
او يروح للفرع على طول
العنوان :
5 ش منسى ياسين محطه الطوابق الملك فيصل
لما تروح اسال على محمد رضا فى الدور الاول او لو حد رايح الجمعه انا ببقى هناك

[LanCeLoT]

ربنا يكرمكم ويعينكم

[omarsami2009]

ربنا يكرمكم ويعينكم

ربنا يخليك يا باشا و لو حضرتك حابب تشترك فيه فرع فى اكتوبر قريب من الحصرى

[mrwho1982]

ربنا يزيد من امثالكم

[زينة الله]

ربنا يتقبل صالح أعمالكم و يبارك فيكم

رحت الفرع اللى حنب سكنى مرة و إن شاء الله أتابع معاهم من جديد

[shaddadfalcon1]

ربنا يعينكم بس انا شايف ان موضوع المدارس والمياه ده مسئولية الدوله وهي اللي المفروض تعمل الكلام ده لان الحاجات دي بيبقي نازلها ميزانيه وبتتاكل

[omarsami2009]

ربنا يعينكم بس انا شايف ان موضوع المدارس والمياه ده مسئولية الدوله وهي اللي المفروض تعمل الكلام ده لان الحاجات دي بيبقي نازلها ميزانيه وبتتاكل

حضرتك صح بس يعنى نسيب مدرسه بالمنظر ده عشان دى مسئولية الحكومه و احنا عارفين انها على ما تجدد يكون الطلاب اللى فيها اتخرجو
بعدين دى مسئوليتنا تجاه المجتمع اللى عايشين فيه

[omarsami2009]

ربنا يتقبل صالح أعمالكم و يبارك فيكم

رحت الفرع اللى حنب سكنى مرة و إن شاء الله أتابع معاهم من جديد

ربنا يجازى حضرتك خيرا ان شاء الله و يا ريت حضرتك تروحى تانى عشان فيه ناس كتير اوى محتاجه

[shaddadfalcon1]

حضرتك صح بس يعنى نسيب مدرسه بالمنظر ده عشان دى مسئولية الحكومه و احنا عارفين انها على ما تجدد يكون الطلاب اللى فيها اتخرجو
بعدين دى مسئوليتنا تجاه المجتمع اللى عايشين فيه

الصح اننا نكون ايجابيين ونقدم شكاوي ومنسكتش الا لما الحكومه تجدد المدرسه

انت كده جتلهم علي الطبطاب

[otefa]

جزاك الله خيرا وأعانكم على فعل الخير دائما
ممكن حضرتك تدينا فكرة عن كفالة اليتيم
تحياتي

[omarsami2009]

جزاك الله خيرا وأعانكم على فعل الخير دائما
ممكن حضرتك تدينا فكرة عن كفالة اليتيم
تحياتي

جزانا و اياكم ان شاء الله
حضرتك ممكن تكفل يتيم بالفلوس بدايه من 10 جنيه شهريا و احنا اللى بنيجى ناخودها من حضرتك بايصال رسمى حضرتك بس اتصل على 19450 و هنجيلك لغاية عندك
و لو حضرتك عندك وقت فراغ كبير نسبيا ممكن تشترك فى نشاط الاخ الاكبر و ده عباره عن ان حضرتك بتاخى يتيم و بتبقى مسئول عنو يعنى مثلا تساعدو فى التعليم و لو تعب تسال عليه
و دى نبذه مقتبسه من موقع رساله

<h6>يقوم أكثر من 950 متطوع من شباب الخير بدور الأخ الأكبر و أبناء وبنات العم والأصدقاء لـ 200 طفل من الأيتام بداخل دار رسالة، وعلى الرغم من إنتشار دور الأيتام فى مصر فإن دار رسالة تقدم نوعا جديدا من الرعاية لليتيم إلى جانب الرعاية الصحية والغذائية الكاملة يتواجد اليتيم فى الدار تحت رعايه نفسية ومعنوية مستمرة توفر له الجو الصحى والمناسب للنمو والنجاح فى المستقبل إن شاء الله وهناك مصادر متعددة للرعاية النفسية فى دار رسالة :-

</h6>فلكل ثلاثة أطفال فى الدار أم بديلة مقيمة فى الدار تقوم على رعاية أطفالها رعاية كاملة ومتابعتهم غذائيا وصحيا متابعة كاملة ويتم اختيار فريق العاملين والمشرفات والأمهات بعناية شديدة من أجل مصلحة الطفل , يقوم شباب رسالة بدور الأخ الكبير والأخت الكبيرة لأطفال الدار.

هذا النشاط من أهم نشاطات رسالة على الاطلاق, حيث يكون لكل طفل من أطفال الدار إخوان وأخوات من شباب رسالة يقومون بصداقته ورعايته ومتابعة مستواه الدراسي وما غير ذلك من مظاهرالتواصل والرعاية النفسية والمعنوية للطفل فى حضانة الدار والتى تقوم أيضاً على جهود شباب رسالة من المتطوعين بتعليمهم المهارات الأساسية فى القراءة والكتابة بالإضافة إلى الرسم والموسيقى وأنشطة أخرى نشاط الرحلات والترفيه يقوم شباب رسالة بمرافقة أطفال الدار فى رحلات ترفيهية تبعث فيهم البهجه والسرور.

[otefa]

عمل مشرف ورائع جدا الصراحة وأن شاء الله ربنا يقدرلي بدور أيجابي فيه أن شاء الله

[omarsami2009]

الصح اننا نكون ايجابيين ونقدم شكاوي ومنسكتش الا لما الحكومه تجدد المدرسه

انت كده جتلهم علي الطبطاب

حضرتك احنا او على الاقل انا شايف ان انا ايجابى لما ساعدت بلدى و حضرتك اكيد عارف ان لو قدمنا شكاوى هيتم تنفيز اللى فيها بعد اد ايه ده اذا اتنفز اصلا

[azmeralda]

http://www.nilemotors.net/Nile/168083-a.html

جزاك الله خيرا

[omarsami2009]

http://www.nilemotors.net/nile/168083-a.html

جزاك الله خيرا

جزانا و اياكم ان شاء الله