لماذا يتعيّن رفض التعديلات الدستورية المقترحة؟

[زينة الله]

انا متفهم لكلام حضرتك والله بس انا رايي طالما ان كل واحد فينا كان مقصر ومحولش يفهم دستور بلده لتلاتين سنه يكمل كام شهر مع الدستور المعدل اللي فيه اكتر المواد ظلما معدله

هى دى المشكلة يا فندم شعبنا مغيب فترة طويلة و الامتحان صعب لكن اعذرنى دا " عذر أقبح من ذنب " كما يقال

النجاح فى الامتحان الحالى بمحاولة الفهم و الخروج من السلبية و التحرر من الخوف و سماع الفقهاء والعلماء المختصين

و تكوين رأى تشارك به و صلاح الحال على ربنا و الأعمال بالنيات و طالما نيتنا سليمة و نسعى للخير ربنا هيوفقنا إن شاء الله

يعنى هو كان فى حد يصدق إن ثورة تقوم فى مصر سلمية يقودها الشباب المهمش و المطحون فى مصر

و تنجح فى ظل الوضع السابق

" إن تنصروا الله ينصركم و يثبت أقدامك " " إنما النصر من عند الله " " و ما رميت إذ رميت و لكن الله رمى " صدق الله العظيم

و تقبل تحياتى و احترامى

[زينة الله]

المستشار عادل قورة، رئيس محكمة النقض الأسبق، رئيس لجنة تقصى الحقائق حول أحداث ثورة 25 يناير، أن التصويت بـ"نعم" على التعديلات الدستورية الحالية، تعني موافقة مؤقتة على جميع مواد دستور 1971 بالكامل حتى إقرار دستور جديد، مضيفا أن التصويت بـ "لا" تعني رفضا للتعديل الجزئي والمطالبة بالبدء الفوري في تأسيس دستور جديد

[youtube]http://www.youtube.com/watch?v=NOe0_tiFYI0&feature=player_embedded[/youtube]

[otefa]

((والمطالبة بالبدء الفوري في تأسيس دستور جديد))
ويا توافق القوات المسلحة يامتوافقش وتعيد التعديلات للجنة لمزيد من الدراسة والأستفتاء عليها مرة ثانية ونبقى في دائرة مفرغة

[زينة الله]

((والمطالبة بالبدء الفوري في تأسيس دستور جديد))
ويا توافق القوات المسلحة يامتوافقش وتعيد التعديلات للجنة لمزيد من الدراسة والأستفتاء عليها مرة ثانية ونبقى في دائرة مفرغة

مين اللى قال الكلام دا يا فندم ؟؟؟!!!

هى القوات المسلحة فاضية للمعاندة لأ طبعا بالعكس هما عايزين يخلصوا بسرعة

بس ترقيع الدستور و البناء على أساس فاسد هو اللى هيعطلنا و يخلينا فى الحلقة المفرغة اللى بتقول عليها ...

لازم نكسر خوفنا و نكون قد التحدى

[otefa]

مين اللى قال الكلام دا يا فندم ؟؟؟!!!

هى القوات المسلحة فاضية للمعاندة لأ طبعا بالعكس هما عايزين يخلصوا بسرعة

بس ترقيع الدستور و البناء على أساس فاسد هو اللى هيعطلنا و يخلينا فى الحلقة المفرغة اللى بتقول عليها ...

لازم نكسر خوفنا و نكون قد التحدى

الله أعلم هما هايتخذو أي قرار ساعتها لكن الأحتمالين واردين!!!!
مش مسألة خوف الموضوع قناعة مش أكثر أسلم وأسرع الطرق لتغيير الدستور هو الموافقة على التعديلات التدرج في الأصلاح هو الأسلم في نظري

[HanyHanyHany]

مع الاحترام الكامل لصاحبة الموضوع
و لكاتب المقال
الا اني اري ان هذه الدعوة لرفض التعديل ما هي الا دعوة لفكرة د.البرادعي بعمل مجلس رئاسي لفترة
و تعالو نتخيل الوضع لو المجلس الرئاسي ده ( اللي بينتمي )
لتيارات مختلفة ( فعضو بيمثل الجيش و اخر للاخوان و اخر علماني و اخر ديمقراطي و اخر ائتلاف الثورة )
ماذا لو حدث اختلاف بينهم في و جهات النظر و تشاحن
ماذا لو حدث مثل ما كان بيحدث في الاندية من انقسامات او مثل اتحاد الكرة ( ايمن يونس و مجدي عبد الغني ) ايشي اهلي و اشي زمالك
و نسمع علي صفحات الجرائد ان هناك انقسامات و يطلع فيهم واحد ابن حلال ( زي عمنا مرتضي منصور كده ) يقلك مش لاعب
دول بيعملو كذا و كذا ( دا انا اللي رأيي صح و هما طفشوني )
انا هطعن في النتايج انا طالب تحكيم دولي ( زي الفيفا كده )
و بعدين هنروح في الهيافه و نضرب مثل ليه
طب معندنا ( فتح و حماس ) ميبعدوش كتير عننا و ادي الانقسام بيضرب فيهم و في شعبهم بالسنين
اللي عاوز اقوله ان التحليل اللي في المقال قائم علي ان الدستور اللي مطلوب يتعمل من الاول ( و كأنه هيكون كتاب مقدس ) ليس به اخطاء او عوار
و طبعا للرد علي هذا الكلام اذكر كاتب المقال بأن الدستور الجديد سيضعه بشر سواء 100 او مليون و بما ان واضعه بشر فأكيد هيكون به نقص و بما انه سيكون به نقص لان الكمال لله فالنغتنم فرصة ان البلد مازالت ( تترنح ) و ننجز و نتوكل علي الله و نتكاتف للنهوض بهذا البلد سريعا من المحنة العظيمة التي نمر بها
و لكن لو اضعنا الوقت لن يفيدنا دساتير العالم كلها لان البلد هتكون ( ماتت ) خلاص و لن يجدي الانعاش في شئ

م.حاتم السباعي

+1

[م. حاتم السباعي]

الاخت الفاضلة الاستاذة _ زينة الله

يا فندم الأختلاف وارد و دا مش فكر الدكتور البرادعى فقط لكن رأى العديد من أساتذة القانون و الدساتير و العلوم السياسية
اول من رفض مجرد الحديث عن تعديلات او اي شئ يحدث غير تكوين مجلس رئاسي انتقالي كان هو ( د.البرادعي ) و من بعده المؤيدون له من الاعلامين امثال أ.ابراهيم عيسي و أ.يسري فودة و بعض من اعلاميين قناة الجزيرة ثم بدأت اللجنة في التشكيل و تم الاعتراض عليها ثم تم تغيرها ثم بدأت عملها ( و شهد لها القاصي و الداني ) بأنها مشكلة من ناس وطنيين لا غبار عليهم و حينما ظهرت نتائج التعديلات بدأ خبراء في الدستور يعترضو علي ما جاء فيها
و لو ان هؤلاء الخبراء كانو هم المعنيين بتشكيل اللجنة و اخرين خارجها كانو ايضا هيخرجو منها مشاكل عديدة لان كما قلنا من قبل ان هذه القوانين و الدساتير من وضع بشر و ليست قوانين الاهية
و مثل هذه الاختلافات بين اراء القانونيين لا تنفي التعديل و لا تعيبه كحل للخروج من الازمة الراهنة و الذي ينكر ان البلد لا تحتمل ان تظل يوم واحد علي مثل هذه الحالة و اللي ظروفة خدماه و لا يعلم ما هو حال البلد الان يسأل المحيطين به

و الخوف الزائد المتأصل فينا لا يبنى و إنما يؤخر و يهدم كفانا خوف و عدم تحمل مسئولية عشرات السنين
الاخت الفاضلة
ضرب الامثلة بأشياء تحدث فعلا في ارض الواقع ليس بخوف
حينما يقرر القائد العسكري في لحظة معينة ان يسحب جنوده من جسر من الجسور او من ساحة معركة و الرجوع لمكان يحميه غطاء جوي فهذا ليس بخوف و انما يسمي (علم)
حينما يحدث اشتباك بين شباب العمارة او في الشارع و يتدخل الاهالي و منهم من يسحب ابنه من الخلاف الدائر و قتها لا يسمي خوف و انما يطلق عليه (حكمة)

و الجراح الشاطر من يتدخل فى الوقت المناسب و لا يتردد و العواقب كلها على الله و لا يضمن التوفيق سواه
و انا اؤيد حضرتك و مقتنع بأن التدخل الان مثل التضحية بالجنين لكي يحافظ علي حياة الام
فلو اننا ضحينا بأحلامنا فترة بسيطة كي نحافظ علي استقرار البلد اري من و جهة نظري ان هذا انتصار و ليس العكس

و لايوجد صح مطلق فى الحياة لأن البشر خطاءون و لكن هذا ليس مبرر للامتناع عن الاجتهاد و العمل و الأعمال بالنيات و التوفيق من الله
و لا خلاف ايضا في ذلك و و جهة نظري المتواضعة ان الموافقة علي التعديلات ليست حالة تدعو للامتناع عن الاجتهاد و العمل
و اري انها (حكمة) لكي نخرج من الازمة التي تعصف بالبلد حاليا
و اذكر حضرتك بأن الكثير و الكثير من مثقفي الشعب و المتحمسين من الشعب قد طعنو في الجيش بعد انتصار اكتوبر بشهر واحد ( لماذا لم نذهب لتل ابيب - لماذا لم نبيدهم من علي الارض - لماذا سمحنا للثغرة بأن تنجح في ايقاف المعركة )
كل هؤلاء الناس لم يكونو علي علم بحقيقة ان الجيش المصري و قتها كان بيحارب علي المكشوف و لم يكن الجيش يستطيع ان يصرح اعلاميا بذلك طبعا لكي يهدي الناس و الا كانت اسرائيل دكته في مكانه
و لم يعلم الشعب و لا المثقفين ان الطائرات الامريكية كانت تهبط في العريش و تمد اسرائيل بمدرعات و مجنزرات حديثة بل وطيارين ايضا
الاخت العزيزة
اري اننا الان في حالة اكبر من الحرب و لو اننا ادركنا ان الحرب هي ان تواجهي عدو و احد الكل مجمع عليه و الكل يستعد له
اما ما نحن فيه هو الانقسام و العدو الان مستتر و لا يعلن عن نفسه
و قلتها من اكثر من شهر لو ان اسرائيل تعلم بأن احتلالها الان لسيناء (و هذا هدف معلن لهم قديما و حديثا) بأن مثل هذا الفعل لن يوحد الشعب علي كلمة واحدة ما تأخرت لحظة واحدة في ذلك
و نفس الشئ فعلته قديما حينما انسحبت من غزة و الكل هلل و كانت هي تعمل علي خطة ضرب و حدة الشعب الفلسطيني و عرفنا بعدها كلمة فتح و حماس و استطاعت بالانسحاب ان تضرب غزة
ارجو المعذرة علي الاطالة و الخروج عن الموضوع في اوقات كثيرة
و لكن اعذريني فهذا ما اراه الان علي الساحة ( انقسامات ) و داخل كل مجموعة منقسمة يوجد انقسام اخر
و اخيرا هذا رأيي الذي لا افرضه علي احد
و تقبلي تحياتي و الله الموفق

م.حاتم السباعي

[enas75]

انا الحمدلله استقريت علي نعم وده لعده اسباب

1- اني رافضه فكره وضع دستور جديد في هذه المرحله الانتقاليه...لانه حيكون موضوع تحت ضعوط اطراف كثيره منها يسعي لمصلحه البلد وكثيرين يسعون لمصلحه شخصيه ...والنتيجه دستور جديد مهلهل اكتر من دستور 71
2- اني رافضه فكره المجلس الرئاسي اصلا....الوضع ده حيبقي مدمر اقتصاديا للبلد ...لانها بلد خاضعه لوصايه بمجلس مكون من عده اطراف ....فا مفيش مستثمر حيغامر مع مجلس مؤقت اصلا....
بالاضافه ان الوضع لن يختلف عن الوضع الحالي ...بدل مجلس كامل عسكري ...شويه مدنين علي عساكر ...بس في الاخر الوضع هوه هو
يبقي لما انتخب رئيس ويتم وضع دستور بواسطه لجنه منتخبه جيدا...حضمن دستور محترم اقدر ساعتها اقرره هو حيكون دستور رئاسي او شبه رئاسي او برلماني و يستمر معي لفتره من الزمن
3- ان اي تاخير بحجه ان الاحزاب الجديده تتواجد ده كلام مينفعش لان علشان الاحزاب دي تتواجد في الشارع محتاجه علي الاقل سنتين الي اربع سنين مش حوقف حال البلد كل ده علشان خاطرهم
........................................
ان حتي بدستور 71 + التعديلات الجديده حيتيح ليا انتخاب شخص محترم ...( سواء عمرو موسي ....هشام البسطويسي...البرادعي).....ودول كلهم من برامجهم اللي بيقولوها هدفهم الاول دوله برلمانيه ...يعني دستور جديد اصلا
.................................................
المشكله الاساسيه اصلا مش الدستور .......المشكله مجلسي الشعب والشوري
والتركيبه السكانيه اللي اصلا ...صعب خلال سنه تغير تفكيرها بسرعه ليتوائم جيدا مع دستور جديد
...........................................
المحصله ان الوقت والفلوس اللي حتضيع مع نعم .....لن تختلف علي الاطلاق مع لا
................................................
ملحوظه اخيره ....انا حتي بعد تعديل قوانين انتخاب مجلس الشعب ارفض دخول شباب اقل من 30 سنه
وده لعده اسباب ...كل هؤلاء الشباب لم يعمل بالعمل السياسي اطلاقا...ولم يتربي علي الحياه السياسيه الصحيه وبالتالي لن اغامر بمجلس شعب تسوده الفوضي السياسيه
ممكن انهم يبتدو بالمجالس المحليه حتي يتمرسو ....وبعدين في مرحله مستقبليه ممكن ده يحصل مع جيل اتعلم معني الديمقراطيه ومارسها
الاهم في مجلس الشعب ....اشتراط مؤهل دراسي محدد ......مش معقوله يكون فيه ناس لسه يادوب بتفك الخط واحنا بنقول دوله برلمانيه ..ويكون دول هما اللي بيقررو احوال البلد

[Ahmed Anwer]

الأخوان قالوا مش هيترشحوا سوي ل 35% من المقاعد ،، شوف به هيكسبوا كام
الحزب الوطني عمره ما هيموت لأنه مش فكر ده أصحاب مصالح و دلوقتي مصلحتهم يرضوا الشعب ،، و أساسا أيام مبارك الحزب الوطني من غير تزوير فاضح مكنشي بيجيب 30%
المجلس الرئاسي فكرة هبلة ،، عبارة عن الجيش بيحكم البلد بمشاركة مدنيين ،،، حكم عسكري يعني
علي فكرة أنا هأصوت ب لأ ،، مش عشان مقتنع
عشان الناس اللي فاكرين إنهم ضعفاء مكسوريين الجناح و الشعب جاهل و أمي و الحزب الوطني هياكلهم و الديمقراطية هتجيبلهم الكفية ،، اديهم شوية ثقة في نفسهم
و أنهم لو قالوا كلام معقول بسهولة ممكن يحشدوا الناس وراهم
يعني هاقول لأ عشان النتيحة تكون نعم بنسبة 53% بس
ههههههههه

[otefa]

ي((عني هاقول لأ عشان النتيحة تكون نعم بنسبة 53% بس
ههههههههه))
----------------------------

حلوة وملعوبة ههههههههههه
لوكده أقول لا برده ههههه