مطلوب محاكمة جودة الملط .... الآن

[elkomy82]

بلاش نتهم الناس كده بالباطل حضرتك حمل مكالمته في قناه الحياة اليوم (مدتها 45 دقيقة) وبعد كده قول رايك

[ahmedabutaleb]

لم يقل أحد انه معفى من المسألة فهو أول المسئولين عن الفساد

يااستاذى الفاضل اللى الناس عايزة توصله لحضرتك ان الراجل ده مش سلطه تنفيذية وكل دوره فقط هوا القيام بعمل هذة التقارير وعرضها على مجلس الشعب واعتقد 2000 تقرير يعنى الراجل شايف شغلة وزيادة
على فكرة ال 2000 دول 1000 فى حكومة نظيف و 1000 فى حكومة عاطف عبيد

[osoliman88]

للأخوة اللى بيتهموا دكتور جودة الملط برجاء قرائة مقالات فاروق جويدة القديمة

جودة الملط كان كل مرة يتوجة لمجلس الشعب ويفضل يهاتي ومحدش بيرد علية ، بيفضح الفساد والناس تعرفة وتفضل تتحسبن ومحدش بيتحرك طب يعمل أية تاني

أرجو معرفة لماذا لم يرجع للناس والاعلام ويبرئ ذمته وينقذ البلاد من الفساد

زي البرادعي ، قال أن مفيش أسلحة نووية فى العراق ومجلس الأمن رفض يصدق على الحرب ورغم كده أتهموة بأنة قصر فى عملة

البرادعي تحدى أمريكا وأعلن أمام العالم كله أن العراق لا يملك سلاح نووي ... الفرق واضح

يا جماعه بجد لازم نكون موضوعيين ، تقارير الفساد اللى ظهرت وبتظهر من زمان كان سببها الجهاز ، فبلاش نشكك في نزاهتة ، الراجل عمل اللى علية وفضح الفساد ، كنا فين إحنا بقى ، محدش تقدم بشكوى للنائب العام لية ،

نقولها مرة أخري لا يوجد أحد في مصر يملك الدليل القاطع مثل رئيس جهاز المحاسبات ... ناهيك عن حجم حجم الفساد الذي نعرفه أنا وأنت والفساد الذي يعرفة جودة الملط

بجد أدعوكم لقرائة مقالات فاروق جويدة القديمة عن الملط كان عمال يقول (فاروق جويدة) أسمعوا للراجل ده ، حد يعبر الراجل ده ومفيش حد أتحرك

ويوم ما نتحرك نحق رموزنا الجميلة

انا ضد أتهام جودة الملط
كل الإحترام والتقدير لرأيك

[osoliman88]

يااستاذى الفاضل اللى الناس عايزة توصله لحضرتك ان الراجل ده مش سلطه تنفيذية وكل دوره فقط هوا القيام بعمل هذة التقارير وعرضها على مجلس الشعب واعتقد 2000 تقرير يعنى الراجل شايف شغلة وزيادة
على فكرة ال 2000 دول 1000 فى حكومة نظيف و 1000 فى حكومة عاطف عبيد

أسمح لي حضرتك فاهم غلط ، من سلطات رئيس جهاز المحاسبات إبلاغ النيابة الإدارية عن أي مخالفة يراها، ولو كان حجم الفساد كبير له أن يقدم تقرير مباشر للنائب العام.

[yoko]

اذا كان الراجل بيقدم تقاريره لأعلى جهة رقابية فى البلد وهى مجلس الشعب والتقارير بتترمى فى سلة القمامة عايزه يروح فين بعد كده؟ ولو كل واحد استقال علشان شايف حاجة غلط فى شغله يبقى الناس كلها هتشحت تانى يوم؟ المهم انه لم يشارك فى الفساد. بلاش نتكلم على اللى الناس كان المفروض تعمله قبل 25 يناير زى بعدها. قبل 25 يناير كان فيه سحل بجد سحل يعنى سحل ومش كل الناس تقدر انها تستحمل السحل

+ مليووووووووووووووووووون

[SkyBird]

حرام تظلم الراجل
كفاية انه وثق جرائم النظام السابق احنا مش عايزين من شخص غلبان ساكن بالايجار و لا يملك سيارة الا هذا
وهذا والله يكفيه شرف لو واحد تاني فاسد كان التقارير كلها طلعت "كله تمام سعاتك"
لكن هذا كان يوثق وينشر الفضائح على مجلس الشعب وعلى الوزارة وعلى الاعلام يا باشا كمان
كل الصحف المستقلة كانت تتحدث عن تقارير جودة الملط وتصرخ علشان كده انا كنت استغرب قولك

أرجو معرفة لماذا لم يرجع للناس والاعلام ويبرئ ذمته وينقذ البلاد من الفساد

ورغم علم الجميع بهذه الطوام الكبرى ونشر الصحف الخاصة للتقارير وحتى اعضاء مجلس الشعب بتصلهم نسخه من التقارير يعني مكانش سر زي ما انت متخيل
لكن النظام البائد خلانا نحس ان "مفيش فايده" كنا نسمع عن تقارير الفساد لجودة الملط و لا تثير فينا حتى الاستغراب من كثر ما كنا مخدرين
لكن في وقت ما كانت تقاريره احدى اسباب الثورة
اشكر الرجل بدل ان تهاجمه فهو بسببكم كاد ان يبكي على التلفزيون من خدش شرفه بهذه الاتهامات المشينه
سايبين الفاسدين وماسكين في اللي وثق الفساد
وهدفهم تغيير الموضوع عن الفاسد الاصلي
بجد حراااااااااااااام

[human]

الراجل كان بيعمل اللى يقدر عليه
و فيه هنا مواضيع كتيره قبل الثورة بتثنى على الراجل شجاعته
واللى بيتهمه كان فين ؟ كلنا كنا عارفين مش هو بس اللى كان عارف

معلومه تانيه الجهاز بيراقب صرف الحكومه و الوزارات و ماشابهه من اجهزه الدوله والمحليات
مش بيراقب اشخاص
يعنى اللى فى الميزانيه و يقدر يتابعه يبقى نتكلم عليه

فاكرين لما اتجرأواتكلم على النثريات؟؟؟ فاكرين كام مليار؟؟

برضه لازم نفهم ان ده جهازتابع لمجلس الشعب والراجل قام باللى يقدر عليه لمرحله طويله

المرحله اللى جايه عايزه واحد تانى بس لما يقفل الملفات وييجى مجلس شعب تانى

بس لا ارى اى سبيل لاتهام الرجل الذى شكر فيه اغلب من كان يعارض و كان بيتمحك فيه فى وقت بنخاف نتكلم فنقول جودت الملط قال

مش فاهم ليه عايزين نحرق كل الناس

[KHALED AYMAN]

وانا اطالب بمحاكمه الشعب لانه معملش ثوره الا يوم 25
ليه معملوهاش من زمان ؟؟
كانو شايفيين الغلط و ساكتين

[human]

وانا اطالب بمحاكمه الشعب لانه معملش ثوره الا يوم 25
ليه معملوهاش من زمان ؟؟
كانو شايفيين الغلط و ساكتين

يا سلام عليك

ليه بس الاحراج ده

[KHALED AYMAN]

يا سلام عليك

ليه بس الاحراج ده

مش فكره احراج
بس مش معقول هنحاكم مصر كلها يعنى
امال مين الى هيشتغل
وبعدين هنحاكم واحد بتهمه انه شاف الغلط "وهنفرض" انه سكت
واساسا مصر كلها كانت شايفه الغلط و ساكته
لو هنطبق المبدأ نطبقه على الجميع
يا اما منطبقوش خالص

[enas75]

ردا عليك تاني ......ارجو منك قرائه كلامنا جيدا....جودت الملط بلغ اعلي جهات في البلد....مجلس الشعب والرئاسه
حتي لو بلغ النيابه الاداريه مينفعش....قانونا البلاغات متقدمه في ناس معاها الحصانه....يبقي لازم تترفع عنهم اولا وده ماكنش حيحصل في النظام السابق...والنيابه الاداريه ولاكانت تقدر تعمل حاجه
تاني حاجه بلاغاته لمجلس الشعب كانت بيتم اذاعتها واحنا كلنا كنا عارفين بيها...( حضرتك متعرفش تبقي مشكلتك مش مشكلته)
والاعلام ايامها اتكلم كتير....وبرضه مفيش فايده
ليه مقدمش استقالته ....الحمد لله انه مقدمهاش ...كان زمان واحد تاني جه وطرمخ المواضيع كلها ولا كنا عرفنا حاجه ولا نقدر نثبت حجم الفساد
ملحوظه اخيره
حضرتك بتقول البرادعي اعلن تقرير العراق.....اولا التقرير كان بيعلن امام مجلس الامن ودي جلسات معلنه مش سريه
ثانيا ماهو البرادعي برضه قعد في منصبه 12 سنه مقدمش استقالته...بعد المجتمع الدولي وامريكا ما ضربو بكلامه عرض الحائط
وكان شاهدا علي ضرب العراق ولم يفعل شئ بل استمر في منصبه......
لتاني مره لاتلقي الاتهامات جزافا .....علي ناس شرفاء
ويستحسن اننا نبتدي نحاسب نفسنا كلنا قبل مانحاسب غيرنا كلنا شاركنا في الفساد سواء بالفعل او الصمت

[ahmed2y]

كنت عاوز ارد بس لقيت الشباب قالو كلى كنت هقولة ودافعو عن الراجل

[medo_2060]

للأخوة اللى بيتهموا دكتور جودة الملط برجاء قرائة مقالات فاروق جويدة القديمة

جودة الملط كان كل مرة يتوجة لمجلس الشعب ويفضل يهاتي ومحدش بيرد علية ، بيفضح الفساد والناس تعرفة وتفضل تتحسبن ومحدش بيتحرك طب يعمل أية تاني

زي البرادعي ، قال أن مفيش أسلحة نووية فى العراق ومجلس الأمن رفض يصدق على الحرب ورغم كده أتهموة بأنة قصر فى عملة

يا جماعه بجد لازم نكون موضوعيين ، تقارير الفساد اللى ظهرت وبتظهر من زمان كان سببها الجهاز ، فبلاش نشكك في نزاهتة ، الراجل عمل اللى علية وفضح الفساد ، كنا فين إحنا بقى ، محدش تقدم بشكوى للنائب العام لية ، بجد أدعوكم لقرائة مقالات فاروق جويدة القديمة عن الملط كان عمال يقول (فاروق جويدة) أسمعوا للراجل ده ، حد يعبر الراجل ده ومفيش حد أتحرك

ويوم ما نتحرك نحق رموزنا الجميلة

انا ضد أتهام جودة الملط

+11111111111

[osoliman88]

اشكر الرجل بدل ان تهاجمه فهو بسببكم كاد ان يبكي على التلفزيون من خدش شرفه بهذه الاتهامات المشينه

أرجو قراءة موضوع كنت كتبته من يومين تقريبا - وهذا هو الرابط
http://www.nilemotors.net/Nile/206519-a.html


سايبين الفاسدين وماسكين في اللي وثق الفساد
مين اللى ساب الفاسدين، المطلوب محاسبة من أفسد ومن تقاعس ومن سكت

وهدفهم تغيير الموضوع عن الفاسد الاصلي
بجد حراااااااااااااام
النقاش وتبادل الآراء ليس فيه حلال وحرام، والديمقراطية هى مباراة النفس الطويل، فلا يجب أن نشعر بالإمتعاض او الزهق للخلاف في الرأي.

[Everlasting]

وليه النظام كان سايبه... مع إن من سمات النظام إنه يزيح الشرفاء من سدة أي منصب قيادي؟!