تصريحات حكمدار إسكندرية

[abou_ruqi]

ايه رأيكم يا اسكندرانية؟
مسامحين وألا لسه ؟؟؟

[youtube]http://www.youtube.com/watch?v=MYZKLE-alsM[/youtube]

[zago]

لا تصالح

[dr.amr]

مش مصدق بوقك

[abou_ruqi]

والله يا رجالة إحنا حنعمل بأصلنا و حنصدقهم
والله طلع كلامهم صدق , يبقى إحنا اللي كسبانين و صافي يا لبن
رجعت بقه ريمة , إحنا عرفنا سكتهم
بعد صلاة الجمعة في جامع ابراهيم نحاوط التشكيل لحد ما الذخيرة تخلص (غالبا بعد العصر) وبعدين نعمل معاهم الصح

[zyadahmed]

وهل متاح الا السماح فى الوقت الراهن ... ؟

بس يا ترى حد مصدق الكلام ده ؟ اعتقد ان الجيل ده من الشرطة لازم يحال الى التقاعد على مراحل ونبدأ بالسفاحين اللى فيهم واللى الناس كلها عارفاهم مش بس الكومى والاتنين اللى معاه لا ... يوجد بكل قسم ونقطة ظباط سيئ السمعة لازم يرحلوا مع الثورة لان ببساطة دورهم انتهى ومالهمش مكان بينا عايزين دم جديد وفكر جديد وشرطى محترم من الناس مش فاكر نفسه سيد الناس والكل عبيده

[viper911s]

صدقنى الكلام جميل اوى وبجد فرحان اوى وحاسس ان ان شاء اللة خير
ويارب ينفذ الى بيقولة
نتمنى

[tito17182]

اه الشعرات دي
ماحنا يوم 28 كنا بنقول
يابو دبورة نسر وكاب احنا اخواتك مش ارهاب
ومع ذالك مأثرش فيهم
احنا مش عايزيين تمثليات احنا عايزيين افعال
وكفاية هبل
ياعني اه الشرطه تعمل مظاهرة ههههههه

[alrabeh]

{وَسَارِعُواْ إِلَى مَغْفِرَةٍ مِّن رَّبِّكُمْ وَجَنَّةٍ عَرْضُهَا السَّمَاوَاتُ وَالأَرْضُ أُعِدَّتْ لِلْمُتَّقِينَ * الَّذِينَ يُنفِقُونَ فِي السَّرَّاء وَالضَّرَّاء وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِينَ}

[Samah AbdAllah]

مش عارفة ليه كل اللى بيدافعوا عن الظباط بنات
حتى مظاهرتهم يقودها بنات :-)

[SkyBird]

مش عارفة ليه كل اللى بيدافعوا عن الظباط بنات
حتى مظاهرتهم يقودها بنات :-)

اصلهم يسيبوا زوجاتهم وبناتهم يجمعوا صاحباتهم علشان يتظاهروا
الستات حنينة وبتسامح على عكس الرجال اللي عايزين افعال لا اقوال

[abou_ruqi]

تصدقي نظرية ان الناس دول زوجاتهم وبناتهم معتبرة برضه ؟

بس برضه الشعب حيعديها و حيصدق بمزاجه , ومافيش حد بقه بيخوف المصريين خلاص

وإن عدتم عدنا

[M.Mostafa80]

موقف وبنقله عن منطقتى اللى ساكن فيها الشرطه رجعت وبكل قوه تخلى اى بلطجى يدخل جحره نزل حوالى 15 سياره بوكس كل بوكس فى رتبه ومساعد وعدد كافى من العساكر وتم القبض على الهاربين من السجون واحكام وبعض من مارسو البلطجه على الناس التى تم ادانتهم وكانت رسالتهم اثناء ممارسه عملهم بلطجه على الناس لأ
والكلام دا كان فى منطقه الهرم محطه مدكور ويمكن المنطقه دى اللى كان الدكتور محمد دايما يستشهد بحادث اطلاق نار وزجاجات البيبسى الفارغه احب اقولكم ان اللى اتورط فى الموضوع ده حاليا فى القسم تمهيدا لترحيله للنيابه

[MohssenRashed]

بس انا عجبني الورد اللي في ايدة هههههههه لما نشوف كلام شعارات ولا بجد.

[samoevil911]

يا جماعة لحظوا حاجة من مصلحتنا رجوع الشرطة حاليا ومينفعش نتهم النوايا

المشكلة احنا حاليا صامدين
بس هنصمد لإمتى؟
في حوادث بتزيد كل يوم

ولو استمر الوضع على كدا هيبقى الوضع كدا لإمتىى؟


من مصلحتك رجوع الشرطة حاليا لإن كدا كدا هتحتاجهم
حاليا هما بدأوا يحسوا ان الناس عايزاهم .. فلو فضلنا نرفضهم .. مش هنصمد ونبتدي نبقى احنا اللي عايزنهم وهما اللي يرفضوا .ز وساعتها نرجع نتحايل عليهم .. ويرجعوا يذلونا

يا جماعة الفاسد سعاقب .. لكن منتعنتش

[M.Mosaad]

افلح ان صدق و كلنا معاهم