حد يعرف محل بيبيع credit و عندو N95

[modux]

السلام عليكم

يا جماعى عايز اجيب موبايل ان 95
بس عايز محل عندو كريدت عشان الكاشات مقصرة حبتين

حد يعرف محل بيبيع credit و عندو N95

[fahd_628]

شفت فى كارفور ؟

[حماده عزو]

مش هتلاقى n95 or n82
الحكومه بتأفش فلى بيبعهم فى المحلات

[Hassan Khalil]

السلام عليكم

يا جماعى عايز اجيب موبايل ان 95
بس عايز محل عندو كريدت عشان الكاشات مقصرة حبتين

حد يعرف محل بيبيع credit و عندو N95

يااااااااه..يا راجل انت لسه في مواال التليفون ده ..
بص يا سيدي ..في محلات بتبيع انظمة الصوت بتاعة العربيات بالتقسيط .. المحلات ديه في منها اسمع تناتيش .. و في منها اسمه فانتازيا .. بيبيعوا موبايلات برضه ..منهم واحد في عباس العقاد علي نفس صف كنتاكي و مؤمن و بعدهم بحوالي 100 او 150 متر .. و واحد تاني في جسر السويس امام حدائق اكتوبر و الشبراوي ..( انا متاكد ان جسر السويس بيبيع موبايلات لكن عباس العقاد مش متاكد ) .. و لو مش عنده بيجيبهولك و يقسطهولك ................. و لكن .. و خد بالك من اللي جاي ..
* الموبايل اصلا مش بيتباع بضمان مصري .. يعني ملهوش سعر رسمي .. يعني المحل اللي حيجيبهولك حيستهبل في تسعيره .
*ممكن يجيبهولك من محلات الموبايل اللي في وسط البلد و يقلب اكسسواره الاصلي .. و يقولك انا جايبه من بره.
*بياخدوا نسبة فوائد عالية جدا سنويا .
*و اخيرا ( رأيي الشخصي ) متخليش موبايل يدخلك في تقسيط .. لانه في الاخر موبايل... لا حتتفرج فيه علي الجزيرة و لا حيغسلك الهدوم و لا لما الجو يكون حر حيسقعهولك .. و خصوصا انه موبايل غالي و اكيد قسطه حيكون كبير و مرهق.

[modux]

السلام عليكم

فهد باشا
اكيد شفت في كارفور بس زي ما حمادة عزو باشا قالك الحكومة تمنع بيعه

و هنا تيجي المشكله المحلات اللي عندهم التليفون محلات صغيرة و مش عتدهم كريدت

حسام باشا

انا عارف تناتيش و بجيب من عندو حاجات بس بصراحة مش دورت عندو علي اموبايل
و بعدين انا مش هقسطو انا هجيبو كااش و اتصرف في فلوسو مع البنك ( credit card )


طبعا هوا مغرق شارع عبد العزيز بس للاسف مفيش حد بيبع ب فيزا او ماستر كارد هنااك

[Hassan Khalil]

السلام عليكم

انا عارف تناتيش و بجيب من عندو حاجات بس بصراحة مش دورت عندو علي اموبايل
و بعدين انا مش هقسطو انا هجيبو كااش و اتصرف في فلوسو مع البنك ( credit card )

معذرة .. افتكرتك عايز تجيبه قسط ... سوء فهم

[CryptonX]

تناتيش كويسين جدا و انا بتعامل معاهم من زمان بس في السماعات و اجهزة الكاسيت للسيارة و هما فعلا عندهم موبايلات .

[modux]

الفكرة يا جماعة هما عندهم credit cards

هوا دي اللي بدور عليه

[Abo_Lina]

*ممكن يجيبهولك من محلات الموبايل اللي في وسط البلد و يقلب اكسسواره الاصلي .. و يقولك انا جايبه من بره.
.

طب هل فيه طريقة ممكن نعرف بيها اذا كان تم كده فعلا?
وهل ال N 95 كله فنلندي
ومفروض رنج سعره وصل كام حاليا

[Mido80]

مش هتلاقى n95 or n82
الحكومه بتأفش فلى بيبعهم فى المحلات

طب لية بيأفشوا فيهم لية؟

[analyzer]

نصيحة من اخ ابعد عن الاقساط

[Hassan Khalil]

طب هل فيه طريقة ممكن نعرف بيها اذا كان تم كده فعلا?
وهل ال N 95 كله فنلندي
ومفروض رنج سعره وصل كام حاليا

الاخ Tyler_Durden
كان فيه موضوع كنا حطين فيه اسعار الموبايلات ال95 و 82 و اعتقد كمان 73 كان الاخ modux بس للاسف مش لاقي اللينك بتاعه دلوقتي .. ممكن لو دورت في المنتدي الاجتماعي تلاقيه و تلاقي كل المعلومات عن ال 95

طب لية بيأفشوا فيهم لية؟

الاستاذ mido80
كتبوا علي مصراوي من فترة ان تليفونات ال gps ممنوعة من البيع في مصر لاعتبارات امنية !!!

نصيحة من اخ ابعد عن الاقساط

:):):):)
analyzer باشا ..
اخونا modux مش عاوز يقسط .. عايز يشتري كريدت كارد .. و بعدين يبقي يظبط مستحقات البنك لاحقا .

[modux]

عشان Gps
ممنوع في مصر

السيلفر 2800-3100
الاسود 4000

[Abo_Lina]

تمام

شكرا جزيلا