لا للتعديلات الدستوريه

[wawoo]

ما ينفعش اجيب رئيس قبل البرلمان
مين اللى هيحاسبه هو وحكومته

يا استاذ سعد هو مين حاليا بيحاسب المجلس العسكرى ؟؟؟...مش هو اللى بيحكم حاليا و حستمر فى حكم البلاد لعدة اشهر كمان ..و هو اللى وقف العمل بالدستور الحالى و هو اللى طرح التعديلات و هو اللى حل البرلمان السابق و نحى الرئيس...

هل المجلس العسكرى منتخب من المصريين عشان يعمل كل دة ؟..ولا هو معين من قبل الرئيس السابق

كدة هذة التعديلات اصبحت ترقى لمستوى عدم الدستورية . كذلك الدستور السابق سقط بعد وقف العمل بة و تعطيلة من قبل المجلس العسكرى ..

يبقى الحل اننا نعمل دستور جديد على مياة بيضاء مهما تكلف من وقت او مجهود لانة ببساطة هو الحل الصح و السليم شرعيا و ديمقراطيا و حيجنبنا الدخول فى متاهات دستورية و انتخابية لا تنتهى ...

[tiger451]

انا مع التعديل الدستوري في الوقت الحالي

[alaasaid]

السلام عليكم ,

أنا لحد دلوقتى هقول ( لا ) لكن , أنا خايف من اللى بعدها , لحد دلوقتى مفيش رؤية واضحة اذا تم رفض التعديلات ايه اللى ممكن يتم , ازاى هنختار المجلس اللى هيعمل الدستور الجديد و هياخد وقت اد ايه و ازاى هنقدر نقيم الدستور دة و موادة , من الاخر أنا خايف من الغموض اللى بعد كلمة لا

[tareksakr]

هو ده رأيي وانا شايف ان هذا الرأي هو الأصلح في المرحلة الحالية YouTube - ‫ظ„ظ…ط§ط°ط§ ظ†ط¹ظ…: ط±ط¯ ط¹ظ„ظ‰ ط¨ط¹ط¶ ط§ظ„ط´ط¨ظ‡ط§طھ طظˆظ„ ط§ظ„طھط¹ط¯ظٹظ„ط§طھ ط§ظ„ط¯ط³طھظˆط±ظٹط©‬‎

[mikho83]

أنا هاصوت بنعم . لو سمحتوا يا جماعة ما ينفعش واحد عايز يعمل عملية وأقوله أنا شوفت دكتور بيعمل عملية تعالى وأعمل زيه، أو إني اروح أبني عمارة وأنا مش مهندس، يعني التخصص مهم جدا، الناس اللي حطت التعديلات دي ناس مش جاية من الشارع، وكله عارف مين المستشار البشري، وعلى فكرة أعتقد إن المفكرين اللي رافضين التعديلات مش عشان هي مش كويسة، بالعكس دا بيقولوا في مجملها كويسة أوي، إنما اعتراضهم على إنهم عايزين دستور جديد كامل، وأعتقد ده هاياخد وقت كبير جدا يصل إلى سنة،والتطويل مش في مصلحة البلد دلوقتي، وأنا سمعت حد من المجلس العسكري بيقول إن التعديلات دي لعمل انتخابات فقط مع تعطيل باقي المواد، مش عارف الكلام ده صح ولا إيه؟

[CryptonX]

حقول نعم !
والي زعلان ! الرقم القومي بتاعي للبيع ب 100 جنيه او اكثر !

[mikho83]

هو ده رأيي وانا شايف ان هذا الرأي هو الأصلح في المرحلة الحالية youtube - ‫ظ„ظ…ط§ط°ط§ ظ†ط¹ظ…: ط±ط¯ ط¹ظ„ظ‰ ط¨ط¹ط¶ ط§ظ„ط´ط¨ظ‡ط§طھ ط.ظˆظ„ ط§ظ„طھط¹ط¯ظٹظ„ط§طھ ط§ظ„ط¯ط³طھظˆط±ظٹط©‬‎

الله ينوّر عليك يا باشا، أنا كنت بدوّر على الرأي ده. كلام منطقي جدا جدا. أنا إن شاء الله هاصوت بنعم

[wawoo]

السلام عليكم ,

أنا لحد دلوقتى هقول ( لا ) لكن , أنا خايف من اللى بعدها , لحد دلوقتى مفيش رؤية واضحة اذا تم رفض التعديلات ايه اللى ممكن يتم , ازاى هنختار المجلس اللى هيعمل الدستور الجديد و هياخد وقت اد ايه و ازاى هنقدر نقيم الدستور دة و موادة , من الاخر أنا خايف من الغموض اللى بعد كلمة لا

اظن يعنى احنا مخوفناش و الطوب بيضرب علينا و مخوناش و الامن المركزى بيضرب الناس و الشهداء بالمئات

حنخاف الان بعد ما الامور استقرت ..لو فى غموض بعد لا للتعديلات ..تاكد ان فى غموض اكتر و تخبط اكتر بعد نعم
يبقى زى ما بيقول المثل الشعبى .."قاضى اخف من قاضى" و " اللى تخاف منة ميجيش احسن منة "

الهم وقفنا لما فية خير هذة الامة يا رب

[chato_eg]

بغض النظر عن نعم أو لا
هو المفروض كل إللى فوق ال 18 سنة من حقهم الانتخاب ؟
أعتقد إن عدد من لهم حق الانتخاب يفوق ال 50 مليون مواطن...
كلهم لازم ينتهوا من التصويت فى خلال يوم واحد...
طيب إيه هى الضمانات الأمنية لسلاسة و تأمين سير اليوم ده...
شكل الاستفتاء....هل هى ورقة ( نموذج ) يتم ملئه بالبيانات...
أم هناك شكل آخر ؟
هل القطاع الخاص مجبر على منح أجازة مدفوعة الأجر فى هذا اليوم أيضا كما هو الحال بالنسبة للقكاع الحكومى ؟

هناك تحذير على لسان الفريق سامى عنان من أى تظاهرات فى يوم التصويت..و أى خروج سيعامل وفقا لقانون البلطجة !!
هل هذا سارى على يوم الجمعة أيضا ...و على المظاهرات السلمية ؟؟

[SeiffoZ]

لأ ... عايز دستور جديد ..

عايز دستور يكون بعيد عن أهواء من فى مجلس الشعب ...

عايز دستور يدى أى حد بالجزمة .... مش هستنى حدا يجى يقول أنا هعمل دستور يدينى بالجزمة

[shaddadfalcon1]

انا هصوت بنعم ان شاء الله

لازم نستقر وبعد كده نبقي نغير الدستور زي مااحنا عايزين وادينا عرفنا السكه خلاص

لو عملنا دستور جديد دلوقتي يبقي مش هيتعمل لاننا دلوقتي ومحدش عارف هيقول اه ولا لآ وكل الليله كام ماده فما بالك لو عملو دستور جديد فيه اكتر من 100 ماده - ساعتها هتلاقي مفيش اتنين متفقين علي حاجه وهيصل خلافات كتيير

[CryptonX]

ياترى !
لو اتوافق على التعديلات الدستورية
او لم يتم الموافقة عليها

و فرضا انه استفتاء نزيه و عادل
هل الطرفين ( المعارض و الموافق ) حيحترم الاستفتاء ؟
ولا حنعمل منتجع سياحي في التحرير ؟

الديموقراطية بقى ... ولا ايه ؟

[jisso82]

لا لتعديل الدستور بوضعه الحالى (لا لمجلس تشريعى لن أثق فى أغلب مرشحيه لترشيحهم فى الظروف الحالية لتأسيس لجنة وضع الدستور الجديد) / ( لا لرئيس جمهورية بهذا الكم المطلق من الصلاحيات)

[Hacker5]

لا و ألــــــــــــف لا

[ahmed_oth]

انا بالنسبالى وبالنسبه لاغلبيه الشعب المصرى هذه التعديلات تعتبر كافيه وجيده لاقامه دستور ودوله محترمه
اما بالنسبه للى هيقول لا ودول فئه من المثقفين والقوى السياسيه المعارضه وشباب الثائرين فا هما بيبحثو عن حياه سياسيه مثاليه
وده مش غلط ولا عيب ولكن ده استحاله يحدث حاليا فى ظل عدم انتشار الوعى والنضج الكافى عند المصريين فى مختلف المجالات السياسيه وعلميه واجتماعيه ,,,,الخ
فا عشان كده هنلاقى الاستفتاء هيكون بنعم باغلبيه تفوق 60%
واهم شىء احترام النتيجه مهما تكون وليس فرض راى بالقوى على رأى اخر
أخر شىء ولازم نحطها فى الاعتبار ان الجيش لازم يرجع لثكناته العسكريه باسرع وقت ممكن فا زى منجح الثوره لازم نقف بجانبه
نعم