العلاقه الماديه بين الزوج و الزوجة

[MohssenRashed]

لو انت و هيا بتشتغلو يبقى المشاركة لأنها هتحافظ على فلوسك زي ما بتحافظ على فلوسها.

[nevozaky]

بص حضرتك حسب طبيعة الزوجة .بس اعتقادى ان الصراحة مطلوبة فى كل الاحوال من الطرفين .يعنى هيه تعرف عنه كل حاجة وهو كمان .بس لازم فى فى اتفاق بينكم على كيفية المعيشة واسلوب الانفاق .حسب اولوياتكم .انا عن نفسى باحب الصراحة فى كل شىْوالزوجة العاقلة المحبة باْذن الله هتحافظ لك على كل شىْ.لكن صعب نبتدى حياتنا باننا نخبى على بعض سواء ماديا او معنويا. حضرتك بتبتدى حياة جديدة خليها حياة واضحة فى كل شىْ.وربنا يوفقك .

[magid1010]

ولا انقاص ولا بتاع
حسب الست
فيه ست متتأمنش علي فلوس
تاخد تشتري لمجرد الشراء
ودي مينفعش تقولها علي مرتبك ولا اصلا تمسكها فلوس في ايديها

وفيه ست مدبره
تغزل برجل حمار زي ما بيقولوا
ودي تشيلها حمول الحمول متقولش لا
ودي بتديها مصروف البيت وهيا بتتصرف وبيبقي ليك انتا مصروف جيب شخصي لو انتا الطرف المبذر

اما لو انتو الاتنين وسطيين يبقي تمشوا بمبدأ المشاركه
الفلوس بتتحط تتقسم وتتفاهموا وتتشاركوا في كل حاجه

و الله راى كويس برده شكرا ححاول اشركها و اشوف

[icehearted girl]

انا ليا واحد صاحبى بيتبع مبداء يعنى الماهيه من الصراف على العلاوه على الانصاف بيكونوا ملك ايديها نضاف

بصراحة هلكتوني ملضحك من تعليقاتكم

بس هقولكم نصيحة...ديما المجهول مرغوب

يعني لو أول بأول رسيت مراتك علي دخلك وامكانياتك وبينتلها انك مش مخبي عنها حاجة مش هتقدر تطلب اكتر من طاقتك لانها عارفة البير وغطاه

انما لو خبيت عليها ان شالله عشرة جنيه هتفتكرك شايل عنها الوف وديما هتطلب اكتر من طاقتك لانها فكراك عامل خميرة زي مبيقولوا من وراها...

وبعدين معتقدش بعد متطلعوا احتياجات البيت ومصاريفه من المرتب هيتبقي حاجة تخبيها...دا يا دوب تقدر تخنصر تمن البنزين..هونتو مش عايشين ف مصر زينا برده ولا ايه :d

انا بشوف ماما بتدخل تشتري حاجات ملسوبر ماركت ف خمس دقايق بما يساوي مرتبي انا شخصيا..وبتبقي حاجات ضرورية جدا مش ترفيه يعني

ربنا يستر علينا جميعا

[shaddadfalcon1]

زوجتي تعرف عني كل حاجه من اول الفلوس اللي بتيجي كل شهر وللي ممكن تيجي
ومش يتاخد مني غير اللي البيت محتاجه ومش بتطلب غير لما يبقي معهاش مليم

لو زوجتي كانت ممكن تبقي مش حريصه عليا وعلي مصلحتي مكنتش اتجوزتها لان لو مش هي اللي هتخاف عليك مين اللي هيخاف عليك؟؟؟


وبالنسبه للي وقع خلاص ومراته مبذره او مش بتعرف تلم وراه وعايزه كل يوم والتاني لبس جديد وعشاء بره يبقي اعتقد تحددلها مصروف شهري وهيا تمشي نفسها بيه

[zyadahmed]

لا يجوز ان تخفى عن مراتك اى مليم تملكه او بيدخلك وده لعدة اسباب اهمها ان الاعمار بيد الله ولازم تبقى عارفة كل التفاصيل علشان مستقبل الاولاد

والاصل فى الموضوع المصارحة الثقة والتفاهم الا اذا كانت الزوجة غير جدير ة بكل هذا ساعتها يبقى فى كلام تانى

ولو هى بتعمل يبقى الموضوع اسهل لانها غالبا هاتكون مدبرة وعارفة قيمة الفلوس وازاى بتيجى

[husseinsalah]

الموضوع مش عدم ثقة فى الزوجة ابدا ومع ذلك الزوجات كلهم بيتفقوا فى حاجة واحدة وهى ان طالما معاك قرشين زيادة للزمن يبقى مافيش مانع نبحبحها شوية (نغير الانترية - نبيض الشقة - نغير حتتين الدهب اصلهم بقوا موضة قديمة... الخ)

وعن نفسى بحتفظ بمرتبى بالكامل واسلم زوجتى على قد المصاريف العادية واى حاجة بشتريها بنفسى وعمرى ما حرمتها من حاجة تقريبا وهى اصلا قنوعة لكن لازم ولابد ومن كل بد ان الواحد يضلمها شوية ومايفتحهاش على البحرى زى( طب لما ربنا يسهل , خليها اول الشهر , ماشى حالك دلوقتى ...)

[adel1414]

لا يجوز ان تخفى عن مراتك اى مليم تملكه او بيدخلك وده لعدة اسباب اهمها ان الاعمار بيد الله ولازم تبقى عارفة كل التفاصيل علشان مستقبل الاولاد

والاصل فى الموضوع المصارحة الثقة والتفاهم الا اذا كانت الزوجة غير جدير ة بكل هذا ساعتها يبقى فى كلام تانى

ولو هى بتعمل يبقى الموضوع اسهل لانها غالبا هاتكون مدبرة وعارفة قيمة الفلوس وازاى بتيجى

[cyborg_ift]

نصيحه ..... ومن الأخر

متعرفهاش كل اللي بيخشلك لإن في جميع الأحوال النتيجه واحده

يعني لو مبذره هتشحتك أ,ل الشهر وهتتداين وعمرك ما هتعلا وهتفضل زي مانتا

ولو حريصه هتطلع عينك في أكل وشرب وعيشه وهتقعد تحوش تحوش وتنزل تشتري دهب في الأخر وإنت يجيلك الضغط والمراره وهتشحت وتتداين وعمرك ما هتعلا ولو عزت فردة غوايش ولا حلق هتطلعهالك بالدم وكإنهه بتقطعهه من جتتهه ده غير ان اي مصاريف للعربيه أو ليك هتبقا كإنك في معاهدة حفظ السلام ... وسلملي على أخر الشهر لما تقبض ودواليك دواليك وتستمر الحياه

[human]

نصيحه ..... ومن الأخر

متعرفهاش كل اللي بيخشلك لإن في جميع الأحوال النتيجه واحده

يعني لو مبذره هتشحتك أ,ل الشهر وهتتداين وعمرك ما هتعلا وهتفضل زي مانتا

ولو حريصه هتطلع عينك في أكل وشرب وعيشه وهتقعد تحوش تحوش وتنزل تشتري دهب في الأخر وإنت يجيلك الضغط والمراره وهتشحت وتتداين وعمرك ما هتعلا ولو عزت فردة غوايش ولا حلق هتطلعهالك بالدم وكإنهه بتقطعهه من جتتهه ده غير ان اي مصاريف للعربيه أو ليك هتبقا كإنك في معاهدة حفظ السلام ... وسلملي على أخر الشهر لما تقبض ودواليك دواليك وتستمر الحياه

++++++++++++++++++++++++1

[eng/muhamad]

تعرف دخلى ليييييييييييييييييه
لا طبعا
انا اشوف البيت محتاج كام فى الشهر و اديه لها
و اعمل لها هى مصروف شخصى كل شهر برده غير مصروف البيت فلوس لها هى يعنى
لكن الباقى بقى انا حررررررر فيه

[ramy87]

الستات زي الحكومه لازم تتفق معاها علي دستور يحد من صلحياتها
لانها لو عملت الدستور براحتها
صدقني هتمشي تشحت

هههههههههههههههههههههههه

[ramy87]

السلام عليكم ورحمة الله وبركاته

كنت عايز اعرف العلاقه الماديه بين الراجل و مراته يعنى بما انهم عايشين مع بعض هل المرأه تعرف دخل الراجل كل شهر و هى تتصرف فى دخله

بص هوه المفروض الحاجات دي الأتنين بيتفقوا عليها من الأول
لأن لا كل الرجالة زي بعض و لا كل الستات زي بعض
و كل واحد عارف ازاي يتعامل مع شريك حياته الطرف الآخر

بس رأيي الشخصي
المفروض الزوجة تبقى عارفة مرتب زوجها طبعا
و الزوج يديلها كل شهر مصروفين
مصروف البيت و مستلزماته
مصروف إيديها
و لو إحتاجة حاجة تاني تطلب منه و هوه أدرى بمصاريفه و احتياجاته

[Ghamrawy]

انما لو خبيت عليها ان شالله عشرة جنيه هتفتكرك شايل عنها الوف وديما هتطلب اكتر من طاقتك لانها فكراك عامل خميرة زي مبيقولوا من وراها...

وبعدين معتقدش بعد متطلعوا احتياجات البيت ومصاريفه من المرتب هيتبقي حاجة تخبيها...دا يا دوب تقدر تخنصر تمن البنزين..هونتو مش عايشين ف مصر زينا برده ولا ايه :d

انا بشوف ماما بتدخل تشتري حاجات ملسوبر ماركت ف خمس دقايق بما يساوي مرتبي انا شخصيا..وبتبقي حاجات ضرورية جدا مش ترفيه يعني

ربنا يستر علينا جميعا

كانك بتتكلمى عليا سبحان الله
بس مرة الجواب اللى بيجى من البنك وقع فى ايد بنتى (سنتين و شوية) و طبعا فرتكت الظرف و مراتى اخدته منها و طبعا بصت فيه (قال يعنى بالصدفة) و لقت مبلغ كنت شايله للطورائ و سد العجز فى مصروف البيت ....و طبعا هى مثلا عرفت الموضوع ده يوم 16-3
يوم 16-4 كان المبلغ ده كله مصروف
فى ايه معرفشششششششششش لغاية النهارده

علشان كده انا من انصار قطع جميع وسائل الاتصال المالى عن الزوجة

[magid1010]

كانك بتتكلمى عليا سبحان الله
بس مرة الجواب اللى بيجى من البنك وقع فى ايد بنتى (سنتين و شوية) و طبعا فرتكت الظرف و مراتى اخدته منها و طبعا بصت فيه (قال يعنى بالصدفة) و لقت مبلغ كنت شايله للطورائ و سد العجز فى مصروف البيت ....و طبعا هى مثلا عرفت الموضوع ده يوم 16-3
يوم 16-4 كان المبلغ ده كله مصروف
فى ايه معرفشششششششششش لغاية النهارده

علشان كده انا من انصار قطع جميع وسائل الاتصال المالى عن الزوجة

و الله معاك حق هما ما بيصدقو يعرفو ان فيه قرشين زياده و طلبات غريبه بتطلع و ممكن الواحد يعيش من غيرها عادى لكن لازم ما يكونش فيه فلوس زياده خوف من ان الواحد يلعب بديله