مين راح الشغل النهاردة؟؟ (مساحة للفضفضة)

[ramyfawzy]

انا كمان في الشغل
مش خوف منهم في الشغل والكلام ده
بس انا محتاج الاجازات بتاعتي
انا شفت كميات من عربيات الامن المركزي متجهة الى وسط البلد
فربنا يستر

رامي (ابو احمد)

[محمد المشد]

زيك تمام

غير اني غير مقتنع بالاضراب ده نهائي .

عايزين تضربوا - امسكوا حاجة حاجة ... مش نضرب علشان البلد وحشة و الجو برد و الدلع ده ..

اضراب ؟

- عدم شراء لحمة لمدة اسبوع او شهر

- عدم شراء سلعة معينة عليها اعتراض

--
انما ماروحش الشغل علشان الدنيا غالية و البطالة .. و مش عارف ايه بصراحة ده لعب عيال .

بصدق هذا هو افضل اقتراح وما يجب عملة مش اضراب عام بدون نتيجة 000 المهم النتيجة مش الاضراب وفعلا اقتراح الاقلاع والاحجام عن شراء شىء معين لمدة اسبوع سوف يؤدب التجار لابارك الله لهم فيما يفعلونة مع الشعب المسكين

[sherif_84]

انا كمان رحت الشغل النهاردة عشان برضو ماعطلش حد من العملاء عشان الناس مالهاش ذنب في زياذة الاسعار
وربنا يهدي الحكومة النظيفة ( :

[kimo-nubira]

انا في الشغل النهارده..ماقدرش اتخلى عن مسؤلياتي ببساطة كده وإلا أبقى زي الحكومة..وبعدين شغلي مش تكراري وفي مكان مهم (من وجهة نظري) ولو الدنيا وقعت هايجبوني من بيتي علشان اتصرف....وربنا يستر

+1111111111111111

[Akram]

انا رحت الشغل لأني عل قناعة انه مش هيعمل حاجة ,
الحكومة بتعمل اللي هي عايزاه و اللي بيصب في مصلحة القائمين على الحكم قبل مصلحة أي حد تاني ,
و كل حاجة مطبخة و مسبكة كويس ,
و أي حل الحكومة ممكن تعمله فده مسكن و ليه هدف بالنسبة ليهم ,
بس الملاحظ ان البلد فاضية شوية النهاردة و انا جاي الشغل يعني فيه ناس مخرجتش و عاملة إضراب فعلاً .

[mohamed_88sk]

أنا عن نفسي طالب جامعي والنهارده أجازتي فقعدت في البيت بس بصراخة قلقان لا يحصل تخريب في البلد ويكون الهبل ده إضراب غير سلمي ..
أنا بقول هبل عشان مش معقول واحد بيشتغل يأذي نفسه وأولاده لما مرتبه يلاقيه مخصوم منه بسبب تغيبه وكمان سمعت أن أي عمل حكومي حيعمل للمضربين تحقيق وكده ....
ــــــــــــــــــــــــــــــــــــــــــــــــــ ـــــــــــــــــــ
أنا من ساكني الأسكندرية وكان عندي إمبارح كورس المهم كانت الدنيا زحمة بطريقة غريبة كله كان نازل يشتري شكلهم كده ... المواصلات كانت متعبه كده .. فسألت سواق المايكروباص لاقيته بيقولي أن في بعض لجان الشرطه بتسحب من السواقين الرخص النهارده(إمبارح يعني ) عشان تدهلهم النهارده عشان يضمنوا أنهم ما يضربوش ... فعشان كده في سواقين خافوا ومنازلوش شغلهم إمبارح ...


يعنـــــــــــــي بصراحة خراب مستعجل بس الناس بتموت حيعملوا إيه بس ...

[sherif Anton]

هو ده الكلام يارجالة ... اضراب ايه وكلام فارغ

[دموع الثلج]

انا ذهبت الى عملى لأن عملائى اللى شغلهم هيتعطل لا علاقة لهم بمشكلة الغلاء، لكنى تضامنا مع رافضى الغلاء مش هشترى حاجة النهارة ، لا ساندويتشات ولا شاى ولا قهوة ولا بقالة ولا حتى بنزين

يا سبعاوى حتى الجلسه اتاخرت للساعه 11.3 يعنى الشاشات عامله اضراب كمان وربنا يسترها

[ضيفو]

واللى راحو الشغل عشان مصلحة العملاء والناس.. سؤال بقى؟؟ االعملاء والناس دى راحت عشان تخلصلهم مصالحهم؟؟ ونسبتهم كام بالنسبة للشغل اليومى؟؟

عشان نغير نظام فاسد لازم يبقى فى تضحيات ولو بسيطة
ايه يعنى يوم من اجازتى يضيع.. ولا مصلحة تتعوض لعميل بكرة ..ولا يوم يتخصم منى.. انت هتفكر فى نفر واللى قاعدين فى البيت بيفكروا فى المجتمع كله..

وفكرة الاضراب عن انواع معينه من السلع عشان( سعرها) فكرة كويسة ومعمول بيها من ناس كتير واناا منهم من رمضان اللى فات ياريت تتعمم الفكرة دى وتنجح زى فكرة الاضراب النهاردة

والمهم فى الموضوع ان المصريين قالوا لأ:):):)

[FLYINGPEUGEOT]

واللى راحو الشغل عشان مصلحة العملاء والناس.. سؤال بقى؟؟ االعملاء والناس دى راحت عشان تخلصلهم مصالحهم؟؟ ونسبتهم كام بالنسبة للشغل اليومى؟؟

عشان نغير نظام فاسد لازم يبقى فى تضحيات ولو بسيطة
ايه يعنى يوم من اجازتى يضيع.. ولا مصلحة تتعوض لعميل بكرة ..ولا يوم يتخصم منى.. انت هتفكر فى نفر واللى قاعدين فى البيت بيفكروا فى المجتمع كله..
والمهم فى الموضوع ان المصريين قالوا لأ:):):)

...................................

والله يأخى ريحتنى وؤلت اللى كنت عايو اقولو من بدرى
+1111111111111

....دا فى ناس بره ساعات بتضحى بحياتها كلها عشان تعترض على وضع غلط...واحنا هنا خايفين من يوم خصم..ممكن بسببو البلد تتعدل!!!!!!!!!!!!!!!!!!...

[حماده عزو]

دأنا كونت فاكر أن الموضوع بجد وفى ناس هتضرب فعلا
لكن يخساره محدش أعد فى بيتو غيرى أنا

[mohamed_88sk]

يا جماعه اللي أنا قصدته بأن اللي حيتغيب بيأذي نفسه وأولاده لأن اليوم حيتخصم عالــــــــــــــــــــفاضي
لأن كالعاده مفيش حاجه حتتغير ...
أنا عارف أنها نظرة سوداويه لكن ده الواقع في رأيي للأسف..

[OlaOsman]

بعد إذنكوا بس يا جماعة اللي مضرب النهاردة عن قناعة ربنا يوفقه و اللي مش مضرب عن قناعة برضه دي قناعاته و هو حر فيها.. كل واحد ممكن يكون معترض بطريقته، عشان كده ما ينفعش نفرض طريقة معينة للاعتراض.. و للناس فيما يعترضون مذاهبُ

طبعا جميل اننا كلنا نبقى يد واحدة و موقف واحد ضد اللي بيحصل في البلد من غلاء و استغلال و استهانة بالناس.. انما مش ضروري نتفق كلنا على الطريقة و مدى فاعليتها.

[د-احمد عبد اللطيف]

هو تقريبا كل الناس اللى في المنتدي هنا في وظائف حساسه وفي مواقع مهمه والبلد ماتقدرش تمشي من غيرهم مش عارف ليه انا حاسس ان المنتدى منفد على الداخليه
الداخليه اجدع ناس
انا برضه برغم ان الاحد اجازه في امريكا بس رايح الشغل (anti اضراب) عشان برضه زي الباشوات ماقالوا الزباين مالهومش لازمه اقصد مالهوم ذنب
وعلى رأي نجاح الموجى (في دور اسماعيل الحلوف) ياكش تولع

يا اخوان ان الله لايغير مابقوم حتى يغيروا ما بأنفسهم

[ضيفو]

انا مش معاك يا عزو اظاهر انت بتسمع اخبار التلفزيون المصرى ومش بتبص م ن البلكونة فى انس خرجت صحيح مش بننكر لكن كام فى المية

عشان يبقى كلامنا موضوعى لازم يبقى بالارقام فى ناس فى شارعنا خرجت والعربيات دارت الصبح

لكن برضه جنب ده انا بعينى شايفه برضه ان فى اختلاف والارقام هتتكلم بس متسمعهاش من مصر وللاسف عشان معندناش لا شفافية ولا مصداقية وافتكروا وكسة 67 والاخبار اللى كانت بتتقال

اثبتوا يا مصريين
:):):)