الجمعة 18 مارس 2011

[Mohamed_Rashad]

معلش الست دى هبلة ...

احترم رأيك بس بعد اذنك الموضوع مش لابداء الرأي في شخصية نوارة نجم.
حاول تفهم و تتأمل فكرة الموضوع و الهدف الأساسي منه.
بدون تجريح لأي شخص حتى لو اختلفت معاه أو معاها.

بتفكروني بواحد قتل واحد بمسدس ...قامت الناس سابت القاتل ومسكت المسدس عايزه تكسره
الشركات دي في عقودها مع الدوله ان الامن القومي لو طلب منها غلق الشبكات تقفلها غصب عن عين اللي جابوها
...................
ياريت تسبوكو من الكلام الفارغ ده ....ولو مش عايزين دم الشهداء ميروحش هدر ...ابتدو خدو بالكو من مصر اللي دمهم راح علشانها

مصطلح الأمن القومي ده مصطلح عام زي موضة مصطلح الارهاب و مكافحة الارهاب و أمن الدولة لما أدى أوامر لشركات الاتصالات بقطع الخدمة كان بقصد حماية الأمن القومي و لا بقصد حماية أمن النظام الظالم البائد.
على كده ممكن برضه نلتمس العذر للشرطة على قتل و سحل المتظاهرين العزل بقصد أنهم كانوا بيحموا الأمن القومي!

[CryptonX]

هو ده مش حل فعلا بس فكرة برده :

اكتر حاجة بتضايق الشركات دي .. لما واحد يكون خط ويروح يقول انه عايز يبقى كارت !

حيقولك تاخد عرض 3 شهور ب 50% خصم على فاتورتك ( اتصالات مثلا ) بس تفضل فاتورة ... وافق ... واديك استفدت 3 شهور بنصف الثمن :)

[أبو_حمزة]

سمعت برضه ان عقود الشركات فيها بند يلزم الشركات بقطع الخدمة عند طلب الجهات الامنية
بس زى ما الشركات عليها ريسك (مخاطرة) انها تخسر بأوامر أمنية
عندها مخاطرة اها تخسر باوامر شعبية
غالبا الخسارة اللى ها تقع عليهم من يوم مقاطعة مش كبيرة و ده المطلوب لأنى مش عايز اقطم ضهررهم
أنا بس عايز افكرهم مين اللى بيدفع الفلوس
مش الحكومة بس اللى الشركات(مش الحمول بس. أى شركات) لازم يعملوا حسبها من هنا و رايح
عشان كده ان شاء الله اطفى الموبايل يوم الجمعة

[Mohamed_Rashad]

انا مش هقفل الموبايل
انا مع الفكره ان لازم ضغط
و الضغط باى طريقه مناسبه
انا مش مقتنع بغلق المحمول و لكن مقتنع بعدم السكوت
عشان مايتكررش ده تانى

هيه دماغها وصلتها لغلق الموبايل تشكر و فوق راسى من فوق و افضل فى رأيى من اى حد بيشكك او مش عارف ياخد خطوه

لازم ضغط و لازم تعبير عن ان الوضع غير مقبول انه يتكرر تانى
الرساله توجيها لشركات الموبايل ضروره عشان تعرف ان ماينفعش تيجى ضد الشعب و ده يضعف موقف الحكومه لو ضغطت عليها تانى

يعنى الرساله للحكومه عن طريق شركات الموبايل

الموضوع واضح مافهوش لبس و الاختلاف على الطريقه

و طالما ديموقراطيه

اللى مش عاجبه هو حر من غير ما يغلط فى حد

اللى مش عاجبه الفكره ماينفذهاش بسيطه و مش محتاجه نكيل اتهامات لاى حد

أحي حضرتك على رؤيتك الثاقبة لفكرة الموضوع و الهدف منه واننا ممكن نطبق الفكرة بصور مختلفة.
المهم أن شركات الاتصالات تفهم و تعي الرسالة أن الأولوية للشعب مش النظام.
تحياتي

عموما القضاء الإداري ينظر الأربعاء دعوى قطع خدمة المحمول يوم ٢٨ يناير.

[Mohamed_Rashad]

[Mohamed_Rashad]

مادة فضفاضة

مفيش مضمون ...لو علشان القطع اللي حصل يوم 28 ....ده بامر سيادي ومش بمزاجهم .......ماكنوش مخيرين فاختارو ده
لكن لو عاوزين علشان الفلوس اللي بيخدوها ....او علشان الخدمه سيئه....ماشي ....بس مالهاش لازمه نحشر الشهداء فيها بقي ونتاجر بالثوره

المادة 67 من قانون الاتصالات والتى تتيح للجهات الأمنية إدارة الشركات فى الأوقات الاستثنائية والحروب هى مادة فضفاضة واستخدمتها الجهات الأمنية فى غير موضعها أثناء ثورة يناير.