مساعده مهمه جداً

[هيثم المنياوى]

السلام عليكم ورحمة الله وبركاته
اخوانى الأفاضل فى أحد أصدقائى معاه أمانه لابد من إيصالها للأخ تامر حسنى
فياريت اللى يعرف إزاى نوصله يتفضل سواء برقم تليفون أو عنوان مكتب أو ماشابه ذلك
الموضوع غايه فى الأهميه ولكم الأجر إن شاء الله
ياريت اللى يتفضل بأى حاجه يكون متأكد منها......جزاكم الله خير الجزاء
والسلام عليكم

[هيثم المنياوى]

ياريت اللى عنده معلومه يتفضل باجماعه الموضوع مهم داً

[WaleeD-ZidaN]

انا اعرف بيت امه :)

[هيثم المنياوى]

انا اعرف بيت امه :)

لوحضرتك بتتكلم بجد ياريت تبعتلى العنوات نفصيلاً على الخاص من فضلك

[FunnyMickey]

هوا حضرتك تقضد تامر حسني المغني ولا ده عضو معانا هنا ولاايه

حضرتك مكان البحث غلط
:)

اسهل طريق ليه تامر لافرز دوت كوم
الموقع الرسمي بتاعه كلم حد من المشرفين وهوا يوصلك ليه بسهوله وخلاص
او اعمل موضوع هناك وحتلاقي الالاف الاعضاء والعضوات بالاخص عارفين بيته وبياكل ايه وبيشرب ايه
بس يارب متطلعش الامانه كلمات اغنيه ولا واحد عاوز يتشهر

[هيثم المنياوى]

هوا حضرتك تقضد تامر حسني المغني ولا ده عضو معانا هنا ولاايه

حضرتك مكان البحث غلط
:)

اسهل طريق ليه تامر لافرز دوت كوم
الموقع الرسمي بتاعه كلم حد من المشرفين وهوا يوصلك ليه بسهوله وخلاص
او اعمل موضوع هناك وحتلاقي الالاف الاعضاء والعضوات بالاخص عارفين بيته وبياكل ايه وبيشرب ايه
بس يارب متطلعش الامانه كلمات اغنيه ولا واحد عاوز يتشهر

أنا فعلاً أقصد تامر حسنى المطرب وماتقلقش حضرتك الموضوع مالوش علاقه بالأغانى خالص الحمد لله مالناش فيها
أنا بشكر حضرتك على الإهتمام وهجرب موضوع الموقع ده ويارب أوصله بسهوله
جزاكم الله خيراً

[FunnyMickey]

اوعي تكون رايح تغزه ولا حاجه
انا شايفك راجل منياوي صعيدي دمك حامي
:)
هوا صحيح خنقنا في الثوره بس متوصلش للجتل
وصحيح حتبقي عملت فينا جميل عمرنا ما حننساه
بس بردو احنا خايفين عليك ياولدي
عتروح بلاش في تامر حسني

[هيثم المنياوى]

اوعي تكون رايح تغزه ولا حاجه
انا شايفك راجل منياوي صعيدي دمك حامي
:)
هوا صحيح خنقنا في الثوره بس متوصلش للجتل
وصحيح حتبقي عملت فينا جميل عمرنا ما حننساه
بس بردو احنا خايفين عليك ياولدي
عتروح بلاش في تامر حسني

لا ياولد عمى متخافش ولد عمك يقتل القتيل ويمشى فى جنازته
ههههههههههه.........أتريق ياعم أتريق على الصعايده
.....................
الموضوع خير ماتقلقوش ياريت بجد تساعدنا ياعمى الحاج ياللى عمال تسخن فيه

[FunnyMickey]

والله فعلا مفيش طريق غير الموقع اللي بقولك عليه ده
تعرف ايه اخر اخباره وتتابع
كلهم هناك ملهومش سيره غير تموره وحواجب تموره وشعره وايده وصوابعه
هوا شخصيا ليه اكونت عليه
وبيدخل وبيعمل مواضيع
ومدير اعماله واصحابه
يعني ممكن توصل لاي واحد فيهم بسهوله وتبعتله رقمك وتقول ايه الامانه اللي لازم توصله
لان محدش حيوصلك ليه الا اما يحس ان الموضوع مهم

وممكن كمان تسأل علي اماكن استوديوهات محسن جابر عالم الفن
او نصر محروس
انا مش عارف هوا مع مين دلوقتي
والله انا اسمع انه عنده فيلا في الرحاب
بس طبعا انتا عارف الاشاعات
مش متاكد
كله كلام

اقولك الفنادق النضيفه
تروح وترشق هناك
واكيد حيحيي فرح هناك
منه توصل الامانه
ومنه تدخل عالبوفيه
ومتنساش اخوك بقي في ورك كده ولا صدر
:)

[هيثم المنياوى]

والله فعلا مفيش طريق غير الموقع اللي بقولك عليه ده
تعرف ايه اخر اخباره وتتابع
كلهم هناك ملهومش سيره غير تموره وحواجب تموره وشعره وايده وصوابعه
هوا شخصيا ليه اكونت عليه
وبيدخل وبيعمل مواضيع
ومدير اعماله واصحابه
يعني ممكن توصل لاي واحد فيهم بسهوله وتبعتله رقمك وتقول ايه الامانه اللي لازم توصله
لان محدش حيوصلك ليه الا اما يحس ان الموضوع مهم

وممكن كمان تسأل علي اماكن استوديوهات محسن جابر عالم الفن
او نصر محروس
انا مش عارف هوا مع مين دلوقتي
والله انا اسمع انه عنده فيلا في الرحاب
بس طبعا انتا عارف الاشاعات
مش متاكد
كله كلام

اقولك الفنادق النضيفه
تروح وترشق هناك
واكيد حيحيي فرح هناك
منه توصل الامانه
ومنه تدخل عالبوفيه
ومتنساش اخوك بقي في ورك كده ولا صدر
:)

طيب والله ماقادر أمسك نفسى من الضحك....ههههههههههههه
تخيلت نفسى وأنا فارش جرنان وقاعد قدام الفندق ولا وانا على البوفيه
وبعدين أمسك نفسك شويه ياعمى الحاج ورك وصدر وبتاع....هى اللحمه وحشاك أوى كدا
عموماً وعد منى أعزمك على الغدا قريب وفى الرحاب كمان بس قريب ده يعنى شهرين لإنى مسافر المنيا
بس كفاااااايه ايه الفقر ده.....هموت من الضحك