خروجة جامدة

[شريف]

السلام عليكم

عايز منكم مكان خروجه جامدة و شاعريه اة - علشان مناسبة انا و خطيبتي
فكرت في الريفولفينج بس مش عارف مش عايز اعدي جامد - الاحسن اماكن في مدينة نصر او مصر الجديدة - حد عندي افكار لاخوكم المحتار؟

سلام سلام

[beshomilan]

بواخر ماكسيم والبشوات وغيرها اللى فى نيل الزمالك قدام ماريوت ممتااااااااااااااااااازة وعن تجربة
طبعا انت هتقعد فى الجزء المتغطى مش المكشوف عشان البرد..والاسعار حلوة جدااااااااااااااا

[شريف]

هو حوار البواخر جامد الصراحة بس دي ثابتة صح مش متحركة؟

[mememsaid]

هي اكيدثابته بس ممكن اعرف فكره علي الاسعار؟

[شريف]

مفيش افكار

[sayed911]

اعتقد فيه اكثر من مكان ولكن بس حضرتك قولي حاطط برنامج معين في دماغك يعني بتدور على مكان فيه عشاء مثلا وسينما مثلا يبقى عندك فندق كونكورد السلام اكثر من ممتاز والسينيما اللي هناك ها تغنيك عن الخروج وتتعشى في البهو الخاص بالفندق او مثلا عندك تشيلز في الكوربة !! او مثلا برونتو ...!!! عايز مكان مفيش فيه حد غيرك دي بقى تبقى راجعة هي بتحب ايه مع اني بفضل كان فيه قعدة اكثر من ممتازة في عند كارفور العبور فيه قعدات كثيرة متميزة قدامه في الهواء ولكن مش عارف في الأيام اللي احنا فيها ده شغالين ولا لا .. عندك مثلا بقا الزمالك اماكن لا تعد ولا تحصى بالمرة بس حضرتك قولي فيه ايه في دماغك بالضبط ..

[AhMeD EzZ]

جزيرة المعادي ...

[wael17]

جزيرة المعادي ...

انا باشوف جزيرة المعادي من علي الكورنيش بس عمري ما دخلتها
ايه نظامها من جوة؟ مطاعم و كافيهات؟ فيها اي حاجة للأطفال؟

[شريف]

اعتقد فيه اكثر من مكان ولكن بس حضرتك قولي حاطط برنامج معين في دماغك يعني بتدور على مكان فيه عشاء مثلا وسينما مثلا يبقى عندك فندق كونكورد السلام اكثر من ممتاز والسينيما اللي هناك ها تغنيك عن الخروج وتتعشى في البهو الخاص بالفندق او مثلا عندك تشيلز في الكوربة !! او مثلا برونتو ...!!! عايز مكان مفيش فيه حد غيرك دي بقى تبقى راجعة هي بتحب ايه مع اني بفضل كان فيه قعدة اكثر من ممتازة في عند كارفور العبور فيه قعدات كثيرة متميزة قدامه في الهواء ولكن مش عارف في الأيام اللي احنا فيها ده شغالين ولا لا .. عندك مثلا بقا الزمالك اماكن لا تعد ولا تحصى بالمرة بس حضرتك قولي فيه ايه في دماغك بالضبط ..

و اللة يا باشا اساسي تبقي رومانسية و ممكن علي العصر اكون هناك يعني غذاء و المكان يكون قعدته حلوة لانني ناوي اقضي كام ساعة كمان - مفيش توب للفلوس بس حاجه متتنشيش و تفضل معلمة لفترة طويلة