اللى عايز يروح السودان ... تقرير شامل

[mbluethunder]

ياراجل هجليج على الحدود؟؟ :):) ده انت خضتنى ... انا قلت فين البلد اللى لسه ماشفتهاش دى .... اصل الحدود فى الجنوب كلها غابات :):) وانا لفيت فيها ... فلما قلتلى صحرا .. قلت بس ده راح دارفور ... بس دارفور غرب وانت قلت جنوب !!! عامة هجليج فى اول زياره تبقى معقول شويه .... انا اول اسبوع ليا كان جوبا وملكال (عايز هنا احط وش واحد مرعوب ومتغاظ وبيعيط بس مش لاقى)

ما انا لسى ماكملتيش موضوع الحدود ديه :) كله جاي في السكه


يا باشا دى اقل حاجه عندنا .... :):) ..على الاقل انت نمت بين 4 حيطان ودى لوحدها نعمه تبوس ايدك عليها شعر ودقن :):) بس هما ضحكوا عليك فى الاستراحه دى ... كان المفروض من قبل ما تسافر تأكد على حجز فى فندق .... انما من غير ما تحكى كده .. الموقع هايكون حاجه تانيه خالص !!

طيب نتكلم جد ... خللينا من الاول نتفق ان الجنوب وظروفه مالهاش دعوه بالشمال ... الجنوب مدمر اكتر بكتير والخدمات بانواعها اضعف بكتيير وكل الاسعار اغلى بكتييييييييييييييير .... فمش كل السودان كده
وانا زى ماقلت مانصحش دلوقتى بالاستثمار فى الجنوب إلا لو شركات ضخمه للبنيه التحتية زى ما طلعت مصطفى بيعمل (عامل شغل هنا كتييير .... ربنا يستر ومايبقاش زى كبارى الاتوستراد :):))

وباقولك ايه.... ماتحكيش حاجه يا عم .. ابعتلى على الخاص ونقعد نعيط سوا براحتنا ... ماتسدش نفس الناس ... اهو كريم انسحب من اولها اهه :):)[/quote]

هو كريم يقدر ينسحب برضه :) ولو كملت معاك على الخاص الناس هنا ممكن يحصلها لخبطه وليه نعيط انا وانت بس.. خالي الناس هنا برضه تشارك معانا العياط ولا إنت أيه رأيك:);)

[mbluethunder]

بعد إذنك يا أستاذ علاء الكمبيوتر ومكوناته معليهاش أي جمارك زي مصر بالظبط بس عليها 15% ضريبة مبيعات وشوية دمغات والازم منه بتوصل ل 19% بالظبط.الكلام ده أكيد

طيب خللى علاء يرد عليك بقى :):)
هو الصراحه انا وانا باكتب الموضوع عملت بعض المكالمات علشان اعمل ابديت لاى معلومه قديمه عندى قبل ماكتبها للزملا ... ففى الموضوع ده بالذات انا كنت شارى الرامه قبلها ب5 ايام (وواضح انى محروق منها قوى لان دى تالت مره اذكرها فى الموضوع ده:):)) فسألت واحد مستورد هنا واكدلى انه لسه فى جمارك على الالكترونيات!! عامة لو انت متأكد يبقى خلاص انت ادرى طبعاً

بس سؤال انت بتجيب المكونات منين؟ يعنى من مصر ولا جنوب شرق اسيا مثلا؟ ولو من مصر بتدخلهم كوميسا وللا ايه؟

أوباااه ...... ليه الإحراج ده بس :):)

معليشي يا عماد باشا واضح إن موضوع السودان بدأ يظهر مفعوله والناس بدأت تفكر في إستثمارات مختلفه

البركه فيك برده :):)

[mbluethunder]

ربنا يكون في عونك بس يمكن الفتره اللي قعدتها في الجنوب كانت مؤثره اوي

حاكيلك اللي حاصلي

مبدأيا أنا كلفت بمأمورية شغل على لوحات كهربائيه في موقع بترول كان إسمه WNPOC في منطقه إسمها Higleig

المهم الموقع ده يبعد عن الخرطوم حوالي ساعتين بالطياره ( يعتي انا أخدها ساعتين من القاهره إلى الخرطوم وكمان ساعتين علشان أروح الموقع ده أيه الغلب ده )

خرجت من باب مطار الخرطوم وإستنيت حوالي ساعه لحد ما جه واحد من صحاب الموقع خدني ووداني ال Guest House

المفروض ال Guest House ده بيعتبر في أي شركه محترمه حاجه كده 5 نجوم.

المهم الراجل خدني وانا اول مره أشوف البلد ومش مدي خوانه. مره واحده لقيته وقف قدام بنايه أقل ما يقال عليها أوكازيون الورده السودا ( -10 نجوم ) وكان بيفكر إذاييقدر يوصل لل (-11) بس انا قلتله كفايه عليك ال 10 دول :)

المهم الكلام ده كان بليل ومعرفتيش انام بتاتا يمين شمال مافيش فايده والطامه الكبرى التلفزيون اللي المفروض يكون التسليه الوحيده ( قفلته ) وكنت عايز أرميه من الشباك

قعدت كده لغاية الصبح لما طلع وانا مش قادر هاموت وعايز انام ( يخرب بيوتهم ) آيه ده من اولها كده اومال هايحصل أيه بعد كده يارب سترك

طبعا انا عديت بمرحلة الفطور ده ( وحسبي الله ونعم الوكيل فيهم كلهم ) أنا عمري في حياتي كلها ما شوفت فطار يقعد ساعه أو ساعة ونص ( اومال لو كانوا بيتغدوا كانوا عاملوا آيه )

طبعا ساعة فطار وساعة إنتظار لغاية ما حد من بهاوات الموقوع تكرموا عليا وجم خادوا الأفندي اللي قاعد ملطوع ده ولما جم أخدت الشنطه على كتافي ( لأن البهوات ماعندهمشي حد يشيل حاجه ) وركبت ورايحين على المطار الداخلي

عينك ما تشوف إلى النور

(خليني أكمل بكره ) علشان أنا عايز انام

تصبحوا على خير ( ده أنت فكرتني بأيام)

نكمل بقى لما نشوف اخرتها آيه مع القصه اللي ماخلصيتشي إمبارح ده :)

كنا وقفين فييين فييين فييين ...... إفتكرت

دخلنا على المطار الداخلي إستعدادا لرحلة الطيران الداخلية من منطقة الخرطوم إلى منطقة الجحيم اللي إسمها هجليج ده

طبعا قعدت مستني ساعتين (واضح جدا إن ديه عادة البلد) لغاية لما جه واحد قلنا نركب الباص بتاع المطار علشان نروح للطياره

مبدئيا كده قبل ما أكمل أحب أعترف اعتراف مهم جدا. أنا من الناس اللي بيترعبوا من أي حاجه طايره في الجو او ماشيه في البحر ...... ليه:


1: علشان لما الطياره بتبدأ تشد حيلها على الرن واي في مرحلة الإقلاع بتحط كل طاقتها علشان تقدر تقلع ( وكل طاقتها ده بمعنى انك جايب الأول في أي عربيه وطالع مطلع يجي 5 كيلو بزاوية 70 درجه ... هاتقولي هو في مطلع 70 درجه هاقولك ده الأحساس بتاع الطلعه ده )... هنا بيجيلي إحساس إن من كتر الطاقه المستهلكه في مرحلة الأقلاع محركات الطياره ممن تعمل دقة نقص وتروح قايله والله منا مكمله وتروح فصله وهي لسا بتقول يا هادي. والأحساس ده مش عايز ققولك بيعمل في آيه

2: برضه موضوع إن لا قدر الله حصل أي حاجه . الحاجه ده هاتبقى نتيجتها للمياه ( اللي هو البحر يعني ) للأرض ( وفي كلا الحالتين لن يتم العثور على الضحايا) هو طبعا الأعمار بيد الله ومافيش حد عارف هايموت إمتى والواحد بيدعي ربنا إنه يحسن خاتمته

المهم بقى نرجع للموضوع

الراجل قاعد ماشي ماشي ماشي ماشي وانا مش مدي خوانه خالص ومتوقع طياره ذي بقيت الطيارات اللي انا عارفها

فجأه وقف قدام حاجه كده أقل ما يقال عليها إنه ميكروباص طائر 10 راكب. أنا بقى قلبي وقع في رجليا وإتلبشت وبقيت مش عارف أعمل آيه

ده انا بطلت أركب ميكروباصات في بلدنا هاركبوا وهو بيطير ( يانهار أبيض).. الطياره ده كانت من النوعيات الصغيره أوي بمواصفات كالأتي :

1: حوالي 12 راكب متقسمين على صفين
2: جسم الطياره من الداخل كله مفتوح على بعضه .. يعني اللي راكبين شايفين الشنط اللي في الخلف وشايفين الطيار وهو ماسك الدريكسيون وبياخد غرز:)
3: ليها مروحتين على كل جنب من نوعية المراوح الخارجيه اللي ممكن تسمعها وإنت على بعد 5000 كيلو
4:مكيفة الهواء طبيعيا.. يعني الهوا بيدخل الطياره وهيا بتطير في الجو.. هوا طبيعي فريش:)

أنا شفت الكلام ده كله قعدت أقرا قرآن وأدعي ربنا إنه يوصلني بالسلامه . ومش عايز ققولك إن الساعتين اللي قاضتهم في الميكروباص الطائر ده وبجانب المروحه الخارجيه ديه مش عايز ققولك انا جالي صداع أد إيه وكنت عايز أنزل منها بأي طريقه.

بعد رحلة عذاب لمدة ساعتين كاملين وصلنا لمنطقه كده باين منها وانت في الطياره مربع كده ( وبعد كده إكتشفت إنه الكامب بتاع الموقع) طب فين ياجماعه الرن واي اللي هاننزل عليه مش لقيين حاجه.. أيه ياجدعان .. هما هاينزلونا بالبراشوت ولا أيه

المهم الرن واي طلع حتة أرض كده فاضيه مساوينها علشان الهبوط. وخرجنا من السيمي مطار ده ورحت الكامب

مبدأيا المنطقه أصلا مافيهاش غير الكامب ده وكامب تاني جانبيه والكامب اللي كنت رايحه مافيهوش غير مولدين طلعنين عينهم ويدوبك بينوروا منطقة الكامب بتكيفتها

دخلت الكامب وعينك ماتشوف إلى النور .....

حكاية الكامب ديه خليها بركه علشان انا تعبت من الكتابه


معليشي بقى أصل الأسبوعين دول كانوا من أسوأ الأيام اللي شوفتها من ساعة ما بدات العمل وإنت لما فتحت موضوع السودان إفتكرت الفتره ده وإفتكرت اللي حاصلي وكفايه الحر اللي شوفته هناك وأخوك بقي من الناس اللي بتسيح علطول كده ذي أخونا ده

وللحديث بقيه ...........

[emadkamel]

أوباااه ...... ليه الإحراج ده بس :):)

معليشي يا عماد باشا واضح إن موضوع السودان بدأ يظهر مفعوله والناس بدأت تفكر في إستثمارات مختلفه

البركه فيك برده :):)

لا ابداً مافيهاش احراج ولا حاجه ... الموضوع بسيط .... انا فعلا زى ما قلت عملت تليفونات كتير علشان معلومات كتير تبقى سليمه ... انما الراجل بيقول ان دى شغلته اصلا فأكيد هو ادرى ..... الظاهر اللى انا سألته خاف لأنافسه فى السوق :):)

ولو كملت معاك على الخاص الناس هنا ممكن يحصلها لخبطه وليه نعيط انا وانت بس.. خالي الناس هنا برضه تشارك معانا العياط ولا إنت أيه رأيك:);)

نكمل بقى لما نشوف اخرتها آيه مع القصه اللي ماخلصيتشي إمبارح ده .......

ماهو ده اللى انا قصدته يا باشمهندس محمد لما باقوللك خللينا على الخاص ..... انا لو حبيت احكى المواقف والطرائف اللى حصلت هنا هاحتاج كتب :):) انما انا لما حبيت اعمل الموضوع ده كتبت فيه معلومات مركزه وذكرت المعوقات "الحقيقية" للاستثمار علشان الناس تبقى ليها فكرة عامه .....

طبعاً فى حاجات احنا "مش متعودين عليها" او بالنسبه لنا غريبه ..... انما النظره بتختلف من واحد للتانى .... علشان كده انا قلت لازم الناس تيجى وتركت الحكم على الواقع لكل واحد حابب ييجى لان استقبالى او تقبلى ليه هايختلف عنك وهكذا....

برضه نقطه تانية مهمة ... لما اكون جاى فى مهمة مؤقته والاقى الدنيا كده هاركز اوى مع التفاصيل المضحكه او الغير منطقيه بالنسبالى (وده اللى كان بيحصل معايا فى الاول) وهاتمنى المهمة تخلص بسرعة وارجع لمكتبى جرى ... انما اللى حابب يستثمر هنا او جاى وفى نيته "يقعد" ... اللى عايز ياكل عيش من الاخر مش هايفرق معاه الكلام ده خالص ..... انا مثلا ماظنش ابدا ان اللى راح اشترى ارض فى توشكى يستثمرها مش بيواجه مشاكل يمكن اكتر من هنا او مثلاً هايشتكى من عدم وجود محلات ملابس هناك (ده مثال تقريبى فقط) واكيد برضه عنده تجربته ومعاناته ... وانا كنت شغال فى شركه عمليات سيزمية (خاصة بالبترول) كنا فى كامب 180 كيلو شرق اسوان (بين النيل والبحر الاحمر) وبرضه كان ليه طبيعته ومشاكله

على فكره الطياره الفوكال اللى بتتكلم عنها دى انا ركبتها يمكن اكتر من العاديه :):) لانى رايح جاى لبورسودان كتييييير .... وهى زى مانت بتقول كده ... انما ده شئ عادى جداً ...هى بس جديده عليك ..... وعلى فكره لو رحت 80 % من دول افريقيا هاتلاقيها وبالاخص كينيا واوغندا ... هى دى الطياره اللى ينفع تعمل لاندينج على الممرات القصيره (جنب الهليكوبتر بس الهليكوبتر تعمل تراب كتير) ... وهى دى الامكانيات هنا ..... فى حاجه اسمها خبره المكان وخبرة البلد ... ودى مع الوقت بتكتسبها ...علشان كده انا قلت ان الواحد مع الوقت بيدخل فى منظومة البلد بعد ما بيضيع وقت فى انه يدخلهم فى منظومته وذكرت النقطه دى توفيراً على الناس وحاولت قدر الامكان مايكونش فى انطباعات "شخصيه" قد ماهى انطباعات ومعلومات عامة اشترك فيها مع زملائى هنا علشان مأثرش على قرار اى حد
عامة انا برضه مستنيك على الخاص ومحضر الكلينكس :):)

[elpasha009]

أنا مش قصدي أحرجك والله يا أستاذ عماد وبلاش توقعو بنا :)
أنا متأكد من المعلومات ده لأني جبت كذا مرة حاجات ده غير إني أول ماجيت السودان روحت قعد مع مدير الجمرك شخصيا.
الكوميسا يا أستاذ عماد على ما أتذكر إنها للحاجات المتصنعة في البلد اللي مشتركة في الإتفاقية.يعني لو هتجيب حاجة من مصر لازم تكون (صنع في مصر) علشان تستفيد من الإتفاقية والإعفاءات بتاعتها.
على فكرة الراجل اللي إنت جبت منه الرامة غالي جدااااااااااااااااااااااااااااااااااااا:) بس مش مشكلة أهي غلطة ومش هتتكرر:)
أنا نازل على أخر الشهر إن شاء الله وأكيد هكلمك أنا رقمي:
0925501012

[elpasha009]

بمناسبة الكواقف والطرائف أنا أول ماجيت السودان إتصلت تاني يوم بأهلي وقلتلهم أنا حاسس إني في برنامج الكاميرا الخفية:)
بجد البلد مليانة مواقف وطرائف تحفة بس فعلا على رأي الأستاذ عماد لما تحاول تفهم وتتعايش مع الوضع بتلاقي إن حياتهم ممتازة بجد.

[cazanova555]

انت حببتني في السودان ماليش دعوه بقي وديني هناك :(

موضوع تمام ياباشا ياريت بقي تكمل جميلك وتشوفلي شغل هناك :)

[emadkamel]

أنا مش قصدي أحرجك والله يا أستاذ عماد وبلاش توقعو بنا :)
أنا متأكد من المعلومات ....
الكوميسا للحاجات المتصنعة في البلد اللي مشتركة في الإتفاقية.......

يا حبيب قلبى خالص خالص .... مافيش اى نوع من الحساسيه على الاطلاق .... احنا هنا بنحاول نفيد الناس وأهلاً بأى معلومه مؤكده

الكوميسا فعلا لازم تكون البضاعة متصنعه فى دوله من دول الاتفاقية ... انا اعرف ان دلوقتى فى مصنع (فى بنها تقريباً) بيعمل مكونات الكمبيوتر فافتكرتك جبت منه ....
انا اصلا قبل ماشترى سألت فى كذا مكان هنا وهو ده رانج السعر !!!! شكلك انت اللى هتبتدى تيجى تبيع فى بورسودان :):)

[mbluethunder]

لا ابداً مافيهاش احراج ولا حاجه ... الموضوع بسيط .... انا فعلا زى ما قلت عملت تليفونات كتير علشان معلومات كتير تبقى سليمه ... انما الراجل بيقول ان دى شغلته اصلا فأكيد هو ادرى ..... الظاهر اللى انا سألته خاف لأنافسه فى السوق :):)




ماهو ده اللى انا قصدته يا باشمهندس محمد لما باقوللك خللينا على الخاص ..... انا لو حبيت احكى المواقف والطرائف اللى حصلت هنا هاحتاج كتب :):) انما انا لما حبيت اعمل الموضوع ده كتبت فيه معلومات مركزه وذكرت المعوقات "الحقيقية" للاستثمار علشان الناس تبقى ليها فكرة عامه .....

طبعاً فى حاجات احنا "مش متعودين عليها" او بالنسبه لنا غريبه ..... انما النظره بتختلف من واحد للتانى .... علشان كده انا قلت لازم الناس تيجى وتركت الحكم على الواقع لكل واحد حابب ييجى لان استقبالى او تقبلى ليه هايختلف عنك وهكذا....

برضه نقطه تانية مهمة ... لما اكون جاى فى مهمة مؤقته والاقى الدنيا كده هاركز اوى مع التفاصيل المضحكه او الغير منطقيه بالنسبالى (وده اللى كان بيحصل معايا فى الاول) وهاتمنى المهمة تخلص بسرعة وارجع لمكتبى جرى ... انما اللى حابب يستثمر هنا او جاى وفى نيته "يقعد" ... اللى عايز ياكل عيش من الاخر مش هايفرق معاه الكلام ده خالص ..... انا مثلا ماظنش ابدا ان اللى راح اشترى ارض فى توشكى يستثمرها مش بيواجه مشاكل يمكن اكتر من هنا او مثلاً هايشتكى من عدم وجود محلات ملابس هناك (ده مثال تقريبى فقط) واكيد برضه عنده تجربته ومعاناته ... وانا كنت شغال فى شركه عمليات سيزمية (خاصة بالبترول) كنا فى كامب 180 كيلو شرق اسوان (بين النيل والبحر الاحمر) وبرضه كان ليه طبيعته ومشاكله

على فكره الطياره الفوكال اللى بتتكلم عنها دى انا ركبتها يمكن اكتر من العاديه :):) لانى رايح جاى لبورسودان كتييييير .... وهى زى مانت بتقول كده ... انما ده شئ عادى جداً ...هى بس جديده عليك ..... وعلى فكره لو رحت 80 % من دول افريقيا هاتلاقيها وبالاخص كينيا واوغندا ... هى دى الطياره اللى ينفع تعمل لاندينج على الممرات القصيره (جنب الهليكوبتر بس الهليكوبتر تعمل تراب كتير) ... وهى دى الامكانيات هنا ..... فى حاجه اسمها خبره المكان وخبرة البلد ... ودى مع الوقت بتكتسبها ...علشان كده انا قلت ان الواحد مع الوقت بيدخل فى منظومة البلد بعد ما بيضيع وقت فى انه يدخلهم فى منظومته وذكرت النقطه دى توفيراً على الناس وحاولت قدر الامكان مايكونش فى انطباعات "شخصيه" قد ماهى انطباعات ومعلومات عامة اشترك فيها مع زملائى هنا علشان مأثرش على قرار اى حد
عامة انا برضه مستنيك على الخاص ومحضر الكلينكس :):)

معاك حق يا أستاذ عماد

كل مكان وليه طبيعته الخاصه وظروفه وممكن اللي تلاقيه هناك تلاقيه في أي مكان تاني حتى هنا في مصر وكلها في الأول وفي الأخر مواقف وتجارب في الحياه

موضوع الكامب ده حكايته مش حكايه يعني بس اللي كان جامده اوي إن في أخر يوم تم حصار الكامب من قبل سكان الجنوب وحالفين ليقتلوا أي واحد أجنبي هايخرج بره الكامب لو ماخدوش مستحقاتهم من صحاب العمل :) ... هو كان يوم مايعلم بيه إلا ربنا بس عدى الحمد لله ورجعت البلد سالما معافى

وفي كل الحالات السودان بلد كويسه بس للي عايز يعيش فيها ويستقر ويقتنع بيها 100 %

معليشي أزعجتك بالحكايه اللي انا قلتها بس الواحد كان بيفضفض:):) والموضع مش محتاج لا كلينكس ولا مناديل

( الدموع ولت منذ زمن وبقت الذكريات وحدها تحمل في اعماقها عبره لما سيحمله المستقبل من احداث )

[elpasha009]

يا حبيب قلبى خالص خالص .... مافيش اى نوع من الحساسيه على الاطلاق .... احنا هنا بنحاول نفيد الناس وأهلاً بأى معلومه مؤكده

الكوميسا فعلا لازم تكون البضاعة متصنعه فى دوله من دول الاتفاقية ... انا اعرف ان دلوقتى فى مصنع (فى بنها تقريباً) بيعمل مكونات الكمبيوتر فافتكرتك جبت منه ....
انا اصلا قبل ماشترى سألت فى كذا مكان هنا وهو ده رانج السعر !!!! شكلك انت اللى هتبتدى تيجى تبيع فى بورسودان :):)

أنا بحسبك بتتكلم على الخرطوم.
فعلا لو بورسودان ممكن يكون سعر عادي بس في الخرطوم في السوق العربي أقل من كده.

[Medhat Fathy]

شكرا يا استاذ عماد علي هذا المجهود الرائع
و شكرا لكل من كتب خبرته في هذا الموضوع

[emadkamel]

[COLOR=teal].....إن في أخر يوم تم حصار الكامب من قبل سكان الجنوب وحالفين ليقتلوا أي واحد أجنبي هايخرج بره الكامب لو ماخدوش مستحقاتهم من صحاب العمل :) COLOR]

هم الناس فى الجنوب ليهم طبيعه "خاصه" وعادات وتقاليد تختلف عن الشمال .... الحمد لله ان ربنا سلم ... الناس دى جد على فكره لما بيقولوا هايقتلوا مش بيهزروا ....هو حظك جه كده :):) ومافيش ازعاج ولا كلام من ده خالص ياعم ... ياخوانا الموضوع بسيط خالص ومش محتاج كل ده ..... وان شاء الله لما تيجى المره الجايه نتقابل :):) وللا حرمت؟

[Bassem Youssef]

مفيش تحديث لمعلومات الموضوع الهايل ده من الساده الاعضاء اللي راحوا السودان قبل كده ؟

الموضوع من ٢٠٠٨

[أحمد كمال]

بلد جميلة جدا ...... بتوحشني كتير هي و اهلها

[ESO101]

من عشرة للسودانيين في الغربة أعتقد أن المسألة مختلفة فيما يخص التعامل مع المصريين
فهم شديدوا التحسس من المصريين على وجه الخصوص
ويقدمون سوء الظن في الغالب في أي حديث يدور بينهم وبين مصري
لا أعرف إن كان هذا الأمر يختلف أو النظرة تتغير عندما يقيم لديهم المصري في بلدهم
ولكن يوجد فيهم صفة الأمانة وهذه الصفة التي يتميز بها الشعب السوداني في غالبيته