عاجل وهام لكل موافق او معترض علي التعديلات -المؤقتة -

[ahmedbatoos]

في خبر جديد

رصـد | اللواء ممدوح شاهين "عضـو المجلـس العسكـري" : فى حالة رفض التعديلات سيتم عمل إعلان دستوري بتعديلات جديدة مؤقتة وسيتم بدون استفتاء ولا يوجد إمكانية حاليا لعمل مجلس رئاسي



يعني الان اذا رفضت
1-البقاء في حكم عسكري بدون تحديد مدة
2-لا يوجد مجلس رئاسي
3-القبول بتعديلات لا اعلم ما هيتها راغما بدون اي استفتاء وترقيع في النهاية
4-عدم وجود اي اطار زمني ولا كيفي لوضع دستور جديد
5-ذيادة احتمالية وحدة عدم الاستقرار الا اذا سيطر الجيش بقوة علي الشعب

اظن ان الاخبار الاخيرة تهم المعترضين اكثر من الموافقين اظن ان الامر اصبح اكثر وضوحا في صالح الموافقة علي التعديلات المؤقتة
وشعرت من نبرة الجيش من مدة طويلة انه يريد التفرغ والوصول لحالة استقرار باسرع وقت بسبب التطورات الدولية السريعة من كل الحدود المصرية -ايطاليا تتحدث عن حرب عالمية ثالثة -

فما الرأي الأن الاقرب للنجاح والافضل

[د.أبونضال]

طيب ووجعوا دماغنا ليه ما كانوا يعملوه من غير استفتاء من الأول .... لا أصدق الخبر

[FunnyMickey]

لما قريت الخبر حسيت بحاجه واحده
الجيش بيقول ياتقولوا نعم ياحنوريكو شغلكو
:(

الخبر ده ممكن يقلب الموازين ويخلي اللي عاوز يقول لا يقول نعم مجبرا
يبقي استفدنا ايه
مكنتو عدلتو بالعافيه وخلاص

[alynubira]

والله معاهم حق
انا هاقول نعم نعم نعم علشان الثوره تنجح

[casperinoo]

خبر ده اي كلام...انا اثق في الجيش ولا اتق في رئيس منتخب
الجيش من اول يوم لو كان عايز ينط علي الثوره كان عمل كده

[misoalex]

الخبر ده اكيد غلط طبعا كانو قالو كده من زمان

وهو لوالخبر صح كده تبقى هى دى الديمقراطيه المصريه

[فتح الباب]

رغم قسوة الاحكام العرفيه للجيش الا انها اهون بكثير من اننا نقول نعم وانا افضل ان اقول لا او نعم للاحكام العرفيه وده رد على عنوان الموضوع ( على فكره انا قرأت الدستور بأكمله مما جعلنى لا اعمل اى عمل اخر للكسب)

[migo9898]

ياجماعة حتى لو الخبر صح كل واحد خد قراره وبرده هاقول لا

[a7madramadan]

الخبر ده غير صحيح بالمرة .....ده مش تفكير الجيش و مش منطقي ...دا عاوز يخلص مش عاوز يعمل بلبلة و هيصه ضدهم .... انتم معتقدين يعني ان في حد فالدنيا يسكت لو الجيش فرضت تعديلات بدون استفتاء ؟؟ الكلام غير صحيح بالمرة

[Samah AbdAllah]

الخبر ده لو صح
هيزيد تمسكى بموقفى
وهقول لأ
محدش هيجبرنى على نعم تحت التهديد
والتحرير مش بعيد
ودم الشهداء لسة مبردش عشان نرجع للتهديد والاكاره من تانى

[medo_2060]

انا مش عارف الخبر صح ولا لأ او يمكن يكون ناقص ... عموما بغض النظر هقول لا برضه

[ezzatfox]

الخبر ده لو صح
هيزيد تمسكى بموقفى
وهقول لأ
محدش هيجبرنى على نعم تحت التهديد
والتحرير مش بعيد
ودم الشهداء لسة مبردش عشان نرجع للتهديد والاكاره من تانى

+1000000000000000000000

[arakysolom]

لكل من هاجم الخبر بدون التثبت و كأن النبرة الآن تشكيك في كل الناس كل من هو ضد رأيي يبقا كذاب او مش مع الثورة او خائن لدم الشهداء
هذا الخبر صحيح 100 % من شاهد برنامج العاشرة مساء بدريم كان عرف أن الخبر صحيح
اكد اللواء ممدوح شاهين أن في حالة رفض التعديلات سوف يقوم المجلس الاعلي للقوات المسلحة بأصدار اعلان دستوري لأدارة البلاد خلال المرحلة الانتقالية و اكد ان الجيش ليس مهمته ادارة البلاد الا في الاوقات العصيبة كمثل تلك التي تمر بها البلاد الآن وان مهمته اكبر من ذلك و هو الدفاع عن الامن القومي و ما يتهدد البلاد من اخطار خارجية وشيكة و اكد انه في كلا الحالتين سواء بالرفض او الموافقة فأنه سوف يكون هناك دستور جديد و لكن بعد انتخابات مجلس الشعب و سوف يكون الوقت اللازم لذلك اطول في حالة الرفض