6 إبريل ونجاح كبير للإضراب

[Dr_Mido]

الخبر اليقين ،،

من عنواين جريدة الدستور العدد الأسبوعي

أهالي المحلة هتفوا : طوب لأ طوب لأ ..... إحنا الشعب و عندنا حق

شهود عيان : مسجلون خطر تم إخراجهم من أقسام الشرطة بالمحلة و معهم أسلحة بيضاء للدخول في

المظاهرات !!!!

حقوقيون : مدير أمن الغربية هدد بأن يربي المحلة ...... و الحزب الوطني استعان بالبلطجية !!!!

أكثر ما أغضب أهل المحلة الإهانة التي تعرضوا لها و لن تجد محلاويا واحدا إلا و يتساءل :

من المسئول عن التخريب و التكسير ؟ و المدينة يجب ان ترد اعتبارها

:D:D:D:Dمنور ياحازم باشا
قلنا كدة محدش صدقنا

[hazem_khidr]

طب حتصدقوا الدستور و لا تصدقوا واحد عايش في قلب المحله؟؟؟؟؟؟؟؟؟
انا محلاوي و اقولكم ان المحله فيها اكبر نسبه شغب علي مستوي الجمهوريه كلها و اسألو اي حد يأكد كلامي دا.
مفيش ضابط مباحث بيعمر في لمحله اكتر من سنه او سنتين بالكتير لانها كبيره و محدش بيعرف يعمل فيها شغل الا القليل اوي.
اللي كسروا في المحله دول بلطجيه و من المحله و استغلوا قصه الاضراب و عملو كده
لو الحكومه بقي هيا اللي عامله كده مكنتش سهرانه لحد حالا اهو وقفين في الشوارع.
انا جاي من ميدان الشون حالا و لقيت هناك مدير الامن و مدير المباحث (جاري علي فكره)
و كل ضباط المرور و ضباط المباحث و امن الدوله
و من منظر الوقفه يا خايفين من حاجه تحصل يا اما باعتين يقبضوا علي حد .
طب دول ناس مسرحه البلطجيه يه اللي يوقفهم لحد دلوقتي في الشوارع.
حتقولي جاي تعليمات من فوق
اوك طب جاي تلعيمات من فوق مين اكبر من مدير الامن و مدير المباحث علشان ياخدو تعليمات منه؟؟؟؟؟؟؟؟
حتقولو ما قبضش عليهم ليه قبل الاضراب باعتبار انهم عندهم سجلات بكل البلطجيه و مسجلين الخطر.
حقولك انهم مكنوش متوقعين ان كل دا يحصل و الدليل ان الامن المركزي مكنش كتير و لما الشغب زاد بعتوا يجيبوا قوات من اسكندريه و المنصوره.
حتقولي كلام الدستور ....
انا لا بصدق لا جرايد معارضه و لا جرايد حكوميه
الاولي بكبر المشكله و التانيه بتهون المشكله.
انا بعيني و شايف كل حاجه .
كنت قاعد من شويه مع خالي (لواء شرطه ) زوو عارف الاعيب لحكومه كلها و ما اعتقدش انه لو عارف حاجه حيخبي عليا
قالي اللي عمل كده بلطجيه و مالهمش دعوه بالحكومه و بصراحه انا الراجل دا اثق في كلامه عن اي جرنال او تلفزيون.
...............
و علي فكره في اتنين مصورين من الجزيره تقبض عليهم عارفين ليه؟؟؟؟؟؟؟؟
علشان قبل كده صوروا ناس و هيا بتقطع صوره الريس و عرضوها علي التلفزيون
طب يبقي للدله حق انها تقبض علي ناس من القناه دي و لا لاء؟؟
شئنا ام ابينا دا رئيس دولتنا و علم و لازم يحترم مش نقطع صورته قدام العالم.

[Ahmed Anwer]

أتفرج يا حازم باشا علي تقرير الجزيرة ،،

شوف اهالي الناس الغلابة اللي خدوا اهاليهم ،،

الست كانت بتقول بالنص ،،

حسبي الله و نعم الوكيل في اللي عملوها و لزقوها في ولادنا ،،

يا باشا اللي واقفين في الشارع دول مش واقفين للبلطجية ،،

البلطجية دول بالريموت كنترول ،،

دول واقفين للشرفاء و الأهالي المسالمين ،،،

ترهيب و نظام بوليسي ،،،،

لو عملتم حاجة يا ولاد ال ******** ،،، هنوريكم

[hazem_khidr]

شوف اهالي الناس الغلابة اللي خدوا اهاليهم ،،

الست كانت بتقول بالنص ،،

حسبي الله و نعم الوكيل في اللي عملوها و لزقوها في ولادنا ،،

دول اهالي البلطجيه و ما تصدقش اي كلمه تتقال
انا واحد بقعد من صغري في اقسام كتير و بصراحه ما بيصعبش عليا الناس دي علشان اعرفهم علي حقيقتهم و اقدر افرق بين الحق و الباطل.
ماهو المجرم بيبقي داخل يعيط و من اول قلم بيعترف و بيجيب شركاؤه في الجريمه.....
و سبحان الله بيروح النيابه و مش بيغير اقواله !!!!!!!!!
و بعدين نفكر بالعقل
اشمعني مسكوا ابنها هيا .
يعني لو لنس دي تبع الحكومه كان زمانهم افرج عنهم من زمان او ما اتمسكوش من اصله.
غير كده هما راحو خدوه من بيته و لا خدوه من وسط احداث شغب
طب ايه اللي وقفه وسط احداث الشغب دي.
غير كده و كده
مين اللي قالك ان الست دي مش متأجره و القناه قالتلها خدي قرشين و قولي كذا و كذا
و هيا الحكومه بس اللي بتقدر تشتري الناس و القنوات ما تقدرش؟؟؟؟؟؟؟؟؟
...........................
فيه ناس نظلمت ما انكرش و ناس اتاخدت في الرجلين
بس السيئه تعم و الحسنه تخص

[Adham_Sabry]

طيب يا حازم باشا .. بفرض ان كلامك صح مين وصل البلد للمرحله دي
فين المدارس ..فين المستشفيات .. فين الأدويه وبكام ... فين رغيف العيش
الأرز 5 جنيه
الفول 6 جنيه
وفي نفس الوقت نصدر الغاز المصري لإسرائيل بعقود طويله الأجل (اظن 15 سنه) وبسعر متدني جدا لا يعادل تكلفه الإنتاج) مين المسئول ؟؟ وليه لم يقدم للمحاكمه
الرشاوي والمحسوبيات والواسطه
الظلم والفساد والقهر
كبت الحريات و تزوير الإنتخابات (ودي اكبر مشكله)
انتوا عارفين ان الدستور بيمنع بقاء الرئيس في الحكم اكتر من فترتين
وطبعا انتم عارفين مين الرئيس القادم ؟؟؟ ومش عارف لحد الوقتي بيدوروا علي نائب للرئيس ومش لاقيين
تهميش العلماء (في جميع المجالات الدينيه والدنيويه ) ورفع قدر حثاله القوم
شوف مرتب معيد في الجامعه كام وقارنه بالراقصات والممثلين
استئثار قله من الشعب لا تتجاوز 3% بخيرات البلد علي حساب الغالبيه
بيع البلد
الضرائب والجبايات واللي تفننوا في انواعها (ضرائب عامه - ضرائب مبيعات - ضرائب عقاريه - جمارك - رسوم - دمغات - ......)
وفين مصادر الدخل بتروح فين ؟؟
فين ايراد قناة السويس ؟؟
ده غير الإعلام الموجه لتغييب الشعب واغراقه في الكوره والملاهي المحرمه
ده حتي معظم البرامج الهادفه اللي كانت بتيجي زمان وقفوها (عالم البحار - العلم والإيمان - نور علي نور - حديث الشيخ الشعراوي - ......)

البطاله : شوف الناس اللي علي القهاوي قد ايه
عدم اقامه شرع الله والسماح بالمحرمات ( الربا - الخمر - ....
اهدار كرامه المواطن المصري داخليا وخارجيا
فاكرين الحوادث دي ولا نسيتوها
- العباره السلام
- قطار الصعيد
- حادث قتل جنود اسرائليين لفتاه وطفل مصري (كانوا بيلعبو بالقرب من الحدود)
- حادث قتل الصياد المصري من قبل السفينه الأمريكيه
- المصريين اللي بيموتوا كل شويه غرقا وهما بيحاولوا يهربوا من البلد علشان لقمه العيش
- الحيتان اللي اخدوا نصيبهم من الغنيمه وهربوا (رامي لكح - المرأه الحديديه - وغيرهم كتير......)
- فاكرين ابراهيم نافع وحكايته
حوادث قديمه شويه بس جامده :
- الطياره المصريه اللي اضربت في امريكا وعلي متنها مجموعه كبيره من الطيارين العسكريين المهره
- الجاسوس المصري (كان بيتجسس لصالح اسرائيل ) وانتهي موضوعه علي ايه ...
- سليمان خاطر وقصته
- سلاح الجو الأمريكي يهاجم طائره ركاب مدنيه مصريه ويجبرها علي الهبوط ليقبض علي احد الركاب (حادثه قديمه شويتين)

هانقول ايه ولا ايه ولا ايه ... نسكت كفايه كده
الكبت يولد الإنفجار
وانت لما يكون لك حق وبتتكلم بصوت واطي وبتوصلش لنتيجه بتبتدي تعلي صوتك ولو ما خدتش حقك ممكن تشتم
طبعا محدش يفهمني غلط .. انا كان نفسي ان مفيش احداث عنف واصابات و تخريب تحصل
لإن دي بلدنا وممتلكاتنا

[Adham_Sabry]

سلاح الجو الأمريكي يهاجم طائره ركاب مدنيه مصريه ويجبرها علي الهبوط ليقبض علي احد الركاب (حادثه قديمه شويتين)

الموضوع ده من زمان حد فاكر تفاصيله ؟؟
اللي انا فاكره ان بعد الواقعه مباشرة مصر طلبت من امريكا اعتذار رسمي
فرد الرئيس الأمريكي (بيتهايئلي ريجان) وقال : لا اعتذر لدوله كل يوم الصبح باديها طعام افطارها ... شوفتو الذل والمهانه
ورد الرئيس المصري : الذي لا يملك قوته لا يملك حريته
يا ريت لو حد فاكر تفاصيل اكتر يقولهالنا

[محمد ابراهيم 1]

الأمن لا يقوم بالتكسير
الأمن حريص على الهدوء
الأمن ممكن يعمل أى شىء
الأمن ممكن يستعين بالبلطجيه وفتيات الدعاره والمسجلين عشان أى شىء وده حصل فعلا وبوقائع ثابته
أنا مندهش من من لا يربط بين تدهور حال البلد وبين المسئولين عنها
على رأى محمد صبحى فى تخاريف
إن المسئولين لما جمعهم وسألهم مين المسئول عن التدهور ده فرد عليه المسئولين وقالوا إنهم كمسئولين مش مسئولين
الأمن ليس أمن للناس أو الوطن
الأمن أمن للنظام

[Dr_Mido]

الأمن لا يقوم بالتكسير
الأمن حريص على الهدوء
الأمن ممكن يعمل أى شىء
الأمن ممكن يستعين بالبلطجيه وفتيات الدعاره والمسجلين عشان أى شىء وده حصل فعلا وبوقائع ثابته
أنا مندهش من من لا يربط بين تدهور حال البلد وبين المسئولين عنها
على رأى محمد صبحى فى تخاريف
إن المسئولين لما جمعهم وسألهم مين المسئول عن التدهور ده فرد عليه المسئولين وقالوا إنهم كمسئولين مش مسئولين
الأمن ليس أمن للناس أو الوطن
الأمن أمن للنظام

:d:d:dاحمك يارب بقينا اتنين

[ahmed1981]

حلم تحقق بعد رؤيته بسنتين وتسعة أشهر

[hossaam]

شكر واجب لشباب 6 ابريل....

[Ahmed Anwer]

شكرا علي رفع الموضوع ،،،

موضوع قديم من ثلث سنين ،،

و نفس رد الفعل الجبان من أجهزة نظام المخلوع ،،

الحمد لله ،،، علي النصر

[casperinoo]

شكرا ابطال 6 ابريل ارجل ناس في مصر