يصحابي وصحباتي هنا ومحلك سر..

[icehearted girl]

يصحابي وصحباتي هنا ومحلك سر... بصوا وشوفوا حاجاتي إنما إيه في السرررررررررر



فاكرين الاغنية دي بتاعت صفاء أبو السعود


دلوقتي بقي مش هنقعد نفتكر أيام زمان وحاجتنا وحنا صغنطتين..

لأ كله يفتح الادراج القديمة ويطلعلنا حاجته وهو صغير لو لسه محتفظ بيها.. عاوزين حاجات قديمة...لعب قديمة أوراق قديمة..روبابكيا باختصار

بس محدش يصورلنا شهادة ميلاده ويقول دي اقدم حاجة..اتفقنا؟؟


يلا ونا هبدأ افرجكم

[icehearted girl]

بصوا بقي هوريكم حاجة ونا لسه عمري اسبوع...





مش عارفة ساعتها بقي اشمعنه ابريق يعني وكمان صغروني يوم لاني 9 مارس مش 10

ودي كمان واحدة بلون تاني..مش حارمنني من حاجة


وبصوا دي بقي كمان..شهادة الشهر بتاعتي ف كي جي وطبعا كالعادة لازم تتغلف احمر ويتحط عليها الاستيكر التمام



نيجي بقي نفتح اول ورقة ف الشهادة..كانت الميس بتكتب كومنت كدا لولي الأمر بصوا الفضايح بقي


الطفلة مهذبة ومطيعة ولكنها أحيانا تنشغل عني بالكلام مع زملائها وجزاكم الله خيرا علي حسن المتابعة

ماما بقي ردت عليها ب إيه؟؟



جزاكم الله خيرا وأعدكم بقلة كلام ضحي.. وطبعا هي لحد دلوقتي مش عارفة تفي بالوعد دا

قال قلة كلام ضحي قال

بس الحمدلله جت بفايدة بصوا الدرجات بصوا



ممتاز اهو...مليش حجة بقي

المهم بقي ونا بقلب لقيت ماما مدبسالي امتحان الانجلش ف ملفي ولما ركزت عرفت ليه

بصوا معايا كدا



ساعتها الميس نبهت علينا نكتب اسماءنا بالعربي ...طب منين انجلش ومنين عربي

قمت انا كاتبة اسمي بالعربي بس بالمعكوس..ساعتها كتبت اسمي بالعربي علي ضهر الورقة

ورحت شفيته علي وش الورقة...وبقي مكتوب ضحي توفيق بس ملشمال لليمين

بس بصوا الاسئلة كانت صعبة ازاي

[megamoudy]

هههههههههه الله حاجات تحفة اوي

[shadygalal669]

جامد موضوع شهادة الميلاد ده :))

هقلب و اجي اوريكوا بس مظنش هلاقي حاجات كتير

[icehearted girl]

أي حاجة ان شالله قلم رصاص...يلا ورونا..ونا هقوم ادعبس تاني

كل اللي عندي من اعدادي..انما الفترة اللي قبلها حاجات قليلة اوي اللي عندي