باذن الله ..غدا مع اسرتى نصوت بنعم

[abokoko]

اخيرا استقريت على التصويت بنعم
نعم لاننى الاستقرار للبلد اللتى احبها
نعم لان اشخاص افاضل سبقونى بنعم مثل دكتور العوا والكاتب الكبير فهمى هويدى
نعم لان الاخوان والسلفيين -رغم عدم انتمائى لاى منهم - قالوا نعم
نعم لاننى لا ارغب بايه فرصه لتغيير المادة 2 من الدستور
نعم لان التعديلات كانت من مطالب الثورة الاولى قبل حدوث الاضطراب فى الافكار
نعم لان التعديلات -لو فكرنا بها واستبعدنا الافكار الاخرى لوجدناها كافبية كبداية للتغيير
نعم ..ونعم
ده رايى مع احترامى للجميع

[Tarek Gen 2]

انا بقول و هقول لا انا و اسرتى و اصحابى و قرايبى جميعااااااااااااااا باستثناء القليل
بس ربنا يوفقنا فى الاخر و اختيارتنا تكون صح سواء انا او انتا
ربنا يوفقنا

[Col. Eng. Khaled]

أنا كمان إن شاء الله نازل و زوجتي و إبني الكبير

متفق معاهم محدش له دعوة برأيي ، يكتبوا رأيهم و إللي مش موافق ب (نعم / لا) يبقى يجمد صوته إن أمكن

المهم المشاركة و الإنتماء .

ربنا إن شاء الله يكتب لمصر ما فيه الخير و يرضاه .

[abokoko]

بشمهندس / خالد
احييك على الديمقراطية العائلية ...

استاذ / طارق
كلنا فعلا بنتمنى يكون قرارانا اللى وصلنا ليه صح علشان بلدنا اللى عايشين فيها

يارب اهدنا الى سواء السبيل

[abokoko]

الحمد لله رب العالمين
صوت مع زوجتى (( 2 صوت )) ..ب...
نـــــــــــــــــــــــــــــــــــــــــــعـــــ ـــــــــــــــــــــــــــــم
اوافــــــــــــــــــــــــــــــــــــــــــــــ ـــــــــــــــــــــــــــــق

والحضور بجد كان حاجة تفرح كاننا فى بلد تانى او كاننا انتقلنا لعصر آخر
ناس كتيير كتيير كتيير
رجال / سيدات / شباب ...كل نوع من البشر يصلح لان يكون له صوت
بل الاكبر من ذلك
عن نفسي والكثير غيرى اخذوا اطفالهم معهم ليشاهدوا التجربة

الحمد لله

[tiger45]

انشاء الله النتيجه تكون نعم

[Col. Eng. Khaled]

زوجتي إدتني بُمبه و قالت لي روحوا انتو

بكل روح رياضية إنصعت لأمرها قصدي لطلبها (أحسن تبيّتني عالسلم ههههههه)

نزلت مع ولادي الإتنين (الصغير 13 سنة) ، لقيت الناس كما النمل عند لجنتي مدرسة ليسيه الحرية و مدرسة جمال عبد الناصر القومية (تريومف - دائرة قسم النزهة) .

لظروف الصحية بالنسبة لمشكلة مزمنة مع القطنية الأولى و عدم مقدرتي للوقوف مدة كبيرة إنسحبت و بيعت إبني و سبته يعيش حياته .

الحمد لله بعد ما روحت الورشة في الحرفيين عرفت إن الزحام قل في لجنة مدرسة عمار بن ياسر على الساعة 7:30 ، طيرت على هناك و الحمد لله في أقل من 30 دقيقة تم التصويت .

إبني صوّت ب "لا" و أنا ب"نعم" ، المهم بالنسبة لي المشاركة و دا إللي فهمته لإبني كمان علشان ما يرطبتش برأيي .

فرحت فرحة الطفل بالعيد لمجرد إدلائي بصوتي و صورة فرحة مختلف الفئات المشاركة هناك .

اللهم إجعل مصر سخاءاً رخاءاً يا رب العالمين .

[dr-mohamed]

زوجتي إدتني بُمبه و قالت لي روحوا انتو

إنسحبت و بيعت إبني و سبته يعيش حياته ..

ههههههههههههههههه
اجمل حاجة في الدنيا البيع
احمد ربنا ان ابنك الكبير مباعش اخوه الصغير وسابه في اللجنة ومشي هو كمان
ويتحرم من المصروف اسبوع علشان خاطر لا اللى قالها دي - ديمقراطي ديمقراطي يعني -

[Col. Eng. Khaled]

ما أنا نسيت أحكي إن من طباع سراج الدين أفندي (إبني الصغير) رجله على رجلي فهو إللي باع أخوه الكبير

ههههههههههههه