لماذا قلنا: نعم؟ ولماذا قالوا: لا؟

[aly_hosny]

وده من احترام الراي الآخر فعلا وده معنى الديمقراطية المزعومة فعلا

متهيألي اللي بيبقى عنده دليل ومنطق يتحدث به
لا يستهزأ بغيره خصوصا انه لا يعلم عن اي شئ غير انه مخالف له في االرأي فيستبيح لنفسه انه يسخر من كلامه

هو كمية ال "السخرية " ال في موضوع حضرتك متخليش حد يرد بجد
و مش اسلوب نقاش اصلا اني بدل ما اقول المادة كذا بتقول كذا اقول دا ال قال لا دا اصله كافر و هيروح نار

و زي مرديت في موضوع تاني ميهمنيش مين قال ايه انا ال يهمني رايي ال فاهمه و مقتنع بيه

[أبو عبدالله]

هو كمية ال "السخرية " ال في موضوع حضرتك متخليش حد يرد بجد
و مش اسلوب نقاش اصلا اني بدل ما اقول المادة كذا بتقول كذا اقول دا ال قال لا دا اصله كافر و هيروح نار

و زي مرديت في موضوع تاني ميهمنيش مين قال ايه انا ال يهمني رايي ال فاهمه و مقتنع بيه

يظهر حضرتك بترد من باب الرد وخلاص
فين موضوعي ده
اولا ده ليس موضوعي
ثانيا لو حضرتك أد كلامك وبتتحمل مسئوليته ياريت تجيبلي بكلمة كافر وهيروح النار في الموضوع علشان اقدر ارد عليك
بدل ما بتقول كلامك من عقلك وعاوزنا نرد عليه وهو من تخيلاتك انت وليس من كاتب المقال او ناقله

[aly_hosny]

يظهر حضرتك بترد من باب الرد وخلاص
فين موضوعي ده
اولا ده ليس موضوعي
ثانيا لو حضرتك أد كلامك وبتتحمل مسئوليته ياريت تجيبلي بكلمة كافر وهيروح النار في الموضوع علشان اقدر ارد عليك
بدل ما بتقول كلامك من عقلك وعاوزنا نرد عليه وهو من تخيلاتك انت وليس من كاتب المقال او ناقله

يعني ايه علماني

[otefa]

الفارق ان لما اللي هيكون اللجنة اللي هتشكل لعمل دستور جديد هتبقى من مجلس الشعب اللي هيكون منتخب من الشعب
واكيد زي ما حضرتك مش عاوز حد يقرب من المادة دي فبالتالي كذلك اعضاء مجلس الشعب اللي انت هتختارهم بنفسك كذلك

اما لما يشكل لجنة خارجه عن كل هذا ويدخل فيها علمانيين وليبراليين يدعوا للا دين ساعتها هندخل في جدال ومفاوضات ليست وقتها ابدا
انا مش خايف منهم ومتأكد الشعب عاوز ايه ولكن طب وليه ادخل في مهاترات معهم وممكن الموضوع يوصل لفساد اكبر بكثير مما يتخيله أححد
لأن الموضوع عندما بدخل في مسائل عقائدية يبقى مش هيبقى سهل تماما
وبعدين ابني في ايدي ارميه وبعدين اروح ادور عليه

من الآخر اللي عاوزين ينطوا على التغيير القادم وبينادو بالحريات هما العلمانيين والليبراليين والأحزاب اللي كلهم متأكدين انهم ليس لهم اي مكان على الأرض نهائي ولن يمثلوا شئ في مجلس الشعب
فبيحاولوا بدخلوا بأي طريقة علشان عارفين ان الأسلاميين هيبقوا الأغلبية في المجلس وده اللي تعبهم

ده مش تاعبهم لوحدهم .........وقالق الغرب كمان أغلب الظن.

[otefa]

يعني ايه علماني

فصل الدين والعقيدة عن الحياة السياسية
ينفع كده؟!

[رزق]

أنا مش حرد عالموضوع.
بس سؤال
أول جملة, إيه المشكلة في لما نطالب بوزير دفاع مدني؟ إيه العيب في كده؟
هو كده الجيش حيقل دوره أو حيضعف؟
أنا نفسي فعلا يجيبوا وزير داخلية و دفاع سياسيين مثقفين وفاهمين
وعملت الموضوع ده للمقارنة
http://www.nilemotors.net/Nile/204484-a.html

[W77]

نعم yes sì ja да

[power]

الاخ صاحب الموضوع حضرتك واضح انك بتقول كلام مش فاهم معناه

[Amgad64]

للأسف ان الاخوان المسلمين نصبوا من انفسهم حكام على ضمائر المصوتيت, حيث قاموا بتكفير الذين قالوا لا , وللأسف فانهم ناقضوا انفسهم وقاموا بكل الافعال التى كانوا ينتقدوها فى النظام السابق واعتقد انهم فقدوا كل مصدقيه و لا أشك فى انهم سيدفعوا ثمنا باهظا فى الانتخابات القادمه بعد ان كشفوا عن مساؤهم للشعب

[أبو عبدالله]

للأسف ان الاخوان المسلمين نصبوا من انفسهم حكام على ضمائر المصوتيت, حيث قاموا بتكفير الذين قالوا لا , وللأسف فانهم ناقضوا انفسهم وقاموا بكل الافعال التى كانوا ينتقدوها فى النظام السابق واعتقد انهم فقدوا كل مصدقيه و لا أشك فى انهم سيدفعوا ثمنا باهظا فى الانتخابات القادمه بعد ان كشفوا عن مساؤهم للشعب

ياريت بس حضرتك علشان نبقى واقعيين ومصدقيين مش مزايدين في الكلام
ياريت بس اي كلام لأي احد مما ينتمي للأسلاميين عموما مش الاخوان بس او فيديو بيكفر فيه اللي بيقول لأ
علشان انا مبحبش المزايدات دي
يعني متقولشي كلام واوهام من عقلك وتلزمها للاخرين وهو ده اللي انت بتنكره في كلامك وهو تنصيب افكارك على الآخرين وعاوزهم يعترفوا بها ويردوا عليها كمان

يعني شوية منطق يا جدعان

[amr100]

بعيد التكفير وكلام الاخوان ولا السلفيين ونعم والشيوخ بتوع الجوامع عمال بيخلو الناس ويكلموا الناس قولوا نعم إزاي الكلام ده ومينفعش ومحدش يأثر عى صوتك ومحدش يضغط عليك انا رحت انتخبت وقلت نعم واخويا قال لا
نفسي اعرف ليه محدش بيتكلم عنم الاخوة المسيحين اللي رايحين علشان بقولوا لا بس ولا بيتكلموا عن المواد او غيره وليه محدش قال لهم ده غلط انا نفسي حد من اخوتنا المسيحين يقول لي انا قلت اه واحد يقول انا قلت لا
انما كل الكلام الاخوان و لا السلفيين و مينفعش ضغط الاخوان ومينفعش ضغط السلفيين وما حدش يتكلم عن اخوتنا المسيحيين الكلام ده مينفعش وارجو حد يرد عليا

[أبو عبدالله]

بعيد التكفير وكلام الاخوان ولا السلفيين ونعم والشيوخ بتوع الجوامع عمال بيخلو الناس ويكلموا الناس قولوا نعم إزاي الكلام ده ومينفعش ومحدش يأثر عى صوتك ومحدش يضغط عليك انا رحت انتخبت وقلت نعم واخويا قال لا
نفسي اعرف ليه محدش بيتكلم عنم الاخوة المسيحين اللي رايحين علشان بقولوا لا بس ولا بيتكلموا عن المواد او غيره وليه محدش قال لهم ده غلط انا نفسي حد من اخوتنا المسيحين يقول لي انا قلت اه واحد يقول انا قلت لا
انما كل الكلام الاخوان و لا السلفيين و مينفعش ضغط الاخوان ومينفعش ضغط السلفيين وما حدش يتكلم عن اخوتنا المسيحيين الكلام ده مينفعش وارجو حد يرد عليا

طب انت بتلوم اللي بيقولها علين وبتبرأ اللي بيعملها في السر
يااخي راجع الفيديوهات على اليوتيوب والفيسبوك للنصارى وهتلاقي القساوسة بتقولهم لازم تصوتوا بلا ومن قسيس كان امام ماسبيروا ايام الوقفه بتاعتهم وكلموه في التليفون وقالهم علشان المادة التانية في الدستور تتعدل صراحة كده
مش مشكلتي بقه او مشكلة غيري ان حضرتك مش متابع ومش عارف
ما هو لو انت داخل تسأل وتستفسر كان ماشي
اما داخل تعيب وانت مش عارف اللي بيحصل يبقى معلشي بقه
ده غير ان حضرتك النهادره بعض الكنائس كانت جايبه اتوبيسات وبتحمل النصارى علشان يروحوا يصوتوا بلا
فياريت قبل ما نتلكم نحاول نبحث شوية بدل ما نتهم ونزايد وخلاص

[tiger45]

كل واحد حر في رايه
بس محدش يفرض رايه علي التاني

[amr100]

يا سيدي انت فاهمني غلط انا قصدي ليه الكل بيتكلم عن الاخوان او السلفيين و بيلوموا عليهم

وماحدش اتكلم عن الاخوة المسيحين اللي حاشدين نفسهم ورايحين يقولوا لا وخلا ص انا بقارن ويمكن حضرتك مفهمتش

كلامي صح يعني ليه انتوا بتعيبوا على الاخوان والسلفيين بس وهذا للتوضيح فقط

[jisso82]

عموما أنا قلت لا و أنا لا ليبرالى و لا علمانى و لا ما عنديش مخ فماشى ورا فئة منهم بدون تفكير أنا قلت لا عشان كم المتناقضات اللى فى التعديل الحالى و قلت لا عشان عمرى فى حياتى ما شفت ناس نزيهة كده هتغير الدستور عشان تأذى نفسها أو تقلل صلاحياتها و هى أصلا فى السلطة و لا كأننا عايشين فى المدينة الفاضلة و قلت لا لاختلاف فقهاء الدستور الكبار فى تفسير المادة 189 و 189 مكرر و قلت لا عشان أبنى أصلا على أساس صح فأنا طبعا لا كافر و لا ملحد و لا أى حاجة بيتهمنى بيها الأستاذ المحترم و اللى ربنا هيحاسبه عليها إن شاء الله