مشاهد على هامش يوم الاستفتاء

[Karim_Monir]

السلام عليكم ورحمه الله
رحت استفتى زيي زي اي مواطن بيادي واجبه نحو بلده
واكمالا مني للدور اللي بداته من يوم 25 يناير وحتى يقضى الله امرا كان مفعولا
باي الاجلين اقرب
ان ارى رئيس لمصر منتخب حتى ولو لم يكن من اريده
او يقضى امري

المهم كان نصيبي لجنة في مدرسة في مدينة نصر ومعايا مراتي والعيال :-(((
هي وبنتي وانا وبيدو
طابور طووووويل يلتف كافعوان ضخم داخل فناء المدرسة
كنت على قمة الطابور الساعة 3 الا ربع وتم التصويت في تمام السابعة بالظبط :-)
وكنت واخد قراري بعدم مناقشة اي شخص سواء لاقناعه او تغيير موقفه
خاصة ان ال 4 بنادول اكسترا ماكنوش جايبين نتيجة :-(
مع زن بيدو بعد ما الموبايل فضي شحن على ايده من لعب كل الجيمز الموجودة

اجمل مشهدين داخل الطابور

حضر الدكتور احمد عمر هاشم للادلاء بصوته ولان اللجنة كانت بتدخل كل اللي فوق ال 50 فورا بدون انتظار دقيقة وده احد الاسباب اللي اخرتنا جدا
لان كان فيهم كتير بصحة جيدة جدا وكان ممكن يقفو ولو 10 دقايق عشان الحال يمشي
بتكلم على اللي صحتهم كويسة وباين ما شاء الله
بيسئلو فضيلة الشيخ يا شيخنا هاتصوت تقول ايه
رد وقال اللي يمليه عليا ضميري وانتو كمان المفروض تعملو كدة

الله عليك يا شيخنا عارف ان صوتك مؤثر على الالاف فخفت تشتت حد

المشهد التاني سيدة صغير السن نسبيا وتبدو على وعي نسبي
بتناقش مجموعة من السيدات والتي يبدو عليهن انهم موظفات بدرجات مختلفة وليسو ربات بيوت او متوسطي الثقافة والذكاء
خاصة اني كنت في لجنة من ارقى لجان مدينة نصر من حيث مستوى الحاضرين للتصويت
بتقولهم هاتصوتو بايه
قالولها بنعم طبعا خللي حال البلد يمشي
رديت بكلمتين انتو عارفين مين هايقول لاء
فلا وفلان وفلان ومن ضمن اللي قالتهم عمرو خالد
هوووب ايه ده عمرو خالد هايقول لاء
واوووو احنا بنحبه
هانقول لاء احنا كمان
في لمح البصر غيرت راي بتاع 8 ولا 10 مش فاكر
وشوية وسابتهم وراحت تكمل على غيرهم :-)

قولت في باللي ربنا يستر من الامعات دول اللي بيغيرو رايهم عشان فلان قال اه وفلان قال لاء

وعشان تعرفو قيمة بابا مبارك كان بيوفر عليكم التعب والوقفة 4 ساعات وبيروح يستفتي هو لكل مواطن بنفسه :-))))))))))))))

والى لقاء انتخابي اخر ان شاء الله
كان معكم
كريم ابو تلفيحة
وبيدو ابو كابشو
(عشان الحر والشمس طبعا)
من داخل مقر استفتائي انتخابي ديموقراطي حر :-)
اقعدو بالعافية

[Dojuar]

فلا وفلان وفلان ومن ضمن اللي قالتهم عمرو خالد
هوووب ايه ده عمرو خالد هايقول لاء
واوووو احنا بنحبه
هانقول لاء احنا كمان
في لمح البصر غيرت راي بتاع 8 ولا 10 مش فاكر
وشوية وسابتهم وراحت تكمل على غيرهم :-)

ربنا يهني سعيد بسعيدة

يقال كان عنده مؤتمر امبارح في شبين الكوم

شكل النتيجة في شبين لأ!!!!

[shakshak2011]

الموضوع جميل .. تقريباً فى اللجنه الى كنت فيها النهارده فى الدقى تكررت مشاهد مماثله مما ذكرت

أكثر ما أضحكنى اليوم هو ... و أنا فى اللجنه .. كان خلفى يجى 7 أشخاص إكتشف مع طول الطابور إنهم كلهم كانوا مجندين و لسه مخلصين جيشهم من فترة قليله .. كلهم كانوا مجمعين نفسهم و متفقين يقولوا نعم عشان مش عايزين يطلبوا تعبئة عامله لو الجيش إتأخر عن ستة أشهر :))))

و قاعدين يقنعوا فى طوب الأرض .. يا عم قول نعم عشان بلدك .. و أول ما الضحيه تمشى يدعوا ربنا إنه يقول نعم عشان ما يطلبوش :)))

و من هذا كثير .. لكن فى النهايه المنظر و الإقبال كان حاجه تفرح .. أول مره فى مصر يكون يوم الإنتخابات يوم عرس وطنى .. وليس يوم بلطجه وطنى

أنا فعلاً سعيد

شكراً على الموضوع المميز

[dr-mohamed]

شكرا مراسلنا من مصر الجديدة خميس ابو العافية هههههههههه اقصد كريم ابو تلفيحة
الخوف من الامعات من العينة اللى انت قلت عليها دي سواء كان رايهم نعم او لا هما دول اللى ممكن يقلبوا الطاولة
المهم مقولتش انت قلت ايه يا كريم ؟؟؟؟؟؟؟؟؟؟؟؟
ههههههههههه
ذكي

[ghazy12]

حقيقي موقف محترم من الاستاذ الدكتور احمد عمر هاشم, و يا رب نتعلم و نفهم....

علشان الراجل عارف ان رأيه هيأثر في العديد ان ماكانش كل الحاضرين و اللي بيسمعوه
قال جمله من اروع ما يكون (( هصوت بما يمليه عليا ضميري ))... و لا اروع بجد

و تعيش و تحضر استفتاء تاني ان شاء الله و تقف فيه انت و بيدو 4 ساعاااات :))

[Samah AbdAllah]

اكثر الله من امثاله
انا كنت فى لجنة من البسطاء ومعقل نفوذ الاخوان...انت بتتكلم على واحدة قالت عمرو خالد انا بقا مسمعتش غير المسيحيين هيقولوا لا يبقا احنا لازم نقول نعم والا هيلغوا المادة التانية او هنقول نعم عشان الشيخ قال كده او هنقول نعم عشان العيال تنزل المدارس يوم الاتنين او هنقول نعم عشان الظباط يلموا البلطجية ودخلت اللجنة لقيت الاخوان جوة اللجنة انا مش ضدهم على فكرة بس انا ضد التحيز والضغط

[pro_samir]

ربنا يهني سعيد بسعيدة

يقال كان عنده مؤتمر امبارح في شبين الكوم

شكل النتيجة في شبين لأ!!!!

لا ماهو الشيخ محمد حسان برضو كان في شبين امبارح :)

[SHNORY]

روحت انا ووالدتي والموضوع ما اخدش 3 دقايق
رئيس اللجنه شاف بطاقتي ودخلت استفتي بدون ساتر والورقه في ايد الراجل
بس اداهالي وانا حطيتها في الصندوق
الناس كانت منظمه وافراد الدعوه السلفيه (كانت مكتوبه علي هدومهم) بينظموا الطابور
الستات كانو بيستفتوا في حوش المدرسه والرجاله في الفصول
----------------------------------
السلبيه اللي معجبتنيش بقي
الدعوه السلفيه لازقين في كل حته في البلد حتي العربيات نعم لتغيير الدستور
فجه واحد كاتب علي عربيته لا لتعديل الدستور وكان بيركن جنب سور المدرسه
فالاخوه السلفيين حاولوا يمنعوه وحصلت مشاده كلاميه بينهم وبينه مع ان الراجل كل غطته في الحياه انه كاتب علي عربيته لا
معجبنيش نهائي الموقف ده
ولولا ان والدتي كانت معايا وكنت نازل غير مدجج بالسلاح
كنت وقفت معاه ضدهم
لان الثوره قامت علشان نحقق الديمقراطيه مش علشان اي دعوه او تجمع او اصحاب اتجاه معين يفرضوا رائيهم علي الناس

[dr-mohamed]

السلبيه اللي معجبتنيش بقي
الدعوه السلفيه لازقين في كل حته في البلد حتي العربيات نعم لتغيير الدستور
فجه واحد كاتب علي عربيته لا لتعديل الدستور وكان بيركن جنب سور المدرسه
فالاخوه السلفيين حاولوا يمنعوه وحصلت مشاده كلاميه بينهم وبينه مع ان الراجل كل غطته في الحياه انه كاتب علي عربيته لا

يحمد ربنا يا شنوري
حظي الاسود جرني امبارح لوسط البلد وللاسف عديت من التحرير ومعايا المدام والاولاد شارع القصر العيني باتجاه التحرير الحركة بطيئة جدا لاكتشف في النهاية ان انصار لا متجمهرين في التحرير كل ما نقرب اكتر يجي واحد او واحدة يحاولوا يدوني ورقة فيها لا والاسباب اقولهم شكرا لغاية ما واحد غتت قال لي شكرا ليه اقرا واعرف قلت له انا عارف كويس جدا وهقول نعم وكانت غلطة لا تغتفر وقف لازق في شباك العربية نعم ليه انت غلطان اقرا الاول واتعلم واعرف الصح من الغلط - اللهم اخذيك يا شيطان ده انا - للاسف الحزب الوطني والاخوان بوظوا دماغكم ده هو - امشي يا ابني الله يهديك انا اكبر منك ومش عايز اغلط فيك وعارف ايه الصح من الغلط ومش هانتظر منك تقولي اني مضحوك عليا او ايه الصح والغلط
لقيت كام واحد جم يشوفوا ايه الحوار وانضموا ليه وكل واحد منهم بكلمةومنهم من تجاوز حدود الادب في الكلام وكلام من عينة بتضيعوا الثورة ودم الشهداء خخخخخخ اخر ما زهقت قفلت زجاج الشباك للنهاية وشغلت الكاسيت وعليت الصوت والمشكلة ان كان معايا الامانة اللى واخدها منك ومن كريم
المنطقة ما بين مجلس الشعب حتي ميدان طلعت حرب استغرقت اكثر من نصف ساعة وسط محاولات جبارة من الشرطة العسكرية لابعاد الناس عن الطريق وتمرير سيارة وراء الاخري

[Mahmoud Saloum]

المشكلة ان كل فئة عايزة تجبر (مش تقنع) الناس برأيها وأعتقد ان ده عاااااادى جدا لأن احنا لسة فى كى جى وان ديموقراطية بس شوية الناس هتغير سلوكها

[tamatemo]

حشد وتعبئة الاراء

[LanCeLoT]

حقيقي موقف محترم من الاستاذ الدكتور احمد عمر هاشم, و يا رب نتعلم و نفهم....

علشان الراجل عارف ان رأيه هيأثر في العديد ان ماكانش كل الحاضرين و اللي بيسمعوه
قال جمله من اروع ما يكون (( هصوت بما يمليه عليا ضميري ))... و لا اروع بجد

و تعيش و تحضر استفتاء تاني ان شاء الله و تقف فيه انت و بيدو 4 ساعاااات :))

[LanCeLoT]

يحمد ربنا يا شنوري
حظي الاسود جرني امبارح لوسط البلد وللاسف عديت من التحرير ومعايا المدام والاولاد شارع القصر العيني باتجاه التحرير الحركة بطيئة جدا لاكتشف في النهاية ان انصار لا متجمهرين في التحرير كل ما نقرب اكتر يجي واحد او واحدة يحاولوا يدوني ورقة فيها لا والاسباب اقولهم شكرا لغاية ما واحد غتت قال لي شكرا ليه اقرا واعرف قلت له انا عارف كويس جدا وهقول نعم وكانت غلطة لا تغتفر وقف لازق في شباك العربية نعم ليه انت غلطان اقرا الاول واتعلم واعرف الصح من الغلط - اللهم اخذيك يا شيطان ده انا - للاسف الحزب الوطني والاخوان بوظوا دماغكم ده هو - امشي يا ابني الله يهديك انا اكبر منك ومش عايز اغلط فيك وعارف ايه الصح من الغلط ومش هانتظر منك تقولي اني مضحوك عليا او ايه الصح والغلط
لقيت كام واحد جم يشوفوا ايه الحوار وانضموا ليه وكل واحد منهم بكلمةومنهم من تجاوز حدود الادب في الكلام وكلام من عينة بتضيعوا الثورة ودم الشهداء خخخخخخ اخر ما زهقت قفلت زجاج الشباك للنهاية وشغلت الكاسيت وعليت الصوت والمشكلة ان كان معايا الامانة اللى واخدها منك ومن كريم
المنطقة ما بين مجلس الشعب حتي ميدان طلعت حرب استغرقت اكثر من نصف ساعة وسط محاولات جبارة من الشرطة العسكرية لابعاد الناس عن الطريق وتمرير سيارة وراء الاخري

صدقني من اللي شفته واللي سمعته من اصدقائي .. والل قريته في مشاركات الاعضاء المحترمين هنا .. بيقول ان اللي كانوا بيعملوه الاخوان والسلفيين اكتر من كده بكتير .. مع فارق انهم كانوا متوزعين على كل اللجان تقريبا .. مع استنكاري للفعل من الجانبين .. واحترامي لكلا الرايين بنعم او لا عن اقتناع و ليس ارهاب فكري

[eslam_wega]

النتيجة ظهرت يا جماعة 80 % نعم ماشاء الله

[misoalex]

اكثر الله من امثاله
انا كنت فى لجنة من البسطاء ومعقل نفوذ الاخوان...انت بتتكلم على واحدة قالت عمرو خالد انا بقا مسمعتش غير المسيحيين هيقولوا لا يبقا احنا لازم نقول نعم والا هيلغوا المادة التانية او هنقول نعم عشان الشيخ قال كده او هنقول نعم عشان العيال تنزل المدارس يوم الاتنين او هنقول نعم عشان الظباط يلموا البلطجية ودخلت اللجنة لقيت الاخوان جوة اللجنة انا مش ضدهم على فكرة بس انا ضد التحيز والضغط

هههههههههههههههههه يبقى انتى كنتى فى لجنه تبع الرمل