شهادة حق للاخوان

[mahmoudysf]

النهاردة انا رحت اللجنة متاخر وطبعا لقيت زحمة ووقفت حوالي ساعة ونص
لاكن ما لفت نظري وعكس ما كنت اتوقع ان الاخوان قامو بدور كبير جدا في عملية التنظيم ومنعو اي محاولا ت للفوضى والتدافع وكانو ا يقومون بجهود غير عادية في حماية اللجنة وتنظيمها
اهم من ده كله لم ارى اي حد من الاخوان سواء داخل او خارج المدرسة يقوم بتوجيه احد ليقول نعم
والله على ما اقول شهيد

[kono]

وهو ده العادى من الاخوان ..دائما منظمين وجاهزين لكل شئ

[mahmoudysf]

وهو ده العادى من الاخوان ..دائما منظمين وجاهزين لكل شئ

وهل ده يعتبر عيب والا العيب هو فشل كتير من القوى انها تكون زيهم في التنظيم بدل الصراخ طول الوقت وتخويف الناس منهم

[kono]

هو الكلام فيه حاجة تدل انه عيب ؟؟؟
اعتقد التنظيم والجاهزية شئ مش بيعيب صاحبه

[mxz911]

انا رحت النهارده وقلت صوتى وشهاده حق والله العظيم مجالى حد منهم ولا قالى حتى نصيحه مثلا تخلينى اقول نعم او لا

رحت دخلت اديت صوتى من غير ما حد يكلمنى ..

والله على ما اقول شهيد

[mikho83]

الأجمل من كده عندنا إنهم جابوا وجبات غداء للعساكر اللي واقفين والقضاة ووكلاء النيابة

[hossaam]

على باب المدرسة من الخارج كان اعداد كبيرة من السلفيين لابسين فيستات فوسفورية بينظموا المرور
ويوجهوا الناس للوقوف في الصف ...ولما وصلت انا وزوجتي ما كنش فيه صف للنساء فدخلونا على طول
وماشفتش او سمعت حد منهم بيكلم حد في موضوع نعم او لا...
وانا صوتت ب "لا"

والله على ما اقول شهيد

[arakysolom]

الأجمل من كده عندنا إنهم جابوا وجبات غداء للعساكر اللي واقفين والقضاة ووكلاء النيابة

اهو ده اللي بعض القنوات الفضائية علقت عليه و قالوا ان الاخوان كانوا بيوزعوا اكل علي الغلابة عشان يقولوا نعم
والله انا زهقت من الاعلام و اكاذيبه ، قناة اون تي في بتاعة ساويرس عامله اعلان مدته اكتر من خمس دقائق عشان تعبئة الناس يقولوا لا
و عاملين حمله شنعاء علي الاخوان انهم بيعلقوا ملصقات بتقول قول نعم و تم الكذب و الافتراء عليهم بأنهم يخوفون الناس من النار ؟؟؟
الم يعلن المجلس الاعلي للقوات المسلحة عن عدم استخدام وسائل الاعلام لأي تأثير علي الناخبين بداية من الجمعة لماذا ترك الاعلان بتاع لا ينشر بعدد كبير من الصحف يوم الجمعة ؟
لماذا في فتنة اطفيح قيل ان وراء هذا امن الدولة و عندما علقت يافطة منسوبة للشيخ المحلاوي و الاخوان بالواجب الشرعي بنعم و علي الرغم من نفي الاخوان لذلك و انا حضرت خطبة الجمعة الماضية للشيخ المحلاوي و قال انا اتبرأ من اليافطة و كل من كذب علي لساني انا قلت فقط لا تكتموا الشهاده و ذهابك للأستفتاء واجب ، لماذا لم يقال وقتها ان امن الدوله و بقايا النظام من قام بفعل ذلك لعمل فتنة اخري بين صفوف الشعب

[hossaam]

انا قرأت يافطات ومنشورات كتير للاخوان لتشجيع الناس للتصويت بنعم...
ولم اجد اي اشارة في كل ما قرأت تربط بين نعم والجنة والنار والحلال والحرام....
ولكن كل الكلام حول الاستقرار...عودة الجيش لثكناته...الخ

يا ريت الاخوة اللي بتتهم الاخوان بده يحطولنا دليل رسمي منسوب للجماعة (الاخوان مش السلفيين)....
ليهلك من هلك عن بينة ويحيا من حي عن بينة

[tiger45]

للاسف كتير من الناس ورثوا من النظام السابق مهاجمة الاخوان
انا مش اخوانجي
بس انا مش من هواة مهاجمة الناس بغير حق

[kar!m]

بغض النظر عن مين كويس و مين مش كويس .. احنا أى حد فينا واخد فكرة عن فئه مهينه انها كويسين أو وحشين ده راجع للصورة اللى وصلت لنا عنهم من الاعلام واتربينا عليها لما كان فى مصدر واحد للاعلام و الناس كلها عندهم نفس الفكر و بيشوفوا نفس الحاجه.

انما ومحدش ينكر ان فى فئات كتير الاعلام شوه لنا صورتهم مع انهم ناس محترمين .. زى مثلا تشوية صورة الملتحين على انهم ارهابيين وزى الفكرة اللى كان واخدها الغرب ان الاسلام دين عنف .. وزى الفكرة اللى كان واخدها الغرب برضه ان مصر بلد رمال و جمال و خيام (الكلام ده أنا شمعته بنفسى من أجانب زمان) .. أو ان الستات الاجنبيات كلهم مش كويسين (ناس كتير فاكرين كده).

انما الحمد لله دلوقتى فى ظل الانفتاح الاعلامى و الانترنت و الفضائيات محدش هيقدر يضحك عليك بسهوله و يشوه لك صورة أى فئه من المجتمع .. هى طبعا الحرب الاعلامية بقت أشد .. انما انت ممكن لما تدور و تتحقق تعرف مين اللى فعلا كويس و مين الوحش.

وأنا بعد الثورة وبعد سقوط أمن الدولة تحديدا.. شفت ناس -يمكن مش كتير- أعلنوا عن نفسهم انهم من الاخوان .. و كلهم ناس كويسين جدا.

[mahmoudysf]

المشكلة ان فيه ناس مش عايزة تصدق الواقع ومصصممين على الصورة اللي كان بيقدمة الاعلام

[W77]

و الله ناس تستاهل الاحترام