قلت (لا) او قلت (نعم ) نحط ادينا في ادين بعض عشان مصر

[arakysolom]

سواء كانت النتيجة نعم او لا فالكل لازم يكون راضي بالنتيجة ولا يعترض لأن ده رأي الاغلبية و هي دي اليمقراطية اللي معشنهاش قبل كده ، خلاص مرحلة الاستفتاء انتهت و خلينا فيما بعد ذلك كلنا نوحد جهودنا عشان بلدنا مصر كلنا لازم نبقي ايد واحده زي مكنا في ايام الثورة حتي لا نسمح بالدخلاء علي الوطن ان يمزقوا وحدة الصف و يجعلوا الثورة تفشل
حذاري انك تنساق وراء اي دعوه مع الانقسام علي بعضنا البعض كمايكل منير اللذي بيقول اللي قال نعم حيبقي في كفة و باقي القوي السياسية اللي قالت لا تكون في كفة أخري !!!!
اهذا ما يريده مدعي الوطنية ان يثير الفتن بين الشعب كله حتي يحل الدمار !!!
لذا يجب عدم الانسياق وراء تلك الدعوات

[human]

مافيش قتنه و مافيش حاجه هتتعمل
النتيجه 80%
احب اوضح ان فيه كتير قال نعم اقتناعا و كمان عشان الموضوع يمشى و نخلص

بس التيار اللى قال نعم المؤثر فى الصندوق استخدم جميع الوسائل المتاحه و الخارجه عن النهج الديموقراطى
و ببساطه شيخ الجامع هو اللى وجه الناس

هيه خلصت و اللى هيحدد رئيس مصر القادم هو التيار الاسلامى

و مافيش داعى لادينا فى ايد بعض و فتنه ولا مش فتنه

لانى مش هحط ايدى فى ايد ناس مش عايزه تفكر و الاسم اخوانى فى الوطن - يتم التحكم بهم عبر منابر الجوامع و الازقه و احنا مضطرين نمشى معاهم

بس كده ببساطه شديده - كل ثورة وانتوا طيبين

[cheetos_892005]

مافيش قتنه و مافيش حاجه هتتعمل
النتيجه 80%
احب اوضح ان فيه كتير قال نعم اقتناعا و كمان عشان الموضوع يمشى و نخلص

بس التيار اللى قال نعم المؤثر فى الصندوق استخدم جميع الوسائل المتاحه و الخارجه عن النهج الديموقراطى
و ببساطه شيخ الجامع هو اللى وجه الناس

هيه خلصت و اللى هيحدد رئيس مصر القادم هو التيار الاسلامى

و مافيش داعى لادينا فى ايد بعض و فتنه ولا مش فتنه

لانى مش هحط ايدى فى ايد ناس مش عايزه تفكر و الاسم اخوانى فى الوطن - يتم التحكم بهم عبر منابر الجوامع و الازقه و احنا مضطرين نمشى معاهم

بس كده ببساطه شديده - كل ثورة وانتوا طيبين

والله لو الموضوع ده اتكرر تاني ......هتبقى مشكله .....

الجامع للصلاه والدين مش انتخبوا فلان و علان لا .....

لا كده لا يتفرض رقابه بقا عالحاجات دي بجد

[human]

والله لو الموضوع ده اتكرر تاني ......هتبقى مشكله .....

الجامع للصلاه والدين مش انتخبوا فلان و علان لا .....

لا كده لا يتفرض رقابه بقا عالحاجات دي بجد

انت بين المطرقه و السندان --- عايز امن الدوله يرجع تانى؟؟؟

[cheetos_892005]

انت بين المطرقه و السندان --- عايز امن الدوله يرجع تانى؟؟؟

لا وزارة الاوقاف و الازهر يشوفلهم حل ......

انت شيخ في جامع يعني بتتكلم باسم الدين مينفعش رايك الشخصي

الحريه مش مرادفها السبهلله

و من الناحيه التانيه كده برده

[human]

لا وزارة الاوقاف و الازهر يشوفلهم حل ......

انت شيخ في جامع يعني بتتكلم باسم الدين مينفعش رايك الشخصي

الحريه مش مرادفها السبهلله

و من الناحيه التانيه كده برده

الازقه و الحوارى و الجراجات و النواصى فى كل انحاء مصر ماليانه جوامع
مش هتعرف تغطيها

[alaa_dash]

انت بين المطرقه و السندان --- عايز امن الدوله يرجع تانى؟؟؟

تفكيرحضرتك واقعي ويحترم ...مع اختلافي في حكاية انه احنا مضطرين ...

طيب بما ان التيار الاسلامي كده كده هيحكم ..من وجهة نظر حضرتك و متفق معلك بالمناسبة ..

تعالى نقلل من التأثير السلبي قدر المستطاع .... تعالى نقولهم ان التطبيق الكلي للشريعة مستحيل حاليا

سيبك من حكاية الجزية و الحدود ....لكن ما حدش يقدر مثلا حاليا انه يلغي الضرائب ...لانها حرام ..

ماحدش يقدر انه يلغي الفوائد دلوقتي ....

ما ينفعش ارجع لوجهة نظر الاخ سليمان ..لانها خاطئة ..

[human]

تفكيرحضرتك واقعي ويحترم ...مع اختلافي في حكاية انه احنا مضطرين ...

طيب بما ان التيار الاسلامي كده كده هيحكم ..من وجهة نظر حضرتك و متفق معلك بالمناسبة ..

تعالى نقلل من التأثير السلبي قدر المستطاع .... تعالى نقولهم ان التطبيق الكلي للشريعة مستحيل حاليا

سيبك من حكاية الجزية و الحدود ....لكن ما حدش يقدر مثلا حاليا انه يلغي الضرائب ...لانها حرام ..

ماحدش يقدر انه يلغي الفوائد دلوقتي ....

ما ينفعش ارجع لوجهة نظر الاخ سليمان ..لانها خاطئة ..

تقدر تقنع ناس مش بتفكر و ماشيه بمدأ السمع و الطاعه؟؟
75% قالوا نعم اتوقع اللى قايل نعم اقتناعا زى اللى قالوا لا اقتناعا (وده مبالغ فيه) عندك 50% باريموت و ماتقدرش تتدخل

وجهه نظر عمر سليمان صحيحه بس ال counter measures اللى هو عاملها انا مش عايزها

و مافيش حل غير انك ترضخ و تتفرج زى مانا هعمل لان اللعبه الان محسومه

الرئيس القادم سيحدد من شيوخ الجوامع و الازقه و مهما فعلت لن تغير شيئا
الا لو هنشتغل dirty يبقى ممكن نعمل الفتنه اللى بيقولوا عليها

عندك طرف بيعمل فتنه و الطرف التانى مش بيعمل - ده الوضع الحالى
و المطالب عشان الدنيا ماتخربش انك ما تردش بذات العدوان

مش بقولك كل ثورة وانت طيب

[yaserbasha2000]

يا جماعه بالراحه شويه

الاخ Human مينفعش الكلام ده و اكيد الكلام ده اتقال في وقت غضب

اولا الاسلاميين مش بعبع علشان نخاف منهم (مسلمين ومسيحيين)
ثانيا شعب بيتهمش و بيتجهل له 60 سنه مستني انه يقوم فجأه واعي و مثقف سياسيا لازم هينقاد فكريا في اول اختبار لرجال الدين المسلم او المسيحي زي ما حصل فعلا لكتير من المسلمين و لاغلب المسيحيين
ثالثا متنساش ان فيه ناس صوتت بنعم لاسباب اخري غير اسباب ما تسميهم بالاسلاميين

متقساش علي الناس و تسيب احباطك يخليك تقول كلام غلط

لكن المشرق في الموضوع اهتمام الناس و المشاركه الكبيره

لازم تيارات جديده تتولد في الشارع تنافس التيار الاسلامي علشان تعمل توازن معاه و ميبقاش هو المتحكم الرئيسي في الشارع دي اول اسس الديمقراطيه السليمه (التنافس المتكافئ في الفرص و القوه ) لكن لو فضل تيار وحيد هو اللي له غلبه كاسحه في الشارع مش هتتولد ديمقراطيه
حتي العرض اللي الاخوان عارضينه بانهم ياخدوا 35 % بس من البرلمان ده كلام سياسي مش مظبوط لان ال 65% الباقيين هيبقوا حاسيين ان ولائهم هيكون ل الي ادلهم الفرصه وسابهم ينجحوا فهيكون تيار واحد برضه

و التيارات الجديده في الشارع محتاجه عمل في الشارع مش كلام ورا الكي بورد علشان كد محتاجه وقت مش قليل خصوصا ان الناس في الشارع مشافتش قائد للثوره اللي حصلت و علشان كده تأثير الثوره دي مش ظاهر في الشارع غير في ازاله خوف الناس من النظام السابق (مش ازاله خوف الناس من النظام الحاكم فيه فرق)

فأنا مش ضد ان التيار الاسلامي يحكم البلد او يكون له الاغلبيه لكن ضد ان يكون هو التيار الوحيد الفاعل في الشارع لان ده هيحوله واحده واحده لنظام فاسد لايري الا نفسه زي النظام السابق بالظبط

لازم دلوقتي القوي السياسيه غير المحروقه تخرج بره الغرف المغلقه علشان تعمل في الشارع اربع خمس سنين علشان يبان ليها تأثير

[medo_2060]

والله يا استاذ طارق مش عارف اقول ايه كلامك صح وانا نفسي نلاقى حل عشان الاغلبيه المضلله بالدين والاستقرار والكذب دا ميخربوش انتخابات البرلمان والرئاسه بعد ما عملوا تأثير سلبى حاسم للاسف فى الاستفتاء.. مش عايزين حد يحرك الناس دى ويستغل جهلهم فى مصالحه وكلامى على اى طرف يعمل كدا

[human]

yaserbasha2000

مافيش اى تيار يقدر يحد من تأثير التيار الدينى حاليا

لازم تفهم قوة اللى قدامك

الناس كانت بتخاف تروح للصندوق و تعمل اللى بيقول عليه شيخ الجامع
دلوقتى شيخ الجامع اقوى من اى وسيله ضغط فى مصر عشان اللى بيقول عليه الناس بتعمله مغمضه دون وعى

انت بتتكلم فى انك تأثر فى اقل من نص الشعب - النص التانى كده كده مش معاك

مافيش اى معركه انتخابيه تقدر تأثر فيها مهما حاولت

لازم نشوف الصوره صح

[alaa_dash]

تقدر تقنع ناس مش بتفكر و ماشيه بمدأ السمع و الطاعه؟؟
75% قالوا نعم اتوقع اللى قايل نعم اقتناعا زى اللى قالوا لا اقتناعا (وده مبالغ فيه) عندك 50% باريموت و ماتقدرش تتدخل

وجهه نظر عمر سليمان صحيحه بس ال counter measures اللى هو عاملها انا مش عايزها

و مافيش حل غير انك ترضخ و تتفرج زى مانا هعمل لان اللعبه الان محسومه

الرئيس القادم سيحدد من شيوخ الجوامع و الازقه و مهما فعلت لن تغير شيئا
الا لو هنشتغل dirty يبقى ممكن نعمل الفتنه اللى بيقولوا عليها

عندك طرف بيعمل فتنه و الطرف التانى مش بيعمل - ده الوضع الحالى
و المطالب عشان الدنيا ماتخربش انك ما تردش بذات العدوان

مش بقولك كل ثورة وانت طيب

فكرتي ..ان ال 50% دول مش بالريموت عشان منتمين لجماعة معينة ..لا ....(طبعا ده بفرض النسبة صحيحية)
هما انقادوا لان فهموا ان لا هتشيل المادة 2 ....
بالتالي بالنسبة للرئاسة ...واحد زي عمرو موسى ال50 % دول شايفين فيه بطل و هيصوتوله ...
و مالوش مدخل ديني للانتقاد ...زي البرادعي مثلا ...
و اظن حضرتك متفق معايا ان هوه المرشح الاوفر حظا ...
في اسوأ الظروف يبقى احنا كده اجلنا الصورة السودة المفترضة 4 سنين ...
هيقدر فيهم القوى السياسية الاخرى بما فيهم الاسلام المعتدل انهم يرجحوا كفتهم ....
و ما تقلقش من ناحية الاخوان ...هيكونوا تحت ضغط رهيب من النخبة و الاقباط ...

[medo_2060]

يا جماعه ماهو الناس البسيطه ولا الاميه دى منقدرش نلومهم لوم كامل على الى هما فيه ... وهم عدد كبير هيأثر على اى حاجه بعد كدا ..يبقى ايه الصح انه يتعمل ؟
يتم تضليلهم باسم الدين وكذب تانى عشان مصالح الى بيضحك عليهم؟
ولا نعمل حملات توعيه من دلوقتى للناس دى وتبدأ من القرى والنجوع بالذات ..نوعى الناس دى يفكروا وياخدوا قرار بدون توجيه من اى طرف

[yaserbasha2000]

لازم دلوقتي القوي السياسيه غير المحروقه تخرج بره الغرف المغلقه علشان تعمل في الشارع اربع خمس سنين علشان يبان ليها تأثير

yaserbasha2000

مافيش اى تيار يقدر يحد من تأثير التيار الدينى حاليا

لازم تفهم قوة اللى قدامك

الناس كانت بتخاف تروح للصندوق و تعمل اللى بيقول عليه شيخ الجامع
دلوقتى شيخ الجامع اقوى من اى وسيله ضغط فى مصر عشان اللى بيقول عليه الناس بتعمله مغمضه دون وعى

انت بتتكلم فى انك تأثر فى اقل من نص الشعب - النص التانى كده كده مش معاك

مافيش اى معركه انتخابيه تقدر تأثر فيها مهما حاولت

لازم نشوف الصوره صح

طبعا انا مش باتكلم عن دلوقتي زي ما قولت فوق انا باتكلم عن شغل 5 سنين توعيه وتنوير وزياده وعي وثقافه للناس و العوام باختلاف درجاتهم و جذبهم في اتجاهات اخري غير الكره و الافلام و فتاوي شاذه وغريبه و قضايا فرعيه زي اسلام واحده او تنصير واحده برضه

وكمان لازم نكون كلنا متفقين علي قبولنا بنتائج الديمقراطيه يعني متكونش ديمقراطيه انتقائيه علشان متتحولش لديكتاتوريه

[viper911s]

فكرتي ..ان ال 50% دول مش بالريموت عشان منتمين لجماعة معينة ..لا ....(طبعا ده بفرض النسبة صحيحية)
هما انقادوا لان فهموا ان لا هتشيل المادة 2 ....
بالتالي بالنسبة للرئاسة ...واحد زي عمرو موسى ال50 % دول شايفين فيه بطل و هيصوتوله ...
و مالوش مدخل ديني للانتقاد ...زي البرادعي مثلا ...
و اظن حضرتك متفق معايا ان هوه المرشح الاوفر حظا ...
في اسوأ الظروف يبقى احنا كده اجلنا الصورة السودة المفترضة 4 سنين ...
هيقدر فيهم القوى السياسية الاخرى بما فيهم الاسلام المعتدل انهم يرجحوا كفتهم ....
و ما تقلقش من ناحية الاخوان ...هيكونوا تحت ضغط رهيب من النخبة و الاقباط ...

انا رئى من رئى حضرتك يا استاذ علاء
الناس خايفة من الاخوان وكأنهم مسكو رئاسة صعب جدا انهم يوصلو لكدة بس سبب انهم قدرو يأثرو انهم كانو فى الشارع
سيبك من الجوامع الناس مش مغيبة بس فى نسبة كبيرة مهمشة مش فاهمين دى غلطة الاتجاة الاخر انو اختار الفيس بوك وروادة فقط فى النقاش
ونسى الشارع
والاخوان عموما هيكون عليهم ضغط كبييييييير مش هيكون بسهولة انهم يوصلوا يعنى