يا ترى لسة إهتمامك بالكورة زي الاول.... ولا فقدت اهتمامك زيى ؟؟؟؟؟

[aif]

من يومين كان الاهلي بيلعب والاسماعيلي بيلعب في نفس اليوم في المسابقات الافريقية
واليوم الزمالك بيلعب مع فريق من تونس ( لقاء الثوار )
انا لقيت نفسي مش طايق اقعد قدام المباراة
لقيت نفسي لا اراديا باغير القناة الى القنوات الاخبارية لمتابعة الاحداث في مصر والاستفتاء وليبيا واليمن والبحرين .... واليابان والتسونامي وفوكوشيما وقرار مجلس الامن 1973 بضرب بالحظر الجوي على ليبيا
يا ترى انا بس ولا كلنا فقدنا جزء كبير من اهتمامنا بالكووورة
...
انا متعمد كتابة الكووورة بالعامية .... لأنها لعبة عامية

[ahmed_mido1889]

انا فقدت متعتها

[human]

مش عارف انسجم فى جو الكوره
غير انى مش طايق تقريبا كل الفرق و المنخب كمان

[kimo-nubira]

ازيك يا حج احمد ليك واحشه والله

انا زيك بالظبط لان فيه حاجات اهم بكتير من الكوره مع اني اهلاوي حتي النخاع

بس الاهم فالأهم بس شويه والدنيا تهدي ونرجع نتابع كوره تاني ان شاء الله

بس حاليا بفكر في اللي بيحصل حولينا من اجواء سياسه مصريه عربيه ولا تعنيني الكوره بأي شئ حاليا

[M.Mostafa80]

والله ياحج انا من زمان ولا بحبها ولا متابعها
لأن كنت حاسيسها وسيله الناس بتلهى نفسها فيها وتنقسم فى الأراء
مش وسيله للرياضه او الترفيه عن النفس بالعكس كانت بتعلى الضغط للناس

[aif]

انا وصلت معايا لدرجة غريبة جدا
تصورو ...
انا من كل قلبي .....
بأتمنى خروج المنتخب والاهلي والزمالك والاسماعيلي من جميع المنافسات اللي بيشتركوا فيها
مش عاوز حاجة تاخد تركيزي من مستقبل بلدي
نفسي الكورة تاخد أجازة لمدة سنة ولا سنتين لغاية ما بلدنا تستقر

[AhMeD EzZ]

فقدت اهتمامي بيها
و لا اتفرجت حتي علي اجوان الاهلي او الاسماعيلي و ماتش الزمالك الي فات مطقتش اتفرج علي 10 دقايق منه ..

[cheetos_892005]

والله انا من اهلاوي مجنون راشق في الاستداد .....

الي مشاهد تلفزيوني على ما تفرج .....

السبب الرئيسي قرفي من اللعيبه و مواقف معظمهم الزباله .....

بس الجمهور قايم بالواجب و كل ماتش يسود عيشتهم

[medo_2060]

انا فقدت اهتمامى برضه

[dr-mohamed]

هو ماتش الاهلى كان امبارح ولا اول امبارح والله ما عارف
بص يا حاج عاطف دلوقت مفيش حاجة من الحاجات اللى كنا بنستمتع بيها الاول لها نفس المتعة
يعني انا عندي الوقفة في طابورف الاستفتاء والله كانت ممتعة اكتر من اي ماتش شفته قبل كدة
خلاص المفروض كلنا فوقنا ودلوقت البلد بلدنا فالكورة مالهاش نفس الاهمية ابدا

وفي نفس الوقت موقف اللاعبين جميعا - الا القليلين جدا مثل نادر السيد و سيد عبد الحفيظ وهادي خشبة وتريكة - كان مخزي جدا ومقرف ويبعث على الغثيان خصوصا اللى شاركوا في مظاهرة ميدان مصطفي محمود

وعلى راي شيتوس الجماهير اللى بتروح كل مرة بتروقهم سمعت ان جمهور الاهلى كتب للاعبين وقت ما احتاجتونا كنا وراكم ولما احتجناكم ما حد لقاكم وكمان انتم تاخدوا الملايين ومش حاسين بالفقراء وما شبه ذلك

دلوقت لازم الموازين تتغير ويبقي المثل والقدوة هو من يستحق فعلا ان يكون كذلك مش لاعب كورة ولا مطربة ولا رقاصة

[didos323]

انا فقدت متعتها

[kono]

كورة ايه بس ؟؟
ده احنا كنا مغيبين عن العالم ..انا كنت بدخل نت عشان فيس بوك ومواقع كورة واخبار على الضعيف
الوقت ممكن ابص على اخبار الكورة من باب العلم بالشئ
ونفسى الدور ميكملش..عشان التعصب الأعمى اللى كنا عايشين فيه
برغم اختلافنا على الاستفتاء ..بس كل واحد فينا هيرضى بالنتيجة (غالبا نعم )
كنا زمان بنختلف على الحكام وقابض ومن النمسا وكلام فارغ

[cheetos_892005]

وقابض ومن النمسا وكلام فارغ

هههههههههههههههههههه

كنا بنقطع بعض على بينالتي ههههههه


وابراهيم تصريحات يطلع يديها كوميديا شو ههههههههه

[mahmoudselim]

انا كمان مع زملكاويتي الشديدة من غير تعصب غير متاااابع بالمرة لاي نشاط كروي من بداية الثورة .. ولسة والله عارف من نص ساعة ان الزمالك هيلعب النهاردة وفي تونس كمان.