حزين على الاستفتاء

[رزق]

مش عالنتيجة
لكن
على عدم الذهاب لتقرير مصير بلدك
يعني لو كان الحضور 80 أو 90% كان ممكن
لكن الحضور 18.5 مليون
من أصل 45 مليون ناخب
41.2% حضور
أو بالادق 58.8% غياب..أكتر من النص بشوية
26.5 مليون كسلوا أو انشغلوا يوميها

[Sharky]

دى تعتبر نتيجة ممتازة فى اول مرة ديمقراطية

اللى اعرفه ان انتخابات الرئاسة الامريكية الاخيرة لم يتعدى الحضور فيها الـ 60%

[mohamed_selim]

اكتر حضور سابق فى اى انتخابات مصريه ان لم تخنى الذاكره موصلش 20% فانت كده عندك زياده عن 100% من السابق ... و لسه ...
كمان خلى بالك ان فى ناس معرفتش تصوت من الزحام و ده يخلينا ننبه ان فى اى انتخابات قادمه لازم تكون على ملراحل علشان الناس كلها تقدر تصوت و الاشراف ميحصلوش انهاك ...
او تصويت الكترونى ان شاء الله

[رزق]

ماشي بس أصْل دي بلد كانت واقفة على استفتاء
امريكا أو أي دولة بتنتخب البلد شغالة عادي

يمكن ده بس عشان أنا كان رحت حسيت إن شعب مصر كله موجود معايا
ولما قريت عدد الحضور النهاردة حسيت إن في حاجة غلط

[tiger45]

دي نتيجه ممتازه

[sarah5]

الناس اللي مرحوش الاستفتاء اكيد دلوقتي نادمنين انهم مكنوش واقفين في الطوابير اللي كانت في مصر كلها وان شاء الله هيروحوا بعد كده وهيشاركوا بعد اللي شافوه بجد الوجوه اللي كانت واقفة بالاربع ساعات في طابور عشان يقولوا رأيهم عمري مكنت اتخيل اني اشوفها ابدأ بالاصرار ده وكمان ده استفتاء امال في الانتخابات هيحصل ايه احنا كل يوم هنشوف ايجابيات كتيرة تغطي علي السلبيات اللي عشنا فيها سنين .

[otefa]

ماننساش أن فيه ناس كتيرة عايشة بره مصر وأنا منهم

[رزق]

أنا يمكن تصورت إن النسبة قليلة على أول استفتاء -أظن - نعمله في تاريخ مصر
كمان لسة الناس مشحونة بقوة فـتصورت إن عدد أكبر حينزل عشان يدلي بصوته

[besso]

طب تصدقوا انا هتم 18 لسه فى شهر سبعه اللى جاى
بس انا كنت زعلان انى منزلتش الاستفتاء
اصحابى كانو بيسالونى اذا كنت نزلت ولا لا كنت محرج وانا بقول لا
بس كل شىء نصيب والجايات اكتر

[yoko]

خلي بالك إن ناس كتير بره مصر الشارع بتاعنا لوحده فيه أكتر من ٢٠٪ بره مصر!!!
غير نسبه كبيرة من طلبه ٣ ثانوي الي ليهم صوت كانوا في دروس غير كبار السن الي مقدروش ينزلوا

[bmw3m007]

هو فعلا دي اول مرة لسه يعني كويس انهم نزلو
و ان شاء الله توقعو اكتر من كده بكتيييييييير في الرئاسية و اكتر و اكتر في البرلمانية كمان
و يا رب بلدنا تكون احسن بلد في الدنيا
و تحيا مصر

[zaza_lanos]

ياباشا سنة سنة
العربية ما بتطلعش على الخامس

[cayman69300]

الف مبروك للمصريين و مش مهم مين اللى النسبة بتاعتة اللى كانت اكتر
المهم الكل بيحب البلد
و الكل وقف فى الطابور و هو مبسوط
و الكل ابتدا يحس ان صوتة جاى بفايدة
و الكل يتمنى من الله العبور من عنق الزجاجة بهذه البلد الامنة الامينة

[aif]

مش عالنتيجة
لكن
على عدم الذهاب لتقرير مصير بلدك
يعني لو كان الحضور 80 أو 90% كان ممكن
لكن الحضور 18.5 مليون
من أصل 45 مليون ناخب
41.2% حضور
أو بالادق 58.8% غياب..أكتر من النص بشوية
26.5 مليون كسلوا أو انشغلوا يوميها

احمد ربنا انها جت لغاية كدة
انت عارف لو النسبة كانت 80% مثلا زي ما كنا بنحلم
كانت بقت فضيحة على الهوا
البطاقات مش كفاية
الحبر مش كفاية
القضاة مش كفاية
الوقت مش كفاية
يعني كان ممكن الاستفتاء يفشل
اعتقد ان الاستفتاء القادم يجب ان يكون على اكتر من يوم
دي ضرورة علشان عدد القضاة يكفي
وكمان علشان النسبة مرشحة للزيادة مع مرور الوقت
41.2 % نسبة كويسة جدا
ايام حسني كانت النسبة الفعلية لا تتجاوز 5% ... وهما كانو بيكملو من عندهم لغاية 15 او 20%

[Ashraf A.Kader]

اخر استفتاء كانت نسبة الحضور 5% طبعا الفارق كبير
كمات فيه ناس كتير مقدرتش تنزل علشان ظروف خاصة مثل المرض والسفر خارج البلاد واعتقد دي نسبة مش صغيرة
وفيه تاس كتيرة ذهبت ولكن لم تستطيع التصويت لان مكانش عندهم صبر للانتظار
معلش بكرة اللي جي احلي