الحق الحق فضايح اجبار الناس تقول -لا-

[MEDO84EG]

الف شكر لصاحب الموضوع

[aly_hosny]

انا مش عارف مين الشيخ اسامة :) بس لو قالك الشيخ اسامة القوصي يبقي علي ابن خالتك السلام . . دة واحد كان جماعات تكفيرية وارهابية
دخل المعتقل كام سنة
طلع حزب وطني وحبيبي يا حسني وبيهاجم وبيشتم كل التيارات الاسلامية
شكلة سلفي لكن مضمونة هز يا وز مش بتاع ربنا دة بتاع حسني مبارك وامن الدولة وحاجات كتير كدة

ولو هوا دة ياريت تبعد ابن خالتك عنة وتنصحة لأنة راججججججججججججل ضايع

هو عموما اشهر علماء التيار السلفي المقدم ومحمد حسان والحويني والشيخ ياسر برهامي وكلهم حثوا الناس علي قول نعم عدي الشيخ الحويني قال منصحش حد بنعم ولا لا . . وكل واحد حر ودة رأي وانة مكونش رئية لسة عشان كدة مبينصحش حد برأي معين
وحازم شومان انا قلت في اول موضوعي ان فعلا كتير من السلفين والشيوخ عموما قالوا ان الغالب علي تيار لا هو المسيحين والعالمنين من باب الغالب ومش من باب ان الي هيقول لا يبقي كدة . . . لأن كلهم اكدوا ان الرأي الاخر محترم بلعكس الشيخ النقيب في التلفزيون قال الي اجتهد وقال نعم او لا واصاب لية اجرين ولو اخطأ لية اجر واحد . . . ودة مشهور جدا وسلفي برضوا
عشان كدة انا كنت بكتب في كل مواضيعي ان الي رايح الاستفتاء يقول نعم ولا ونيتة مصر مش نيتة يكون مع او ضد الاخوان او التيار الاسلامي وخلاص :)

الشيخ اسامة عبدالعظيم

[ahmedbatoos]

الشيخ اسامة عبدالعظيم

والله انا معرفهوش واول مرة اسمع اسمة ولما دورت في النت ملقتش غير 6 خطب لية او حاجة زي كدة
عموما لو الشيخ دة قال الي قال لا يبقي عاصي
ممكن ابن خالتك تخلية يكلم اي شيخ كبير ومشهور زي الي بيطلعوا في التلفزيون زي الشيخ محمد حسان او الحويني او الي مبيطلعوش ومشهورين جدا زي الشيخ محمد اسماعيل المقدم او النقيب او ياسر برهامي
ودول الي اسسوا مدرسة دينية بلاسكندرية تقريبا هي الثانية في العالم بعد مدرسة في باكستان

خلية يكلمهم ويقلهم الشيخ كذا كذا قال الي قال لا يبقي عاصي . . وهيقطنع بكلامهم وممكن كلام يكلموا الشيخ اسامة ويتناقشوا معاة و كدة

[aly_hosny]

الشيخ اسامة عبدالعظيم

والله انا معرفهوش واول مرة اسمع اسمة ولما دورت في النت ملقتش غير 6 خطب لية او حاجة زي كدة
عموما لو الشيخ دة قال الي قال لا يبقي عاصي
ممكن ابن خالتك تخلية يكلم اي شيخ كبير ومشهور زي الي بيطلعوا في التلفزيون زي الشيخ محمد حسان او الحويني او الي مبيطلعوش ومشهورين جدا زي الشيخ محمد اسماعيل المقدم او النقيب او ياسر برهامي
ودول الي اسسوا مدرسة دينية بلاسكندرية تقريبا هي الثانية في العالم بعد مدرسة في باكستان

خلية يكلمهم ويقلهم الشيخ كذا كذا قال الي قال لا يبقي عاصي . . وهيقطنع بكلامهم وممكن كلام يكلموا الشيخ اسامة ويتناقشوا معاة و كدة

عمره ما هيتقبلها و مش هيناقشني
وال فهمته منه ان كل الشيوخ ال حضرتك ذكرتهم تلامذته

و هو قالي مش هتلاقيله فيديوهات خالص غيير قليل لانه مبيسمحش لحد يصوره نهائي

[tamatemo]

قبل اي رد انا قولت لا و تقبلت النتيجة عادي جدا
و شايف جانب كبير من موضوعك موضوعي بس من وجهة نظر برضو واحد قايل لا
انا معرفش مشايخ السلفية بصورة كبيرة "يعني اعرف ال بيطلعو على التلفزيون"
ابن خالي سلفي قبلته برة اللجنة بيسالني طبعا قولت ايه قولتله لا فوجئت برده "ربنا يغفرلك"
اتفاجئت و اتدايقت و زعلت و لما اتناقشت معاه قالي الشيخ اسامة "معرفوش بس ال عرفتها انه من اكبر المشايخ ان لم يكن اكبرهم في المنزلة" اثم من يقول لا "يعني انا كدا ارتكبت وزر"
جادلته طلعا وقولته راي المشايخ ال شوفناهم على التلفزيون سواء محمد حسان او غيره

بالنسبة للاخوان ف كان اسلوبهم الاول و الاخير هو التضليل و دا حصل قدام عيني و قدام معظم ال اعرفهم


انا بقول برضو النتيجة كانت هتبقى نعم في كل الاحوال بس لازم نشوف الاخطاء و "الكذب و التضليل" عشان نقدر نمنعه

دا فيديو للدكتور حازم شومان "انا بحبه جدا"
بس نظرته للناس ال هتقول لا على انهم شوية علمانين دي غلط
كل واحد من حقه يفكر و فكره يهديه لحاجة معينة طول ما الموضوع برا الدين
http://www.youtube.com/watch?v=p2fdo1mvoa8

مصيبة ليكون قصده اسامة بن لادن
ويبقي كدا كمان تنظيم القاعدة كان بكفر الناس اللي قالت لا وبيرهب الناس علشان تقول نعم

تعليق صغير بس علي الشيخ الفاضل اسامة اللي حضرتك ذكرتة في مشاركة تانية

محمد حسين يعقوب ومحمد حسان وغيرهم
تلقوا علمهم الشرعي في السعودية علي يد مشايخ هناك
ومنهم معاه اجازة بالدعوة كمان

[أبومعاذ]

الشيخ أسامة عبد العظيم أعرف عنه الوسطية و التيسير وأعتقد إن صعب يكون قال الكلام ده