إشاعات إشاعات

[mailo]

الكام يوم اللي فاتوا دول كنا بنسمع اساطير عن كل حاجة وكفاية إن الكلمة تتقال ويطلع عليها قصص ورواية

بصوا بقى أنا هاحكي موضوع أو معلومة أو حدث حصل وبعدها هاقول أنا سمعته تاني إزاي

1-امبارح أنا كنت راكب المترو وإتنين واقفين فوق دماغي وبيتكلموا إن محمود سعد كان بياخد 9 مليون وكان عايز 15
شوف فرق الرقم بقى كام واللي أنا سمعته ايامها كان 7 - 9

2-أول يوم في اللجان الشعبية واحد اتصل والينا إن شارع x واقفين فيه بأسلحة جامدة قوي والبلطجي اللي هيحاول يخش هيموت
بعد 5 دقائق بس المكالمة دي اتحكت إن فيه 6 اتقتلوا فالشارع ده على الساعة 8 الصبح بقت إن فيه بلطجية داخله الشارع ومات منهم 60 والناس اللي هناك جامدين قوي

كاملوا أنتوا بقى واحكوا على الفرق في روايات سمعتوها أول مرة و سمعتوها تاني

[احمد المصرى]

كنا بنسمع ان الحى الثامن فى اكتوبر وفى عربيه فيرنا بيضاء بتلف وماسكه رشاشات وبتقتل فى الناس بعد شويه قابلت واحد جى من الحى الثامن قالى مفيش اى حاجه هناك اساسا


والاشاعات كتير جدااااااااااااا ذى كدا

[م.احمد زكريا]

كنا بنسمع ان الحى الثامن فى اكتوبر وفى عربيه فيرنا بيضاء بتلف وماسكه رشاشات وبتقتل فى الناس بعد شويه قابلت واحد جى من الحى الثامن قالى مفيش اى حاجه هناك اساسا


والاشاعات كتير جدااااااااااااا ذى كدا

أم الفيرنا البيضة دي كانت مشيبة الدنيا في مدينة نصر وما حدش شافها أساسا

[احمد المصرى]

أم الفيرنا البيضة دي كانت مشيبة الدنيا في مدينة نصر وما حدش شافها أساسا

تقريبا دى لفت مصر كلها هههههههههههههههههههههههه

[shooter123]

احنا كانت عندنا مازدا وبيضا برده

وفضلنا مستنيينها ومفيش يا عم الحج ولا عربية بيضا عدت اصلا

[mailo]

أول مرة أسمع عن الفرنا البيضة دي بس عندنا كان فيه شيروكي متفيمة وطالع منها رشاشات بتضرب فالناس
وفالاخر طلعت قوات خاصة ومبتضرابش على حد

[waleedraafat]

دا غبور عامل دعاية للفيرنا البيضاء ، اصل اللون دا مبقاش يبيع زي الاول

[cheetos_892005]

كل واحد وستوى معيشة منتقطه لو سمحت

يعني العربيه عندنا كانت لانسر بيضا و لانوس حمره

و مسكوها في ميدان لنبان لقوها سيراتو حمره

و لما وصلت للصفوه عند احمد السقا في المهندسين لقوها شيروكي حامره


و دي من عندي

في 200 بلطجي سرقوا اباتشي من الجيش و بيضربوا نار

[MohssenRashed]

كل واحد وستوى معيشة منتقطه لو سمحت

يعني العربيه عندنا كانت لانسر بيضا و لانوس حمره

و مسكوها في ميدان لنبان لقوها سيراتو حمره

و لما وصلت للصفوه عند احمد السقا في المهندسين لقوها شيروكي حامره


و دي من عندي

في 200 بلطجي سرقوا اباتشي من الجيش و بيضربوا نار

ايوة عارفها الاباتشي دي عدت عندنا و بتضرب نار و حتى كان لونها فحلقي مقلم

[tamer_a7]

لا بجد مش قادر اصدق نفسي هيه الفيرنا البيضا وصلت عندك مدينه نصر يا ولاد الايه عرفو في الظروف الهباب دي يجيبو القاهره من مدينه نصر للمعادي لحلوان
كله كوم ومكالمه الست بتاعت في 50 بلطجي هربو من السجن وركبين ميكروباصات وجيين علينا دلواقتي (علي اساسا ان في بلطجي منهم اتصل من الطريق من اون ذا رن وقالها احنا جايين اهو من الساحل )

[MOUSTAFA_SAAD]

أم الفيرنا البيضة دي كانت مشيبة الدنيا في مدينة نصر وما حدش شافها أساسا

دى وصلت عندنا فى دمنهور

[casperinoo]

واحد صاحبي ابوه راجع من صلاة الفجر بينهج ...فبيقوله مالك يابويا فيه ايه ...قاله واحد في الجامع بيقول خلاص ميدان التحرير اتنسف ...العيال طلعت فوق العمارات وحدفتهم بالانابيب...والراجل بيقوله انا لسه شايفها في التلفزيون قبل مانزل :)

[al_manara]

واحد صاحبي ابوه راجع من صلاة الفجر بينهج ...فبيقوله مالك يابويا فيه ايه ...قاله واحد في الجامع بيقول خلاص ميدان التحرير اتنسف ...العيال طلعت فوق العمارات وحدفتهم بالانابيب...والراجل بيقوله انا لسه شايفها في التلفزيون قبل مانزل :)

ههههههههههههههههههههههههه

للاسف الاشاعات عندنا زي الشرب والاكل
لا تعليق .

[Ayman-Ahmed]

مسمعتوش عن اشاعة الحى السادس فى مدينة نصر :

بلطجية خطفوا مدرعة وقعدوا يضربوا نار من الرشاش اللى اودام على اللجان الشعبية ومات واحد من الناس اللى واقفة.وانتوا عرفتوا منين انها مسروقة ما يمكن الجيش افتكركوا بلطجية داخلين على القسم ولا امن الدولة.لا لا اصل المدرعة فضلت تتتطوح يمين وشمال.

واحد من شبرا : لا حول ولا قوة الا بالله.واحد فى عربيته مع مراته وبنته الساعة 10 بلليل وقفوه البلطجية وسالوه يا تسيب مراتك لبنتك ومراته قالت لا خدونى انا بلاش البنت.

العربية الشيروكى : الساعة 3 الفجر.ضرب نار والدبابات اتحركت وضربت نار و (قذيفة مدفع صوت) على العربية الشيروكى اللى كانت بتضرب نار على طريق السويس.

لسة راجع من سانت كاترين وطابا والاشاعات هناك تقريبا زى هنا : سواق تاكسى على القهوة- هو انتوا شغالين فى السياحة-اه-طيب اوعوا تمشوا بلليل لاحسن من كام يوم وقفوا اتوبيس سياحة وخدوا كل حاجة من الناس اللى فيه والاجانب اتبهدلت على الاخر.طيب وده كان الساعة كام.تقريبا الساعة 9.اه شكرا بس قولى مين اللى قالك.ها.معرفش اسمه ولا مين انا سمعت سواق السياحة بيتكلم على القهوة.كان نفسى اديله على دماغه بجد عشان السياحة مش ناقصة.

سايس ميدان الحجاز : عربية نص نقل وعربية فيرنا بيخبطوا العربيات وبعدين يقلبوا اللى فيها.

[casperinoo]

ولا الشيوخ في الجوامع الساعه تلاته الفجر وبصوت عالي في الميكرفوون
الخطر قاااااااااااااادم ...استعدوا يارجال....تقوم الستات مصوته في البيوت