إعـــــــلان

Collapse

.

,
See more
See less

أنزل الى الشارع --- بلال فضل --

Collapse
X
 
  • Filter
  • الوقت
  • Show
Clear All
new posts

  • أنزل الى الشارع --- بلال فضل --

    نعم، انزل إلى الشارع فوراً من فضلك، ليس لكى تعترض على نتيجة الاستفتاء على التعديلات الدستورية التى جاءت مخالفة لآمالك، بل من أجل أن تعمل بإيديك وسنانك لكى لا تضيع كل آمالك فى كل الانتخابات القادمة.


    هل كنت تظن أن الديمقراطية نزهة لطيفة يفوز فيها الإنسان بما يشتهى؟، هل نسيت أن الديمقراطية هى التى أوصلت الفاشيين والنازيين والعنصريين وأصحاب الأفكار المحافظة إلى مقاعد الحكم فى دول سبقتنا إلى الديمقراطية بكثير؟، ومع ذلك فقد استقر الوعى الإنسانى الحديث على أنها وحدها الحل والطريق والضمان لإزاحة هؤلاء من مقاعد الحكم عندما يثبت للناس فشلهم فى حل المشاكل المعقدة بالشعارات واللعب على العواطف الدينية والوطنية.
    إذا كنت مستغرباً أو مصدوماً من نتيجة الاستفتاء على التعديلات الدستورية، فاسمح لى أن أسألك «هو سيادتك ماكنتش عايش معانا فى البلد السنين اللى فاتت؟»، ألم تكن شاهدا معنا على التخريب المنظم للعقل المصرى والذى مارسه مبارك والسابقون له بإفساد؟، هل فوجئت «إذ فجأتن» أن المسجد والكنيسة صارا بديلا عن الوطن لدى كثير من المصريين؟، هل نسيت أن الثورة لم يقم بها كل المصريين، بل قام بها أحرار المصريين الذين لاقوا عنتا شديدا طيلة أيامها من أهلهم وأقاربهم؟، هل نسيت سريعا العبارات الأكثر انتشارا فى مصر طيلة أيام الثورة (كفاية لحد كده.. ارجعوا مطالبكم تحققت.. ما تبهدلوش الراجل.. أنا مش عارف العيال بتوع التحرير عايزين إيه؟).


    صدقنى، وليس لك علىّ حلفان، أننى لم أكن أتوقع أن الاستفتاء سيشهد هذا الإقبال المذهل، لكننى والله كنت أتوقع أن تكتسح (نعم) نتيجة الاستفتاء، ليس لأن الإخوان أصحاب أغلبية كاسحة، كما يعتقد البعض، بل لأننى كنت متأكدا أن ملايين المصريين الذين وقفوا ضد الثورة فى البداية متفرجين ثم ساخطين ثم حائرين ثم مشوشين ثم ساخطين مجددا، يعلمون بذكائهم الفطرى أن أفضل وسيلة لوقف حالة التصاعد فى مطالب الثوار والتى يرون أنها تهدد أرزاقهم ومصالحهم المباشرة، لن تكون سوى باستخدام أول إنجاز حققته لهم الثورة وهو حق التصويت الحر النزيه بإشراف قضائى كامل ودون تدخل سلبى من الشرطة. بالطبع لا تستطيع أن تلوم الناس لأنهم ينحازون لأرزاقهم ولقوت يومهم ولأمان عيالهم، حتى لو أرعبوهم على كل ذلك ظلما وعدوانا، علينا ألا نتعالى على الناس إذا أردنا أن نساهم فى تغيير واقعهم، لكن علينا أيضا ألا نفترض فيهم ما ليس فيهم فنحملهم بذلك ما لا طاقة لهم به.




    دعونا نواجه أنفسنا بحقيقة أنه حتى لو لم يكن قد تم استخدام سلاح الدعاية الدينية بذلك الشكل الرخيص المؤسف، فإن الأغلبية كانت ستنحاز لنعم أيضا، ربما بنسبة أقل قليلا، لكنها كانت ستكون لنعم، لأننا لا نستطيع أن ننكر أن لدينا ملايين من أبناء مصر يمتلكون تصورا مختلفا لخارطة الطريق التى يجب أن يكون عليها العمل فى الفترة المقبلة، ولو لم ندرك ذلك سريعا ونبدأ فى التعامل معه، فإن الخسارة ستكون فادحة فى كل الانتخابات القادمة، وسيشهد التاريخ الإنسانى أغرب حالة ثورية على الإطلاق، ثوار يغيرون مصير بلاد لكى يتحولوا إلى معارضين منبوذين لأنهم لم يجدوا وسيلة ناجعة للتواصل مع الناس، ولأنهم بفضل الرعونة والانفلات وعدم تحديد الأولويات، وعدم قراءة الواقع جيدا، حوّلوا الأغلبية الصامتة إلى أغلبية تعمل ضدهم بنفس الآليات التى دفعوا حياتهم ثمنا من أجل تحقيقها.


    صحيح أنه لم يمر أكثر من يومين على إعلان نتيجة الاستفتاء، لكننى أعتقد أن كثيرين ممن أعرفهم وأتابعهم أضاعوا وقتا طويلا فى البكاء على اللبن المسكوب داخل لجان الاستفتاء، فى أيام نحتاج فيها إلى كل فيمتو ثانية من أجل إنقاذ ما يمكن إنقاذه. للأسف يريد البعض أن يحول نفسه إلى أضحوكة بالإصرار على الحديث عن تزوير شامل أو تواطؤ سافر، وما إلى ذلك من آراء غريبة لن تؤدى إلا إلى مزيد من الخسارة لدى الغالبية العظمى من الناس الذين يقلقون من كل النبرات التصعيدية التى تتطاول على الجيش، أو الدعوات غير الواقعية التى لا تعرف طبيعة الواقع المجتمعى الذى تركه مبارك، فضلا عن عدم امتلاكها رؤية شاملة لمواقف قوى كثيرة فى المنطقة، بعضها يبدو صديقا وأخا، ومع ذلك فهو يضع مهمة إفشال الثورة على عاتقه، ليس كراهية فينا، بل حبا فى مصالحه الداخلية، وفى فمى ماء كما يقول العرب، لذلك أترك التفسير لفطنتك.




    بما أننا جئنا بسيرة الجيش، دعنى أقل لك إنه إذا كان هناك شىء سيسعدنى فى اختيار أغلبية المصريين لخيار (نعم)، فهو أنه اختيار يقرر عودة الجيش إلى ثكناته بمعدل أسرع، وهو أمر يسعدنى جدا، ليس خوفا من الجيش، بل خوفا عليه، صحيح أننى كنت أرى أن عودة الجيش كانت ممكنة أيضا مع خيار لا، لم أكن مقتنعا بما روجه البعض من أن (نعم) تعنى قطع الطريق على الجيش لكى يستمر فى السلطة، فقد سمعت تأكيدات قاطعة من أكثر من مسؤول عسكرى بأن الجيش يعلم جيدا أن عودته السريعة إلى الثكنات أمر حتمى، لاعتبارات تخص الأمن القومى المصرى وتتعلق بعقيدة الجيش العسكرية وإدراكه أن هيبة الجيش خط أحمر لا ينبغى تخطيه، وكل بقاء فى الحكم أكثر من اللازم يعرض هذه الهيبة للتورط فى ملابسات علاقة الحاكم بالمحكوم، وهو أمر من شأنه أن يحدث شروخا غير مأمونة العواقب فى «العضمة» الوحيدة التى نجت من تهشيم مبارك لكل عظام جسد الدولة المصرية، والتعبير هنا مستعار من حديث سمعته للمفكر الدكتور حسام عيسى.


    لذلك من كل قلبى أتمنى أن يهدأ الذين يلطمون ويولولون وهم يتحدثون عن الخراب الذى سيحيق بالبلاد بسبب نتائج الاستفتاء، خصوصا أن كثيرين من هؤلاء لم يكونوا يرون فى حسنى مبارك أصلا خرابا حل بالبلاد، والأرشيف موجود فلا تضطرونا لفتحه نرجوكم، ومن يحب النبى، أيا كان نبيه، عليه أن يزق عجلة الوطن إلى الأمام. صحيح أننى كنت من الذين يحلمون بأن يلتف المصريون حول (لا) لبناء وطن كبير بقدر تضحيات الثوار، لكننى الآن أعتقد أن ذلك يمكن أن يتحقق أيضا بجهد أكبر وفى وقت أطول وبنتيجة أقل من التى كنت أحلم بها، ولذلك لن أضيع وقتى فى نظريات مؤامرة بلهاء أعلم أنها غير حقيقية، وسأبارك عودة الجيش إلى الثكنات لكى نكسب وجهاً مدنياً للدولة، ويبقى أمامنا نضال طويل للحصول على قلب مدنى للدولة بعيدا عن تسخير الدين فى الصراعات السياسية، وهو صراع لن يكون سهلا فى ظل أفكار مشوشة تدعى أن كل من يطالب بذلك هو علمانى كافر ملحد. ولذلك علينا بدءا من الآن أن نضغط بقوة من أجل إصدار تشريعات قاطعة وصارمة تحظر العمل الحزبى على أساس دينى، وتحظر استخدام الدين فى الشعارات الانتخابية، وتوقع على من يفعل ذلك عقوبات صارمة، وتكفل آليات رقابية للمجتمع المدنى لمراقبة تحقيق ذلك، لكى لا نشهد أكبر سوق للمتاجرة بالدين فى تاريخ مصر يشترك فيها العاطل بالباطل، وينجح فيها الحاج فلان تاجر المخدرات مع الداعية فلان تاجر الأفكار مع الشيخ فلان صاحب النوايا المخلصة، ويخسر الذين يعلمون أن السياسى لا يمكن أن يكون ممثلا لله، لأن الله عز وجل ليس ملكا لأحد.


    لا نريد أن نظل فى الغرف المغلقة لنحارب طواحين الهواء، هل نبدأ بالانتخابات الرئاسية قبل البرلمانية أم العكس، وهل يجب أن تقام الانتخابات بالقائمة النسبية أم بالنظام الفردى، نعم النقاش فى ذلك كله مهم، لكنه لا يجب أن يستغرق كل وقتنا ولا يجب أن يقوم به جميعنا، بينما نترك الشارع للذين لن تفرق معهم بأى الانتخابات بدأنا. علينا أن ندرك أن نتيجة الاستفتاء كشفت أن كل المرشحين الرئاسيين الذين فرحوا بأنفسهم وفرحنا بهم لا يمتلكون تأثيرا طاغيا فى الشارع، وعلى هؤلاء الآن أن يواجهوا لحظة الحقيقة ويتخلوا عن مشاريعهم الفردية من أجل عمل توافقى ينسقون فيه مع بعضهم بدلا من أن يخسروا كل شىء، خاصة أن الانتخابات القادمة لن تكون الأخيرة، ويمكن لمن لم يصبح رئيسا فيها أن يكون رئيسا فى التى بعدها.
    إذا اتسع صدرك حتى الآن لكل تمنياتى دعنى أتمنى على كل الذين شاركوا فى الثورة أن يتوقفوا فورا عن موضة تشكيل الأحزاب التى أصبحت تفقس حزبا كل يوم، ويدركوا أن الواقع الآن يتطلب آلية مختلفة هى فى رأيى توحيد كل القوى الوطنية التى شاركت فى الثورة تحت إطار واحد، وليكن مثلا تحت اسم (ائتلاف الثورة)، وهو الاسم الذى أصبح له شعبية فى الشارع إلى حد كبير، ومن الذكاء استغلال هذا الاسم مع توسيع إطاره ليضم كل العناصر الوطنية التى تحظى بقبول شعبى واسع لتشكيل قائمة موحدة تحمل اسم (قائمة الثورة) من الإسكندرية إلى أسوان، ويراعى فى اختيار عناصرها أن تكون لهم قدرة على التواصل مع بسطاء الناس فى الشارع وألا يكونوا من المحلقين فكريا الذين كلما فتحوا أفواههم أغلقت قلوب الناس فى وجوههم.




    سين سؤال: هل تعود روح الميدان التى جعلت الناس يتناسون خلافاتهم الفكرية والسياسية ويجتمعون على هدف واحد؟، أم ينجرف الجميع وراء اعتقاد كل منهم بأنه يملك أرضية عريضة فى الشارع اعتمادا على رقم أعضاء جروبه على الـ«فيس بوك» أو متابعيه على التويتر أو الحاضرين لندواته فى ساقية الصاوى؟، للأسف على سؤال بايخ كهذا يتوقف مصير الثورة، والله أعلم.
    اللى حيضيع بلدنا : الفهلوة و كلمة باشا و معلش و أصل


    [SIGPIC][/SIGPIC]

  • #2
    المشاركة الأصلية كتبت بواسطة ashouhdy مشاهدة المشاركة
    علينا بدءا من الآن أن نضغط بقوة من أجل إصدار تشريعات قاطعة وصارمة تحظر العمل الحزبى على أساس دينى، وتحظر استخدام الدين فى الشعارات الانتخابية، .
    و الله و شهد شاهد من اهلها
    ها اليس هذا هو سبب الغل الذي يملئ القلوب الان
    اليس الخوف من ان يتم اكتساح انتخابات مجلس الشعب بأضعاف ما حدث في 2005 هو ما يرعبهم
    يا من تنافقون انفسكم
    و الله الذي لا اله الا هو لن يبارك الله في اي شئ الا بالاتجاه الي الدين و التوبة الي الله و بالتوبة من الاتجاه الذي يدعو لتقليص دور الدين و علماء الدين في المساجد فقط
    و الله هذا عار علينا نحن المسلمون

    م.حاتم السباعي
    HAGAN سابقا

    Comment


    • #3
      كلام جميل و إن شاء الله هوا ده اللي هيحصل ،،،

      إئتلاف ،، بناء علي أرضية مطالب مشتركة بما فيه الأخوان المسلمين اللي وافقوا بل عرضوا ذلك ،،

      و عايز كمان اقولهم

      الشعب المصري و أنا منهم لا يقبل فصل الدين عن السياسة

      أي خطاب أو مشروع لسياسي يجب أن يثبت أنه لا يتعارض مع الدين إن لم يكن متوافق معه

      و لا مانع من الإستعانة بالعلماء المعتدلين في تسويقه

      Comment


      • #4
        مخلاص الحكاية ابتدت تنكشف...


        [CENTER]م.أحمد[/CENTER]

        Comment


        • #5
          المشاركة الأصلية كتبت بواسطة hagan مشاهدة المشاركة
          و الله و شهد شاهد من اهلها
          ها اليس هذا هو سبب الغل الذي يملئ القلوب الان
          اليس الخوف من ان يتم اكتساح انتخابات مجلس الشعب بأضعاف ما حدث في 2005 هو ما يرعبهم
          يا من تنافقون انفسكم
          و الله الذي لا اله الا هو لن يبارك الله في اي شئ الا بالاتجاه الي الدين و التوبة الي الله و بالتوبة من الاتجاه الذي يدعو لتقليص دور الدين و علماء الدين في المساجد فقط
          و الله هذا عار علينا نحن المسلمون

          م.حاتم السباعي
          الخوف من استغلال الدين فى التأثير على البسطاء لتحقيق مصالح شخصيه

          الخوف من المتاجره بالدين

          الخوف القادم من استصدار فتاوى تجرم كل من يحكم عقله فى التفكير طالما لا يتعارض مع شريعه الله ولكن قد يتعارض مع اراء بعض الشيوخ
          (الزواج ھو أن تأخذ البقال على أول شارعكم لبیتك حیث يعیش معك ، وتنفق علیه للأبد ھو وأطفاله
          لمجرد أنك تحب الجبن الرومي !)

          Comment


          • #6
            اللى بيدافع بقى ارحمونا الحقايق واضحة ذى الشمس فى ايييييييية استخدمتوا الشعارات الدينية و تضليل وأثم وقياداتكم اعترفوا وقالوا ميصحش و ذعقتوا فى ناس بتقول لأ و وزعتوا زيت وسكر و فلووووووووس على الناس عشان تقول نعم

            وياريتكم (الاخوان) عملتوا كدة لصالح مصر ونهضتها لأ عملتم كدة عشان خاطر جماعتكم وفكرها و التاريخ يشهد على ان الأخوان كانوا بيعملوا اى حاجة --اى حاجة-- عشان يوصولوا للحكم وينشروا افكارهم وفكرهم

            ولسة فى ناس بتدافع ..... لأ بقى هو فى اى ... منتدى نايل موتورز مش مكان لنشر دعوتكم وافكاركم فى اية
            اللى حيضيع بلدنا : الفهلوة و كلمة باشا و معلش و أصل


            [SIGPIC][/SIGPIC]

            Comment


            • #7
              مقال رائع كالعاده من بلال فضل...
              شكرا لنقله
              [COLOR="Blue"]سبحان الله وبحمده ... سبحان الله العظيم[/COLOR]

              Comment


              • #8
                المشاركة الأصلية كتبت بواسطة ashouhdy مشاهدة المشاركة
                اللى بيدافع بقى ارحمونا الحقايق واضحة ذى الشمس فى ايييييييية استخدمتوا الشعارات الدينية و تضليل وأثم وقياداتكم اعترفوا وقالوا ميصحش و ذعقتوا فى ناس بتقول لأ و وزعتوا زيت وسكر و فلووووووووس على الناس عشان تقول نعم

                وياريتكم (الاخوان) عملتوا كدة لصالح مصر ونهضتها لأ عملتم كدة عشان خاطر جماعتكم وفكرها و التاريخ يشهد على ان الأخوان كانوا بيعملوا اى حاجة --اى حاجة-- عشان يوصولوا للحكم وينشروا افكارهم وفكرهم

                ولسة فى ناس بتدافع ..... لأ بقى هو فى اى ... منتدى نايل موتورز مش مكان لنشر دعوتكم وافكاركم فى اية
                +1111111111111111
                [COLOR="Blue"]سبحان الله وبحمده ... سبحان الله العظيم[/COLOR]

                Comment


                • #9
                  المشاركة الأصلية كتبت بواسطة ashouhdy مشاهدة المشاركة
                  ولسة فى ناس بتدافع ..... لأ بقى هو فى اى ... منتدى نايل موتورز مش مكان لنشر دعوتكم وافكاركم فى اية
                  ببكل حيادية اسمحلي أسألك
                  وليه يكون مكان لنشر الفكر المضاد بس فين الديمقراطية في كده هي مش الثورة دي كانت ايما عشان الدمقراطية تتحقق ؟

                  أنا نزلت وقلت لا بس لما الناس كلها تقول آه يبقى خلاص رأيهم كده ودول اغلبية

                  ماندرييش خيبة التيارات المناهضة للاخوان بحجة إن الاخوان شاطرين ماتتشطرو أنتوا كمان ولموا الناس حواليكم

                  وبعدين إيه حكاية سمنة وزيت وسكر دي
                  ماحدش عنده دليل حقيقي للكلام ده مش عشان ناس طلعت إشاعة نستعملها كحقيقة عشان على هوانا

                  اللي المفروض يتحارب اللي بيقولك هرجع جماعة الجهاد تاني ده فرأيي

                  ولما الإخوان بيعملوا أي حاجة عشان السلطة يبقوا هم الدين عندهم وسيلة مش غاية
                  يعني حلها حاجة من 2 أبعِد الناس عن الدين تمام وهم يبعدوا عن الاخوان
                  أو عرف الناس الدين الصح وبرده هيبعدو عن الاخوان

                  Comment


                  • #10
                    المشاركة الأصلية كتبت بواسطة ahmed anwer مشاهدة المشاركة
                    كلام جميل و إن شاء الله هوا ده اللي هيحصل ،،،

                    إئتلاف ،، بناء علي أرضية مطالب مشتركة بما فيه الأخوان المسلمين اللي وافقوا بل عرضوا ذلك ،،

                    و عايز كمان اقولهم

                    الشعب المصري و أنا منهم لا يقبل فصل الدين عن السياسة

                    أي خطاب أو مشروع لسياسي يجب أن يثبت أنه لا يتعارض مع الدين إن لم يكن متوافق معه

                    و لا مانع من الإستعانة بالعلماء المعتدلين في تسويقه

                    +111 بس انا ضد حكم الاحزاب الدينية للبلد

                    انا معاك يكون فى مرجعية اسلامية شاملة لسن القوانين والدستور لكن حكم حزبى دينى لأ
                    اللى حيضيع بلدنا : الفهلوة و كلمة باشا و معلش و أصل


                    [SIGPIC][/SIGPIC]

                    Comment


                    • #11
                      لو الاسلامين بيستخدموا الدين للوصول للحكم يبقى الليبرالين بيستخدموا الليبرالية للوصول للحكم و الاشتراكيين بيستخدموا الاشتراكية للوصول للحكم و الناصريين بيستخدموا الناصرية للوصول للحكم و هكذا مع ان االوصول للحكم مش عيب فى حد ذاته

                      على كده بقا محدش ينزل للانتخابات علشان ما يبقاش عايز يوصل للحكم

                      و لا هو حلال لاي حد حرام على الاسلاميين

                      الليبرالي ينزل الانتخابات يبقى راجل محترم عايز يخدم البلد الاسلامي ينزل يبقى بيستغل الدين لمصالح شخصية كأنكم دخلتم جو قلبه

                      د عمرو خالد يقول لأ للتعديلات يبقى راجل محترم و ليه وجه نظر داعية اخر يقول نعم يبقى بيستغل الدين و بيضحك على البسطاء

                      الصراحة تناقض غريب و غير مفهوم

                      سبحان الله ناس شايفة ان الشريعة الاسلامية تصلح لحكم البلاد انتم ايه الى مزعلكم بس مش فاهم

                      يا سيدي شايف ان العلمانية فلة شمعة منورة انزل للناس و اقنعهم بدل ما بتعلقوا شماعة الفشل على اللى بينزل و بيشتغل
                      [CENTER][SIZE=5][COLOR=seagreen]{يَا أَيُّهَا الَّذِينَ آمَنُوا عَلَيْكُمْ أَنْفُسَكُمْ لا يَضُرُّكُمْ مَنْ ضَلَّ إِذَا اهْتَدَيْتُمْ}[/COLOR][/SIZE][/CENTER]

                      AhmedAbdFat سابقا

                      Comment


                      • #12
                        المشاركة الأصلية كتبت بواسطة mailo مشاهدة المشاركة
                        ببكل حيادية اسمحلي أسألك
                        وليه يكون مكان لنشر الفكر المضاد بس فين الديمقراطية في كده هي مش الثورة دي كانت ايما عشان الدمقراطية تتحقق ؟

                        أنا نزلت وقلت لا بس لما الناس كلها تقول آه يبقى خلاص رأيهم كده ودول اغلبية

                        ماندرييش خيبة التيارات المناهضة للاخوان بحجة إن الاخوان شاطرين ماتتشطرو أنتوا كمان ولموا الناس حواليكم

                        وبعدين إيه حكاية سمنة وزيت وسكر دي
                        ماحدش عنده دليل حقيقي للكلام ده مش عشان ناس طلعت إشاعة نستعملها كحقيقة عشان على هوانا

                        اللي المفروض يتحارب اللي بيقولك هرجع جماعة الجهاد تاني ده فرأيي

                        ولما الإخوان بيعملوا أي حاجة عشان السلطة يبقوا هم الدين عندهم وسيلة مش غاية
                        يعني حلها حاجة من 2 أبعِد الناس عن الدين تمام وهم يبعدوا عن الاخوان
                        أو عرف الناس الدين الصح وبرده هيبعدو عن الاخوان

                        فين دة ان فى حد هنا بينشر فكر مضاد ؟؟؟!! الفكر بتاع اى حد مش تابع للجماعة دة الطبيعى اللى بنتكلم فية طول عمرنا .... لكن نشر فكر الأخوان بالعمومية دى كمان هنا دة اللى مختلف !! مش العكش اللى مختلف واخد بال حضرتك ؟؟!!

                        وهو مفيش اصلا تيارات تانية عشان تقول تيارات مناهضة للاخوان !! ما دة اللى بنقول فى من الصبح مفيش حد دلوقتى متماسك غير جماعة الاخوان وبواقى الحزب الوطنى

                        حكاية ... اليفط و المنشورات والزيت والسكر و الفلوس اللى جوة المنشورات = القيادات الاخوانية طلعت قالت حالات فردية ومسئولية اللى عملها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ من اولها تهرب وانكار ؟!

                        أنا مع ان الاخوان تنشر افكار حزبها بس بأسلوب ديمقراطى سليييييييييييييم واخد بال سعادتك بأسلوب سليم.
                        وانا مع ان الاخوان يعامل كحزب عادى جدا و اذا تم نشر افكار الحزب بطريقة غير قويمة يمنع تماما من العمل السياسى

                        ..................... يبقى حاخد اختيارك التانى و نعرف الناس الدين الصح
                        اللى حيضيع بلدنا : الفهلوة و كلمة باشا و معلش و أصل


                        [SIGPIC][/SIGPIC]

                        Comment


                        • #13
                          المشاركة الأصلية كتبت بواسطة ahmedabdfat مشاهدة المشاركة
                          لو الاسلامين بيستخدموا الدين للوصول للحكم يبقى الليبرالين بيستخدموا الليبرالية للوصول للحكم و الاشتراكيين بيستخدموا الاشتراكية للوصول للحكم و الناصريين بيستخدموا الناصرية للوصول للحكم و هكذا مع ان االوصول للحكم مش عيب فى حد ذاته

                          على كده بقا محدش ينزل للانتخابات علشان ما يبقاش عايز يوصل للحكم

                          و لا هو حلال لاي حد حرام على الاسلاميين

                          سبحان الله ناس شايفة ان الشريعة الاسلامية تصلح لحكم البلاد انتم ايه الى مزعلكم بس مش فاهم

                          يا سيدي شايف ان العلمانية فلة شمعة منورة انزل للناس و اقنعهم بدل ما بتعلقوا شماعة الفشل على اللى بينزل و بيشتغل

                          انا مسلم وابويا مسلم وعيلتى كلها مسلمة على فكرة يبقى كلمة اسلاميين دى غير واضحة

                          قول سعادتك بصراحة

                          هو حلال لاى حد حرام على جماعة الأخوان المسلمين ؟؟؟


                          دى كانت اول نقطة ... تانى نقطة احب اوضحها لحضرتك

                          اننا كلنا مع ان الاحكام الاسلامية والشرع يكون هو المصدر الرئيسى للتشريع وسن القوانين وخد بال سعادتك رئيسى وليس اوحد عشان الاقباط المصريين

                          لكن ان يكون حزب دينى هو اللى ماسك دة مرفوض لأن انت فرضت افكار فرقتة و جماعتة على البلد

                          ماعندك فكر محمد حسان و يعقوب و عمر خالد و و و و و و ماكلهم دعاة اسلاميين لكن انت حصرت حكم البلد مثلا على افكار الشيخ حسان او يعقوب

                          فهمتنى يأستاذى الفاضل

                          الاسلام هو مصدر التشريع لكن حكم حزبى دينى لأ
                          اللى حيضيع بلدنا : الفهلوة و كلمة باشا و معلش و أصل


                          [SIGPIC][/SIGPIC]

                          Comment


                          • #14
                            المشاركة الأصلية كتبت بواسطة ahmed anwer مشاهدة المشاركة
                            كلام جميل و إن شاء الله هوا ده اللي هيحصل ،،،

                            إئتلاف ،، بناء علي أرضية مطالب مشتركة بما فيه الأخوان المسلمين اللي وافقوا بل عرضوا ذلك ،،

                            و عايز كمان اقولهم

                            الشعب المصري و أنا منهم لا يقبل فصل الدين عن السياسة (واللي مش مصدق هيخسر)

                            أي خطاب أو مشروع لسياسي يجب أن يثبت أنه لا يتعارض مع الدين إن لم يكن متوافق معه
                            لازم نشوف تفكير الناس رايح فين حتى لا يحدث تصادم بين افكار نتمناها وواقع موجود سواء اختلفنا او اتفقنا معه

                            و لا مانع من الإستعانة بالعلماء المعتدلين في تسويقه
                            +1111111111111
                            [SIGPIC]http://www.nilemotors.net/Nile/signaturepics/sigpic21802_5.gif[/SIGPIC]

                            Comment


                            • #15
                              كان نفسي يكون معايا فيديو ولا تسجيل صوتي لأحد المشايخ الصامتين قبل الثوره وهو يتحدث عن إنتصار الحق في التصويت ب(نعم) على الباطل (لا)
                              تخيلوا الكلام ده فين والله في المقابر أثناء تشييع جنازه في خطبه أثناء عملية دفن الميت


                              [SIZE=3]الثَّوْرَه يَصْنَعَهَا الْشُّرَفَاء وَيَرِثُهَا الْجُبَنَاء[/SIZE]

                              Comment

                              Working...
                              X