اللي عايز منفاخ علي الولاعة " تجربة عملية"

[aazmy]

يا شباب انا كنت جايب منفاخ علي الولاعة و بصراحة كان مطلع عيني......يعني ينفح العجلة في ربع ساعة او اكتر و لازم ارفع العربية بالكوريك الأول...... و باظ الحمد لله .

المهم ... اول امبارح كنت في ميركاتو عشان عيد الأم و كل سنة و انتم طيبين ......لاقيت هناك نوعين واحد سعرة 175 و التاني 165 صيني بردو بس لما اتفرجت عليهم حسيت انها حاجة محترمة مش اي كلام .....المهم اتكلت علي الله و اشتريت واحد.

امبارح جربتة بأني " هوة مش انا بصراحة واحد صديقي جاب الفردة علي الأرض و قالي عشان نجرب صح ..:) "
و دورت العربية و شغلتة و هنا كانت المفاجأة .......من غير رفع و لا كوريك و لا اي حاجة نفخ الفردة في اقل من 3 دقائق و انا شايف ان دة ممتاز جدا.

و حبيت انقل لكم تجربتي عشان انا كنت قريت كذا مرة ان في اعضاء في المنتدي كانوا عايزين يجيبوا و قلقانين زيي و الله الموفق
أحمد عزمي

[mr_vampire]

شكرا ياباشا علي نقل التجربة للافادة.

[mohamed_selim]

انت جربت ابو 165 ولا 175 ؟
هل فى انواع تانيه ولا هم دول بس

[aazmy]

هما الأتنين زي بعض بالظبط و الفرق في شكل العلبة انا احدت اللي ب175 عشان قولت ال10 جنية مش فرقة بس استريحتلو اكتر من التاني

[Qmax]

ياريت ترفع صوره عشان نستفيد أكتر
وشكرا لك

[MOUSTAFA_SAAD]

ممكن صورته

[al_manara]

ونوعة كمان .
بس احلي حاجة ان القديم مكانش كويس وروحت تجرب تاني
مشكور علي نقل التجربة

[Dojuar]

اكيد طبعا فيه مؤشر للضغط؟؟

فين ميركانو بقه؟

[mohamed_selim]

المول اللى عند اول عباس العقاد فى الاوتوستراد بس الناحيه التانيه من عباس العقاد

[aazmy]

هوة ده

http://store1.up-00.com/Mar11/rMa05379.jpg

[Qmax]

شكرا على الاهتمام جزاك الله كل خير
شكله محترم من الصوره يدل ان جودته عاليه
بس مش مكتوب عليه نوع عشان نعرف نشتريه ولا هو مش موجود غير في المكان اللي حضرتك كتبته

[aazmy]

الأستاذ Qmax
هو اللي انا جبتة في علبة لونها احمر و عليها من علي الشمال علامة عبارة عن هلال و جواه حرفين f y
و انا كنت في التوفيقية قريب و بصراحة ما شوفتش زيو هناك ... فللأسف مش حقدر افيدك في جزئية بيتباع فين تاني.
بس عموما هو مكتوب علية ان المستورد في اسكندرية و كاتب رقمة وممكن ابعتهولك علي الخاص علشان ما تبقاش دعاية و انا قصدي في الأول و الأخر الخير و الفائدة

[Magdyahassan]

ما شاء الله شكله ابن ناس ربنا يبارك لك فيه.

[Qmax]

الأستاذ qmax
هو اللي انا جبتة في علبة لونها احمر و عليها من علي الشمال علامة عبارة عن هلال و جواه حرفين f y
و انا كنت في التوفيقية قريب و بصراحة ما شوفتش زيو هناك ... فللأسف مش حقدر افيدك في جزئية بيتباع فين تاني.
بس عموما هو مكتوب علية ان المستورد في اسكندرية و كاتب رقمة وممكن ابعتهولك علي الخاص علشان ما تبقاش دعاية و انا قصدي في الأول و الأخر الخير و الفائدة

شكرا لذوق حضرتك

ابعت الرقم انا بجد عجبني شكله جدا

[sharpvision]

الله ينور على حضرتك بجد كنت بفكر اجيب واحد بس خايف من الضعيف اللى جبته حضرتك فى الاول