حريق في وزارة الداخلية

[osama.m]

اخبار كتير دلوقتي بتتكلم عن حريق في وزارة الداخلية و تقريبا من المظاهرات بتاعت امناء الشرطة

الحريق كان في اخر دورين في المبني

http://www.masrawy.com/News/Egypt/Politics/2011/march/22/fire_interior_GH.aspx

عايز اقول حاجة لافراد الشرطة .. انتم سايبين البلطجية في الشوارع و بتطالبوا بمطالب فئوية .. حقيقي انتم متستاهلوش حتى البدلة اللي لابسينها

[Moh.Abdelbaset]

حسبي الله و نعم الوكيل فيهم..فئة ما يعلم بيها إلا ربنا
بس الخبر بيقول إنهم مفصولين
أصل لو بيطالبوا بمطالب فئوية هيولعوا المبنى ليه ،
المفروض المجلس العسكري يمنع التظاهر إلى أن يتولى رئيس حكم البلد

[shaddadfalcon1]

ازاي ده ؟
ده لسه وزير الداخليه عاملهم حاجات زياده النهارده ومظبطهم يبقي ده الرد

[human]

طيب وليه ماضربوش عليمنار زى ما ضربوا على الشعب؟
ولا دول عشان صحابهم؟

[beautiful0mind]

تكرار حريق المبنى شئ يثير الشك .....؟

[medo_2060]

والجميل انهم بيطالبوا باستقاله العيسوى وعوده وجدى ... والحريق فى اخر دورين يبقى هما اقتحموا المبنى بقى لأما حد تانى الى عمل الحريق... ياريت الداخليه تعرفنا بدل ما نعد نتوقع

[Ahmed Anwer]

و في 8 محافظات في وقت واحد !!!!!

قصدي مظاهرات أمناء الشرطة

[MOUSTAFA_SAAD]

ازاى وصلوا لاخر دورين
اكيد الحريق من جوه المبنى مش من الشارع

[MOUSTAFA_SAAD]

واللى حرقه عاوز يدارى بلوه من البلاوى اللى مستخبيه فى الوزاره

[Ayman-Ahmed]

بحكم شغلى بتعرض وبتكلم كتير مع ضباط وافراد شرطة وكنت عارف من يوم 19 انهم هيعملوا وقفة اودام الوزارة وفى ميدان التحرير بالسلاح وده لاسباب كتير منها الاسباب اللى اتكبت على النت :

الغاء المحاكم العسكرية اللى الظباط طالبة ترجع.

مش معقولة الظابط يزيد 600 جنيه واحنا نزيد 177 بس.

العلاج فى نفس مستوى المستشفيات.

توضيح مهام الافراد المكلفين بها والزامهم بها دون الزامهم بمهام خاصة يكلفها بهم الظباط.

رجوع محمود وجدى وعدم رضائهم عن العيسوى لكبر سنه.

سكن مناسب عند التكليف خارج المحافظة التابع لها.

وسيلة انتقال للافراد اذا كان مكان العمل المكلف به يبعد عن مكان السكن او خارج المحافظة.

وكانت لستة طويلة عريضة وهى عبارة عن ورقة وش وضهر.حد كاتبها وبيدعو الافراد للمظاهرة للحصول على حقوقهم.

لما تيجى تكلمهم فى المطالب تلاقيهم تايهين وردهم من الورقة.طيب امتى بقى هتعملوا شغلكوا بجد وتبطلوا تقعدوا فى الشوارع كده والسلام.بصراحة يا باشا فى ضباط قلقانين يحصل فيهم اللى حصل فى ظابط المعادى لو حد اتبلى عليه.

طيب وايه الاخر يعنى.قول يارب هو وحده قادر على حلها.

[mmolazem]

لما الناس العادية تتظاهر بيجيبوا لهم الشرطة

طيب دول مين يفرقهم 00000 لأ و عايزين وجدى 000 ؟؟
بكره يقولوا عايزين العادلى كمان 000!!