أستفسار ضروري عن موبايل : Sony Ericsson Xperia X10 mini

[أشرف العدوي]

السلام عليكم
انا ان شاء الله قررت اغير الموبايل بتاعي انا معايا سامسونج جيت
وده لينك الجيت علشان الي عايز يقارن و يرد يبقى براحته

Samsung S8000 Jet - Full phone specifications


و عجبني قوي السوني اريكسون ده

Sony Ericsson XPERIA X10 mini - Full phone specifications

Sony Ericsson Xperia X10 mini specs - Phone Arena

فياريت الناس الي بتفهم في الكلام يرد عليا علشان ما أشربوش زي الجيت كدة

هو التليفون بنظام اندرويد عمري ما اتعاملت معاه
و مكتوب ان الشاشة ضد الخدش ( مش عارف الكلام ده حقيقي و لا هجص )

ياريت لو حد معاه التليفون ينقلي خبرته
و هل يستاهل ان اغير من الجيت للسوني اريكسون ده و لا مش هحس بفرق .

سؤال اخير لو حبيت ابيع الجيت ابيعه بكام هو معاه كل حاجته حتى الاكياس بتاعة البطارية و السماعه موجودة و فاتورة من موبايل شوب باسمي و استعمالي خفيف جداً و كنت شاريه في 1/4/2010

و شكراً مقدماً لحسن تعاونكم

[aliabutaleb]

الموبايل معايا
ظريف أوي وكل حاجة بس أنا لسة مستكشفتهوش كويس
اللمس بتاعه جيد لكن لا يرقى لأيفون
ومشكلته معايا إنه صغير زيادة عن اللزوم وده ممكن يكون ميزة للبعض
والزراير بتاعته صغيرة جداً برضة

[أشرف العدوي]

الموبايل معايا
ظريف أوي وكل حاجة بس أنا لسة مستكشفتهوش كويس
اللمس بتاعه جيد لكن لا يرقى لأيفون
ومشكلته معايا إنه صغير زيادة عن اللزوم وده ممكن يكون ميزة للبعض
والزراير بتاعته صغيرة جداً برضة

الف شكر لاهتمامك
هو الشاشة بتاعته كابستف
عايز اعرف ايه الفرق بينها و بين الريسستف علشان مش عارف الفرق

و كمان كنت عايز استفسر عن نظام الاندريود هل هو كويس و بيقبل برامج و لا زي الجافا الي في الجيت الي معايا

و الجي بي اس شغال و نازل بسوفت وير مفتوح و لا زي الجيت بردو

[omarsami2009]

الف شكر لاهتمامك
هو الشاشة بتاعته كابستف
عايز اعرف ايه الفرق بينها و بين الريسستف علشان مش عارف الفرق

و كمان كنت عايز استفسر عن نظام الاندريود هل هو كويس و بيقبل برامج و لا زي الجافا الي في الجيت الي معايا

و الجي بي اس شغال و نازل بسوفت وير مفتوح و لا زي الجيت بردو

الشاشه الكابستف افضل و الموبيل الجى بى اس بتاعو مفتوح و ممكن تنزل ليه برامج تشتغل اوفلين بس لو تحب حاجه الشاشه اكبر شوف الx8 و كمان ارخص

[cheetos_892005]

الموبايل ده انا شفته بس هو حجمه لا يتعدي الصباع الصغير

معرفش ازاي تتش؟؟؟؟؟

عامة الاندرويد ممتاز

[أشرف العدوي]

شكراً لكل الي رد

الـ x8 انا شوفت امكانياته و لقيتها هي نفسها الـ x10 ما عدا الكاميرا أفضل في الـ x10 و الشاشة أكبر في x8

لكن أنتوا متفقين انه هيبقى أحسن من السامسونج جيت ؟ !!
انا مقتنع بكدة بس عايز اعرف رايكوا بردو

[AhMeD EzZ]

يا راجل اندرويد مين الي مش ليه برامج ..:)
دة ابو البرامج .. ليه اكتر من 500 الف ابليكيشن علي الماركت

[أشرف العدوي]

يا راجل اندرويد مين الي مش ليه برامج ..:)
دة ابو البرامج .. ليه اكتر من 500 الف ابليكيشن علي الماركت

الف شكر ليك يا باشا و اعذر جهلي
اصلي ما اتعاملتش مع الاندرويد قبل كدة

[أشرف العدوي]

الموبايل معايا
ظريف أوي وكل حاجة بس أنا لسة مستكشفتهوش كويس
اللمس بتاعه جيد لكن لا يرقى لأيفون
ومشكلته معايا إنه صغير زيادة عن اللزوم وده ممكن يكون ميزة للبعض
والزراير بتاعته صغيرة جداً برضة

سؤال تاني رفيع
هو الموبايل في لغه عربية
و ههل فيه كي بورد كامله ( تاتش ) و فيها عربي بردو و لا لاء
معلش اسألتي كتير حبتين

[aliabutaleb]

سؤال تاني رفيع
هو الموبايل في لغه عربية
و ههل فيه كي بورد كامله ( تاتش ) و فيها عربي بردو و لا لاء
معلش اسألتي كتير حبتين

اللي معايا مفيهوش لغة عربية

[beautiful0mind]

بعد اذن صاحب الموضوع انا معايا تلفون سونى اريكسون ساتيو والتلفون مش شغال خالص وعايز اودى توكيل وانا معرفش توكيل سونى اريكسون فين فبعد اذنك ممكن حد يدلنى على توكيل محترم لان التلفون عايز حد بيفهم فالهارد وير لان المشكلة كبيرة وانا ملحقتش افرح بالتلفون شهرين

[د.محمود صلاح]

على مر الأزمان أي موبايل ميني فشل تسويقيا لوجود اخوه الكبير

[FunnyMickey]

بعد اذن صاحب الموضوع انا معايا تلفون سونى اريكسون ساتيو والتلفون مش شغال خالص وعايز اودى توكيل وانا معرفش توكيل سونى اريكسون فين فبعد اذنك ممكن حد يدلنى على توكيل محترم لان التلفون عايز حد بيفهم فالهارد وير لان المشكلة كبيرة وانا ملحقتش افرح بالتلفون شهرين

توكيل سونى ايريكسون فى مصر شركه دلتا للاتصالات فرع المهندسين عنوانه 98 شارع محى الدين ابوا العز بالمهندسين طبعا ؛ تليفون 7487300

فرع مدينه نصر عنوانه 39 شارع محمد توفيق دياب من شارع (مكرك) عبيد زى ماقال حسام باشا تليفونهم 2873063 او 2752713

وحاول وانت رايح تلبس هدوم مقطعه وتبهدل نفسك شويه واعمل انك كسرت تليفون البيه ولازم تصلحه على حسابك وفيلم كوم اللحم اللى انت عارفه ده علشان الناس دى فاكره كل اللى شايل سونى ايريكسون ابن بارم ديله فى البلد وعاملين حد ادنى 120 لحلوح انشالله تكون عايز تشرب ميه عندهم.


دي احدي نصائح واحد في منتديات سوني
وومن الواضح انه شايل منهم كتير
:)

لو شاري التليفون بضمان وديه للضمان احسن
انما لو مش بضمان
روح السراج مول وريح نفسك
لان التوكيل ممكن يدفعوك تمن التليفون صيانه

[أشرف العدوي]

كدة انا فهمتكم !!

طيب نشيل السوني و نحط
HTC Wildfire

و ده اللينك بتاعه

HTC Wildfire - Full phone specifications

انا عايز الي يحكم يقولي هحس بفرق بينه و بين السامسونج جيت و لا مش مستاهلة

[Sharky]

انا معايا x10 مينى من شهر 8 و الحمد لله موبايل حلو جدا و التاش بتاعه حلو
اللى عاجبنى فيه انه صغير و تاتش و انا كنت بدور على الحجم دا

هو مافيهوش عربى لكن ممكن تقرأ الرسايل العربى عادى