هي البلد دي ماشيه ازاي حاليا ؟ ليا كام سؤال كده

[hh]

ما انا قلتلك كل ثورة وانت طيب

هقولك
من اول ما نزل الموضوع للصندوق وهيه خلصت فعليا
و احب اقولك الناس مش عايزه ثورة واغلب المصريين اللى ماتحركوش عشان الثورة مش فارقه معاهم

عايز تشوف الصوره سوداويه اكتر
احب اقلك ان اللى قاموا بالثورة مش هتسمع عنهم تانى وانسى التحرير هيبقى ذكرى

مش عارفة يا أستاذ طارق, على قد ما كلامك ليه أسباب منطقية كلنا شايفينها, بس مينفهش نبرة اليأس دي. لااااااازم نفكر ايه الخطوات اللي مكن نعملها؟؟؟؟

و بعدين على قد ما أنا عارفة ان موضوع القانون بتاع الأعتصام ده يقلق, بس أنا أول ما قريت الخبر حسيت انه الكلام ده موجه للأيدين اللي لسة عمالة تخرب و تثير الفتن. يعني توقيت القرار ده بعد المظاهرة بتاعت أمناء الشرطة امبارح و الحريقة اللي تزامنت معاها و حكاية لن يستخدم الا في حالة الضرورة, الجملة دي تحديدا حسيت زي ما تكون رسالة من دكتور عصام ان دي معمولة عشان ناس بعينها مش مسألة اعتصامات فئوية.

بس برضه حزينة و حسة اننا اتسرقنا. ربنا يسترها علينا.

[human]

ده كان رأيك يوم 24 يناير يا طارق ؟

قولى ان مافيش جواك الاحساس ده
انا كل ما بشوف اخبار ولا اسمع تصريحات ولا اشوف الصراع الحالى بحس انى مش فاهم حاجه وكله بيضحك على كله زمافيش حاجه مفهومه
لما بمشى فى الشارع الزحمه طول اليوم بحس بفقدان امل
لما بشوف الناس اللى ماشيه عكسى واخاف افتح بقى بحس بانى فى عالم عبثى

انا فعليا شاكك فى كل حاجه وقلتلك قبل كده على شكى فى الجيش
بس دلوقتى فعليا شاكك فى كله

والحاجه الوحيده اللى كنت براهن عليها هيه الناس
صدقنى بعد التصويت بنعم مافيش تانى ثورة عشان فعليا الانقسام حصل والمجموع الرهيب ل77% - فى القاهرة 60% ده بيدل على مين اللى هيرفض اى تحرك تانى لاثبات الموقف
خدبالك ان كل التيارات كانت متحالفه
بس دلوقتى خلاص خلصت ومافيش تحالف الا عشان مصلحتى ومصلحتك

وبعد القانون الجديد(مش عارف هينفذوه ازاى) انسى تقف تقول صوتك ومطالبك


المشهد اللى شايفه سودوى جدا

[ghazy12]

ومانقدرش ننكر زي المهندس غازي ماقال تنظيمهم وقدراتهم المؤثرة في الشارع تستحق التقدير بصراحة

فعلاً والله يا هندسه و ابصملهم بالعشره كمااان على تنظيمهم و تأثيرهم القوي جدااا على الشارع
و ده من زماااان على فكره, بس أمن الدوله كان محجمهم و بالتالي ماكانش باين عليهم, بس يمكن
انا بحكم اختلاطي بيهم و معاشرتي ليهم عارف كده عنهم فعلاً, و لو اقولك كانوا بيعملوا ايه يمكن
ماتصدقش لانهم بيهتموا بتفاصيل كتييير... و مترابطين جداااا, بس مش كلهم لان في بعض الانقسامات
كانت بتحصل بينهم داخلياً و ماحدش بيسمع عنها و بصراحه دي بردو ميزه كبيييره جدااااا,
لان اختلافهم بردو بينهم و بين بعض مش على الملأ, و الحاله الوحيده اللي كانت واضحه للرأي
العام ساعة الانتخابات اللي فاتت (المزوره) لما مرشحهم انفصل عنهم و دخل مستقل و نجح...

مع اني بختلف معاهم في كثير من الأمور و الأفكار و المنهج العام... بس عندهم مميزات
لا يمكن لاحد انكارها اطلاقاً, و بيعرفوا يتكلموا امتى, و يسكتوا امتى... لا, سياسه على حق :))

[Moh.Abdelbaset]

يا باشا مفروض ولا من دماغها ولا من دماغ غيرها
مافيش تخريب حصل , ده اعتصام سلمي مشروع , و اساسا ازاي الشرطة العسكرية تدخل حرم الجامعة ؟
ده الامن المركزي كان بيقفل البيبان من برة و مش بيدخل

ده يسأل عنه الوزير و رئيس الجامعة

[تامر.محمد]

قولى ان مافيش جواك الاحساس ده
انا كل ما بشوف اخبار ولا اسمع تصريحات ولا اشوف الصراع الحالى بحس انى مش فاهم حاجه وكله بيضحك على كله زمافيش حاجه مفهومه
لما بمشى فى الشارع الزحمه طول اليوم بحس بفقدان امل
لما بشوف الناس اللى ماشيه عكسى واخاف افتح بقى بحس بانى فى عالم عبثى
انا فعليا شاكك فى كل حاجه وقلتلك قبل كده على شكى فى الجيش
بس دلوقتى فعليا شاكك فى كله
والحاجه الوحيده اللى كنت براهن عليها هيه الناس
صدقنى بعد التصويت بنعم مافيش تانى ثورة عشان فعليا الانقسام حصل والمجموع الرهيب ل77% - فى القاهرة 60% ده بيدل على مين اللى هيرفض اى تحرك تانى لاثبات الموقف
وبعد القانون الجديد(مش عارف هينفذوه ازاى) انسى تقف تقول صوتك زى
المشهد اللى شايفه سودوى جدا

مش بالطريقة دي خالص
انت احساسك دلوقت ... عشان خاطر مين ؟ الاسلامجية يحكموا ولا الناس اللي ما اتحركوش ؟
مش كده ؟؟؟
زي ما كنت باقول و الله , نجحت حركة الاستفتاء التافه في شق الصف

[تامر.محمد]

ده يسأل عنه الوزير و رئيس الجامعة

وزير مين ؟
وزير الدفاع بقى , مافيش فرقة عسكرية ممكن تعمل حاجة زي دي بدون امر المجلس العسكري اصلا
اوعى تكون شاكك في حاجة زي كده

[dr-mohamed]

هل كان المطلوب ان يستمر الطلاب في اضرابهم وتعطيل الدراسة ؟؟؟؟؟؟؟؟؟؟
هل المطلوب ان يتدخل الطلاب في اختيار عمداء الكليات والوكلاء كما يطالب البعض ؟؟؟؟؟؟؟؟
اذا كان الطلاب لا يعرفون اصلا اساتذة الكليات كيف يمكنهم اختيار الافضل منهم ؟؟؟؟؟؟؟
هناك طلاب كثيرين في الفرقة الرابعة ولا يعرفون اساتذة درسوا لهم الاربع سنوات لان البهوات بيحضروا الامتحانات بس
هناك طلاب مخدوعين في بعض الاساتذة وفرحانين بالدكتور اللى بينجح ويدي درجات مرتفعة ومش مهم الشرح والفهم
هناك طلاب مخدوعين في بعض الاساتذة ممن كانوا اعضاء فعلا في الحزب الاوطني وبعضهم كان يكتب تقارير في الامن بل وطالب البعض الفترة الماضية ان يتولي احد هؤلاء منصب رئيس جماعة القاهرة وعملوا صفحة على الفيسبوك انضم لها اكثر من 400 طالب

الطالب وظيفته يدرس صح والدكتور وظيفته يدرس صح والعميد والوكلاء والاداريين وظيفتهم يديروا العملية التعليمية صح ماليش دعوة بقة العميد ده مسلم ولا مسيحي اخوان ولا حزب وطني ولا ليبرالي ولا علماني انا ليا دعوة بادارته للكلية وبس
وشهود تويرت والفيسبوك ليسوا شهود عدول حتي اخذ كل كلامهم على انه صحيح ومعظم وسائل الاعلام ينطبق عليها نفس الوصف فهي نفسها وسائل الاعلام والصحف التي صورت لنا ان الشعب سيختار لا باكتساح او ان الفارق بين لا و نعم سيكون بسيط للغاية وعملوا استفتاءات ووووو وكلها طلعت غلط في النهاية

[otefa]

فعلاً والله يا هندسه و ابصملهم بالعشره كمااان على تنظيمهم و تأثيرهم القوي جدااا على الشارع
و ده من زماااان على فكره, بس أمن الدوله كان محجمهم و بالتالي ماكانش باين عليهم, بس يمكن
انا بحكم اختلاطي بيهم و معاشرتي ليهم عارف كده عنهم فعلاً, و لو اقولك كانوا بيعملوا ايه يمكن
ماتصدقش لانهم بيهتموا بتفاصيل كتييير... و مترابطين جداااا, بس مش كلهم لان في بعض الانقسامات
كانت بتحصل بينهم داخلياً و ماحدش بيسمع عنها و بصراحه دي بردو ميزه كبيييره جدااااا,
لان اختلافهم بردو بينهم و بين بعض مش على الملأ, و الحاله الوحيده اللي كانت واضحه للرأي
العام ساعة الانتخابات اللي فاتت (المزوره) لما مرشحهم انفصل عنهم و دخل مستقل و نجح...

مع اني بختلف معاهم في كثير من الأمور و الأفكار و المنهج العام... بس عندهم مميزات
لا يمكن لاحد انكارها اطلاقاً, و بيعرفوا يتكلموا امتى, و يسكتوا امتى... لا, سياسه على حق :))

ولا أنا يابشمهندس متفق معاهم 100% لسه في حاجات كتيرة لازم يظهروها في الأيام الجاية عن فكرهم الأصلاحي في نقاط واضحة ومحددة وطريق الوصول ليها ولو بجدول زمني تقريبي وخطوط عريضة لأسلوبهم في المرحلة الجاية
علشان أزالة أي لبس
والأهم ربنا ينفخ في صورة الأحزاب والقوى السياسية الباقية علشان تقدر تنافس وكله في مصلحة المواطن في الأخر بدل ما مانلاقيش قدمنا غير تيار سياسي 1 فقط

[human]

مش بالطريقة دي خالص
انت احساسك دلوقت ... عشان خاطر مين ؟ الاسلامجية يحكموا ولا الناس اللي ما اتحركوش ؟
مش كده ؟؟؟
زي ما كنت باقول و الله , نجحت حركة الاستفتاء التافه في شق الصف

خد بالك ان كل التيارات كانت متحالفه عشان متفقين
دلوقتى التيار الاسلامى حاسس بقوته وعدم الحاجه للدعم من اى تيار اخر

انا مش خايف من التيار الاسلامى انا خايف من اول ما التيارات الاسلاميه تبتدى تختلف على السلطه و خايف من اختلافهم مع التيارت الليبراليه الاخرى

على مستوى القيادات غالبا مافيش مشاكل
المشكله فى الناس اللى فى الشارع

[dr-mohamed]

هو مش من شوية كان تويتر وكل المصادر بتقول عصي كهربائية ؟؟؟؟؟؟؟؟
وكان تم فض الاعتصام فعلا ؟
دلوقت اصبح الجيش ضرب نار في الهواء لفض الاعتصام

كمان شوية الجيش دخل الجامعة بالدبابات نقلا عن تويتر

[hh]

مش بالطريقة دي خالص
انت احساسك دلوقت ... عشان خاطر مين ؟ الاسلامجية يحكموا ولا الناس اللي ما اتحركوش ؟
مش كده ؟؟؟
زي ما كنت باقول و الله , نجحت حركة الاستفتاء التافه في شق الصف

اللي ولعها في الاستفتاء هما هما اللي كانوا بيولعوها أيام مبارك بين المسلمين و المسيحيين, تفتكر بيتحركوا من نفسهم؟؟؟

[تامر.محمد]

خد بالك ان كل التيارات كانت متحالفه عشان متفقين
دلوقتى التيار الاسلامى حاسس بقوته وعدم الحاجه للدعم من اى تيار اخر

انا مش خايف من التيار الاسلامى انا خايف من اول ما التيارات الاسلاميه تبتدى تختلف على السلطه و خايف من اختلافهم مع التيارت الليبراليه الاخرى

على مستوى القيادات غالبا مافيش مشاكل
المشكله فى الناس اللى فى الشارع

بص ماحدش له اي قوة في وش المجلس العسكري لوحده , و بجد اي حد هايقف دلوقت ايا كان هايبقى تخلى عن الثورة تماما


نقلا عن تويتر

حوالي 2000 طالب في كلية إعلام الآن، ومئات آخرين أمام البوابة الرئيسية لمنع الأمن من إغلاقها، وآلاف آخرين متوجهين من المدينة الجامعية إلى كلية الإعلام

اللي ولعها في الاستفتاء هما هما اللي كانوا بيولعوها أيام مبارك بين المسلمين و المسيحيين, تفتكر بيتحركوا من نفسهم؟؟؟

بعضهم بالتأكيد موجه , سواء سلفيين او ليبراليين , او حتى عناصر من جوة الاخوان

[human]

اللي ولعها في الاستفتاء هما هما اللي كانوا بيولعوها أيام مبارك بين المسلمين و المسيحيين, تفتكر بيتحركوا من نفسهم؟؟؟

السياسه لا يحركها الا المصالح
مش موضوع حد ولعها
و موضوع المسيحيين بره الحسبه اللى بقول عليها نوعا ما
يعنى هو اختلاف سياسىواخد طابع دينى
مش اختلاف دينى واخد طابع سياسى
رغم انه يبدو دينى فى الاساس ولكنه سياسى - مش عايزين اقليه تحكم اغلبيه وده السياسه فى اى حته فى العالم و مش محتاجين تفسير من الدين وانه يبقى مواجهه دينيه اصلا

[human]

بص ماحدش له اي قوة في وش المجلس العسكري لوحده , و بجد اي حد هايقف دلوقت ايا كان هايبقى تخلى عن الثورة تماما

نستنى ونشوف انتخابات المجلس هتكون على اى منوال قايمه ولا مش قايمه

ده ممكن يحدد الشكل
و برضه الجيش انت كده كده مش هتقف ضده
لو قرر يحكم من الباطن يبقى انسى

فيه نقطه تانيه
ان زى مانت شايف الجيش سايب مساحه كبيره للاخوان - اسهل طريق للجيش انه يحكم من الباطن هى فى وجود الاخوان

اى حاكم ليبرالى النزعه ده بالنسبه ليه مرفوض

[wesam_salom]

من اول ما نزل الموضوع للصندوق وهيه خلصت فعليا
و احب اقولك الناس مش عايزه ثورة واغلب المصريين اللى ماتحركوش عشان الثورة مش فارقه معاهم

عايز تشوف الصوره سوداويه اكتر
احب اقلك ان اللى قاموا بالثورة مش هتسمع عنهم تانى وانسى التحرير هيبقى ذكرى

للاسف كلامك صح وده اللى انا حاسس بيه من زمان

طالما نزل الصندوق اتفرقت الاصوات

خلاص الثوره والشرعيه الثوريه اللى كانت بتزق البلد لقدام وقفت خلاص

وبعد القانون الجديد وتفرق القوى

استحاله نشوف تجمع مليون من البشر ولا حتى 100 الف تانى

فعلا كان فيه ثوره مضاده قدرت تفرق الناس بين مسلمين ومسيحيين واخوان وسلفيين وليبراليين وناس جايه من المريخ وزحل واحزاب كل يوم بتبيض وتفقس احزاب جديده

دلوقتى الناس اللى كانت فى الثوره هى الثوره المضاده اللى مش قادره تجمع نفسها تانى على اى حاجه

ربنا يكرم ولادنا بقى ويقدروا يعملوا حاجه

اشوفكم كمان 30 سنه علشان انا نويت ارجع للجحر اللى مصر كلها كانت عايشه فيه