إعـــــــلان

Collapse

.

,
See more
See less

هل تفرقنا الثوره بعد ان جمعتنا

Collapse
X
 
  • Filter
  • الوقت
  • Show
Clear All
new posts

  • هل تفرقنا الثوره بعد ان جمعتنا

    بدايه الموضوع انا الحمد لله مصرى مسلم ملتزم لكن مش اخوانى ولا اتبع اى جماعه سلفيه وان كنت متدين بطبعى ككل المصريين مسلم او مسيحى

    وعمرى ما كنت ليا اى مذهب ليبرالى او يمينى او يسارى او حتى حلزونى

    انا بس كنت بحب البلد ودلوقتى بقى عندى حساسيه من اى حد ضدى فى البلد

    بقيت ديكتاتور وانا اللى خرجت فى يوم علشان اخلع ديكتاتور

    كنت بحب الشيخ محمد حسين يعقوب واكتشفت انى هاجمته علشان كلمه قالها

    كنت بسمع للشيخ محمد حسان واكتشفت انى اعتبرته من السلفيين اعداء الثوره

    كنت بحب ابراهيم عيسى ونواره نجم وعمر طاهر بقيت بشكك فى اللى قال نعم واللى قال لاء

    بعد ما كنت فى يوم بصلى والمسيحيين بيحمونى بقى فيه حساسيه من المسيحيين والماده الثانيه

    بعد ما كنت بسمع حد بيقول ان اللى فى الميدان كلهم اخوان كنت بضحك واقولهم وانا انضميت ليهم امتى مش لما ادفع الاشتراك واطلع الكارنيه

    بعد ما كنت فرحان وحاسس ان الاخوان واقفين جنب المسيحيين قصاد الخيل والبغال ومعاهم كل مصر

    اكتشفت انى من يومين بدأت اهاجم الاخوان والسلفيين والمسيحيين واى حد حتى لو انا مش مع اى حد

    اكتشفت اننا اتفرقنا واستعجلنا قوى

    الصندوق اتحط قدامنا كأنه تورته واتقال مش هياكلها الا واحد والباقى كله هيتفرج عليه وهو جعان (ليه مخدناش فرصه اننا نقدر نتفق)

    وكلنا جرينا وراها مع اننا كنا من كام يوم كلنا واقفين مع بعض علشان نفسنا البلد تبقى احسن

    دلوقتى فعلا حاسس اننا استعجلنا لما رجعنا بيوتنا واحنا مش عارفين اى حاجه ولا عارفين الدنيا ماشيه ازاى

    ضحكنا على النظام ولا النظام ضحك علينا لما حسنى راح الجنه فى شرم الشيخ (هو اساسا قاعد هناك طول مده حكمه) واكيد لما بيسمع اننا عاوزين نحاكمه بيقول خلوهم يتسلوا

    ابتدينا نخون بعض بقى الاخوان انتهازيين وعاوزين يركبوا على الثوره والسلفيين كانوا رافضين لها وبعدين بيقولوا احنا اصحاب البلد

    البرادعى جاى ياخد نصيبه وهو اللى مشاركش رغم انى بعتبره من الناس اللر بدأت فى الشراره

    عمرو موسى من عملاء النظام ويحيى الجمل بيهاجم الدين والجيش بيضحك علينا والشرطه قتله وخونه وعاوزين يحققوا مكاسب وزياده مرتبات على حساب الثوره

    حتى انا وابن خالتى وصديقى اللى وقفنا سوا فى يوم نفتش الناس اللى داخله الميدان بقى هو جاهل ومضحوك عليه وانا واخدانى الجلاله ومش راضى اهدى

    وفى الاخر نسأل هى البلد ماشيه ازاى محدش يعرف كله مستنى اصحاب القرار اللى محدش عارف هما بيعملوا ايه وليه وازاى

    الدستور هيرجع ولا هيبقى فيه اعلان دستورى

    الماده التانيه موجوده بس فيه احتمال تتعدل

    الانتخابات هتتعمل بس ممكن تتعمل تانى لما نغير الدستور

    الرئيس هينتخب بس ممكن يبقى منصب شرفى بعدين

    الاخوان احتمال ترشح حد للرئاسه واحتمال تساند حد معين

    نجيب ساويرس كان مع الثوره ولا هو منتفع منها وعرف يحسبها بدرى

    المظاهرات الفئويه لناس عاوزه ترفع الظلم ولا ناس ماشيه بمبداء ان بيت ابوك وقع الحق قالب

    امن الدوله اتحل ولا غيروا اسمه

    الجيش نفسه يرجع ولا هيعجبه السلطه

    خلاصه الموضوع

    من اقل من شهرين مصر كلها كانت ايد واحده

    ارجوكم بلاش نخون بعض

    بلاش نشكك فى بعض

    الوقت لسه بدرى على اننا ننقسم ومن ليس معى فهو ضدى

    احترس من فضلك الثوره ترجع الى الخلف


    شيوخى الاجلاء اعتذر اذا كنت قد اخطأت فى حقكم او اغتبت احدكم

    اخوانى السلفيين والاخوان المسلمين والليبراليين وحركه 6 ابريل و9 مارس و25 يناير وبتوع الكنتاكى والاجندات والناس اللى جايه من سويسرا بتوزع بطاطين ويورو وحتى تامر بتاع غمره

    انا مبقيتش فاهم اى حاجه وحاسس اننا اتضحك علينا

    ومنسحب بره الموضوع لحد ما اعرف اى حاجه
    (الزواج ھو أن تأخذ البقال على أول شارعكم لبیتك حیث يعیش معك ، وتنفق علیه للأبد ھو وأطفاله
    لمجرد أنك تحب الجبن الرومي !)

  • #2
    اتمنى انك تكون بتتفرج على حلقة بلال فضل على اون تي في دلوقت
    ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

    [sor2]http://imageshack.us/a/img838/2058/8l0n.jpg[/sor2]

    Comment


    • #3
      عشان كده بقول كفايه

      احنا عاطفيين بزياده

      Comment


      • #4
        ما تنسوش رسالة النظام السابق ورسالة كل ظالم

        فرق تسد
        [CENTER][SIGPIC][/SIGPIC]
        [/CENTER]

        [CENTER] محمود ريان[/CENTER]

        Comment


        • #5
          المشاركة الأصلية كتبت بواسطة thedeveloper87 مشاهدة المشاركة
          ما تنسوش رسالة النظام السابق ورسالة كل ظالم

          فرق تسد


          والله انا اول ما هديت و افتكرت السياسه دي

          قطمت كلام في الموضوع ده

          وردي بقى يلللا نبص لقدام

          Comment


          • #6
            كنا إيد واحدة ضد النظام البائد
            كنا إيد واحدة ضد أمن الدولة
            كلنا إيد واحدة ضد الحزب الوطني
            كنا إيد واحدة ضد الظلم والاضطهاد

            حاول يفرقونا في أول الطريق وقسمونا بين مؤيدين ومعارضين وماعرفوش
            ثاني مرة حاولوا يقسمونا بين مخربين ومؤيدين للاستقرار وما عرفوش
            ثالث مرة حاولوا يقسمونا بين مؤيدي ومعارضي حكومة شفيق وماعرفوش
            رابع مرة حاولوا يلعبوا بالطائفية شوية وكادوا أن ينجحوا لولا ستر ربنا علينا وحفظه لهذا البلد الطيب
            خامس مرة حاولوا يلعبوا بالطوائف اللي جوا المسلمين شوية عن طريق أجهزة الإعلام القذرة ، هل هينجحوا المرة دي ولا هنكمل الطريق سوا لبر الأمان؟؟؟

            يا جماعة خلوا بالكم من المندسين
            خلوا بالكم من جهاز أمن الدولة اللعين ، والذي يعمل حتى اليوم
            خلوا بالكم من الحزب الوطني فهو ما زال يخطط ويدبر

            وأخيرا ، قال تعالى: "ويمكرون ويمكر الله والله خير الماكرين"

            اللهم احفظ مصر آمنة مطمئنة يا رب العالمين

            المشاركة الأصلية كتبت بواسطة cheetos_892005 مشاهدة المشاركة


            والله انا اول ما هديت و افتكرت السياسه دي

            قطمت كلام في الموضوع ده

            وردي بقى يلللا نبص لقدام
            تسمحلي أحييك على هذا الكلام

            يللا ايدينا في ايد بعض تاني علشان نلم الشمل

            كلنا راكبين سفينة واحدة ... يا نوصل بر الأمان ، يا نغرق كلنا
            [CENTER][SIGPIC][/SIGPIC]
            [/CENTER]

            [CENTER] محمود ريان[/CENTER]

            Comment


            • #7
              المشاركة الأصلية كتبت بواسطة thedeveloper87 مشاهدة المشاركة
              كنا إيد واحدة ضد النظام البائد
              كنا إيد واحدة ضد أمن الدولة
              كلنا إيد واحدة ضد الحزب الوطني
              كنا إيد واحدة ضد الظلم والاضطهاد

              حاول يفرقونا في أول الطريق وقسمونا بين مؤيدين ومعارضين وماعرفوش
              ثاني مرة حاولوا يقسمونا بين مخربين ومؤيدين للاستقرار وما عرفوش
              ثالث مرة حاولوا يقسمونا بين مؤيدي ومعارضي حكومة شفيق وماعرفوش
              رابع مرة حاولوا يلعبوا بالطائفية شوية وكادوا أن ينجحوا لولا ستر ربنا علينا وحفظه لهذا البلد الطيب
              خامس مرة حاولوا يلعبوا بالطوائف اللي جوا المسلمين شوية عن طريق أجهزة الإعلام القذرة ، هل هينجحوا المرة دي ولا هنكمل الطريق سوا لبر الأمان؟؟؟

              يا جماعة خلوا بالكم من المندسين
              خلوا بالكم من جهاز أمن الدولة اللعين ، والذي يعمل حتى اليوم
              خلوا بالكم من الحزب الوطني فهو ما زال يخطط ويدبر

              وأخيرا ، قال تعالى: "ويمكرون ويمكر الله والله خير الماكرين"

              اللهم احفظ مصر آمنة مطمئنة يا رب العالمين
              حضرتك طبعا ارائك في مواضيع سابقة تكفيني اني افهم ردك المحترم
              و لكني ازيد عليه اننا بالفعل امام حالة من عدم الثقة و هي موجودة للاسف و ستظل موجودة لحين اعلان المثقفين المسموح لهم بالظهور للاعلام و هم معروفين بأن يزعنو لقول الاغلبية بدلا من انهم يناقشو ان الشيوخ استغلو سذاجة الناس علشان يقولو نعم فتبعهم الكثير من الناس لما يطلعو يؤكدو للناس هؤلاء المثقفين الاعلام حاملين فديوهات ( لا ) لما يعلنو في نفس وسائل الاعلام انهم بيثقو في الوزارة الجديدة اللي هما اللي اختاروها و انهم بيثقو في الجيش اللي ساند الثورة و حماها و لو لم يقف الجيش بجانب الثورة اظن ليبيا ليست ببعيدة و التجربة هناك تكفينا
              و اللي الناس دي مش راضية تعترف بيه ان الناس مفوضه المجلس العسكري الان و بتثق فيهم و الله العظيم كمان مرة ان ال 14 مليون الاغلبية و معاهم يجي 40 مليون في البيوت من الصغار و الكبار بيثقو في الجيش و في الوزارة
              اين هؤلاء المثقفين من اجتماعاتهم مع الناس الغلابة اللي هما اتهموم بأن في ناس استغلوهم لم نسمع مثلا بتبنيهم بأن يحدثو تغيير عملي علي ارض الواقع
              لم نسمع مثر بمبادرة من المثقفين اصحاب الملايين من الاعلاميين و مثال منهم الاخ محمود سعد و من رجال الاعمال اللي مع الثوار و امثلتهم رجل الاعمال نجيب سويرس و ابن الاستاذ محمد حسنين هيكل و الكثير من المهاجرين اياهم لماذا لم نسمع حتي الان عن اقامة مشروع كبير يجمع الايدي العاملة لماذا لم نسمع عن مؤتمرات تعقد في المحافظات تعمل علي الاحتكاك المباشر بهؤلاء البشر و العمل علي محاولة طرح مشاكلهم
              كل هذه المحاولات من رأيي افضل بكثير من الجلوس خلف الشاشات كل يوم يهاجمو احد او يستفذو احد او يطالبو بمحاكمة احد اعلاميا و مكتب النائب العام مفتوح امام الجميع
              بجد انا حاسس ان هؤلاء الاشاوس لن يغيرو فكرهم الا لو حد مسك منهم الحكم و هذه شهادة للتاريخ و العجيب انهم اليوم بينتقدو د.عصام شرف ( لك الله يا مصر )

              م.حاتم السباعي
              HAGAN سابقا

              Comment


              • #8
                نفسى الموضوع ده يتثبت والناس كلها تشارك فيه
                نفسى نبقى بروح الثورة ونفتكر باقى مطالب الثورة بدل الجدال
                [SIZE="3"]نحن قوم اعزنا الله بالاسلام فاذا ابتغينا العزة بغيره اذلنا الله[/SIZE]

                Comment


                • #9
                  دلوقتى فعلا حاسس اننا استعجلنا لما رجعنا بيوتنا واحنا مش عارفين اى حاجه ولا عارفين الدنيا ماشيه ازاى

                  +1111
                  [CENTER][mark=#00ffb7]Follow Me: http://twitter.com/DrAhmadSelmy[/mark][/CENTER]

                  [CENTER] [img3]http://oi40.tinypic.com/i2mv7b.jpg[/img3][/CENTER]

                  Comment


                  • #10
                    المشاركة الأصلية كتبت بواسطة wesam_salom مشاهدة المشاركة
                    خلاصه الموضوع

                    من اقل من شهرين مصر كلها كانت ايد واحده

                    ارجوكم بلاش نخون بعض

                    بلاش نشكك فى بعض

                    الوقت لسه بدرى على اننا ننقسم ومن ليس معى فهو ضدى

                    احترس من فضلك الثوره ترجع الى الخلف


                    الموضوع ابسط من كدة يا استاذ وسام

                    مصر كلها كانت ايد واحدة لما كان فى حشود معتصمة فى التحرير لها طلب واحد و هو سقوط النظام ..او سقوط مبارك "النظام كلة لم يسقط بعد "..و كانت اخلاق التحرير موجود و كلة ايدة واحدة ..

                    اما عند او اختبار او اول اختيار تفرق الناس بين نعم و لا "و دة طبيعى " و بعد ذلك بدا الطرفين يستخدمو كل الالعاب المتاحة والغير متاحة للحصول على اصوات الناس و كل واحد و شطارة

                    اللى يوقلك علم على الاخضر دة لون اهل الجنة
                    و اللى يوقلك نعم عشان دين الاسلام
                    و اللى يوقلك لا عشان نلغى المادة الثانية

                    و تفرق الناس و كل فريق عاوز يجنى ثمار التحرير بسرعة من وجة نظرة و تبعا لمصالحة و مصالحة جماعة و حزبة
                    و انا شخصيا مش مستغرب من حدوث ذلك لانة طبيعة البشر انهم يكونو مختلفين و يتكلتو فى جماعات واحزاب

                    ببساطة دى الطبيعة البشرية انها تبحث عن مصالحها ..كنا ايد واحد لما كانت المصلحة واحدة ..انما الان تفرق المصالح و كل واحد عاوز حتة سريعة من التورتة قبل ما الفرح ينفض .و كل واحد و شطارة بقى ياخد حتة باحترامة او يخدها بالتضليل و بالفهلوة و استغال سذاجة الناس ..المهم يخدها ..عملا بمنطق الغاية تبرر الوسيلة ..


                    احنا ليسة فى بداية الفرقة فقط ..استنى كمان كام شهر و حتشوف بنفسك المهازل اللى حتحصل فى انتخابات مجلس الشعب و حتشوف التخوين و العمالة وكل الاتهامات والاشعات على اصولها فى اتهام كل مرشح للاخر زميلة فى الدائرة او القوى السياسة اللى حتتنافس ..

                    حتلاقى داعية من عينة انتخبنا عشان تدخل الجنة و انتخبنا عشان نحرر فلسطين و كلام كبير كدة ..و المصيبة الاكبر ان حتلاق ناس تصدق الكلام دة و تتنتخب فعلا على هذا الاساس ..

                    طبعا مش عاوز احيكلك على الاعاجيب والاساطير اللى حسمعها و تشوفها فى الانتخابات الرئسية ..دى بقى حتبقى قمة حملات التشوية لكل مرشح ضد الاخر و الاشعات والاكاذيب والتضليل حيكون فى اوج عزة فى هذا الوقت و حتسمع و تشوف العجب من الكلام و الفعل من كل مؤيدين مرشح فى الاخر..

                    باختصار برضو انا مش مستغرب من كلة دة و بيحصل اسخم منة فى كل الدول الديمقراطية ..و هنا فقط حيظهر كل واحد على حقيقية ..و علينا وقتها نحكم عقولنا و نحكم ضميرنا قبل اى حاجة و قبل كل خطوة و نحاول نميز الثمين من الرث ..لانة حيكون صعب جدا تفرق وقتها ...

                    انا مش عاوز احبطك او حاجة قد ما انا عوزك تنسى احلام التحرير دى و تنزل لارض الواقع لان هناك طبيعة بشرية لا يمكن الحياد عنها و الشيطان شاطر بقى و انت عارف

                    Comment


                    • #11
                      والله كلامك صحيح فعلاممكن ده يكون فعلا هو زمن الفتن اللي اخبرنا بيه نبينا محمد صلي الله عليه وسلمربنا يسلم

                      Comment


                      • #12
                        اخي الكريم وسام
                        هاسألك سؤال واحد و اظن انك لما تجاوبه مع نفسك هاترتاح

                        هل كان مجتمع المدينة المنورة فاضلا بنسبة 100% ؟
                        هل فشلت دولة رسول الله (صلى الله عليه و سلم) ؟
                        ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

                        [sor2]http://imageshack.us/a/img838/2058/8l0n.jpg[/sor2]

                        Comment


                        • #13
                          المشاركة الأصلية كتبت بواسطة hagan مشاهدة المشاركة
                          حضرتك طبعا ارائك في مواضيع سابقة تكفيني اني افهم ردك المحترم
                          و لكني ازيد عليه اننا بالفعل امام حالة من عدم الثقة و هي موجودة للاسف و ستظل موجودة لحين اعلان المثقفين المسموح لهم بالظهور للاعلام و هم معروفين بأن يزعنو لقول الاغلبية بدلا من انهم يناقشو ان الشيوخ استغلو سذاجة الناس علشان يقولو نعم فتبعهم الكثير من الناس لما يطلعو يؤكدو للناس هؤلاء المثقفين الاعلام حاملين فديوهات ( لا ) لما يعلنو في نفس وسائل الاعلام انهم بيثقو في الوزارة الجديدة اللي هما اللي اختاروها و انهم بيثقو في الجيش اللي ساند الثورة و حماها و لو لم يقف الجيش بجانب الثورة اظن ليبيا ليست ببعيدة و التجربة هناك تكفينا
                          و اللي الناس دي مش راضية تعترف بيه ان الناس مفوضه المجلس العسكري الان و بتثق فيهم و الله العظيم كمان مرة ان ال 14 مليون الاغلبية و معاهم يجي 40 مليون في البيوت من الصغار و الكبار بيثقو في الجيش و في الوزارة
                          اين هؤلاء المثقفين من اجتماعاتهم مع الناس الغلابة اللي هما اتهموم بأن في ناس استغلوهم لم نسمع مثلا بتبنيهم بأن يحدثو تغيير عملي علي ارض الواقع
                          لم نسمع مثر بمبادرة من المثقفين اصحاب الملايين من الاعلاميين و مثال منهم الاخ محمود سعد و من رجال الاعمال اللي مع الثوار و امثلتهم رجل الاعمال نجيب سويرس و ابن الاستاذ محمد حسنين هيكل و الكثير من المهاجرين اياهم لماذا لم نسمع حتي الان عن اقامة مشروع كبير يجمع الايدي العاملة لماذا لم نسمع عن مؤتمرات تعقد في المحافظات تعمل علي الاحتكاك المباشر بهؤلاء البشر و العمل علي محاولة طرح مشاكلهم
                          كل هذه المحاولات من رأيي افضل بكثير من الجلوس خلف الشاشات كل يوم يهاجمو احد او يستفذو احد او يطالبو بمحاكمة احد اعلاميا و مكتب النائب العام مفتوح امام الجميع
                          بجد انا حاسس ان هؤلاء الاشاوس لن يغيرو فكرهم الا لو حد مسك منهم الحكم و هذه شهادة للتاريخ و العجيب انهم اليوم بينتقدو د.عصام شرف ( لك الله يا مصر )

                          م.حاتم السباعي
                          معاك حق والله

                          جزاك الله خيرا على هذه المداخلة الطيبة
                          [CENTER][SIGPIC][/SIGPIC]
                          [/CENTER]

                          [CENTER] محمود ريان[/CENTER]

                          Comment


                          • #14
                            المشاركة الأصلية كتبت بواسطة thedeveloper87 مشاهدة المشاركة
                            ما تنسوش رسالة النظام السابق ورسالة كل ظالم

                            فرق تسد
                            [CENTER]:auto:[/CENTER]

                            Comment

                            Working...
                            X