الطريقة السليمة للتظاهر

[cayman69300]

الموضوع دة رد على موضوع قانون منع التظاهر
و الكلام دة سمعتة من واحد زميلى كان فى اندونسيا
بيقولك اية :
فى مرة مدير مصنع دخل المصنع بتاعه لقى العمال لابسين افورولات لونها برتقانى - راح سال مشرف العمال
لية العمال معتصمين ؟؟؟؟؟؟؟؟؟؟
عارفين سال المشرف لية
لانهم لابسين لون مختلف فقط - لكن شغلهم عادى
يعنى هما معتصمين لكنهم شغالين و منتجين و طلباتهم ستنفذ من الادارة
انا شوفت طريقة الاعتصامات و المظاهرات عندنا فى مصر
فعلا الناس عندها مطالب شرعية ( فى اغلبها و ليس كلها ) لكنهم بيضيعوا حقهم بطريقة اعتصامهم او تظاهرهم
يعنى فى اسيوط قدام مبنى كلية خدمة اجتماعية ( مظاهرة لتغيير اسم الكلية الى كلية العلوم الاجتماعية )
فى المراغة فى سوهاج من يومين ( مظاهرة و قفل الطريق الزراعى و تكسير 5 عربيات اصحابها ملهومش ذنب و فعلا معرفش السبب بتاع المظاهرة دى )
فى المنيا من يومين ( مظاهرة قدام مبنى مديرية الامن و قفل طريق الكورنيش و كانت المظاهرة من امناء الشرطة و حرس الجامعة بالمنيا )
هل دى طريقة واحد عنده مطالب و مصالح
فكروا و شوفوا كدة
و ان شاء الله نبطل طريقة التشكيك فى الناس اللى بقيت صفة اساسية فينا

[otefa]

الموضوع دة رد على موضوع قانون منع التظاهر
و الكلام دة سمعتة من واحد زميلى كان فى اندونسيا
بيقولك اية :
فى مرة مدير مصنع دخل المصنع بتاعه لقى العمال لابسين افورولات لونها برتقانى - راح سال مشرف العمال
لية العمال معتصمين ؟؟؟؟؟؟؟؟؟؟
عارفين سال المشرف لية
لانهم لابسين لون مختلف فقط - لكن شغلهم عادى
يعنى هما معتصمين لكنهم شغالين و منتجين و طلباتهم ستنفذ من الادارة
انا شوفت طريقة الاعتصامات و المظاهرات عندنا فى مصر
فعلا الناس عندها مطالب شرعية ( فى اغلبها و ليس كلها ) لكنهم بيضيعوا حقهم بطريقة اعتصامهم او تظاهرهم
يعنى فى اسيوط قدام مبنى كلية خدمة اجتماعية ( مظاهرة لتغيير اسم الكلية الى كلية العلوم الاجتماعية )
فى المراغة فى سوهاج من يومين ( مظاهرة و قفل الطريق الزراعى و تكسير 5 عربيات اصحابها ملهومش ذنب و فعلا معرفش السبب بتاع المظاهرة دى )
فى المنيا من يومين ( مظاهرة قدام مبنى مديرية الامن و قفل طريق الكورنيش و كانت المظاهرة من امناء الشرطة و حرس الجامعة بالمنيا )
هل دى طريقة واحد عنده مطالب و مصالح
فكروا و شوفوا كدة
و ان شاء الله نبطل طريقة التشكيك فى الناس اللى بقيت صفة اساسية فينا

أحنا بقى عندنا المعظم

متفق معك موضوع جميل وحل رائع

[م. حاتم السباعي]

اشكر حضرتك لموضوعك الايجابي جدا
و كان نفسي مثقفي البلد اللي كل شوية يعلنو انهم كانو في انجلترا مثل د.علاء الاسواني و أ.يسري فودة و غيرهم
كان نفسي يعلنو تضامنهم مع دفع عجلة الانتاج و ان يتوجهو و يعملو لجان تلف علي المصانع و تحاولة اجراء و ساطات بين العمال و بين اصحاب المصانع او الدولة بدل مهم كل يوم و التاني يطلعو علي الشاشة يزيدو في انتقادهم للوزارة و للجيش و للتيارات الدينية
اتمني ان الكل يعمل و نسيب الكلام شوية

م.حاتم السباعي

[tiger45]

كلامك صحيح
النااس لغاية دلوقت مش قادره تعبر صح عن نفسها
سئمن نسكت ونستحمل يئمن نبلطج
بس الحمد لله مش كل الناس كده

[human]

الموضوع دة رد على موضوع قانون منع التظاهر
و الكلام دة سمعتة من واحد زميلى كان فى اندونسيا
بيقولك اية :
فى مرة مدير مصنع دخل المصنع بتاعه لقى العمال لابسين افورولات لونها برتقانى - راح سال مشرف العمال
لية العمال معتصمين ؟؟؟؟؟؟؟؟؟؟
عارفين سال المشرف لية
لانهم لابسين لون مختلف فقط - لكن شغلهم عادى
يعنى هما معتصمين لكنهم شغالين و منتجين و طلباتهم ستنفذ من الادارة
انا شوفت طريقة الاعتصامات و المظاهرات عندنا فى مصر
فعلا الناس عندها مطالب شرعية ( فى اغلبها و ليس كلها ) لكنهم بيضيعوا حقهم بطريقة اعتصامهم او تظاهرهم
يعنى فى اسيوط قدام مبنى كلية خدمة اجتماعية ( مظاهرة لتغيير اسم الكلية الى كلية العلوم الاجتماعية )
فى المراغة فى سوهاج من يومين ( مظاهرة و قفل الطريق الزراعى و تكسير 5 عربيات اصحابها ملهومش ذنب و فعلا معرفش السبب بتاع المظاهرة دى )
فى المنيا من يومين ( مظاهرة قدام مبنى مديرية الامن و قفل طريق الكورنيش و كانت المظاهرة من امناء الشرطة و حرس الجامعة بالمنيا )
هل دى طريقة واحد عنده مطالب و مصالح
فكروا و شوفوا كدة
و ان شاء الله نبطل طريقة التشكيك فى الناس اللى بقيت صفة اساسية فينا

تعتقد ان الموضوع ده لو حصل فى مصر فيه حد هيعبرهم او يسمعهم؟؟
احنا بقالنا 30 سنه بنلبس برتقالى و بنلبس احمر و اصفر و بنلبس فى الحيطه و نزعق و نهلل و ياناس اسمعوا و مافيش حد بيسمع
الناس ديه غلابه و ماعندهاش فرصه تانيه و يجب ان تتأكد انهم طرقوا جميع الابواب المشروعه عشان حد يسمعهم
و ياريت نفتكر اضرابات اوروبا و حتى امريكا و حركات النقابات بتبقى عامله ازاى

الى احنا فيه عادى و بيحصل فى كل حته
فى رأيى نكتفى بجلد الذات

و المسئولين يتعلموا يتناقشوا مع العمال و العمال لازم نقاباتهم تساندهم وهما يطيعوا نقابتهم بس تبقى صح و ماشيه صح مش عوجه

[م. حاتم السباعي]

تعتقد ان الموضوع ده لو حصل فى مصر فيه حد هيعبرهم او يسمعهم؟؟
احنا بقالنا 30 سنه بنلبس برتقالى و بنلبس احمر و اصفر و بنلبس فى الحيطه و نزعق و نهلل و ياناس اسمعوا و مافيش حد بيسمع
الناس ديه غلابه و ماعندهاش فرصه تانيه و يجب ان تتأكد انهم طرقوا جميع الابواب المشروعه عشان حد يسمعهم
و ياريت نفتكر اضرابات اوروبا و حتى امريكا و حركات النقابات بتبقى عامله ازاى

الى احنا فيه عادى و بيحصل فى كل حته
فى رأيى نكتفى بجلد الذات

و المسئولين يتعلموا يتناقشوا مع العمال و العمال لازم نقاباتهم تساندهم وهما يطيعوا نقابتهم بس تبقى صح و ماشيه صح مش عوجه

صدقني يا بشمهندس طارق
اي ضغط الان هو ضد البلد
و اي استجابة لها الان هو قرار من لا يملك
لان الوزارة دي مؤقته و سهل انها تدي و عود و ادفعي ياللي منتش غرمانه و لكن لانهم رجال شرفاء و اللي يهمهم الا يثقلو علي ميزانية الدولة المنهارة اقتصاديا حاليا و لرغبتهم في الا يأتي من بعدهم فيجد المركب تحت سطح البحر خلاص لو حضرتك شفت باقي المشاركات ستجد مظاهرات اسمها استفزازات و يطلب اصحابها حقوق ليست لهم فبالله عليك هل هذا الوقت هو الوقت الصحيح لدراسة مثل هذه الطلبات و الاستجابة لحل ما يستحق فعلا و رفض الاخري
ليه ميكونش فيه دعوة لتعليق التظاهرات و الاعتصامات لمدة ستة اشهر مثلا بدون اصدار قوانين و يكون الموضوع نابع من وطنية الشعب
ارجو مراجعة الموضوع و فكر في صالح البلد و لا تنظر لمطلب هنا او هناك لانها لن تنتهي ابدا حتي لو اصبحنا دولة عظمي
يبقي اليس الاجدر تعليقها فترة لكي نعطي الفرصة لوزارة الثورة لكي نحصد معهم ثمار الثورة
مجرد رأي يحتاج تفكيرك


م.حاتم السباعي

[human]

صدقني يا بشمهندس طارق
اي ضغط الان هو ضد البلد
و اي استجابة لها الان هو قرار من لا يملك
لان الوزارة دي مؤقته و سهل انها تدي و عود و ادفعي ياللي منتش غرمانه و لكن لانهم رجال شرفاء و اللي يهمهم الا يثقلو علي ميزانية الدولة المنهارة اقتصاديا حاليا و لرغبتهم في الا يأتي من بعدهم فيجد المركب تحت سطح البحر خلاص لو حضرتك شفت باقي المشاركات ستجد مظاهرات اسمها استفزازات و يطلب اصحابها حقوق ليست لهم فبالله عليك هل هذا الوقت هو الوقت الصحيح لدراسة مثل هذه الطلبات و الاستجابة لحل ما يستحق فعلا و رفض الاخري
ليه ميكونش فيه دعوة لتعليق التظاهرات و الاعتصامات لمدة ستة اشهر مثلا بدون اصدار قوانين و يكون الموضوع نابع من وطنية الشعب
ارجو مراجعة الموضوع و فكر في صالح البلد و لا تنظر لمطلب هنا او هناك لانها لن تنتهي ابدا حتي لو اصبحنا دولة عظمي
يبقي اليس الاجدر تعليقها فترة لكي نعطي الفرصة لوزارة الثورة لكي نحصد معهم ثمار الثورة
مجرد رأي يحتاج تفكيرك


م.حاتم السباعي

انا مش معترض على الكلام ده خالص
انا قلت لازم يتعلم المسئولين انهم يحاوروا العمال و المطالبين و يجب ان يكون فى اتحادات عماليه ان هيه تتولى الضغط و الشد و الجذب و حشد العمال عند الحاجه و اقناعهم بالنتظار قليلا و هكذا

بس موضوع البس برتقالى مالوش محل من الاعراب على الواقع - الناس ديه لابسه فى الحيطه فعليا

لازم يحصل حوار و تنازل من الجانبين و ووعود بمدد محدده

[cayman69300]

خلاص لا برتقانى و لا كحلى
اية رايكم نولع فى البلد و لما تصفى خالص نبنيها على نضافة
فعلا انا مش عارف احاول اقنع الناس ازاى
نقول يالا نبدا ................ الناس زعلانة
نقول يالا نخربها .................. الناس هتزعلبرضوا
اهوة امر و اتحطينا فية و لا نبقا رجالة او نروح ننتحر و نرتاح من الشد و الجذب اللى احنا فية دة
يا جماعة اى طريقة تفاوض بتكون تدريجية
يعنى سيب و انا اسيب و هكذا
لكن احنا
عايزين كل حاجة و فى الاخر لما تتم ابقوا اندهو عليا انا بتفرج على الماتش
ربنا سبحانة و تعالى خلق الدنيا فى ستة ايام و هذا للفكر و التانئ
ربنا يصلح حالنا جميعا
و يهدينا الى الطريق القويم

[human]

خلاص لا برتقانى و لا كحلى
اية رايكم نولع فى البلد و لما تصفى خالص نبنيها على نضافة
فعلا انا مش عارف احاول اقنع الناس ازاى
نقول يالا نبدا ................ الناس زعلانة
نقول يالا نخربها .................. الناس هتزعلبرضوا
اهوة امر و اتحطينا فية و لا نبقا رجالة او نروح ننتحر و نرتاح من الشد و الجذب اللى احنا فية دة
يا جماعة اى طريقة تفاوض بتكون تدريجية
يعنى سيب و انا اسيب و هكذا
لكن احنا
عايزين كل حاجة و فى الاخر لما تتم ابقوا اندهو عليا انا بتفرج على الماتش
ربنا سبحانة و تعالى خلق الدنيا فى ستة ايام و هذا للفكر و التانئ
ربنا يصلح حالنا جميعا
و يهدينا الى الطريق القويم

هو حضرتك بتناقش فكره او منطق ولا بتنادينا ان احنا مانشاركش فى مظاهرات واعتصمات فئويه

على حد علمى مافيش حد من المشاركين فى الموضوع او المعلقين او المتابعين بينزلوا وقفات فئويه

فاكيد حضرتك بتطرح تصور قابل للنقاش مش دعوه يعنى

لو حضرتك بتضايق من النقاش او التحليل ممكن تقول كده ومسرورا لن اناقش ومن غير ماتولع فى البلد

[abogogo]

تخيل صاحب مصنع عندنا لما يشوف العمال لبسين افرولات برتقالي اول حاجة هيعملها هيصرف لكل واحد مقشة ويقولهما على الشارع ويجيب غيرهم من على القهوة .... وسلملي على قانون العمل .... دول بيمضوا العامل استمارة 6 قبل العقد ... وكله بالقانون

[mmolazem]

( لو حصل اى حاجه ..... ميدان التحرير مش بعيد )

لم و لن اقتنع يوما بهذه المقوله .