بشائر الموافقة على التعديلات الدستورية..نظر دعوي إلغاء قرار مبارك بالتنحي

[wawoo]

حدد المستشار كمال اللمعي رئيس محاكم القضاء الاداري الثلاثاء المقبل لنظر الدعوي القضائية التي اقامها ثلاثة محامين طالبوا فيها باصدار حكم قضائي بصفة مستعجلة بإلغاء قرار محمد حسني مبارك في11 فبراير الماضي.


بتخليه عن منصب رئيس الجمهورية وتفويض المجلس الاعلي للقوات المسلحة بإدارة شئون البلاد. وقال المحامون ثروت صالح وحمد مهني وكامل راشد في دعواهم ان قرار حسني مبارك صدر بالمخالفة للدستور لان هناك قواعد لابدان تتخذ عند تنحي رئيس الجمهورية كما اكدت المادة83 من الدستور اذا قدم رئيس الجمهورية استقالته من منصبه وجب عليه توجيه كتاب الاستقالة الي مجلس الشعب وهذا لم يحدث. كما قالت الدعوي إن مبارك قد خالف اليمين الذي اداه امام مجلس الشعب بأنه اقسم بالله العظيم ان يحافظ مخلصا علي النظام الجمهوري وان يحترم الدستور والقانون. ولهذا كله فإن مبارك خان هذا القسم و لم يحافظ علي الدستور.






محدش يستغرب من الدعوى ..مش هو الاغلبية وافقت على تعديل الدستور وقالت نعم للتعديلات ...يبقى نظريا هذا الدستور يعمل بالفعل ولم يسقط و حكم المجلس العسكرى حاليا غير شرعى وفقا للدستور اللى وافق الاغلبية من المصرين على تعديلة و دة اكيد اللى مستند الية المحامى فى هذة الدعوى...و انا مستغربش لو القاضى حكم بالغاء قرار التنحى ...

[haroun707]

ممكن اعرف المصدر منين من فضلك ؟؟

[م. حاتم السباعي]

اكيد حضرتك خايف علي امن البلد و استقرارها
لا تقلق

م.حاتم السباعي

[wawoo]

اكيد حضرتك خايف علي امن البلد و استقرارها
لا تقلق

م.حاتم السباعي

يعنى انت اية رايك ..الدستور سقط ولا لم يسقط ؟

[haroun707]

ممكن اعرف المصدر منين من فضلك ؟؟
وسؤال تانى هو حضرتك مقتنع بالكلام ده..؟؟؟

يعنى انا عاوز اقولك بأختصار ان الاساتذه المحاميين المذكورين طالبين شهرة ليس الا
والدعوة اللى هما اقاموها تعتمد فى الاساس ان قرار التنحى تم فى خلال الفترة السابقه واللى كان دستور 71 مفعل فيها (ما قبل الثورة والتنحى )

توضيح اخير
يا استاذى دستور 71 تم تعطيله بالكامل
والموافقه على تمت على بعض مواد ليس كامل الدستور القديم
وبناء عليه سيصدر المجلس الاعلى للقوات المسلحه بيان دستورى جديد به المواد التى تمت الموافقه عليها بجانب مواد اخرى
وده حيكون كا فترة انتقاليه لحين تشكيل مجلس شعب جديد ورئيس جديد للجمهوريه بناء على الاعلان الدستورىوبعد كده حيتم العمل على تغيير الدستور بالكامل وعند الموافقه عليه حيتم حل مجلس الشعب والرئاسه وحيتعمل مجلس شعب جديد وانتخابات رئاسية جديدة بناء على الدستور الجديد

يارب اكون قدرت اوصل المعلومه بطريقه واضحه

[م. حاتم السباعي]

يعنى انت اية رايك ..الدستور سقط ولا لم يسقط ؟

الاخ الكريم
رأيي في ايه
حينما يكون هناك قرارات تسقط الاراء
و لما كان المجلس العسكري قد اصدر قرارات كما اوضح لحضرتك العضو الفاضل في المشاركة اللي قبلي
اذا فلا يصح ان يكون لنا اراء في ذلك و الا نكون مجادلين لان هذا المجلس هو من كفل للثورة الصمود و هو ما جعلنا الان احرار بدون مذابح في البلد طولا و عرضا
و انا طبعا اوافقهم علي الغاء دستور 71 او تعطيلة و ادخال المواد المعدلة ضمن اعلان دستوري مؤقت كما تم الشرح لنا كلنا كشعب قبل التصويت
بس للاسف فيه ناس كانت لا تسمع و لا تري الا كلمة ( لا )
ها حضرتك واخد بالك بقي معانا و لا محتاج نشرح تاني

م.حاتم السباعي

[adelseliem]

محدش يستغرب من الدعوى ..مش هو الاغلبية وافقت على تعديل الدستور وقالت نعم للتعديلات ...يبقى نظريا هذا الدستور يعمل بالفعل ولم يسقط و حكم المجلس العسكرى حاليا غير شرعى وفقا للدستور اللى وافق الاغلبية من المصرين على تعديلة و دة اكيد اللى مستند الية المحامى فى هذة الدعوى...و انا مستغربش لو القاضى حكم بالغاء قرار التنحى ...

يعنى انت اية رايك ..الدستور سقط ولا لم يسقط ؟

رأى حضرتك أيه؟
مقتنع بالكلام ده ولا لأ
لو مقتنع فيه أعضاء وضحوا لحضرتك الرأى القانونى للموضوع ده
لو مش مقتنع يبقى فايدة الموضوع أيه

[wawoo]

توضيح اخير
يا استاذى دستور 71 تم تعطيله بالكامل
والموافقه على تمت على بعض مواد ليس كامل الدستور القديم
وبناء عليه سيصدر المجلس الاعلى للقوات المسلحه بيان دستورى جديد به المواد التى تمت الموافقه عليها بجانب مواد اخرى

للاسف لم يصدر اى بيان من المجلس العسكرى و لم يرد ذكر "اى تعطيل للدستور71 فى ورقة الاستفتاء التى تم الاستفتاء عليها ...
و لم يرد ذكر ان هذة التعديلات هى فقط اللى حتعمل ..
لما هى تعديلات ازى بيقت فى دستور جديد من نفسها كدة و هى فى الاصل تعديلات للدستور القديم و تحمل نفس ارقام المواد اللتى تم تعدلها ..

و علية موافق الاغلبية على هذة التعديلات معنى اننا موافقون على هذا الدستور بعد اقرار هذة التعديلات

و اذا كان المجلس الاعلى حيسصدر اعلان دستورى و معة مواد اخرى بجانب المواد اللى تم الموافقة عليها .

السؤال هنا ..لماذا لم يقدم المجلس العسكرى هذا الاعلان و هذة المواد الاخرى فى الاستفتاء ايضا للاستفتاء عليها مع المواد اللى تم تعديلها ؟
..و لماذا لم يصرح من البداية قبل الاستفتاء بشكل رسمى فى ورقة الاستفتاء " مش كلام فى التلفزيون ان دستور 71 معطل " ؟

نقول لية للاسباب التالية::

اولا المجلس العسكرى لا يملك تعديل الدستور
ثانيا المجلس العسكرى لا يملك سلطة تعطيل الدستور
ثالثا و دة الاهم المجلس العسكرى لا يملك اضافة مواد اخرى للعمل بها لم يتم الاستفتاء عليها ..

للاسف كدة دستور 71 استرد شرعية من الشعب بعد الموافقة بنعم على التعديلات اللى اقرت علية ..و فى هذة الحالة .لا يمكن للمجلس العسكرى انة يعمل اعلان دستورى جديد ولا ممكن انة يضيف مواد جديدة بدون استفتاء
لانة ببساطة ليس لة اى شرعية دستورية وفقا للدستور اللى اقر هو تعديلة و اقرارة و هو دستور 71

و دة سر تاخر الاعلان الدستورى اللى قيل انة حيكون بعد يومين فقط من الاستفتاء !!!!


بالنسبة لراى فى هذة الدعوة طبعا انا مع الثورة ..لكن من الناحية القانونية هذة الدعوى منطقية بعد ما الاغلبية اقرت دستور 71 و اقرت تعديلة فقط ...

[mikho83]

أعتقد أنه لا فائدة من ربط الموضوع باختيار نعم للتعديلات، لأني قرأت الخبر ده قبل كده ولو حضرتك جيبته من نفس المصدر بتاعي يبقى حضرتك مش جايب الخبر كامل لأن ساعتها المحامين قالوا إن مبارك تنحى قبل تعطيل الدستور، يعني سواء نتيجة الاستفتاء بنعم أو لا مش فارقة. بس حضرتك تخيل معايا ممكن مبارك يرجع تاني؟؟؟؟
ممكن حبيب العادلي يرجع تاني؟؟؟؟
ممكن عز والمغربي وجرانة والحزب الواطي وأعضائه الفاسدين اللي أكلوا البلد ومصوا دم الشعب يرجعوا تاني؟؟؟
ممكن الشرطة أو كثير منهم يسمع كلام الناس دي تاني أو ياخد أوامر منهم وينفذها ؟؟؟؟؟
ممكن الشعب يقبل إن جمال مبارك يحكمه تاني بعد الفساد اللي شافه؟؟؟؟؟
أعتقد الإجابة واضحة

[wawoo]

[QUOTE=mikho83;3873377751]، يعني سواء نتيجة الاستفتاء بنعم أو لا مش فارقة. بس حضرتك تخيل معايا ممكن مبارك يرجع تاني؟؟؟؟
/QUOTE]


ازى مش فارقة ..للاسف فارقة ..و دى النتيجة ..و ممكن جدا مبارك يرجع تانى لو تنحية كان غير قانونى او تم بطريقة غير دستورية ..

و بوضح تانى "
ان دستور 71 لم يعطل و حتى لو كان عطل بعد التنحى فهو رجع تانى و استرد شرعية بعد ما تمت الموافقة الشعبية علية بعد اقرار التعديلات..

مهو فى فرق باننا عوزين نمشيى بالقانون و بين عوزين نشتغل بالفهلوة ..عشان كدة رفض التعديلات كانت هى الباب الشرعى الوحيد لرفض كل المشاكل الدستورية دى ..و قولنا الكلام دة كتير لكن محدش صدق

[adelseliem]

ازى مش فارقة ..للاسف فارقة ..و دى النتيجة ..و ممكن جدا مبارك يرجع تانى لو تنحية كان غير قانونى او تم بطريقة غير دستورية ..

و بوضح تانى "
ان دستور 71 لم يعطل و حتى لو كان عطل بعد التنحى فهو رجع تانى و استرد شرعية بعد ما تمت الموافقة الشعبية علية بعد اقرار التعديلات..

مهو فى فرق باننا عوزين نمشيى بالقانون و بين عوزين نشتغل بالفهلوة ..عشان كدة رفض التعديلات كانت هى الباب الشرعى الوحيد لرفض كل المشاكل الدستورية دى ..و قولنا الكلام دة كتير لكن محدش صدق

يعنى هو ده الغرض من الموضوع , طب كنت قول من الأول علشان الحوار يكون فى نقطة نعم أم لا للتعديلات الدستوريه أيهما أصح

[wawoo]

يعنى هو ده الغرض من الموضوع , طب كنت قول من الأول علشان الحوار يكون فى نقطة نعم أم لا للتعديلات الدستوريه أيهما أصح

انا طرحت اسئلة محددة فى موضوعى ..ياريت لو عندك اجابات عليها تفيدنا فى الموضوع ..اكيد انا مش عاوز احول الموضوع لجدال جديد حول نعم او لا ..اظن اننا تجوزنا المرحلة دى يا استاذ عادل ..

فى بقى نقطة ظريفة جدا فى موقف الجيش انة عمل اعلان دستورى و اضافة مواد جديدة ..التصرف دة كان السيناريو فى حالة رفض التعديلات مش الموافقة عليها ..

الموافقة على التعديلات معنى رجوع دستور 71 واضحة و صريحة ...و هى دى المشكلة الدستورية اللى بتواجة المجلس العسكرى حاليا

[أبومعاذ]

انا طرحت اسئلة محددة فى موضوعى ..ياريت لو عندك اجابات عليها تفيدنا فى الموضوع ..اكيد انا مش عاوز احول الموضوع لجدال جديد حول نعم او لا ..اظن اننا تجوزنا المرحلة دى يا استاذ عادل ..

واضح إن حضرتك لم تتجاوز الموضوع بدليل اثارتك للموضوع ده رغم كونه ملوش علاقة والناس وضحتلك بس انت مصمم

فى بقى نقطة ظريفة جدا فى موقف الجيش انة عمل اعلان دستورى و اضافة مواد جديدة ..التصرف دة كان السيناريو فى حالة رفض التعديلات مش الموافقة عليها ..

الموافقة على التعديلات معنى رجوع دستور 71 واضحة و صريحة ...و هى دى المشكلة الدستورية اللى بتواجة المجلس العسكرى حاليا

لأ الإعلان الدستوري كان في الحالتين و ممدوح شاهين (أوعى تكون مش عارف مين ممدوح شاهين أصلاً) قال بصورة واضحة إن الدستور القديم اتوفى الله يرحمه وإن الرئيس الجديد و مجلس الشعب ملزمين بتغيير الدستور طبقاً للمادة 189

[mado83]

no comment
هى دى شباب الثوره وده فكرهم؟؟؟

[hzmmmk]

شوفو الموضوع ده بالفيديو اللى فيه

شوفو الموضوع ده بالفيديو اللى فيه
http://www.nilemotors.net/Nile/209319-a.html
وشكرأ