مظاهرات فى ميدان رمسيس

[shod90]

السلام عليكم ورحمة الله وبركاته
انهردة كنت فى المهندسين و انا مروح لمدينة نصر على كوبرى اكتوبر طبعا الكوبرى كان مقفووووووووووووول جيت عند حتت رمسيس كدا لاقيت العربيات ركنة على الكوبرى و الناس كلها بتبوص على الميدان من فوق و لقيت ناس كتير اوى متجمعين و لقيت شرطة عسكرية بتجرى ورا الناس تحت و سمعت طلقتين فى الهوا كدا .. مش عارف دى كانت مظاهرات ولا خناقة بس كبيرة شوية .. ياريت اللى كان تحت و عرف فية اية يقول :)

[تامر.محمد]

ما سمعتش عن اي مظاهرات هناك

[Qmax]

أكد شهود عيان، أن قوات الجيش فرقت عددا الباعة الجائلين بمنطقة "رمسيس"، بعد أن قطعوا الطريق ومنعوا السيارات من المرور ظهر اليوم، السبت.

أشار شهود العيان لـ"اليوم السابع"، إلى أن قوات الأمن طلبت من الباعة الجائلين المتواجدين بميدان رمسيس مغادرة المكان ولكنهم امتنعوا وقطعوا الطريق، وتبين أن معهم أسلحة نارية وزجاجات مولوتوف فاستدعت قوات الشرطة الجيش فقام على الفور بفتح الطريق حتى تعود حركة السيارات إلى طبيعتها.

[walidmhafeez]

اليوم السابع | "الجيش" يفرق الباعة الجائلين بـ"رمسيس" بعد قطع الطريق

[FunnyMickey]

بالظبط كده
البياعين الحلوين بيبيعوا اي حاجه في كل حاجه وفي اي حته
في الشارع فارشين علي الرصيف فارشين قدام المسجد فارشين

لما جت الشرطه تشيلهم مسكوا نقيب عاوزين يضربوه وياخدوا سلاحه لولا الناس اللي كانت في الشارع لحقته من ايديهم
ونزلت 3 عربيات امن مركزي وبردو معرفوش يعملوا حاجه
لحد ما الجيش جه
ومسك البياعين حطهم في عربيات الامن المركزي
بس مفيش ولا قنابل مولوتوف ولا سلاح
الضرب كان من الجيش مش من البياعين


الغريب ان الناس اللي في الشارع بتقول حرام سيبوهم يسترزقوا
يلا عقبال سواقين الميكروباص


محدثكم من المعجنه في شارع الجمهوريه

[abdelaziz-waleed]

شارع 26 يولو في وسط البلد ما تعرفشي تمشي على الرصيف من البائعين
وفي حلوان عند محطة المترو البائعين تقريبا قافلين الشوارع هناك هما وبتوع الفاكهة
وماحدش عارف يعمل معاهم حاجة

[tamer_a7]

شارع 26 يولو في وسط البلد ما تعرفشي تمشي على الرصيف من البائعين
وفي حلوان عند محطة المترو البائعين تقريبا قافلين الشوارع هناك هما وبتوع الفاكهة
وماحدش عارف يعمل معاهم حاجة

اه والله يا زميل المعانه حلوان بقت مسخره
تصدق فعلا والله البلديه والشرطه كانت احسن حاجه للناس دي
تخيل ابن التييييييييييييييييييييييت مش عايزيني اعدي من النص يقولي تمشي لاخر الطريق وتعدي من الحته اللي احنا سيبنها ليكم كمان برحتهم يعدوك منين
انا بافكر في حاجه احنا عددنا كبير في نايل موتورز في حلوان لو تعرف حد يا ريت نبدا نرتب مقابله لشباب حلوان

[shod90]

كدا 100 100 و ظهرت الرؤية :) .. الف شكر ليكو يا رجالة :)

[ahmed_mido1889]

نفس الحكايه في دار السلام عند المترو

تلاقي الفكهانيه سايبن المحل

وفارشين البضاعه بره

واول ما يشوفو البلديه تلاقي البضاعه بقت جوه المحل ازاي؟؟؟

سبحان الله

[M.Mostafa80]

عقبال ميدان الجيزا بقى حاجه لا تطاق

[FunnyMickey]

عندي سؤال مهم اوي
هيا الناس دي كانت فين في الثوره

يعني تحديدا ايام الضرب والاعتقالات والتظاهر والتحرير
كانوا فين الناس دي

الواحد كان حاسس انه بيحب البلد ونفسه يوطي يبوس التراب
الناس دي كان احساسها ايه
كانوا بيعملوا ايه
ايه دورهم يعني
؟

[devilishtigers]

بيحضروا العدة علشان لما ينزلوا تاني ينزلوا بتقلهم زي ما انت شايف دلوقتي هههههههههههههههه

[abdelaziz-waleed]

اه والله يا زميل المعانه حلوان بقت مسخره
تصدق فعلا والله البلديه والشرطه كانت احسن حاجه للناس دي
تخيل ابن التييييييييييييييييييييييت مش عايزيني اعدي من النص يقولي تمشي لاخر الطريق وتعدي من الحته اللي احنا سيبنها ليكم كمان برحتهم يعدوك منين
انا بافكر في حاجه احنا عددنا كبير في نايل موتورز في حلوان لو تعرف حد يا ريت نبدا نرتب مقابله لشباب حلوان

اه والله يا تامر. حلوان اصبحت لا تطاق
الشوارع كلها بقت رايح جاي بعد ما حددوها اتجاه واحد والميكروباصات بقت بتقف في كل مكان والباياعين قافلين الشوارع وبينظمو المرور ويمشوك على مزاجهم.
ياريت يا باشا والله لو نعمل مقابلة وبالفعل كان فيه موضوع مفتوح قبل الثورة ولكن لم يتم لظروف الثورة بس انا رفعت الموضوع تاني ونحاول نعمل المقابلة الجمعة الجاية ان شاء الله
ده رابط الموضوع

http://www.nilemotors.net/Nile/187463-a-4.html

[cayman69300]

ربنا يصلح الحال

[tiger45]

ربنا يعديها علي خير