نهاية بطل على يد شحاتة ابو كف ....!!!!

[abogogo]

يلا في داهية بطولة الامم الافريقية نشوف حال البلد اهم ...!!!!

* " مع الاحترام لحسن شحاتة "

[FunnyMickey]

بذمتك زعلان زي ما كنت بتزعل زمان ؟؟؟

والله اتحداك
انا ولا اتفرجت عالماتش حتي
ولما قريت الخبر عادي
كأن فريقنا اتغلب في دوره رمضانيه
سبحان الله
كل ما افتكر شكلي يوم مطش مصر والجزائر ساعه ما عماد متعب جاب الجون التاني
اقعد اضحك
بقي انا كنت حموت عشان جون
كان حيجيلي سكته لما الجون جه من الفرحه
ياخبر ابيض ده انا كنت تافه تفاهه

حته جلد منفوخه شويه هوا بيجري وراها 22 راجل بشنبات
بذمتك شفت تفاهه اكتر من كده
:)

[medo_2060]

ولا انا اتفرجت عالماتش حتى ..
ولا زعلان
يلا خلى الطياره ترجع من جنوب افريقيا على شرم عدل على ما نبعت لهم راتبهم الى مرضوش يقللوه

[abogogo]

بذمتك زعلان زي ما كنت بتزعل زمان ؟؟؟

والله اتحداك
انا ولا اتفرجت عالماتش حتي
ولما قريت الخبر عادي
كأن فريقنا اتغلب في دوره رمضانيه
سبحان الله
كل ما افتكر شكلي يوم مطش مصر والجزائر ساعه ما عماد متعب جاب الجون التاني
اقعد اضحك
بقي انا كنت حموت عشان جون
كان حيجيلي سكته لما الجون جه من الفرحه
ياخبر ابيض ده انا كنت تافه تفاهه

حته جلد منفوخه شويه هوا بيجري وراها 22 راجل بشنبات
بذمتك شفت تفاهه اكتر من كده
:)

تصدق بالله ولا اتهزت لي شعرة كأن بتسوانا بتلاعب تشاد

[MRBEBO]

بالذمة ده وقت كورة من الاساس

الكورة دي زي المخدرات بالظبط بتعمل حالة من التوهان عند الناس

عاوزين نركز في البلد المرحلة الجاية ... بلا كوره بلا كلام فارغ

[Abo_Lina]

محتاجين وجوه جديدة في منظومة الكرة المصرية سواء في مجلس الإدارة أو الجهاز الفني أو اللاعبين
أخطاء شحاتة تتكرر في كل تصفيات و دايما نلاقي نفسنا في موقف زي الزفت

[m.aligamal]

ههههههههههههههههههههه
الافضل ايقاف النشاط الكروى فى مصر و توفير النفقات و تسريح الاعبين الموجودين حاليا
وزى ما قال الريس منتخب مصر كويس
مع السلامه يا شحاته على شرم عدل عايزك تبعت سلامى لحسحس

[cheetos_892005]

والله انا دخلت في حالة اكتئاب رهيب بعد ماتش الجزائر و قعدت اسبوع في البيت .....

واتفرجت على كوره بعديها يمكن ب 3 4 شهور ...من كتر الزعل

انهرده كده كده كنت بره فا عديت على اصحابي اتفرج ......

تعليقات القهوه :

للعيبه كل ما حد يقع او يعمل حاجه :

يللا يلا قوم استرجل يلااااااااا.......

ولا انتو نافعين في حاجه يا شوية صيع .......

و ماقلكوش كل ما الكاميرا تيجي على حسن شحاته كانوا بيقولوا ايه ....فيها وقف ههههههه

لما الجون جيه :

ايوووووووووووه بقاااااااا في ستين داهيه ......والناس تهيص و تضحك

يا عم عملنا بيها ايه لما كنا بنتقلب و ناخد على قفانا و هما بياخدوا 3 بطولات وكل واحد ياخد العكمه من هنا واحنا نمسك في بعض و اخرنا ننزل نرقص بالعلم .........

و كله تلاهي عن اللي بيحصل ......


انا عن نفسي و لا حسيت اني متضايق حتى .....

[casperinoo]

يا سلام علي استقبال الابطال وهما راجعين شايلين الكاس ...
رجالة مصر ...
الساجدين ..
بلد عمر الشريف ..عادل امام ابو دم خفيف ..حسن شحاته غني عن التعريف.. اقولك ايه اكتر من كده
وموضوع الجزائر ده كوم تاني
واللهي الواحد كان اهطل وبيضحك عليه..

[تامر.محمد]

و الله رغم اني كنت بافرح لهم كل مرة و باحب اغلبهم جدا
و اني اتضايقت امبارح شوية
الا اني مقتنع ان دلوقت مش وقت الكورة خالص

و ان كان مافيش مانع يبقى فيه نهضة في الكورة و الرياضة عموما في بلدنا برده , حاجة حلوة مش وحشة , بس مش على حساب باقي المجالات

[mailo]

* " مع الاحترام لحسن شحاتة "

بأمارة إيه

حته جلد منفوخه شويه هوا بيجري وراها 22 راجل بشنبات
:)

الحق يتقال مشفتلهمش شنبات خالص

[mohbasyouni]

اول مرة ما ازعلش .ماشفتش الماتش ولما مصر خسرت امبارح كان خبر عادى بالنسبة لى

[Mustafa_Farouk]

انا عن نفسي و لا حسيت اني متضايق ولما مصر خسرت امبارح كان خبر عادى بالنسبة لى

[viper911s]

انا شوفتة بصراحة مكونتش متأثر اوى يعنى عادى
والجون الى جة كان فى اخر 30 ثانية من الوقت بدل الضائع من الشوط التانى
وكان واضح ان لااعبتنا محتاجة تغير كبير كبرو فى السن يعنى ومرهقين وتايهين ودة اظن انو مشكلة فى الجهاز الفنى

[abogogo]

[QUOTE=mailo;3873379920]بأمارة إيه

لانه اتشبه بالقذافي .. ودي شتيمة كبيرة .... الان لما تحب تشتم واحد تقوله يا قذافي