ايه شعورك بعد هزيمه المنتخب وخروجه من التصفيات ؟

[kono]

والله يا جماعة أنا سعيد بأن فعلا فعلا البلد أتغيرت ولسه كمان هتتغير للأحسن ان شاء الله ، شباب مصر يثبت كل يوم أنهم فاهمين وواعين لما يحدث على أرض الوطن الأن وما كان يحدث فى الماضى ليس فقط تخدير للشعب بألهائه فى الكورة والسينما الرخصية ولكن لأن كلا منا فقد الأمل فى كل شئ فى الوطن حتى أنفسنا كنا نظن أننا فقدنا ما بها من طموح وأمل فى غد أفضل فأصبحنا جسد عفن بل روح أو حياه......ولكن اليوم حدثت المعجزة وكأنما عادت روح جديدة أبيه لها عزة وتطلع الى جسد جديد معافى......بارك الله لكم أيها الشباب الواعى

حضرتك اللون الأحمر تقريبا ممنوع الكتابة بيه ...حاول تغيره قبل ما تاخد انذار :)

[eldeep]

حضرتك اللون الأحمر تقريبا ممنوع الكتابة بيه ...حاول تغيره قبل ما تاخد انذار :)

أعتذر للإدارة أذا كان فعلا اللون الأحمر ممنوع الكتابة به ولكن صدقا مش عارف أغير اللون أزاى

[eldeep]

حضرتك اللون الأحمر تقريبا ممنوع الكتابة بيه ...حاول تغيره قبل ما تاخد انذار :)

أسف نسيت أشكر حضرتك ...شكرا لك أخى الكريم

[al_manara]

والله انا كنت سعيد جدا بالهزيمة بلاش قرف محتاجين نبني بلادنا ونخلي النجوم الحقيقيه في البلد يكونو العلماء والمثقفين وليس شيكا وبيكا

ولا فرقت معايا
انا كنت قبل الثورة كنت بحب الكورة جدا صراحة وبشوف اخبار الكورة قبل اخبار البلد
لكن انهاردة حسيت اني مخنوق من العيال دول وخاصة كل ما تيجي الصورة على حسن شحاتة كنت بتخنق اكتر
الناس اللي شافت الماتش من اوله على قناة نايل سبورت. حد لاحظ انهم قطعو النشيط الوطني بتاع مصر وجابو اعلانات جبنة طعمة وسفن اب

انا كنت بدعي نتغلب وماتفرجتش وماكنتش اعرف الماتش الساعه كام اساسا
اللي يشوفني دلوقتي مايشوفنيش من 4 او 5 شهور
الحمد لله
ويارب دايما خساير للمنتخب اللاوطني

والله اول ما جنوب افريقيا جابت جون قمت اتنطط لانى بامانة كرهت كل اللعيبة بسبب الندلة الى حصلت منهم ايام الثورة لا وكمان يمدحوا فى مبارك ويشتموا فينا

أنا جيت اتفرج على الماتش
شوفت10 دقايق واتخنقت جدا
بصراحة استهيفت نفسى جداااااااااااا
ومعرفتش ان الفريق اتغلب الا من ساعة واحدة
بس الحمد لله
عاوزين نشوف هنعمل ايه فى الانتخابات الجاية ؟؟والمستقبل
بلا كورة بلا تيييييييت

مش عارف اقول ايه
بصراحة كلكم عبرتم عننا كلنا
في داهية الكورة
في الف سلامة اللعيبة
كفاة موقفهم من الثورة الا القلة القليلة

والله يا جماعة أنا سعيد بأن فعلا فعلا البلد أتغيرت ولسه كمان هتتغير للأحسن ان شاء الله ، شباب مصر يثبت كل يوم أنهم فاهمين وواعين لما يحدث على أرض الوطن الأن وما كان يحدث فى الماضى ليس فقط تخدير للشعب بألهائه فى الكورة والسينما الرخصية ولكن لأن كلا منا فقد الأمل فى كل شئ فى الوطن حتى أنفسنا كنا نظن أننا فقدنا ما بها من طموح وأمل فى غد أفضل فأصبحنا جسد عفن بل روح أو حياه......ولكن اليوم حدثت المعجزة وكأنما عادت روح جديدة أبيه لها عزة وتطلع الى جسد جديد معافى......بارك الله لكم أيها الشباب الواعى

يا الله . الحمد لله الحمد لله الحمد لله . الشباب فاقت خلاص . والله انا مبسوط من ردكم كلكم

[SkyBird]

انا لي راي ممكن يكون غريب
انا فرحت في حسن شحاته لانه كان من المتظاهرين ضد الثورة وهو صاحب فكرة ميدان مصطفى محمود المؤيد لبقاء المخلوع مبارك

[abdelaziz-waleed]

انا لي راي ممكن يكون غريب
انا فرحت في حسن شحاته لانه كان من المتظاهرين ضد الثورة وهو صاحب فكرة ميدان مصطفى محمود المؤيد لبقاء المخلوع مبارك

علشان كدة كانت كل ما تيجي عليه الكاميرا اتخنق جدا

[dr-mohamed]

انا لي راي ممكن يكون غريب
انا فرحت في حسن شحاته لانه كان من المتظاهرين ضد الثورة وهو صاحب فكرة ميدان مصطفى محمود المؤيد لبقاء المخلوع مبارك

ما غريب الا الشيطان يا راجل
كلنا زيك بالظبط

[zaza2002]

عقبال الاهلى والزمالك ويارب يلغوا الدورى السنه ده كمان خلونا نرتاح من الهم ده شويه ونبص لبلدنا ولنفسنا شويه

[adelseliem]

أحمد نظيف كان قال بعد أحد الدورات الأفريقيه اللى كسبناها جملته المشهوره

ياريت تتعمل كل شهرين

هو كان قاصدها تماما لأنها بتلهى الناس

أنا عايز المنتخب يلعب كل يوم
لأن ده الموضوع الوحيدمن يوم ما دخلت المنتدى اللى وحد كل الأعضاء بلا أستثناء

يلا فى داهيه اللعيبه دول
عارفين ليه محدش منهم طلع أو أتكلم فى الثوره
علشان محدش يحرجه بسؤال كنت بتاخد كام وناوى تاخد كام والبلد مطحونه

[mikho83]

ولا فرقت معايا. فيه أهم مليون مرة من لعبة الكرة

[amrseba]

انا مشوفتش الماتش و احسن انى مشفتهوش عشان هما اتغروا جامد و اشيفين نفسهم و عيب اوى لما نيجى نلاعب فريق كبير تلاقى لعبنا زى البرازيل و تيجى تلعب فريق اى كلام تتعادل منه او تخسر غير كده انتوا بتسموا مصر ديه فيها كوره و كرهونى فى الزمالك حسام و ابرهيم و ميدو و شيكابالا كانو نزلين مؤيدين لمبارك انا مش هتفرج على كوره تانى و الله لو كل الشعب بقى كده مش هيلاقوا يكلوا ولا يشربوا و هيبقوا شاحتين
و كمان مانيول جوزيه ياخد 800 الف جنيه فى الشهر و مش عارف ين ياخد كام لييييه مش هيكون بيتعب اكتر من موظف الحكومه الى متمرمط رايح جاى و بياخدله 600 لكلوك لك الله يا مصر بس فعلا اى حدث بيحصل بيحاولوا يلهوا الناس بماتش كوره ب حدث انفجار او اى كلام نعناع او فيلم يعمل ضجه و كل واحد يقعد يتكلم عليه تقلب من القناه ديه يتكلموا عليه و على القناه التانيه بيتكلموا فى نفس الموضوع لحد ما تنسا و البورصه الى هيا سرقه ينزلك الاسعار جاامد و الاجانب و رجال الاعمال يشتروا و السهم يطلع الناس الغلبنا تشوف السهم بيطلع يبقى عندهم امل يكسبوا اول لما يششتروا و يجو يستنوا المكسب تلاقى الاجانب و رجال الاعمال باعو و كسبوا ملايين و الناس الغلابه خصرت فلوسها حسبى الله ونعم الوكيل فيك يا حسنى يا مبارك خربت البلد انا بكره كل لعيبه المنتخب الى محدش فكر فيهم ينزل حتى المظاهرات مش عايز اقول المظاهرات يطلع فى التليفزيو يقول كلمه محترمه او اى حاجه من ساعت الثوره محدش شاف وش ابوهم

[mostafa3000]

الحمد للة كفاية قوي علي شحاتة وشلة الانس بتاعتة مئات الالوف اللي بيلهفوهم كل شهر
بس المشكلة ان شوقي غريب بيقول لسة فية امل في الوصول للتصفيات
يعني شكلهم مش ناويين يمشو

[katz]

و لا عادت تفرق
كورة ابه و هباب ايه
قبل الثورة كنت مجنون بالمنتخب لكن دلوقت ورانا حاجات اهم
و فلوس الكورة البلد اولى بيها

[besso]

انا احسس اننا طول ما احنا هنتهزم فى الكوره هنتقدم فى حاجات تانيه كتييييييييييييير
علشان فيه دول متقدمه عننا بكتيير جدا ومش متقدمه فى الكوره

[pharonicking]

العيال اتغروا قوى دى حتى مش بيلعبوا بحماس ولا روح الفلوس جننتهم ""