مقال دمه خفيف

[mohkhattab]

صباح الفل على اعضاء احلى منتدى
قريت المقال دا الصبح فقلت تقروه معايا :
أنشا مجموعة من الشبالب صفحة على الفيس بوك بعنوان " ارجع ياريس علشان ..." تطالب بعودة الرئيس السابق مرة اخرى الى الحكم و كانت الاسباب كالاتى :
- ارجع يا ريس علشان نعرف نقول عيد مبارك
- ارجع يا ريس مش لاقيين اسم لمحطة رمسيس فى المترو
- ارجع يا ريس تقريبا نسيت نور الصالون فى القصر مفتوح
- ارجع يا ريس لحسن شكلك هيبقى وحش قدام السادات و ناصر لما يسألوك مشيت ازاى
- ارجع يا ريس وحشنا ابنك جمال
- ارجع يا ريس علشان ننزل التحرير تانى و ناكل كنتاكى
- ارجع يا ريس بقوا يبطبخوا على الفحم فى اسرائيل
- ارجع يا ريس و اللى اتفرم يتصلح
- ارجع يا ريس شارع صلاح سالم بقالوا كتير ما بيوقفش
- ارجع يا ريس علشان دكاترة الضغط و السكر و القلب مش لاقيين شغل
- ارجع يا ريس علشان تامر حسنى أو تامر امين
- ارجع يا ريس أنا يقيت اتكلم فى السياسة براحتى
- ارحمنا و ارجع يا ريس مين اللى هغير اسم 620 الف مشروع و مدرسة باسم سعادتك
-ارجع يا ريس شكلنا هنبقى من الدول المتقدمة
-ارجع يا ريس انا خايف رغيف العيش يكبر و انا بعمل دايت
-ارجع بجد دلوقتى لما مبعجبناش وزير بيتغير
- ارجع يا ريس الاخوان بقوا يطلعوا فى التلفزيون الحكومى
طيب بص ...بلاش انت ترجع بس جمال و علاء لازم يرجعوا قبل رمضان .... هنعمل الدورة الرمضانية ازاى من غيرهم ؟
منقول من جريدة الاهرام

[MohssenRashed]

تصدق وحشني ههههههههه

[mailo]

ياه
دنيا فين ايامك ياريس

أيام العز والحب والتسامح والأخوة والتقدم والديمقراطية والكنتاكي