مصادره كتاب (علشان متنضربش على قفاك)

[Adham_Sabry]

نقلا عن موقع مصراوي:

مؤلف كتاب (علشان متنضربش على قفاك) يتقدم ببلاغ للنائب العام ضد وزير الداخلية بعد مصادرة كتابه 4/8/2008 9:38:00 PM


خاص- تقدم العقيد عمر عفبفى مؤلف كتاب "علشان متنضربش على قفاك "ببلاغ الى النائب العام يتهم فيه حبيب العادلى وزير الداخلية بمصادرة كتابه وجمعه من المكتبات.
وقال عفيفى انه تقدم بالبلاغ رقم 6668 ضد وزير الداخلية بعد ان قامت جهات أمنية بجمع الكتب من باعة الصحف ومن المكتبات التى تقوم بتوزيعه.
واضاف أنه تعرض لضغوط امنية شديدة حتى لايخرج الكتاب للنور لكنه استطاع الحصول على كافة التراخيص المطلوبة الا انه فوجئ بمصادرة الكتاب.
يذكر ان الكتاب يهدف الى تعريف المواطنين بحقوقهم القانونية ويشرح كيفية التعامل مع تجاوزات رجال الشرطة

http://www.masrawy.com/News/Egypt/Politics/2008/april/8/police.aspx

[cazanova555]

هي دي مصر

نو كومينت

بس كانت حاجه متوقعه :(

[ecybrarian]

غريبة!!!! انا لسة شاري نسخة امبارح

[sab3aawy]

غريبة!!!! انا لسة شاري نسخة امبارح

طالما الكتاب كدة كدة اتصادر ، يبقى متهيألى لا مانع من رفعة على الأنترنت طالما ان رفعه لن يؤدى الى خساره صاحبه لأى مكاسب

ياريت لو تتعب معانا وترفعه على الأنترنت ويبقى كدة ساعدنا صاحب الكتاب فى نشر فكره، حتى ولو لم نستطع ان نساعده فى جنى ارباح

[meza]

طالما الكتاب كدة كدة اتصادر ، يبقى متهيألى لا مانع من رفعة على الأنترنت طالما ان رفعه لن يؤدى الى خساره صاحبه لأى مكاسب

ياريت لو تتعب معانا وترفعه على الأنترنت ويبقى كدة ساعدنا صاحب الكتاب فى نشر فكره، حتى ولو لم نستطع ان نساعده فى جنى ارباح

+11111
:D:D:D

[Noha.M]

يا قهرة الراجل

حاجة تقرف :@

[aliabutaleb]

طالما الكتاب كدة كدة اتصادر ، يبقى متهيألى لا مانع من رفعة على الأنترنت طالما ان رفعه لن يؤدى الى خساره صاحبه لأى مكاسب

ياريت لو تتعب معانا وترفعه على الأنترنت ويبقى كدة ساعدنا صاحب الكتاب فى نشر فكره، حتى ولو لم نستطع ان نساعده فى جنى ارباح

اسمحلي يا باشمهندس أختلف معاك
إحنا مش عارفين نية المؤلف إيه من عمل الكتاب
هل هو نشر الفكرة زي ما حضرتك اتوقعت ولا فقط جني أرباح مادية
أياً كانت نيته فده شئ هو الوحيد اللي ممكن يحدده
والحقيقة انا لا زال رأيي إن لا يجوز نشر الكتاب بدون إذن منه كمالك ومؤلف له

[DODY]

اعتقد ان الداحلية معترضة على عنوان الكتاب وعاوزة المؤلف يغيرة الى (عشان ماتنضربش تانى على قفاك ) لان البارانويا اللى عندهم خلتهم متأكدين ان كل المصريين لازم ولابد يكونوا انضربوا على قفاهم قبل كدة ..

[hussein]

غريبة!!!! انا لسة شاري نسخة امبارح

حضرتك اشتريته من اين و بكام و ايه رأيك فيه

[MM_Mohsen]

كان فيه تلخيص للكتاب فى العدد الاسبوعى السابق لجريدة الدستور ( اعتقد بتاريخ 2 ابريل ) ..

[محمد المشد]

وهل نتوقع غير ذلك من الداخلية 000 فالرجل يفضح الافعال الى يقوم بها بعض الضباط المخالفين ، وكما سبق وتم عرض جزئين للكتاب بالقاهرة اليوم تم ايقاف باقى الحلقات من اجل عيون الداخلية 000 نظراً لان لها مبعوث بالقاهرة اليوم وهو احمد موسى

[Karim_Monir]

طب في وسيلة نستاذن بيها الراجل ونعملة نسخة الكترونية
انا عندي في الشغل ماكنة اسكانة زيروكس عملاقة بس نكون مستغنين عن نسخة
بس انا دورت عليها مالقتهاش

[Akram]

يا جماعة عايزين معلومات عن الكتاب ده ,
موجود فين و سعره و ملخص ليه على الأقل ,
انا هدور عليه النهارده ان شاء الله ,
بس يا ريت كل واحد يشوف من ناحيته.

[ahmed azab]

ياريت يا جماعة لو حد عرف مكانه يقولنا
انا بدور عليه

[ابو سيف]

الداخليه صادرت الكتاب دة يا جماعه هتعدل فيه شويه حاجات بس و هتنزله تاني على طول و هيغروا شويه حاجات في العنوان بس عشان الرقابه و ان العنوان دة مينفعش عشان ميثيرش الناس ضد الحكومه و بعد تعديل قدر بسيط جدا جدا من الكتاب هيخلولكوا اسمه علشان تضرب على قفاك .... بس مظنش انه هينجح الكتاب دة لأن الشعب المصري كله بقا عنده دلوقتي في ذاكرته و ذكرياته ما يستطيع به ملء خمسين كتاب من عينه علشان تضرب على قفاك :)

توت صحيح مفيش في البلد اللى هتروحها كتاب ازاي تضرب على قفاك دة؟؟؟

غالبا كدة كلنا هنحصلك