حدث داخل الحرم الجامعى !!!

[dr-mohamed]

اخر 10 ثواني

[zago]

ا

وضع بوابات الكترونية عند المدخل للكشف عن السلاح

داخل الكليات

تزيد وحدات الامن التابعة للجامعات

على ان يكون من حقهم القاء القبض على اي طالب معه سلاح

وتسليمه لقوات الشرطة على البوابات وعمل قضية جنائية له

ايوه يا دكتور قريت المشاركه كويس

ودي النقط اللي حضرتك كاتبها

البوابات الالكترونيه على الفنادق علشان المتفجرات وبتعدي برضو منها وتعتبر تخويف مش اكتر
فانا وانا داخل الجامعه مش عايز اعدي على بوابه زي دي لاني داخل اتعلم مش افجر الجامعه


حضرتك كاتب داخل الكليات يعني جوه الجامعه مش على البوابات برضو ولا انا فهمت غلط ؟ ولا الكليات بقت على باب الجامعه وانا معرفش ؟ كمان للما يبقى فيه فرد امن جوه الجامعه مينفعش مهمته تتعدى وظيفه بواب العماره بالظبط

عمل قضيه جنائيه دي في حاله وجود سلاح ملهاش علاقه بجوه الجامعه ولا بره الجامعه لان ده الاجراء المتبع في اي مكان الا لو شايل مطوه وقاعد في بيتهم

فكلام حضرتك بيحمل مضمون عوده الامور لما كانت عليه

اخر 10 ثواني

شكرا شوفتها
بس دي للأستخدام الشخصي هههههههههه

[dr-mohamed]

ايوه يا دكتور قريت المشاركه كويس
ودي النقط اللي حضرتك كاتبها

البوابات الالكترونيه على الفنادق علشان المتفجرات وبتعدي برضو منها وتعتبر تخويف مش اكتر
فانا وانا داخل الجامعه مش عايز اعدي على بوابه زي دي لاني داخل اتعلم مش افجر الجامعه
يعني هو الى داخل الفندق بيكون داخل علشان يفجره ؟؟؟؟؟؟
ده اجراء احتياطي لتخويف اي حد يدخل معاه سلاح زي ما بيحصل في الفنادق يعني مفيش مشكلة فيه

حضرتك كاتب داخل الكليات يعني جوه الجامعه مش على البوابات برضو ولا انا فهمت غلط ؟ ولا الكليات بقت على باب الجامعه وانا معرفش ؟ كمان للما يبقى فيه فرد امن جوه الجامعه مينفعش مهمته تتعدى وظيفه بواب العماره بالظبط

ايوة كاتب داخل الكليات ومحدد انها وحدات الامن التابعة للجامعة ودي اللى موجودة دلوقت لكن اعدادهم قليلة جدا لا تفي بالغرض ولازم اعدادهم تزيد كتر لان مينفعش كلية كاملة يبقي فيها فرد او اتنين بس للامن
وحتي لو وافقتك ان وظيفتهم زي وظيفة بواب العمارة هو مش بواب العمارة بيسئل اي حد غر يب انت رايح فين ؟؟؟

عمل قضيه جنائيه دي في حاله وجود سلاح ملهاش علاقه بجوه الجامعه ولا بره الجامعه لان ده الاجراء المتبع في اي مكان الا لو شايل مطوه وقاعد في بيتهم
وضحت ان الامن التابع للجامعة داخل الكليات من حقه يقبض على اي شخص معاه سلاح بشكل غير شرعي و ده حق لاي فرد في المجتمع على فكرة لان فيه جريمة في حالة تلبس وانت كلامك متفق معايا طيب معترض ليه ؟

فكلام حضرتك بيحمل مضمون عوده الامور لما كانت عليه

فين ان كلام بيحمل مضمون عودة الامور لما كانت عليه ؟؟؟؟؟؟؟؟
لما اطالب بشرطة على الابواب لمنع دخول كل من ليس طالب للجامعة ايه المشكلة ؟
لما اطالب بعدم دخول اي فرد معاه سلاح ايه المشكلة ؟؟؟؟؟؟؟
لما اقول ان الامن التابع للجامعة يكون داخل الكليات للحفاظ على المنشات والافراد ايه المشكلة ؟
لما اقول ان الامن التابع للجامعة من حقه يقبض على اي شخص معه سلاح - وطبعا لازم هايكون السلاح ظاهر في الحالة دي لان مش من حقهم التفتيش - ويسلموه للشرطة على ابواب الجامعة ايه المشكلة ؟؟؟؟؟؟؟؟؟؟

ايه العلاقة بين الكلام ده وبين الوضع القديم وما كانت عليه الامور ؟؟؟؟؟؟؟؟؟؟؟؟؟؟

[zago]

فين ان كلام بيحمل مضمون عودة الامور لما كانت عليه ؟؟؟؟؟؟؟؟
لما اطالب بشرطة على الابواب لمنع دخول كل من ليس طالب للجامعة ايه المشكلة ؟
لما اطالب بعدم دخول اي فرد معاه سلاح ايه المشكلة ؟؟؟؟؟؟؟
لما اقول ان الامن التابع للجامعة يكون داخل الكليات للحفاظ على المنشات والافراد ايه المشكلة ؟
لما اقول ان الامن التابع للجامعة من حقه يقبض على اي شخص معه سلاح - وطبعا لازم هايكون السلاح ظاهر في الحالة دي لان مش من حقهم التفتيش - ويسلموه للشرطة على ابواب الجامعة ايه المشكلة ؟؟؟؟؟؟؟؟؟؟

ايه العلاقة بين الكلام ده وبين الوضع القديم وما كانت عليه الامور ؟؟؟؟؟؟؟؟؟؟؟؟؟؟

حقول لحضرتك المشكله..... المشكله في ان الشرطه مبتقفش عند حدودها

[dr-mohamed]

حقول لحضرتك المشكله..... المشكله في ان الشرطه مبتقفش عند حدودها

لو تجاوزت حدودها يكون لكل مقام مقال
يعني لما كان امن الدولة بيتجاوز حدوده داخل الجامعات قبل الثورة عارضه الكثيرين
لما تتجاوز الشرطة حدودها في المستقبل نتصدي لها
اما حالة الفوضي السائدة الان فغير طبيعية وغير مقبولة ولابد من وقفها
لا يعقل ان تكون الجامعات مليئة بالسلاح والمخدرات كما حدث الان من قلة فهمت الحرية خطأ وتعرض الاغلبية لخطر حقيقي
ان لم يتوقف هذا العبث باسرع ما يمكن فلننتظر قتلى وجرحي في الجامعات قبل نهاية الترم
وفي الامتحانات ستكون الكارثة الاكبر

[zago]

لا حول ولا قوه الا بالله
يا دكتور لما كانت الشرطه موجوده والامن موجود وحرس الجامعه موجود وامن الدوله قاعد جنبي في المدرج برضو كان فيه سلاح ابيض ومخدرات في الجامعه
عموما انا كان عندي وجهه نظر ووضحتها وعلشان ما يتحولش الموضوع لمجرد جدل فانا تقريبا فهمت وجهه نظر حضرتك وحضرتك مش مستوعب قصدي بالظبط
كله خير
سلامو عليكو

[A7MED_PHARMA]

أهلهم عرفوا يربوهم صحيح..ونعم التربية

[Ralliart]

مش عارف ليه الناس بتقول ان الامن الجديد مش نافع مع انه في جامعة القاهرة كويس جداً ومحترمين لاقصى الحدود وبيعرفو يتعاملو مع طلبة ولما بيبقى واحد مخالف للقانون بيتعاملو معاه كويس مش زي ما كان الظباط بيحسسوك انهم بيتعاملو مع حرامية
مش فاهم ايه الميزة اللي في الشرطة ما هما بشر مدربين على التأمين زي ما الامن الجامعي بشر مدربين على التأمين!

كفاية ان قائد حرس جامعة القاهرة لما رحت قلتله ان ولاد الظباط بيدخلو بعربياتهم الجامعة قالي "البوابة دي بتاعتي الحكومة ادتهالي اجامل اللي انا عايزه ومجاملش اللي انا مش عايزه"
والنقاش كان بسبب انهم منعو دخول تاكسي راكب فيه دكتورة وكيلة كلية كبيرة في السن ومش بتعرف تمشي لمسافات طويلة ومكانش هاين على الظابط يبعت عسكري من اللي بيعملوله لمون ويجيبو الخضار للمدام يركب مع السواق لحد باب الكلية ويطلع معاه!!
ونزلها مشيت على رجليها بالعافية لحد ما توصل بدون ذرة رحمة

[dr-mohamed]

مش عارف ليه الناس بتقول ان الامن الجديد مش نافع مع انه في جامعة القاهرة كويس جداً ومحترمين لاقصى الحدود وبيعرفو يتعاملو مع طلبة ولما بيبقى واحد مخالف للقانون بيتعاملو معاه كويس مش زي ما كان الظباط بيحسسوك انهم بيتعاملو مع حرامية
مش فاهم ايه الميزة اللي في الشرطة ما هما بشر مدربين على التأمين زي ما الامن الجامعي بشر مدربين على التأمين!
بغض النظر عن احترامهم ليس لديهم القدرة حاليا سواء عدد او عدة على التعامل الجاد مع المواقف الحرجة وافتكر اول اسبوع في الدراسة انضرب طالب بامطاوي في كلية الاداب وهرب اللى ضربوه من عند الباب بتاع اقتصاد والطلبة بيجروا وراهم والحرس دول جريوا ومقفلوش الباب ولا حاولوا يمسكوا الصيع دول اللى رجعوا بعدها بدقايق ومعاهم مش اقل من 30 بلطجي ودخلوا تاني الجامعة وربنا ستر

كفاية ان قائد حرس جامعة القاهرة لما رحت قلتله ان ولاد الظباط بيدخلو بعربياتهم الجامعة قالي "البوابة دي بتاعتي الحكومة ادتهالي اجامل اللي انا عايزه ومجاملش اللي انا مش عايزه"
والنقاش كان بسبب انهم منعو دخول تاكسي راكب فيه دكتورة وكيلة كلية كبيرة في السن ومش بتعرف تمشي لمسافات طويلة ومكانش هاين على الظابط يبعت عسكري من اللي بيعملوله لمون ويجيبو الخضار للمدام يركب مع السواق لحد باب الكلية ويطلع معاه!!
ونزلها مشيت على رجليها بالعافية لحد ما توصل بدون ذرة رحمة

طبعا جليطة وقلة زوق وتجاوز للسلطة
لكن هل معني ان احدهم اخطا ومش بيهم الغائهم تماما
طبعا غير مقبول المفروض على الابواب الخارجية لحراسة الجامعة من الخارج وكلامي محدد وواضح جدا
وفيه حاجات داخل الجامعة يا رالي انت متعرفهاش وربنا يستر ومفيش حاجة منها تتسرق او او او او
غير طبعا موضوع دخول الاسلحة والمخدرات اللى اصبح منتشر بشكل علنى ورهيب الان

[human]

و ايه يعنى؟؟؟
مهى هيه ديه حياتهم العاديه

هيه المشكله ان هما واخدينها جوه الجامعه؟؟
ولا المشكله انهم بيعرفوا يرقصوا بيها؟؟

اكيد ماتعلموش الموضوع بين يوم و ليله
30 سنه بيتعلموا و اهاليهم بيعلموهم من اجل اليوم ده
يوم انت تصبح الحريه وبال علينا

[Ralliart]

طبعا جليطة وقلة زوق وتجاوز للسلطة
لكن هل معني ان احدهم اخطا ومش بيهم الغائهم تماما
طبعا غير مقبول المفروض على الابواب الخارجية لحراسة الجامعة من الخارج وكلامي محدد وواضح جدا
وفيه حاجات داخل الجامعة يا رالي انت متعرفهاش وربنا يستر ومفيش حاجة منها تتسرق او او او او
غير طبعا موضوع دخول الاسلحة والمخدرات اللى اصبح منتشر بشكل علنى ورهيب الان

يا دكتور اوعى تكون صدقت حوار ال30 بلطجي ده !!! ده تهويل اعلامي
الموضوع كان خناقة عادية زي اللي كانت بتحصل ايام الشرطة ومكانش هيكون في اي تصرف هيختلف لو كانت الشرطة موجودة ،هو حضرتك مشفتش خناقات في الجامعة قبل كدة؟
والامن من ساعة الموضوع ده أؤكدلك ان مفيش بني آدم بيخش الجامعة من غير ما يشوفو الكارنيه على عكس زمان كان بيفوت 10 ويشوف واحد
وبالنسبة للمخدرات والاسلحة فانا طالب وعارف كويس اللي بيحصل واللي كان بيحصل
المخدرات طول عمرها موجودة والمطاوي وكانت بتطلع في الخناقات
وعمال الكافتريات فيهم ناس شغالة في المخدرات وحاجات تانية وبيبقو معروفين للظباط ومحدش كان بيقبض عليهم
الموضوع متغيرش الطالب الحشاش لسة حشاش والطالب المحترم لسة محترم

ممكن الموضوع يتحل بوجود نقطة شرطة في الجزيرة اللي في النص بين الجامعة وهندسة (اللي كان بيقف فيها الأمن المركزي) لكن لو قربو اكتر من كدة هيبقى فيها مشاكل وده اللي بيحصل في دول كتير ان الجامعة بيكون ليها حرس ملهوش علاقة بالداخلية وبيكون فيه مجرد دورية شرطة قريبة
على الأقل لحد ما ينتهي زمن الكوسة ويعرفو شغلهم صح
مش قادر اقول لحضرتك مدى حرقة الدم لما تلاقي العلماء يدخلو الجامعة مشي لانهم جايين بتاكسي وتلاقي واحد راكب عربية متفيمه اسود في اسود وحاطط باريه عالتابلوه وشايل النمر داخل يضرب سرينة في الحرم الجامعي علشان ابوه ظابط

[MoHaMed HaMeD]

تمام ياجماعه ده حصل بس انا مش شفت مطاوى بصراحه علشان انا كنت لسه طالع المحاضره وهمت كانو بدأين رقص انا ف المدرج الى قدوم الهيصه ده علطول اقدر اقول انى الجامعه اتغير خالص واى حد بقى بيعمل اى حاجه وبرحته وناس لبس شورت وداخله الجامعه ودليفرى داخل الجامعه بقيت حاجه مستفزه بشىء غير طبيعى انا اخر سنه يارب اخلص منها ع خير بقى ان شاء الله وادعو الله بالهدايه للجميع

[m_car]

90% من الشعب المصرى مش عارف يعنى ايه حرية ولا كرامة ولا يكون بنى ادم وده بسبب 30 عاما من التخلف العقلى وعدم النضج العقلى وغيبوبة العقل والتفكير وللاسف الشعب اصبح مثل الحيوان الذى لا يعنى معنى الحياة (( ليس كل الناس ولكن يوجد اناس على عقلية وتفكير وصحوة فى العقول ))

[zalpany2000]

يا دكتور اوعى تكون صدقت حوار ال30 بلطجي ده !!! ده تهويل اعلامي
الموضوع كان خناقة عادية زي اللي كانت بتحصل ايام الشرطة ومكانش هيكون في اي تصرف هيختلف لو كانت الشرطة موجودة ،هو حضرتك مشفتش خناقات في الجامعة قبل كدة؟
والامن من ساعة الموضوع ده أؤكدلك ان مفيش بني آدم بيخش الجامعة من غير ما يشوفو الكارنيه على عكس زمان كان بيفوت 10 ويشوف واحد
وبالنسبة للمخدرات والاسلحة فانا طالب وعارف كويس اللي بيحصل واللي كان بيحصل
المخدرات طول عمرها موجودة والمطاوي وكانت بتطلع في الخناقات
وعمال الكافتريات فيهم ناس شغالة في المخدرات وحاجات تانية وبيبقو معروفين للظباط ومحدش كان بيقبض عليهم
الموضوع متغيرش الطالب الحشاش لسة حشاش والطالب المحترم لسة محترم

ممكن الموضوع يتحل بوجود نقطة شرطة في الجزيرة اللي في النص بين الجامعة وهندسة (اللي كان بيقف فيها الأمن المركزي) لكن لو قربو اكتر من كدة هيبقى فيها مشاكل وده اللي بيحصل في دول كتير ان الجامعة بيكون ليها حرس ملهوش علاقة بالداخلية وبيكون فيه مجرد دورية شرطة قريبة
على الأقل لحد ما ينتهي زمن الكوسة ويعرفو شغلهم صح
مش قادر اقول لحضرتك مدى حرقة الدم لما تلاقي العلماء يدخلو الجامعة مشي لانهم جايين بتاكسي وتلاقي واحد راكب عربية متفيمه اسود في اسود وحاطط باريه عالتابلوه وشايل النمر داخل يضرب سرينة في الحرم الجامعي علشان ابوه ظابط

هو بس انا حابب اوضح انها كانت خناقة اه بس مش عادية... ولاول مرة نشوف سلاح ابيض في ساحة الكلية عندنا ... واللي تصدي للعيال البلطجية دول الولاد بتوع الجوالة والاتحاد من جوه الجامعة ... عاوز بس اقول ان حرس الجامعة كان دورهم لا يتجاوز اطلاقا تأمين بوابات الجامعة ... وتأمين المدرجات ... ومرة ولا اتنبن لاقيتهم بيتكلموا مع العيال بتوع المكتبات بتاعة بين السرايات ... لما كانت بتحصل خناقة .... ماكانوش بيتدخلوا ... انا غير رافض لوجود حرس من الشرطة للتأمين ... بس انا اكتر من مرة اتخانق علي البوابة الرئيسية وانا داخل نظرا لاسلوب الامن اللي علي البوابة ... خصوصا لو داخل بعربية غير عربيتي وبادج الجامعة مش عليها ... بس لما كانوا بيعرفوا ان اللي داخل هيئة تدريس كان الوضع بيختلف ... بس موضوع التاكسي اللي حضرتك بتقول عليه ده عمرة ما حصل معايا ... ودخلت كتير بتاكسي الكلية ... اوقات كان بيسيب رخصته علي الباب واوقات لأ...

لو جينا بقي للجد ... مافيش ميثاق يحكم الامن داخل الجامعة ولا فيه قائمة ممنوعات مثلا .... ولا حتي فيه توعية للطلاب بايه الممنوع وايه السليم ... الدنيا سبهللة ومافيش شئ واضح .... يتعمل قرار من مجلس الجامعة بايه الممنوع علي الطلاب ... ويلتزم بيه الطلاب ... ومش محتاجين حتي امن ... ممكن يبقي حتي العقاب اداري لو الطالب تجاوز وخرق العرف الجامعي ده ... ويبقي العقاب امني او جنائي لو الطالب ارتكب مخالفة من النوع ده ...

اللي عايز اقولو ان المفروض انه اسمه حرم جامعي .. وحرم دي ليها شقين ... انه يحرر الرأي داخل الجامعة ويحرم التدخل في توجيه الرأي او توجيه القرار وان الحرم ليه قدسيته من قدسية العلم ... ودي من اهم الحاجات اللي بتدي للجامعة هيبتها واللي للأسف تم اختراقها علي مر السنين من اول تدخل أمن الدولة في التعيينات و الترقيات والوظائف الادارية .. وأحيانا في نتائج طلاب (وانا واثق من كلامي)

اما الوجه الآخر للعملة هو انه حرم بمعني انه له من الاعراف والتقاليد والقواعد المتماشية مع هدفه ودوره... ودي اللي مافيش حد عارفها .. من اول الطالب لحد الاساتذة نفسهم ... لازم يبقي فيه ميثاق زي دستور للجامعة علشان الناس تفهم ايه اللي ليها و عليها .... قبل ما نلوم علي الطلاب لازم نلوم نفسنا اننا مافهمناهمش الصح من الغلط و المباح من الممنوع

اسف للاطالة
تحياتي

[casperinoo]

وايه الجديد ...الناس متعرفش ان الاشكال ديه هي اشكال طلاب كتيير خاصه تجاره وحقوق((نسبه كبيره منهم)) وده الرقص المنتشر في الشارع دلوقتي حتي لو مش شايل مطوه بيعمل فيها شايل مطوه ..مش عارف ليه ...
وبرده المطاوي والحشيش كانوا موجودين قبل الثوره...
اللي يلام في الموضوع ده مبارك باشا ..هو اللي وصلنا للأنحطاط ده