مصر ..... نفسى اشوف جمالها

[mostafa mahmod]

كام واحد ممنا شاف منظر فى فيلم عجبه و قال نفسى اشوف المكان و الجمال ده (( معقوله ده فى مصر ))

فى اماكن كتير اوى الاقى الاجانب متصورين فيها و حافظينها زى اسمهم و انا مصرى و معرفهاش !!!!!؟؟؟؟

طب ليه يا جماعه ليه مكونش مصرى بجد و اروح الاماكن الجميله دى

و الله العظيم انا ساعات بشوف فى افلام ( النيل ) بحس انه مش النيل بتاعنا - و الله شكله مختلف -

فكالعاده لجأت الى اجمل منتدى فى مصر علشان ابقى مصرى بجد

يا ريت يا جماعه اى حد فاهمنى و عارف قصدى ايه يقولنا على الاماكن اللى نروحها و خلينا بقى نكتشف مصر و جمالها من اول و جديد

[MOUSTAFA_SAAD]

الاماكن معروفه بس المهم جيبك جاهز ولا لا
واول الامكان تروح تستجم مع الريس السابق هناك فى شرم

[mostafa mahmod]

هههههههههههههههههههههههههههه يا ريت اشوف امه و دنا كنت >>>>>>>>>>>>

المهم انا مش قصدى فنادق و مطاعم و الكلام الفكسان ده انا عايز اماكن احن انى فى مصر مصر بتاعت زمان (( الاصاله و التاريخ )) -ايه جو المسلسلات ده - عايز اشوف الحاجات اللى الناس بتجيلنا من بره عشان تشوفها
فاهمنى !!!!؟؟؟؟؟




للدرجه دى مصر مقرفه :(

ايه يا جدعان للدرجه دى مصر مقرفه و مفيهاش اى اماكن حلوه

[MISS_MONA]

يبقى انت اكيد اكيد فى مصر

تعالى عندنا اسكندريه

[mostafa mahmod]

اسكندريه ........ الله عليها بجد عروس البحر

بس اعمل ايه بقى مش هينفع اروح الا فى الاجازه عشان الجامعه

[zyadahmed]

اجمل مناطق شوفتها فى مصر ايام التجنيد فى صحراء مصر الغربية قريب من السلوم وبرانى ومحيطها بجد تحفة فنية طبيعية

ولو عايز مناطق للفسح جميلة انا خلاص زهقت من اسكندرية اللى اصبحت فى النازل فى عهد المحافظ السابق عادل لبيب
بالاضافة للزحام المبالغ فيه فيها وارشح لك اسوان وما حولها ارض بكر جميلة

[chato_eg]

رحلة نيلية من الأقصر لأسوان.....تجربة أتمنى تكرارها
بالطبع سيناء...أرض كل ذرة من ترابها تروى قصة من التاريخ
الواحات بالصحراء الغربية...أتمنى أن أزورها

[Ayman-Ahmed]

مصر مليانة مناظر طبيعية واماكن اثرية وتاريخية جميلة.بص بقى يا سيدى الفاضل بما انه مجال شغلى ومن كلامك فهمت انك عاوز اماكن تحس فيها انك فى مصر الجميلة القديمة.

من الاماكن اللى الاجانب بيمشوا فيها عيونهم تايهة فيها وحاسين انهم جوا التاريخ:

شارع المعز لدين الله الفاطمى من اول الصاغة (الحسين) لحد بوابة الفتوح(عند محل زيزو وبابا عبده) وانصحك تمشى ف الشارع ده وقت الغروب وبلليل.

وكالة الغورى بيعملوا فيها عرض تنورة يوم السبت والاربعاء من 7.30 بلليل والدخول ببلاش.

لو عاوز تشوف مياه النيل بجد بلونها الازرق الفاتح اللى افتح وانقى من البحر الاحمر يبقى تطلع على السد العالى وبحيرة ناصر.هتشوف نهر النيل بجد (سيبك من اللون البنى اللى هنا ).

خد اصحابك واطلع على خان الخليلى واقعد على اى قهوة فى الميدان واسمع المغنيين وعازفى العود واشرب شاى بالنعناع(هههه).

مؤقتا هى ديه الاماكن اللى قادر افتكرها ولو افتكرت تانى هقولك.

[Ayman-Ahmed]

وده شارع المعز بلليل من حوالى 4 شهور

[mostafa mahmod]

ايوه كده يا جدعان ظبطونا

[mostafa mahmod]

مصر مليانة مناظر طبيعية واماكن اثرية وتاريخية جميلة.بص بقى يا سيدى الفاضل بما انه مجال شغلى ومن كلامك فهمت انك عاوز اماكن تحس فيها انك فى مصر الجميلة القديمة.

من الاماكن اللى الاجانب بيمشوا فيها عيونهم تايهة فيها وحاسين انهم جوا التاريخ:

شارع المعز لدين الله الفاطمى من اول الصاغة (الحسين) لحد بوابة الفتوح(عند محل زيزو وبابا عبده) وانصحك تمشى ف الشارع ده وقت الغروب وبلليل.

وكالة الغورى بيعملوا فيها عرض تنورة يوم السبت والاربعاء من 7.30 بلليل والدخول ببلاش.

لو عاوز تشوف مياه النيل بجد بلونها الازرق الفاتح اللى افتح وانقى من البحر الاحمر يبقى تطلع على السد العالى وبحيرة ناصر.هتشوف نهر النيل بجد (سيبك من اللون البنى اللى هنا ).

خد اصحابك واطلع على خان الخليلى واقعد على اى قهوة فى الميدان واسمع المغنيين وعازفى العود واشرب شاى بالنعناع(هههه).

مؤقتا هى ديه الاماكن اللى قادر افتكرها ولو افتكرت تانى هقولك.

لولولولولولولولى حبيب قلبى و الله

انا خالى ساكن فى شارع المعز اساسا و فعلا تحفه فنيه

و حلو اوى فكره التنوره دى بس قولى اروح ازاى وكاله الغورى دى يعنى هيا فين بالظبط

و الف شكر يا باشا و عايزك تظبطنا اماكن بقى

[Ayman-Ahmed]

لولولولولولولولى حبيب قلبى و الله

انا خالى ساكن فى شارع المعز اساسا و فعلا تحفه فنيه

و حلو اوى فكره التنوره دى بس قولى اروح ازاى وكاله الغورى دى يعنى هيا فين بالظبط

و الف شكر يا باشا و عايزك تظبطنا اماكن بقى

ههههه طالما جيت فى السياحة يبقى زورونا تجدوا ما يسركم.هههه


وكالة الغورى هى امتداد شارع المعز او بطريقة اسهل للوصول وانت نازل من كوبرى الازهر على جامع الازهر هى بعد المنزل على يمينك بحوالى 50 متر.

خد بالك بقى فيه هناك اتنين واحدة على الشارع الرئيسى والتانية بعدها ب10 متر فى شارع صغير.اسال انت بس هناك على وكالة الغورى اللى فيها عرض التنورة.

وانت هناك بقى اسال على شاع الخيامية وهو امتداد شارع المعز لحد بوابة زويلة وافضل ماشى شوية لبعد البوابة لحد ما تلاقى الشارع بداء يوسع ومسقوف بالواح خشب كبيييييييرة.انت كدة فى الخيامية واتفرج عليهم وهما بيخيطوا قماش الخيم يدوى ولو فضلت مكمل علطول هتتطلع على شارع محمد على وروح بقى اتفرج على جامعى السلطان حسن والرفاعى بس دول لحد الساعة 5 مفتوحين.دول بقة تحف معمارية اسلامية.

[azmeralda]

انا شفت صورة مكان فيه تلج فى سينا بس معرفش فين بالضبط كان تحفة

[mostafa mahmod]

حبييييييييييييييييييييب هارتى 100 100 و الله
كل ما تفتكر كده حاجه كده تقولنا و اهو الناس برضه تستفاد من خبرات سعادتك الجامده

[Ayman-Ahmed]

انا شفت صورة مكان فيه تلج فى سينا بس معرفش فين بالضبط كان تحفة

ديه صورة اكيد متاخدة من على جبل موسى عند دير سانت كاترين وفعلا المنظر بيبقى رائع من فوق.بس للاسف مبيحصلش كل سنة الثلج.

حبييييييييييييييييييييب هارتى 100 100 و الله
كل ما تفتكر كده حاجه كده تقولنا و اهو الناس برضه تستفاد من خبرات سعادتك الجامده

هههه حاضر.