خلاص معدش حد هيجيبك من بيتك في نص الليل...طب مش عايز تربيها ليه؟!

[3ateef]

الحل في صحبة صالحة تعينك وشيخ يعلمك امور دينك.

الحمد لله الصحبة صالحة ومفيش اصدقاء سوء,,بالنسبة للشيخ فيا مسهل...

الحال من بعضه ...... بس ما لا يدرك كله لا يترك كله .....



و لا تزر وازرة وزر أخرى ....... اللي بيعمل عملة بتبقى عملته مش عملة دينه .......



السنة تنقسم الى 3

قولية و فعلية و تقريرية

الفعلية يعني ما فعله الرسول عليه الصلاة و السلام و هنا تقليده يكون مستحب ....... يعني لبس الجلباب .... اكل كتف الاضحية .... الخ .......

التقريرية أي ما أقره الرسول عليه الصلاة و السلام من أقوال و أفعال الصحابة ....

القولية أي ما قاله الرسول و هنا يجب ان نفرق بين ما قاله بصيغة الاستحباب و ما قاله بصيغتي الأمر و النهي (إفعل و لا تفعل)

الرسول عليه الصلاة و السلام قال و اعفوا اللحية و دي صيغة أمر في اللغة العربية لا هي صيغة استعطاف و لا استحباب و لا اي حاجة من الكلام ده ...... دي صيغة افعل يعني اعمل

و طبقا للايات المكتوبة في المشاركة بتاعتي فوق ........ اوامر الرسول لها حكم و قوة الفرض و لا تقل قدرا أو عظمة عن اي امر اخر

و الموضوع عبيط ..... ما تحلقهاش !!!!


صدقني اما تربيها هي اللي هتربيك زي ما المثل بيقول ..... كل ما شيطانك هيوزك على حاجة هتلاقي نفسك تقول عيب عليها

و لو شيطانك قال لك احلقها هتستخسر بعد ما استنيت كل ده عشان تطول تحلقها

انا مرة حلمت اني باحلقها صحيت زعلان جدا جدا .......


و الله اني ندمان على كل مرة حلقت فيها دقني في السنين اللي فاتت دي كلها ....... صدقني هيبقى ده شعورك

يبقى على البركة ,,,وخير ان شاء الله...

[SonaSteel]

انت محتاج همم عشان تقوم و تغسل وشك و تحط الرغوة و تحلق

العكس غير صحيح ....... سيبها تطول !! مش محتاجة همم خالص

هههههه ... صح والله :0002014a:

[3ateef]

سبحان الله انت قلت الحل ومخدتش بالك
ركز تاني كده .........
الحل هو .... (ان اللحية هي التربية ) ... كان قول المشايخ لي ان اللحية هي اللي هتربيك وفعلا لما اجي اعمل حاجة وافتكر لحيتي وان الشكل ده مينفع يعمل كده مش علشان انا احسن من غيري لالا ... علشان مش ديه افعال اللي بيهتدي بسنة النبي عليه الصلاة والسلام
توكل علي الله واستعن بالله ومتخليش حاجة تقف في طريقك
والحمد لله ان دلوقتي كله هين .... غير زمان ... كان الشباب والرجال يكادون يقتلوا من اجل تربيتها فقط
وطبعا ...الصحبة الصالحة ديه اهم حاجة في الدنيا
وربنا يعينك ويرزقك الخير في الدنيا والاخرة

توكلت على الله...

[SeiffoZ]

قال الله تعالى

"يَا أَيُّهَا الَّذِينَ آَمَنُوا أَطِيعُوا اللَّهَ وَأَطِيعُوا الرَّسُولَ وَأُولِي الْأَمْرِ مِنْكُمْ"

و قال تعالى

" { وما آتاكم الرسول فخذوه وما نهاكم عنه فانتهوا } ."

----------------

و الآيات دي معناها ان أوامر الرسول فروض علينا

نيجي بقى لأمر الرسول

حديث ابن عمر أن رسول الله صلى الله عليه وسلم قال : ( خالفوا المشركين ، وفروا اللحى ، وأحفوا الشوارب ) وفي رواية : ( أحفوا الشوارب ، وأعفوا اللحى ) وفيه أحاديث أخرى بهذا المعنى .


يعني ايه اعفوها يعني لا تقص منها أبدا

و الرسول عليه الصلاة و السلام بيأمرك مش بيستأذنك

و فيه فرق بين السنة الفعلية (مثلا لبس الجلباب ..... الرسول فعلها و لم يأمر بها ..... فلا تأثم على عدم فعلها و لا تثاب على فعلها الا اذا فعلتها ناويا اتباع السنة)

و بين السنة القولية بصيغة الأمر لا الاستحباب

مش معترض يا باشا ...

بس السؤال ليه ؟؟؟ يعنى الخمر معروف ليه و الزنا معروف ليه ... لكن أنا عايز أعرف ليه فرض إعفاء اللحية ؟؟؟

أو إيه الحكمة ؟؟

[د.أحمد السعيد]

بارك الله فيك اخونا الفاضل على النصيحة
و دا فيديو لذيذ من موضوع لذيذ لحضرتك برضه

http://www.nilemotors.net/Nile/197507-a.html

[youtube]http://www.youtube.com/watch?v=jf9mPtVgYxc&feature=player_embedded[/youtube]

[ams]

حلق اللحية حرام عند المذاهب الاربعة، ومكروه عند متأخري الشافعية

[د.أحمد السعيد]

ماشاء الله علي اللحي الجميلة والنقاب اللي يأسر القلب ... سبحان الله وبحمده
يامالك الملك والملكوت .... ياسبحان الله

الله عليك يا حسين ...ربنا يرزقك ببنت الحلال

قال الشاعر "وعين الرضا عن كل عَيْب كليلة . . ولكن عين السْخط تبدى المساوىء"

إن احببت شخصا لا ترى عيوبه ...
وإن أبغضت شخصا وكرهته ترى كل العيوب والمساوئ لأنك تظل تبحث خلفه عما يدينه ويبرر كرهك له.

متهيألى وصف النقاب بأنه يأسر القلب قد يستنكرة البعض
و لكن الفطرة اذا كانت سليمة ترى الحق حقا و الباطل باطلا فعلا فانها ترى ما يرضى ربها محبب الى النفس و كذلك ما يغضب ربها ممقوت كريه لا تتقبله النفس بأى حال من الاحوال

ففى الوقت الحاضر نكست الفطر و اصبحت ترى الاشياء من منظور معكوس ... سبحان مقلب القلوب

و اللى مش عايز يلتحى و بيقول لحد اما اقتنع ... فأنا لا الوم عليه و انما الوم على الزمن الذى قلبت فيه الموازين و تم تشويه منظر الملتحيين لدرجة تنفر منها النفس كما انه يوجد علىالساحة من الملتحين المسيئين الى صورة المسلمين

فالموضوع مش اقتناع على قدر ما هو انقياد و تسليم لاوامر النبى صلى ا لله عليه و سلم و التى تحتاج الى توفيق من الله و نور ليرى به الحق على حقيقته " و من لم يجعل الله له نورا فما له من نور"

[AhMeD EzZ]

جزاكم الله خيراً جميعاً ... طيب يا شباب ليا سؤال
لو واحد مجال شغلة يحتم عليه حلق لحيتة او حتي تهذيبها .. ما حكمة ؟

[3ateef]

جزاكم الله خيراً جميعاً ... طيب يا شباب ليا سؤال
لو واحد مجال شغلة يحتم عليه حلق لحيتة او حتي تهذيبها .. ما حكمة ؟

منتظر الرد...

[ehab_mansour]

جزاك الله خيرا أخي أبو الوليد و مهندس أحمد كمال والأخ الفاضل الدكتور أحمد السعيد علي الردود الرائعة والتذكرة ومحاولة اعانة الجميع هنا في المنتدي وحثهم علي اتباع سنة المصطفي صلي الله عليه وسلم

والله كتير جدا مش بصدق اللي احنا فيه اللي بيحصل اليومين دول كل ما أنزل شغل في مكان او مصنع معين أجد كل الناس تقلي هو الاخوان هيحكمو البلد هما والسلفيين ويقطعو ايد اللي هيسرق ويخلو النساء يلبسو النقاب واللحية تبقي فرض؟
ارد عليه و أقله ومين قلك ان هو ده منهج الاخوان او السلفيين او غيرهم في الدعوه الي الله ده ربك أمرنا ألا نكره أحدا في الدخول الي الاسلام وهو أولي ، هيأمرنا ان نكرههم في ترك معصية او اتباع سنة!!! سبحان الله
اللي كانو محظورين وممنوعين من الكلام سواء علي القنوات او حتي في الشارع او في المساجد ومضيق عليهم في كل زمان ومكان في مصر المسلمة أصبحوا الأن موضع تساؤل القاصي والداني بمصر حول منهجهم وحالهم وطريقتهم في اصلاح الأمه وأهدافهم الدينية والدنيوية ممن يريدهم وممن يبغضهم ولا يحب ان يسمع عنهم ولكنه أصبح مجبرا الأن لرؤيتهم الأن في مركز قوة!!!!!!!! سبحان الله

قال تعالي لرسوله محمد صلي الله وعليه وسلم :-
"ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُمْ بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَنْ ضَلَّ عَنْ سَبِيلِهِ وَهُوَ أَعْلَمُ بِالْمُهْتَدِينَ"

قال تعالى: { فَبِمَا رَحْمَةٍ مِّنَ اللّهِ لِنتَ لَهُمْ وَلَوْ كُنتَ فَظًّا غَلِيظَ الْقَلْبِ لاَنفَضُّواْ مِنْ حَوْلِك } (آل عمران:159).
فهكذا تكون الدعوة الي الله تعالي كما أمر بها نبيه صلي الله عليه وسلم وكما طبقها حبينا المصطفي

[د.أحمد السعيد]

جزاك الله خيرا أخي أبو الوليد و مهندس أحمد كمال والأخ الفاضل الدكتور أحمد السعيد علي الردود الرائعة والتذكرة ومحاولة اعانة الجميع هنا في المنتدي وحثهم علي اتباع سنة المصطفي صلي الله عليه وسلم

بارك الله فيك بشمهندس ايهاب و فعلا المفروض ان يكون المسلم عموما ( مش الملتحى بس ) قدوة لغيرة

و تحية طيبة لحبيبى المهندس أحمد كمال ( انسان مؤدب و صريح و و زاد احترامى له )

و ربنا يهدينا جميعا

http://www.nilemotors.net/Nile/209995-a.html#post3873385435

[د/أحمد ابراهيم]

انا اللى يمكن مخلينى مش مربيها انى بشرب سجاير,,حاسس ان مينفعش دى مع دى..
حاسس انى لو ربتها وفى نفس الوقت بشرب سجاير,,هكون بشوه صورة الدين او حاجة زى كده....
ومحدش يقولى بطل سجاير,,عشان حاولت وبحاول..

انا الحمد لله بصلى الفروض والسنن,,بس مش لاقى دخلة لللحية,,,محد يدلنى وياخد فىَّ ثواب...
انا عارف ان مجرد امر الرسول بيها فده كفايه,,بس النفس ضعيفة..

ياراجل

لسه بتشرب سجاير!!!

تحب ابعتلك صورتين يخلوك تكره تسمع اسمها... ولا تسيبها من نفسك احسن؟

[د/أحمد ابراهيم]

للاسف لسة حالق دقنى
لو قعدت اكتر من 10 ايام بتبهدلنى حساسية

عشان مش متعود ياباشا

الحساسيه اكتر من اطلوع الشعر اللى بيكون حاد الاطراف نتيجة الحلاقة

بالعربي انت اللى ورطت نفسك بنفسك

طب الحل ايه؟

استحمل مرة واحده (تقربا الى الله) وسبها تنمو

بعد مده اطراف الشعر هتصبح غير حاده والموضوع هيتحل ان شاء الله

(لو ما ارتاحتش روح لدكتور جلدية والكشف على حسابي-- بس اوعى تروح لواحد من اياهم وتقلى ايدك على 500 جنيه كشف)

[otefa]

جزاكم الله خيراً جميعاً ... طيب يا شباب ليا سؤال
لو واحد مجال شغلة يحتم عليه حلق لحيتة او حتي تهذيبها .. ما حكمة ؟

منتظر الرد...

حكم اللحية في الإسلام

[08/03/2008][11:40 مكة المكرمة]






الإخوة محمود (عين شمس)، مصطفى محمود (عين شمس)، أحمد عزت رضا الشربيني يسألون عن حكم اللحية في الإسلام؟

يُجيب عن السؤال الشيخ سعد فضل فيقول:
روى البخاري في صحيحه عن ابن عمر عن النبي- صلى الله عليه وعلى آله وصحبه وسلم- أنه قال: "خالفوا المشركين ووفروا اللحى وأحفوا الشوارب"، وعن عائشة رضي الله عنها عن النبي- صلى الله عليه وعلى آله وصحبه وسلم- قال:"عشرةٌ من الفطرة: قص الشارب، وإعفاء اللحية، والسواك، واستنشاق الماء، وقص الأظافر، وغسل البراجم، ونتف الإبط، وحلق العانة، وانتقاص الماء؛ يعني الاستنجاء، والمضمضة"(رواه أحمد والنسائي والترمذي).

وقال الإمام النووي في شرحه لحديث "أحفوا الشوارب واعفوا اللحى": إنه وردت خمس روايات في ترك اللحية، وكلها على اختلاف ألفاظها تدل على تركها على حالها، ولا خلافَ بين فقهاء المسلمين في أن إطلاق اللحية من سنن الإسلام، والمحافظة على اللحية وعدم حلقها مأثور عن النبي- صلى الله عليه وعلى آله وصحبه وسلم- فقد كان يهذِّبها ويأخذ من أطرافها وأعلاها مما يحسِّنها بحيث تكون متناسقةً مع تقاسيم وجهه الكريم.

والحق الذي ترشد إليه السنة الشريفة وآداب الإسلام هو أن أمر الملبس والمأكل والمشرب وهيئة الإنسان الشخصية لا تدخل في العبادات التي ينبغي على المسلم الالتزام بها بما كان عليه رسول الله صلى الله عليه وعلى آله وصحبه وسلم وأصحابه، وإنما للمسلم أن يتبع فيها ما تستحسنه بيئته ويألفه الناس ويعتادونه ما لم يخالف ذلك أيضًا أو حكمًا متفقًا عليه.

وإعفاء اللحية أو حلقها من الأمور المختلفة في حكم الأمر الوارد فيها؛ فبعض العلماء قالوا: إن الأمر يفيد الوجوب، وعليه فإنه إطلاق اللحية عندهم واجب، وحلقها يعتبر من المنكرات، وبعضهم قال بالكراهية.

وقال البعض إن الأمر للندب، وعليه فإن إطلاق اللحية عندهم مندوب؛ لأنها أمر رغَّب فيه الإسلام كما رغَّب في السواك وقص الأظافر وغير ذلك من سنن الفطرة، وسمَّوها سنةً؛ يُثاب عليها فاعلها ولا يعاقب تاركها، وهذا ما نميل إليه في الفتوى.

أما بالنسبة لمقدار طول اللحية فنفيد بالآتي:
أن الأخذ من طولها وعرضها فحسن، وتُكره الشهرة في تعظيمها كما تكره في قصها وجزها، وقد اختلف السلف في ذلك؛ فمنهم من لم يحد بحد، بل قال لا يتركها إلى حد الشهرة، ويأخذ منها، وكرَّه مالك طولها جدًّا، ومنهم من حدَّ وما زاد عن القبضة فيُزال، ومنهم مَن كرَّه الأخذ منها إلا في حجٍّ أو عمرةٍ.


وإن كنت أنبه الإخوة الأعزاء أصحاب هذه الأسئلة ألا يجعلوا من إطلاق اللحية أو حلقها أو تقصير الثوب أو إطالته قضيةَ القضايا ومحلاً للنزاع والاتهامات والخلافات؛ فهي قضية هينة لا تستأهل أن نضيِّع فيها وقتنا وجهدنا وأمامنا الهموم، سواءٌ الفردية أو الاجتماعية العامة، ما يشغلنا عن هذه الصغائر، ولا داعيَ لأن نصف المسلمين طبقًا للحية؛ فهذا طليق وهذا حليق.

وهذه أمورٌ ندعو الله أن يبعدنا عنها؛ صونًا لجمع كلمة المسلمين وتوحيد صفهم ووحدتهم، وبرًّا بآبائنا وأهلينا.. إنه سميع قريب، والله تعالى أعلم.

وهذا ما أميل له عن نفسي بأنه سنة أن أخذت بها أثبت وأن لم تأخذ بها لم تأثم
والله أعلم
منقول من موقع الأخوان المسلمين
إخوان أون لاين - اسألوا أهل الذكر - حكم اللحية في الإسلام

[m_car]

فى مثل بيقول (( اللى مربتوش الدنيا تربيه دقنه )) يعنى ممكن تلاقى واحد ضايع خالص ولما ربنا هداه وربى دقنه بقى كويس

وفى ناس بتربى دقنها علشان الناس تحترمها بمعنى ان فى ناس مقتنعه ان الدقن دى علامة علشان الاحترام والوقار ودى اتقالت ليا فى وشى وانا مش هكدب , واحد ملتحى قالى اى واحد هيصدق كلامى ومش هيصدقك انت علشان انا مربى دقنى وعندى زبيبة صلاة (( يعنى علامة صلاة )) قلت ليه ربنا يهديك ويخليلك دقنك

وتربية اللحية مش دليل على الايمان والتقوى ولا تقصير البنطلون دليل على الاسلام ولا التقوى ولا لبس الحلابية القصيرة وتحتها بنطلون كل الحاجات دى ثانوية انا ممكن ابقى من غير دقن ولابس لبس عادى بس احسن من مليون واحد مربى دقنه لانى محافظ على دينى (( ده مثال ))