تحية طيــــــــــــــــــبة وبعــــــــــــــــــد

[A7MED_PHARMA]

السلام عليكم



.
سؤال
هوا كشاف النور بيعدي عليكم ولا لأ
أنا من اول مافتحت الصيدلية .. مافتكرش إني شوفته ولامرة
من أكتر من 3 سنين دلوقتي
والفواتير طبعا هيصة
النص التاني من السنة بيثبتوا الاستهلاك بتاعي على رقم معين (كبير طبعااا) ويدخلوني في الشريحة التالية إلي بيندفع عليها فلوس أكتر
طيب دلوقتي
هو المفروض كشاف النور يعدي كل شهر؟؟؟
وطالما مش بييجي
ممكن أروح أشتكي أو أقدم بلاغ في هيئة الكهربا
مش معقول موظف إسمه كشاف النور . بياخد راتب وحوافز ومكافأت .. وهو قاعد في بيته .. ويدفعونا فلوس حرام من غير فايدة


وبالنسبة للتأمينات
هو لازم الحد الادنى للعمال في الصيدلية ..يكون 2 عامل ؟؟؟؟

[icehearted girl]

انا ديما بقنع نفسي انه بييجي حنا فلشغل..بحاول اختلقله اعذار

[M.Mostafa80]

طبعاد من حقك انا عندى فى البيت لاحظت استهباله ان يقعد فتره مايجيش ويقوم فى مره رزعنى استهلاك فتره كبيره ابص الاقى نفسى بدفع مبلغ وقدره ركزت معاه وفى مره قمت واخد الأقراءه وقمت رايح شركه الكهربا ونشيته شكوى وبلغت القراءه ومن ساعتها وهو ماشى الف معايا
لو شايف فواتيرك اعلى من استهلاكك متسكتش ومتسيبش حقك

[wesam_salom]

بيجى عندى كل شهر وانا فى الشغل

بس بيسيب لى ورقه مكتوب فيها رقم موبايله علشان اكلمه وامليه الرقم

المشكله فى المحصل بيجى برده وانا فى الشغل ومبعرفش ادفع له

المفروض يسيب لى رقمى احوله عليه رصيد ولا اعمل ايه

[icehearted girl]

طبعاد من حقك انا عندى فى البيت لاحظت استهباله ان يقعد فتره مايجيش ويقوم فى مره رزعنى استهلاك فتره كبيره ابص الاقى نفسى بدفع مبلغ وقدره ركزت معاه وفى مره قمت واخد الأقراءه وقمت رايح شركه الكهربا ونشيته شكوى وبلغت القراءه ومن ساعتها وهو ماشى الف معايا
لو شايف فواتيرك اعلى من استهلاكك متسكتش ومتسيبش حقك

ايون بظبط عملنا كدا ف شقة مقفولة جت فاتورتها اعلي ملشقة اللي قاعدين فيها

[wassim_nasser]

حد التأمينات الأدنى عامل واحد ولو مفيش عامل أمن علي نفسك بس

[A7MED_PHARMA]

أصل الموضوع مستفززززز
وبما إن البلد إتغيرت ... يبقا منسبش حقنا بقا
بس برضوو محدش جاويني بخصوص التأمينات .. الموظف الغبي بيقولي لازم على الأقل إتنين عماااال وماينفعش واحد؟؟
الكلام ده صح ولا غلط

[A7MED_PHARMA]

اهوه وسيم حلها أهه...طيب ماتجبلي نص القانون ده

[HOSSAM99]

و عليكم السلام ورحمة الله
بالنسبه لكشاف النور هو بيعدي بالنسبه ليا هو محصل وكشاف نور يعني 2 * 1
وحضرتك حل المشكله دي أن حضرتك تبلغ في الشركه وتعمل شكوي
و إن شاء الله المشكله تتحل
لكن متسكتش لازم تشتكي

[HOSSAM99]

اهوه وسيم حلها أهه...طيب ماتجبلي نص القانون ده

ببساطه لم يشترط القانون حد أدني للعمال المؤمن عليهم بل يلزم صاحب العمل بالتأمين علي ما لديه من عمال دون شروط عدديه
ده بجد موظف جايب من الأخر وبيشرع قوانين علي مزاجه

[WaleeD-ZidaN]

طبعا من حقك تشتكى وهيتظبط
انا عندى محل كان مقفول بقالة 6سنوات والعداد جوه المحل لما فتحت لقيت الحصل جاى جايبلى وصلين ب 3800 جنيه
رحت الكهربا وخدت واحد عاين وفى الاخر طلع ان الباشا الكشاف بيكت اي رقم كل شهر خلال ال6 سنوات
بس اتظبط وفى الاخر هدفع 140 بدل 3800
متسبش حقك ياباشا

[Mzeid]

و الله يا دطتور أعتقد نفس شكوتك عندنا برضه لأن الفاتورة بتيجي برقم أكبر من إستهلاكنا بحوالي تقريبا 3 مرات

[ows212]

بالنسبة للكهرباء شوف العداد لو القراءة مظبوطة او قريبة من اخر ايصال خلاص ماشى الحال لو قراءة العداد اقل من اخر ايصال بكتير انت وضميرك بقى عايز تشتكيه اشتكى او ممكن تبتزه
بالنسبة للتأمينات .... انا راى ماتأمنش غير على نفسك صاحب وبأقل رقم بالنسبة للعمال ما تأمنش على حد هايعملك محضر ولغاية ما يلف يلف ويبقى قضية هاياخدله سنة وهاتدفعلك فىالأخر 200 جنيه

[A7MED_PHARMA]

متشكر جدااا ياشباب على الفايدة
العربية تخلص وأروح أشوف حل مع الناس دي

[د.أحمد السعيد]

بصراحة الموضوع بتاع الكهربا ينرفز
مهو طريق الشكوى ان الكشاف مش بييجى عاقبته فى ان البيه الكشاف هيغتت على حضرتك و ممكن ييجى فى وقت انت مش موجود او الصيدلية مغلقة و يتبع اجراءات رسمية

انا عن نفسى بعمل حاجة انا شايف ان فيها مصلحتى
اول كل شهر بآخذ قراءة عدادات البيت كله و اروح الى مقر شركة الكهرباء و اسجل القراءات بنفسى مع المحصل ( اللى المفروض ييجى لغاية البيت ) و ادفع الايصالات اول بأول

و لو فيه مرة كسلت حضرته بيقوم كاتب قراءات جزافيه بتدخلنى فى شرائح كبيرة و بتبهدل الفواتير جدا و اقعد اضبط فى القراءات شهرين على الاقل و طبعا مش معقول انه يسيب الوصل من غير قراءة

المشكلة ان المحصل بييجى فى اوقات ممكن يكون صعب انه يدخل البيت او اكون برا البيت او فى وقت اكون نايم ( و طبعا بوابةالعمارة مقفولة )

و لذلك حليت المشكلة بمشوار اول كل شهر قبل يوم 10 فى الشهر علشان اعطيه القراءات قبل الايصالات ما تطلع

و حضرتك بفرض ان المحصل او الكشاف عنده ضمير .... طبعا الشعب المصرى لا يخلو من الظروف فتلاقى الراجل يطلع عمارة فيها 10 شقق يشوف 3 شقق و الباقى يا اما مغلقة يا اما الزوج مش موجود يا اما الاطفال اللى فى الشقة لوحديهم

فمتهيألى ان الواحد يكون ايجابى و يعذر شخص قد يكون زهقان من قلة مرتبه او المكان بعيد عنه جامد ...... و يبلغ القراءات بنفسه علشان مصلحته الشخصية

و فى القاهرة لما كنت ساكن فى المنيل ايام الدراسة بيعدى المحصل ميلاقينيش يسيب لى ورقة على الباب " برجاء ترك قراءة العداد و يرجع يأخد الورقة بعد يومين تلاته ( يعنى بييجى مرتين يا عينى ليه مخصوص ...شوف الضمير )