هل السفر علي طريق مصر- اسكندرية الصحراوي امان

[ashrafakl]

السلام عليكم ورحمة الله وبركاته
انا أن شاء الله يوم الحمعة المفروض اني اسافر القاهرة وانا موجود في اسكندرية من قبل الثورة والانسحاب الامني
فهل السفر علي طريق مصر- اسكندرية الصحراوي امان؟

[Tarek Gen 2]

ان شاء الله امان
انا سافرت مرتين و مسافر بكرة ان شاء الله
و اصحابى بيسافرو و كله تمام و جارى شغال فى اسكندرية و بيسافر مرة كله اسبوع
ان شاء الله اطمن امان

[ashrafakl]

جزاكم الله خيرا

[dr-mohamed]

انا سافرت من القاهرة لغاية الريست الطريق عادي جدا
حتي كان فيه عربية بوكس شرطة واخدة الطريق بالطول مشيت مسافة طويلة وبعدها بشوية وانا راجع لقيتها راجعة بردو في اتجاه القاهرة زي ما هي
تقريبا تامين
الكلام ده من اسبوعين

[shaddadfalcon1]

طيب اخبار الأسكندريه دمياط ايه من علي الدولي الساحلي عشان رايح الجمعه الجايه؟

[msafa]

وانا كمان عاوز اعرف

[hosar]

يا ريت كتابة ميعاد السفر هل صباحا أم مساءا

[alaa99991111]

انا سافرت مرتين ذهاب و عودة من الاسكندرية للقاهرة هذا الاسبوع امان ما في مشكلة بمشيئة الله

[meedoo69]

السلام عليكم
الطريق امان صباحا و مساءا لسه راجع من العلمين عن طريق النطرون يوم الجمعه الساعه 7 م وبعدين كملت الصحراوى لحد القاهره ودى رابع مره بعد 25 يناير توكل على الله واقرا دعاء لسفر

[MOUSTAFA_SAAD]

ياجماعه اعتقد ان الاموراستقرت بشكل كبير وخالوا بالكم ان كان فيه من الحوادث اللى بنسمع عنها اشاعات كتير جدا وكان معظمها كدب علشان يخوفونا
بس النصيحه لاى واحد مسافر برده لو معاه حريم يحاول يسافر بالنهار مش بالليل تجنبا لاقدر الله ان العربيه ممكن تعطل او فردة كاوتش يجرالها حاجه

[WalidAdel]

انا ليسه داخل من اسكندريه من شويه وانا في القاهره الان
الطريق الحمد لله الحمد لله تمام اوي مافيش اي حاجه عليه خااااااااااااااالص
انا بسافر كتير من بعد الثوره بشهر كده لحد دلوقتي الطريق امان و الحمد لله و هتلاقي عربيات الاتاري دي واقفه في حتة مداريه مش عارف ليه بس موجوده
بس حاول قدر الامكان ماتتأخرش فيه يعني اخرك اخرك يعني 9-10 بليل بالكتير ولو أن ناس عممال عندي بينزلوا من الاسكندريه متأخر و بيقولك الدنيا كويسه يعني انا عندي عامل مكان العمل في المعموره و بيته في ديرب نجم ممكن يمشي الساعه 8 بليل مثلا من المعموره يوصل بيتهم علي 12- 1 بليل ...... ربنا يسترها ان شاء الله

[chicobon]

ربنا يطمنكم و يكفينا من شر الطريق ايام و كل حاجة ترجع احلي من الاول ان شاء الله

[ashrafakl]

السلام عليكم ورحمة الله بركاته
هو سفري اتأحل لغدا السبت ساتوكل علي الله واسافر
جزاكم الله خيرا كثيرا

[Tarek Gen 2]

السلام عليكم ورحمة الله بركاته
هو سفري اتأحل لغدا السبت ساتوكل علي الله واسافر
جزاكم الله خيرا كثيرا

هتسافر الساعة كام بالظبط عشان احضر الاسلحة بتاعتى و اطلع عليك

[A.Saad]

هتسافر الساعة كام بالظبط عشان احضر الاسلحة بتاعتى و اطلع عليك :oc_sun1[1]::oc_sun1[1]:

لا
عيب اوى كدة
وانا اللى بقول عليك انسان عاقل وبيعز اصحابه
يعنى ايه تحضر الاسلحة



مش كل مالاقى زبون تحاول تاخده